Визуелен артист, претприемач, едукатор и активист.

Мултидисциплинарен креативец со долга кариера во маркетинг и адвертајзинг индустријата, каде што работел на водечки позиции, развивајќи концепти и визуелни стратегии за бројни брендови и компании.

Од 2012 година активно предава и менторира во областа на дизајнот, фотографијата и филмот – дисциплини во кои има и формално универзитетско образование.

Основач и сопственик на „Скала“ – Школа за дизајн и технологија, каде повеќе од една деценија гради прогресивни модели на образование и развива креативна заедница на млади професионалци.

Автор на стотици изложени дела во земјата и странство. Неговата последна фотографска изложба, „Тркалезни форми“, беше поставена во Галерија Прима Центар, Берлин, Германија.