[Апликацијата за регистрација е на крајот од текстот]

Од страна, многу професии изгледаат интересно.

Графичкиот дизајн изгледа креативно.
Фотографијата изгледа кул.
Video Content е една од професиите што денес ги гледаме буквално насекаде.
Можеби црташ облека уште од мал/а.
Или, пак, секогаш си сакал/а да уредуваш простори.

Но сосема друго прашање е:

Како реално изгледа да работиш нешто од тоа?

Токму затоа во Скала ја организираме бесплатната практична работилница: „Еден ден во професијата“. Ова не е класична презентација на која ќе седиш и ќе слушаш. Напротив. Ќе работиш!

Што всушност ќе се случува?

При пријавувањето избираш една од петте професии што најмногу те интересира. Кога ќе дојдеш во Скала, ќе добиеш реален brief – задача каква што еден ден би можел/а да добиеш од клиент или во компанијата во која ќе работиш. Во зависност од професијата што ќе ја избереш, ќе добиеш свој работен простор, соодветни алатки и целосна опрема обезбедена од Скала. Ќе имаш и колеги, ќе има пауза, ќе има ред, правила, слобода, и секако – deadline 🙂

• Фотографите и Video Content Creator-ите ќе работат во фото и видео студиото на Скала, со професионална опрема.
• Модните и ентериер дизајнерите ќе работат во атеље, со сите потребни материјали и алатки.
• Графичките дизајнери ќе имаат свој простор и опрема за работа.

Ти треба само да дојдеш. За сè останато се грижиме ние.

И да, на крајот ќе прославиме и на нашиот rooftop.

Што е целта?

Ако размислуваш што сакаш да учиш или со што сакаш да се занимаваш во иднина, ова е можност барем за кратко да го видиш тоа во реална работна ситуација.

Најважното е што на крај од работилницата ќе добиеш одговор.

Можеби ќе си кажеш:

„Да. Ова стварно ме интересира.“

А можеби:

„Хм… сепак ова не е за мене.“

И двата одговори се важни. Затоа што подобро е да ја пробаш професијата пред да донесеш голема одлука за неа.

За кого е работилницата?

„Прв ден во професијата“ е наменета за сите што размислуваат за нов професионален правец. Можеби работиш, но сакаш промена на кариерата. Можеби завршуваш факултет или средно образование и сè уште не си сигурен/на што понатаму. Не ти е потребно портфолио. Не ти е потребно претходно знаење. Потребна ти е само љубопитност.

Зошто ја правиме оваа работилница?

Не избирај професија само затоа што моментално е тренд. Не избирај професија само затоа што некој ти кажал дека има работа. И не избирај професија само затоа што добро звучи кога ќе кажеш што работиш. Прво види како изгледа. Уште подобро: Прво пробај ја!

Ако сакаш да бидеш дел од „Прв ден во професијата“, пријавувањето е едноставно. Избери ја професијата што те интересира и дојди да го поминеш својот прв работен ден со нас во Скала. Се гледаме во Скала.

ВРЕМЕ И МЕСТО

3 октомври (сабота)

12:00 – 15:00
„Прв работен ден“ – работилници за:
Графички дизајнери / максимум 12 учесници
Фотографи / максимум 9 учесници
Video Content Creator-и / максимум 9 учесници

14:00 – 17:00
„Прв работен ден“ – работилници за:
Модни дизајнери / максимум 12 учесници
Ентериер дизајнери / максимум 15 учесници

Локација: Скала / Центар

РЕГИСТРИРАЈ СЕ 

► Регистрирајте го твоето учество со пополнување на оваа форма:

The post Еден ден во професијата: 5 бесплатни работилници во Скала appeared first on Skala School.

На Creative Talent Showcase 2026, студенти од пет Академии ги претставија своите проекти, портфолија и професионални интереси пред компании од креативните индустрии, со цел: запознавање, поврзување и отворање можности за вработување, проекти и идни соработки.

Настанот беше организиран во три различни формати: SHOWROOM за фотографи и ентериер дизајнери, PITCH STAGE за графички дизајнери и маркетери и SCREENING ROOM за Video Content креатори. 

Но тоа беше само формата, најважни беа разговорите што се случуваа меѓу нив. Студентите стоеја зад сопствената работа, ја презентираа својата идеја, го објаснуваа процесот и директно разговараа со луѓето од индустријата за своите интереси, знаења и амбиции. 

