Студентите на Академијата за ентериер и продукт дизајн ја презентираа својата работа, демонстрирајќи го целиот дизајн процес – од истражување и концептуализација до финални 3D модели и рендери. Тие ги споделија своите идеи, инспирации и решенија пред менторите на својата прва испитна сесија за оваа академска година.
Студентите добија вредни повратни информации од своите ментори, кои ги охрабрија да размислуваат критички и да ги усовршуваат своите идеи. Испитната сесија беше можност за нив да го презентираат својот напредок, но и да научат како да го подобрат својот дизајн преку конструктивна дискусија.
Главен фокус на испитната сесија беа проектите по предметот 3Д моделирање кај менторот Илија Паунков и Дизајн процес 1 со 2Д скицирање кај менторот Апостол Тноковски.
Иван Стојановски, студент на Академијата за ентериер и продукт дизајн, ни раскажа повеќе за своето решение за дизајн на кујна, инспирацијата што стои зад неа и процесот на создавање, од почетните скици до финалниот 3D модел како и за соработката со менторот Илија Паунков.
Се одлучив за ова дело од неколку причини. Прво, затоа што го создавав за себе – односно, ќе најде примена во мојот дом. Покрај тоа, најголем предизвик ми беше првпат да ја спојам практичноста со естетиката. Отсекогаш сум бил фокусиран на убавината на предметите, а не и на нивната функционалност. Со овој проект успеав да ги поврзам двете, и искрено, мислам дека резултатот е успешен.
Додека за соработката со менторот би кажал сѐ во суперлатив. Беше достапен во секое време, за што и да требаше, ми објаснуваше, помагаше, па дури и на најглупавите мои прашања.
Иван Стојановски – Дизјан на кујна
Го прашавме и менторот Апостол Тноковски да ни каже нешто повеќе околку испитниот проект и неговата цел
На испитната сесија, студентите развиваа концепт за масичка или ламба, користејќи ги сите техники изучени на часовите. Програмата во првиот семестар по Дизајн процес е фокусирана на 2Д скицирање, овозможувајќи им полесно да ги пренесат и развијат своите идеи. Програмата е оптимизирана за создавање едуцирани дизајнери кои лесно ќе се вклопат во индустријата како професионалци.
Ева Стојановска пак се престави со дизајн на ламба под менторство на Апостол Тнковски за којашто ни сподели:
Темите за избор беа дизајн на маса или дизајн на ламба, и двете ми беа подеднакво интересни. Сепак, во фазата на кроки скици открив дека ламбата нуди поголем простор за креативна игра со светлината, формата и амбиентот што го создава, што ме привлече да се насочам кон овој дизајн. Дополнително, можноста за експериментирање со различни материјали и нивниот ефект врз осветлувањето ја направи темата уште повозбудлива за истражување.
Додека пак за самиот процес и соработката со менторот Ева раскажа…
Големата слобода во дизајнот ми ја отежна задачата, немав многу ограничувања, па ми беше потешко да се одлучам за стил и форма на ламбата. Сепак, менторот Апостол нѐ советуваше во фазата на кроки скици да не се ограничуваме и да не премислуваме премногу. Наместо тоа, ни предложи да цртаме брзо и слободно, без разлика колку идејата изгледа нереално или смешно. Тој пристап ми помогна да се ослободам и да ги развијам идеите полесно.Неговите насоки ме охрабрија да ја истражам и искористам својата креативна слобода до максимум. Во процесот на дизајнирање на ламбата, ми помогна да ја обликувам како целосна и усогласена приказна, а изборот на светилката се покажа како клучен елемент во целиот дизајн.
Ева Стојановска – „Flame Spiral Lamp“
☆
Академија за ентериер и продукт дизајн
Закажи средба со нашиот тим.
☆
Велика Петкова ни раскажа нешто повеќе за дизајнот на нејзината кујна – „Софија“ – што на грчки значи мудрост.
Овој дизајн ја комбинира практичноста и удобноста во еден простор. Преку внимателниот избор на бои, се постигнува чувство на смиреност, сигурност и хармонија.
Се соочив со многу предизвици и пронаоѓав различни креативни решенија за дизајнирање и уредување на просторот. Главната цел беше да се задоволат потребите на клиентот, а создавањето уникатен ентериер што ја задржува својата функционалност е она што ме поттикнува постојано да истражувам и да се инспирирам со нови идеи.
За соработката со менторот Илија Паунков…
Задоволство е да се учи, работи и усовршува под менторство на професионалци како што е менторот Илија Паунков. Тој несебично го пренесува своето знаење и искуство, од планирањето и дизајнирањето на ентериерот, преку теренските посети, до размената на материјали и практичната реализација на проектот. – сподели Велика
Велика Петкова – „Софија“
Марио Бајдевски дизјанираше ламба за чијашто инспирација ни сподели…
Процесот бараше многу истражување, учење и анализа на функционалноста на продуктот, како и разбирање на човековите потреби.
Марио Бајдевски – „Mesh Moon Lamp“
Што би ги посоветувале идните но и тековните студенти на Академијата за ентериер и продукт дизајн?
Честопати им кажувам на моите студенти дека разликата меѓу формалното и неформалното образование е во тоа што овде главен приоритет ни е да создадат солидно портфолио – оценките се во втор план.
Оттука, мојата порака е:
Во Скала, се обидуваме да создадеме креативен кадар со вистинско знаење. Немајте грижа – во вистински раце сте!
