На отворениот повик за стипендии, „Скала“ ќе додели вкупно 33 стипендии за упис во учебната 2024/25 година и тоа: 11 целосни, 22 делумни стипендии и дополнителни 33 ваучери со попуст за уписи на 11-те академии:
ДИЗАЈН:
• Графички дизајн; [погледни повеќе]
• UX/UI+ дизајн; [погледни повеќе]
• Ентериер и продукт-дизајн; [погледни повеќе]
• Визуелни уметности; [погледни повеќе]
• Моден дизајн; [погледни повеќе]
• Фотографија. [погледни повеќе]
ТЕХНОЛОГИЈА И КОМУНИКАЦИИ:
• Дигитален маркетинг; [погледни повеќе]
• Човечки ресурси (HR) + регрутација; [погледни повеќе]
• Product owner; [погледни повеќе]
• Front-end Development; [наскоро]
• Software Tester. [наскоро]
СТИПЕНДИИ:
11 целосни стипендии (100% намалување на школарината);
22 делумни стипендии (50% намалување на школарината);
33 ваучери со 15-25% попуст.
Во тек е повикот за стипендии во „Скала“ за сите оние кои имаат желба и насока да започнат кариера во најпопуларните професии денес. Повикот е активен до 30 јуни!
★ Пријави се на следниот линк. ★
Со цел да ве охрабриме да пристапите кон нашиот повик за стипендии, решивме поблиску да ве запознаеме со некои од нашите тековни студенти – стипендисти од изминатата година. Тие ни споделија искуства од интервјуата за стипендии, какви прашања биле поставени, за што се раговарало и сл.
Разговорот го започнавме со Јана Иванова, Теона Милева и Маја Петревска, стипендистки на Академијата за UX/UI+ дизајн кои ги прашавме: „Што те мотивираше да се пријавиш на повикот за стипендии?“
Јана: Ме мотивираше можноста за професионален развој и надградување на знаењата во UI/UX–дизајн. Стипендијата беше добра можност за напредок во оваа област. Дополнително, ме заинтересира и можноста за физичка настава којашто овозможува подобра интеракција со предавачите и колегите, што е значајно за поефективно учење и практична примена на знаењата.
На ова се надоврзаа Теона и Маја…
Теона: Најпрвин, стекнување на понатамошно знаење и развивање на моите способности, како и дигитализирање на истите. Ме примами фактот што мојата љубов кон уметноста и дизајнот конечно, преку се разбира, вежби, практика и учење ќе можам да ја префрлам т.е да направам премин од традиционално кон дигитално. Второ, актуелното ширење на дизајнот, каде што јас сакав да се надоградам и проширам, не само како графички дизајнер, туку и како Ux/Ui–дизајнер. „Скала“ ми овозможи до дополнително знаење и вештини коишто знам дека не би ги стекнала во формалното образование и навистина сум благодарна.
Маја: Како тековен студент на магистерски студии по архитектура, бев сигурна во својот креативен потенцијал, портфолио, но и желба за совладување на поле коешто е сосем непознато за мене – се надевав дека тимот на „Скала“ ќе го препознае мојот квалитет, но и потенцијал и ќе ме поддржи финансиски во предизвикот да се пронајдам во полето на UX/UI–дизајнот. Многу сум благодарна што токму тоа и се случи.
За впечатоците и искуството од интервјуто, си позборувавме со Стефан Божаров, стипендист на Академијата за визуелни уметности и Теона Милева кои ни споделија…
Стефан: Бев многу среќен кога го добив повикот дека сум избран за интервју, од самото влегување во просториите на „Скала“, сфатив дека е правилниот избор. На интервјуто зборувавме за дотогашното мое искуство, личните мотиви за поднесување на апликацијата за стипендија и моите очекувања по завршување на академијата.
Додека пак, Теона ни сподели за нејзиното искуство со тремата при интервјуто…
Теона: Се разбира, на почеток имаше трема, како ќе се претставиш, што ќе кажеш, што имаш зад себе (дали знаење или портфолио). Но, кога пристигнав и видов колку е всушност опуштена целата атмосфера и колку сладок мачор имаат, сите мои несигурности исчезнаа. Навистина интерактивно и без страв, сепак ова е ново искуство од коешто ние не треба да се плашиме.
★ Пријави се на следниот линк. ★
За досегашното искуство и студирањето во „Скала“, Милена Петровска од Академијата за UX/UI+ дизајн ни сподели…
Милена: Едукативно и забавно. Запознав многу прекрасни луѓе во текот на моите студии, се открив на полиња во коишто мислев дека не припаѓам и собрав искуство коешто не би можела да го добијам на друг начин.
Јана Иванова пак се надоврза…
Досегашното искуство е интересно. Програмата нуди широк спектар на предмети, не само во UI/UX–дизајнот, туку и во други области, што ми овозможува да стекнам пошироки знаења и вештини. Возбудена сум за она што следи како дел од програмата, особено можноста за презентација на портфолио пред компании во септември и пракса којашто би ми помогнала да ги применам стекнатите вештини и знаења на реални проекти.
Стефан Божаров пак додаде..
Студирањето е прекрасно, да се дели просторија со толку истомисленици и креативци е мое огромно задоволство. Особено благодарам би упатил до сите ментори кои несебично го пренесуваат нивното знаење и техники. Би останал должен ако не го спомнам целиот тим во позадина кои се грижат сите работи да бидат во најдобар ред и се во постојана комуникација со нас за било какви прашања и нејаснотии.
★ Пријави се на следниот линк. ★
★
ВАЖНО: Кандидатите кои ќе аплицираат, ќе бидат повикани на кратко интервју со координаторите од академиите, пред кои ќе имаат можност да се претстават преку интересот за личен развој и преквалификација или преку портфолија и дела за понатамошно надоградување во дејноста од интерес.
Возможни се два типа на интервју (поделени во две различни категории) и тоа,
- кандидати со искуство од дејноста и
- кандидати без претходно искуство.
Двете категории имаат различен систем на вреднување.
Повеќе информации: 076 266 740
Закажи средба на следниот линк.