Концептот на настанот беше создаден токму за од тие средби да произлезат пракси, интервјуа, junior позиции, ангажмани и идни соработки. 

Од академија кон професија

За нас во Скала, образованието не завршува со последниот час на предавање.

Еден од најважните делови од студирањето е студентите постепено да станат видливи пред индустријата и да добијат простор во кој нивното знаење може да прерасне во реална професионална можност.

Токму затоа Скала низ годините гради мрежа од над 100 компании пријатели и соработници, во кои наши студенти се вработувале, реализирале проекти и започнувале професионални соработки.

Creative Talent Showcase е уште еден чекор во градењето на таа платформа.

„Зад секое портфолио постои личност. Компаниите не го вработуваат најдобриот дизајнер, фотограф или маркетер, тие се обидуваат да ја препознаат најдобрата личност за нивниот тим, култура и систем на вредности. Токму затоа сметаме дека оваа форма на настан е најапликативна за потребите на компаниите: директно да ги запознаат студентите.“
— Дејан Џолев, Основач и директор на Скала

Портфолио, кафе и разговор

Во атмосфера со музика, кафе, изложени проекти и постојано движење низ просторот, формалната дистанца меѓу „студент“ и „компанија“ брзо исчезна. 

Токму зоната за неформални разговори беше замислена како продолжение на професионалното претставување, место каде запознавањето може природно да продолжи и по презентацијата. 

„Најмногу ми значеше што не го покажав проектот само пред менторите и колегите. За првпат разговарав за мојата работа со луѓе кои утре можеби ќе ми бидат клиенти или работодавци.“
— Изјави Елена, студентка на Академијата за графички дизајн.

Од училница. До портфолио. Од портфолио, до индустријата. Скала по скала.  

Не учи само за да завршиш Академија. Учи за она што доаѓа потоа.

Доколку се уште размислуваш да смениш професија, да го надградиш тоа што веќе го знаеш или конечно да ѝ дадеш шанса на својата креативност, ова е последниот повик за стипендии за академската 2026/27 година.

АПЛИЦИРАЈ ЗА СТИПЕНДИЈА // ТУКА:

The post Од Академија до првите професионални можности appeared first on Skala School.

Доколку се уште размислуваш дали да започнеш нешое ново, да смениш професија, да го надградиш тоа што веќе го знаеш или конечно сериозно да ѝ дадеш шанса на својата креативност, ова е последниот повик за стипендии за академската 2026/27 година.

Повикот важи за академиите во Скала, а актуелниот модел предвидува:

• 10 стипендии со 50% намалување на школарината
• 25 ваучери од 15% до 30% намалување на школарината

На Академиите за:

• Графички дизајн
• Video Content Creation
• Фотографија
• Ентериер дизајн
• Моден дизајн

Еден разговор. Тоа е сè.

Интервјуто за стипендија не е испит.
Нема точни и погрешни одговори.
Сакаме да разбереме што те интересира, што сакаш да создаваш и каде сакаш да стигнеш.
Теона Коларовска, стипендистка од последниот повик за стипендии, вели дека токму тоа ѝ оставило најсилен впечаток:

„Тимот на Скала не бараше само суви одговори, туку искрено се фокусираше на мојата визија, автентичност и страста што ја имам кон фотографијата и создавањето.“

За Клементина Аврамовиќ, книжевник по професија која одлучува да се насочи кон графички дизајн, разговорот бил можност многу поконкретно да ја разбере професијата:

„Детално ми беше објаснето кои кариерни можности ги нуди областа на графичкиот дизајн и кои се елементите што треба да ги совлада еден графички дизајнер.“

А Кристијан Ацевски, кој на 27 години прави професионален пресврт кон графичкиот дизајн, интервјуто го опишува вака:

„Целото интервју го доживеав како еден воведен час. Токму таквиот пристап беше пресуден да се запишам во Скала.“

Аплицирај за стипендија!

Не е важно од каде почнуваш. Важно е каде сакаш да одиш.

Оваа година меѓу кандидатите има луѓе со сосема различни приказни.
Богдан Попоски има 18 години, веќе креира облека за свој бренд и сака знаењето што го има да го претвори во посериозна професионална основа преку Академијата за моден дизајн.
Неговата мотивација е едноставна:

„Ќе имам можност да го учам тоа што ме прави среќен, да ги усовршам сегашните знаења и да стекнам многу нови.“

Од друга страна, Ана Панајотовиќ се опишува како почетник во модниот дизајн. Уште од мала ја интересираат модата и дизајнот, но сега сака интересот да го претвори во конкретно знаење.

„Сакам да научам многу повеќе за да си ги остварам своите цели.“

И токму во тоа е поентата.
Не постои „правилен“ момент од кој треба да започнеш, но секое одложување значи уште една пропуштена можност да провериш до каде можеш да стигнеш.

Ова е последниот повик.

Дојди и раскажи ни ја твојата приказна!

Направи го првиот чекор.

АПЛИЦИРАЈ ТУКА:

The post ПОСЛЕДЕН ПОВИК ЗА СТИПЕНДИИ: Провери до каде можеш да стигнеш appeared first on Skala School.

На 23 септември (среда), со почеток во 18:00 часот, Скала ги отвора вратите за сите што сакаат лично да се запознаат со академиите, менторите, начинот на работа и можностите за кариера по завршувањето на академијата.

Зошто да дојдеш на Отворениот ден?

Отворениот ден не е само информативна сесија. Тоа е можност да добиеш појасна слика за професионалниот правец што го разгледуваш и директно да разговараш со луѓето кои се дел од индустријата и образовниот процес.

На настанот ќе можеш:

• да видиш како се организирани академиите и како изгледа процесот на учење;
• да се информираш за програмите, динамиката и методологијата на предавањата;
• лично да ги запознаеш менторите и алумни студентите;
• да поставиш конкретни прашања поврзани со професијата што те интересира;
• да дознаеш повеќе за пракса, вработување, работа на реални проекти и градење професионално портфолио.

Учеството е бесплатно, со задолжителна регистрација – подоле во текстот. 

 

Кои академии можеш да ги запознаеш?

За време на Отворениот ден ќе можеш директно да разговараш со тимот и менторите и да добиеш одговори на сите прашања поврзани со академиите за:

• Графички дизајн, креативна примена на АИ и визуелни комуникации
• Video Content Creation
• Ентериер дизајн и дигитална 3D визуелизација
• Моден дизајн
• Фотографија

Разговор за образование, професија и следниот чекор

Модератор на настанот ќе биде Дејан Џолев, основач и директор на Скала, а фокусот ќе биде ставен на прашањата што најчесто се појавуваат при изборот на нова професионална насока:

Што навистина се учи на академијата? Како изгледа работата во професијата? Какво портфолио е потребно? Колку практична работа има? И што може да следува по завршувањето на академијата?

Посебни поволности за првите 15 пријавени

Првите 15 пријавени за Отворениот ден ќе добијат посебни финансиски поволности за упис на академиите.

А по разговорите и презентациите, ќе имаме и простор за неформално запознавање и вмрежување со менторите, студентите и останатите гости.

Ако размислуваш за промена, надградба или нов почеток во креативната индустрија, дојди да ги запознаеш опциите пред да го избереш следниот чекор.

РЕГИСТРИРАЈ СЕ БЕСПЛАТНО
23 септември 2026 · 18:00 часот · Скала

► Регистрирајте го твоето учество со пополнување на оваа форма:

Почуствувајте ја енергичната атмосфера во Скала на последниот отворен ден:

The post Отворен ден во Скала: Академии и кариерни можности appeared first on Skala School.

Во Скала најважните работи ретко се случуваат само на час. Тие се случуваат додека работиш на проект со колегите, разговараш со менторите, го браниш своето решение пред публика или ја прославуваш добро завршената работа. Затоа една академска година не ја паметиш по бројот на часови, туку по луѓето што ќе ги запознаеш, искуствата што ќе ги стекнеш и професионалецот во кој ќе прераснеш.

Подолу можеш да видиш како изгледа целата учебна година, хронолошки, од октомври до октомври. Од првите предавања и хакатони, преку испитните сесии и студентските настани, па сè до финалните презентации и свеченото доделување на дипломите.

СЕМЕТАР I

➜ Прв учебен ден

Академијата започнува со неформална дружба, запознавање со менторите и генерацијата со која ќе ги поминеш следните месеци. Ќе дознаеш како ќе изгледа наставата, ќе го добиеш календарот на активности и распоредот на часови, а заедно ќе ги поставиме и првите цели за академската година што следува.

➜ Модул 1: Воведни предмети

Во првиот модул ги поставуваш темелите на професијата. Ги изучуваш основните принципи и ги совладуваш првите алатки преку практични вежби и задачи. Воедно, ова е периодот кога генерацијата постепено станува заедница од идни колеги, соработници и пријатели.

➜ Модул 2: Клучни предмети

Откако ќе ги совладаш основите, започнува најважниот дел од наставата. Следува продлабочување на знаењето преку клучните предмети, повеќе практична работа и сè покомплексни проекти. Тука веќе не учиш само како да користиш алатки, туку како да размислуваш и да носиш одлуки како професионалец во својата област.

➜ Хакатон 1: Реален проект за клиент

До овој момент веќе ќе имаш работено на многу практични задачи, но сега доаѓа првиот вистински предизвик. Работиш на реален проект за реален клиент, со конкретен бриф, јасни рокови и финална презентација. А по завршувањето, следуваат награди, дружење, т.е. журка! 🙂

➜ Студентска забава

Неформална дружба на студентите, менторите и тимот на Скала, далеку од училниците и секојдневните обврски. Одлична можност да запознаеш студенти од другите академии, да се вмрежиш, да размениш искуства и да создадеш пријателства што често продолжуваат и по завршувањето на студиите.

➜ Прва испитна сесија

Заборави на класичната слика за испитна сесија. Наместо тестови и учење напамет, овде го презентираш сето она што си го создавал во текот на првиот семестар. До овој момент твоето портфолио веќе е исполнето со проекти, задачи и практична работа. Секој проект го разгледува целиот менторски тим, се отвора дискусија, се анализира процесот и добиваш искрен, аргументиран и конструктивен фидбек од професионалци од различни области.

➜ Распуст + Недела на знаење

За време на распустот организираме специјална Недела на знаење исполнета со гостински предавања, работилници, презентации и инспиративни разговори со професионалци од креативните индустрии. Одморот е важен, но ова е можност да излезеш од секојдневната рутина, да слушнеш нови идеи, да запознаеш интересни луѓе и да започнеш новиот семестар со свежа инспирација.

СЕМЕТАР II

➜ Модул 3: Напредни предмети

Со почетокот на вториот семестар веќе имаш цврста основа и портфолио зад себе. Сега следува надградување на стекнатите знаења преку понапредни техники, професионални процеси и методологии на работа. Проектите стануваат покомплексни, а предизвиците сè поблиски до оние со кои ќе се сретнеш во професионалната кариера.

➜ Хакатон 2: Реален проект за клиент

Вториот хакатон е чекор поблиску до реалната професионална работа. Повторно работиш на проект за вистински клиент, но овој пат со поголема самостојност, поголема одговорност и повисоки очекувања. До овој момент веќе имаш доволно знаење и искуство за да го водиш целиот процес. Од разбирање на брифот, преку развој на решението, до негова финална презентација.

➜ Модул 4: Клучни напредни предмети

Ова е најинтензивниот дел од академијата. Знаењата и вештините што си ги стекнал дотогаш ги поврзуваш во целосен професионален процес, од првата идеја и планирањето, до реализацијата и финалната презентација. Работиш на сериозни и комплексни проекти, со сè поголема самостојност и внимание кон квалитетот на секој детал.

➜ Добро утро креативци!

Еден ден во годината целата креативна заедница на Скала се собира на едно место. Студенти, алумни, ментори, професионалци од индустријата и бројни гости се среќаваат за да разменат искуства. Во текот на денот те очекуваат предавања, работилници, панел-дискусии, изложби, базари, музичка програма и многу неформални разговори од кои често се раѓаат нови соработки, пријателства и професионални можности.

➜ Втора испитна сесија

Последната испитна сесија претставува заокружување на целата академска година. Преку проекти, практични задачи и презентации ќе покажеш колку си напредувал од првиот ден на академијата. Повторно следува анализа и разговор со целиот менторски тим, но овој пат фокусот е насочен кон она што следува – финалното портфолио, завршните презентации и твоите први професионални чекори.

ПО ЗАВРШУВАЊЕ НА НАСТАВАТА

Иако редовната настава завршува, академската година сè уште не е комплетна. Следува период во кој целото знаење, искуство и проектите што си ги создал ги претвораш во професионално портфолио. Паралелно се подготвуваш за јавните презентации, каде својата работа ќе ја претставиш пред компаниите, партнерите и пошироката публика. За многумина, токму тука започнуваат првите професионални можности.

➜ Модул 5: Подготовка за презентација пред компании

Последниот модул е посветен на она што следува по академијата. Го селектираш и уредуваш своето професионално портфолио, ги доработуваш најдобрите проекти и учиш како јасно и убедливо да ја презентираш сопствената работа. Целта е да бидеш подготвен не само да создаваш квалитетни проекти, туку и со самодоверба да ги претставиш пред публика, компании и потенцијални клиенти.

➜ Презентација пред компании

Проектите ги презентираш пред претставници на компании, студија, агенции и продукциски куќи, со можност директно да се запознаеш со потенцијални работодавци, клиенти и соработници. Токму на овој настан, во изминатите десет години, стотици студенти на Скала ги започнаа своите кариери, преку прво работно место, пракси, нов проект или долгорочна професионална соработка.

➜

➜ Студентка изложба

По една година учење, работа и создавање, доаѓа моментот проектите да излезат пред јавноста. На традиционалната студентска изложба ги претставуваме најдобрите дела создадени во текот на академската година пред семејството, пријателите, компаниите, партнерите и пошироката публика. Тоа е можност да се прослави сработеното, но и уште еднаш да се воспостават нови професионални контакти и соработки.

➜ Доделување дипломи

Академската година завршува онака како што и треба! Со свечено доделување на дипломите и голема студентска прослава. Заедно со студентите, менторите и алумните го одбележуваме сето она што го поминавме во текот на годината: часовите, проектите, предизвиците, новите пријателства и првите професионални успеси. Со дипломата во раце, официјално го заокружуваш образовниот процес и стануваш дел од алумни заедницата на Скала – заедница која продолжува да се расте, поврзува, соработува и по завршувањето на студиите.

➜ Следниот чекор е твој

Сега останува само да го направиш првиот чекор. Во Скала често велиме „Скала по скала“, затоа што веруваме дека секоја професионална кариера започнува со една добра одлука.

Септемвриските уписи се во тек. Закажи бесплатна консултација, посети нè во Скала и заедно ќе ја пронајдеме програмата што најдобро одговара на твоите интереси, амбиции и професионални цели.

Закажи тука!

The post Како изгледа една академска година во Скала? appeared first on Skala School.

Проектите беа реализирани во рамки на предметот Дизајн на ентериер, под менторство на Илија Паунков. Студентите во текот на наставата работеа на ентериерно решение за стан, почнувајќи од мерење на реален простор и анализа, развивање концепт, до финална 3D визуелизација.

Како изгледа процесот на дизајн на ентериер?

Академијата за ентериер дизајн и дигитална 3D визуелизација е 10-месечна професионална програма за подготовка на идни ентериер дизајнери, дисциплина што често се поистоветува со внатрешно уредување, но за разлика од внатрешното уредување, ентериер дизајнот опфаќа поширок процес на концепт, просторна анализа и техничка разработка. Програмата комбинира практична работа, современи методологии и примена на 3D и AI алатки како SketchUp, 3ds Max и Rhino, со фокус на развој на портфолио и подготовка за кариера како ентериер дизајнер.

Александра Кузманоска

Се одлучив за ова идеја…
Поради тоа што ми даде можност преку иста зададена основа да развијам сопствено ентериерно решение. Иако сите работевме на ист проект, секој имаше слобода преку својот дизајнерски пристап да создаде простор што го одразува неговиот личен стил.

При процесот на креирање, се соочив со…
Најголем предизвик ми беше да создадам функционален и естетски усогласен ентериер во зададениот простор. Направив измени на дел од внатрешните ѕидови и заменив две класични врати со лизгачки за подобра организација на просторот, а дополнително работев на усогласување на сите елементи во едно целосно решение.

За соработката со менторот Илија Паунков…
Менторот Илија ни покажа исклучителна посветеност, професионалност и подготвеност да помогне во секоја фаза од изработката на проектот. Неговите насоки и конструктивни забелешки ми помогнаа полесно да ги развијам и реализирам моите идеи.

Како влијаеше овој проект врз твојот личен раст и развој…
Стекнав поголема самодоверба и го унапредив начинот на размислување како иден ентериер дизајнер. Овој проект ми покажа дека добрите резултати доаѓаат со истрајност и континуирана работа, а ова искуство е добра основа за мојата понатамошна професионална кариера.

Зошто ваквите проекти се важен дел од студирањето?

Работејќи на вакви задачи, студентите учат како самостојно да го реализираат целиот процес на проектирање на ентериер.

Од анализа на потребите и организација на функционалните зони, преку избор на материјали, мебел и осветлување, па сè до финална визуелизација на проектот, студентите поминуваат низ процес кој е многу близок до реалната професионална пракса. Токму затоа ваквите проекти се особено важни – тие ги подготвуваат студентите за работа во дизајнерско студио или архитектонско биро, како и за комуникација и соработка со клиенти при развој на ентериерни решенија.

Аплицирај тука!

Матеа Пејчиноска

Се одлучив за ова идеја…
Сакав да создадам простор кој ќе биде функционален, модерен и топол. Користев природни материјали и топли тонови за да создадам пријатна атмосфера, но и да му дадам современ и елегантен изглед на ентериерот. Целта ми беше станот да биде и визуелно привлечен и удобен за секојдневно живеење.

При процесот на креирање, се соочив со…
Најголем предизвик ми беше работата со нови програми и алатки. Но, со континуирана работа и поддршка од менторот, успеав да ги совладам сите пречки и да го завршам проектот.

За соработката со менторот Илија Паунков…
Соработката со менторот беше одлична. Секогаш добивав корисни насоки и поддршка кога ќе се соочев со технички предизвици, што многу ми го олесни процесот на работа.

Како влијаеше овој проект врз твојот личен раст и развој…
Овој проект ми даде поголема самодоверба, ми покажа дека можам успешно да го работам она што го сакам и да се движам кон остварување на мојот сон. Во текот на процесот стекнав многу нови знаења и практично искуство.

Следната приказна може да биде твојата

На Академијата за ентериер дизајн и дигитална 3D визуелизација ќе работиш на проекти што го симулираат реалниот процес на работа во професијата. Ќе научиш како да развиеш концепт, да го претвориш во 3D визуелизација и да изградиш портфолио што го прикажува твојот креативен пристап. Со поддршка од искусни ментори ќе работиш со професионални алатки и ќе стекнеш практично искуство уште за време на студирањето.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како студентите дизајнира станбен ентериер? appeared first on Skala School.

Проектите се реализирани под менторство на Ирина Тошева и Катерина Тошева, во рамки на предметите „Модна колекција“ и „Конструкција на облека“. Во текот на наставата, студентите го поминуваат целиот процес на развој на авторска модна колекција: од идеја и концепт, преку модна илустрација, технички цртеж, развој на крој и изработка на прототип, до финалната реализација на колекцијата.

Каде студентите ги претставуваат своите колекции?

По завршувањето на проектите, студентите од Академијата за моден дизајн своите колекции ги претставуваат на Skopje Fashion Weekend. На овој начин тие добиваат можност да го искусат процесот на професионална презентација пред публика, медиуми и претставници од модната индустрија.

Токму од оваа модна платформа, во изминатите десет години, својата професионална кариера ја започнаа голем број алумни на Скала, кои денес успешно работат како модни дизајнери и развиваат сопствени модни брендови и атељеа.

Гаврило Парталоски

,,Пет состојби на душата”

Инспирацијата за колекцијата ја пронајдов во идејата дека емоциите можат да се препознаат и преку погледот на човекот. Избрав пет различни емоции и ги претставив преку облека, користејќи бои, форми и текстури за да го пренесам нивниот карактер и внатрешна состојба.

Како влијаеше овој проект кон твојот личен раст и развој?
Првпат работев на машина за шиење. Со оглед на тоа што ова е мојот прв проект, задоволен сум од резултатот.

Какво беше твоето искуство од соработката со менторката Ирина Тошева?
Менторката создаде пријатна атмосфера во која учењето беше лесно и мотивирачко. Секогаш беше подготвена да одговори на прашања и да помогне кога беше потребно.

Како ќе го примениш знаењето од предметот „Модна колекција“ и колку е важно за твојата понатамошна работа?
Од предметот стекнав основни знаења за процесот на креирање и развивање на една колекција, од дефинирање на таргет група, материјали, како треба да изгледа едно портфолио до разбирање на модните сезони и поширокиот контекст на модата.

Матеа Стојановска

„Nocturna“

Мојата колекција е инспирирана од поговорката „Тивка вода брег рони“. Ја носи пораката дека во секое лошо може да се пронајде нешто добро. Преку внимателно избрани форми, материјали и детали сакав да покажам дека и најмалите промени можат да донесат сила, надеж и нов почеток.

Како влијаеше овој процес кон твојот личен раст и развој?
Овој процес ми покажа дека модниот дизајн не е само создавање убави модели, туку начин на раскажување приказни преку форма, материјали и детали. Ме научи да бидам поорганизирана, потрпелива и поистрајна.

Што би споделила за искуството со менторката Ирина Тошева?
Работата со менторката Ирина беше многу инспиративна. Со своите совети и насоки ми помогна да го развијам концептот и да добијам поголема самодоверба во моите идеи.

Како ќе го примениш знаењето од предметот „Модна колекција“ и колку е важно за твојата понатамошна работа?
Предметот ми помогна да разберам како се создава една комплетна модна колекција. Научив како да развијам концепт, да создадам кохезивна приказна и да обрнам внимание на секој детал. Ова знаење ќе ми биде многу важно во иднина, за да продолжам да се развивам како моден дизајнер.

Аплицирај тука!

Пеце Давитковски

,,Циклус“

Мојата колекција е збир од десет изгледи со кои сакав да ја претставам тагата како дел од еден бесконечен циклус на чувства и емоции што се случуваат кај човекот. Инспирација ми беше и циклусот на Месечината, како симбол на промените низ кои постојано поминуваме. Самиот термин “циклус” ми беше и симбол на колекцијата.

Како влијаеше овој процес кон твојот личен раст и развој?
Знаењето и искуството што го добив како производ на овој процес, ми донесе повеќе самодоверба и една поцврста основа на која понатаму треба да продолжам да градам.

Што би споделил за искуството со менторката Ирина Тошева?
Менторката Ирина беше доста посветена на пренесувањето на нејзиното знаење и често тоа го правеше на уникатни и доста практични начини.

Како ќе го примениш знаењето од предметот „Модна колекција“ и колку е важно за твојата понатамошна работа?
Моментално мојот фокус е повеќе на конструкцијата и моделирањето на облека, бидејќи тоа е и дел од работата што ја работам. Верувам дека сè што научив на предметот ќе дојде до израз понатаму, особено ако еден ден почнам да работам на нешто свое.

Порака до идните Скала студенти

Пеце Давитковски: Доколку веќе се одлучиле да се запишат, нека бидат истрајни, љубопитни и нека му веруваат на процесот. А ако сè уште се двоумат, би ги охрабрил да се запишат, бидејќи за една година можат многу да научат, и за областа и за себе. 

Матеа Стојановска: Да бидат љубопитни, да не се плашат да експериментираат и да поставуваат прашања. Секој проект е можност да научат нешто ново и да го пронајдат својот стил. 

Гаврило Парталоски: Да бидат трпеливи, да ги прифатат предизвиците со позитивен став и да веруваат во себе.

Од студентски проект до професионално портфолио

На Академијата за моден дизајн студентите создаваат авторски модни колекции, градат свое портфолио и стекнуваат практично искуство преку реални проекти и менторска поддршка.

Ако сакаш да научиш како се создава модна колекција, да изградиш свое портфолио и да стекнеш практично искуство преку реални проекти, сега е вистинскиот момент да го направиш следниот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како студентите од Скала создаваат свои модни колекции appeared first on Skala School.

Проектите се реализирани во рамки на предметот Филмска режија, под менторство на Дејан Џолев. За време на наставата студентите поминаа низ целиот процес на создавање филм – од развивање идејата, пишување сценарио, до снимање и монтажа, со цел во само една минута да раскажат приказна.

Од филмска режија до современо Video Storytelling

Следејќи ги светските трендови и сè поголемата потреба на пазарот за content creators, предметот од следната академска година ќе биде проширен со современи форми на Video storytelling. Покрај класичната филмска нарација, студентите ќе работат и на short-form и long-form видео содржини, YouTube формати, интервјуа, видео подкасти и бренд продукции, со фокус на знаења и вештини што директно одговараат на потребите на денешната индустрија.

Студентски проекти: Од првата идеја до финалниот филм

Дора Младеновска

„Желба“

Се одлучив за ова идеја…
Преку овој краткометражен филм сакам да ја подигнам свеста за зачувување на сè што ни е дадено, но и да ја истакнам важноста на вложување во младите. Тие се нашата иднина, а со поддршка, можности и верба во нивните способности, можат полесно да ги остварат своите соништа и да чекорат кон нови успеси и достигнувања.

При процесот на креирање, се соочив со…
Имаше многу препреки, но не дозволив да ме спречат во креирањето на филмот. Секој предизвик беше можност да пронајдам ново решение и да продолжам понатаму.

Како влијаеше овој проект кон твојот развој…
Ме научи никогаш да не се откажувам, бидејќи секогаш постои решение за остварување на целите.

Што учат студентите од вакви проекти?

Во текот на академијата, студентите не работат само вежби, туку развиваат проекти по модел на професионална продукција. Од идеја и сценарио, преку претпродукција и снимање, до монтажа и финална презентација – секој чекор го реализираат со менторска поддршка и користење на професионалното студио и опремата на Скала.

Ваквиот пристап ги подготвува за реалната работа на еден Video Content Creator, каде покрај техничките знаења, подеднакво важни се креативното размислување, организацијата на продукцијата, комуникацијата со клиент и способноста една идеја да се претвори во квалитетна видео содржина.

Марија Перчинковска

„Слеп поглед“

Се одлучив за ова идеја…
Првично, во мојот бележник за идеи недостасуваше приказна раскажана во само една минута. Често се водам од едно едноставно правило – ако поврзам три навидум случајни зборови, секогаш може да се појави нова идеја. Така настана и „Слеп поглед“, приказна за минатото, соочувањето и ослободувањето, инспирирана од зборовите сина, крпа и портрет.

При процесот на креирање, се соочив со…
Најголем предизвик беше да создадеме осветлување што ќе ја пренесе атмосферата на приказната. Токму барањето на вистинското решение ми покажа дека филмскиот процес не е само финалниот резултат, туку и истражување, експериментирање и учење низ работата.

За соработката со менторот Дејан Џолев…
Мило ми е што менторот ги познава нашите способности и граници, бидејќи неговиот пристап не е само да нè насочува, туку и да нè поттикнува да одиме чекор подалеку. Секогаш нè охрабрува да излеземе од зоната на комфор, да бараме подобри решенија, да размислуваме подлабоко и преку процесот да научиме повеќе.

Аплицирај тука!

Елена Иванов

„Присутна“

Се одлучив за ова идеја…
Сакав да раскажам едноставна, но искрена приказна за тоа како малите секојдневни моменти може да нè вратат во сегашноста. Инспирацијата произлезе од моето лично искуство, но верувам дека чувството на отсутност од сопствениот живот е нешто со коешто многу луѓе би можеле да се поврзат.

При процесот на креирање, се соочив со…
Предизвик беше во само една минута да пренесам емоција и да раскажам приказна што ќе допре до гледачот. И секако, снимањето со животни бараше многу трпение, бидејќи нивното однесување не може целосно да се контролира.

Како влијаеше овој проект кон твојот развој…
Овој проект ми помогна да сфатам колку многу детали стојат зад еден добар филм и колку е важна секоја фаза од процесот – од идејата, преку претпродукцијата и снимањето, до монтажата. Освен што научив многу нови работи, ова искуство уште повеќе ја потврди мојата желба да продолжам да учам и да раскажувам нови визуелни приказни.

Следната приказна може да биде твојата

Од едноминутен филм до short-form содржини, YouTube формати и бренд продукции. На Академијата за Video Content Creation ќе работиш на реални проекти и ќе изградиш портфолио што ќе биде твојата прва професионална препорака. Покрај наставата, ќе имаш пристап до професионално филмско студио и комплетна фото и видео опрема, кои ќе можеш да ги користиш за снимање, експериментирање и реализација на сопствените проекти.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како се гради кариера како Video Content Creator? appeared first on Skala School.

Проектите се реализирани под менторство на Дејан Џолев, во рамки на предметот Студиска фотографија, кој ги опфаќа областите на продукт, портрет, модна, концепт и њуд фотографија. Сите фотографии се создадени за време на наставата, каде што студентите работеа на практични задачи: фотографирање продукти со изградба на сцена и употреба на реквизити, како и реализација на портрет фотографии според однапред дефинирани референци.

Како изгледаат часовите по студиска фотографија?

На часовите по Студиска фотографија, студентите работат во компетно опремени професионлани студиски услови и преку практични задачи се запознаваат со целиот процес на создавање фотографија, од поставување на сцената и осветлувањето до финалната обработка.

Марија Митреска

Се одлучив за ова идеја…
Го избрав брендот The Ordinary за мојата продукт фотографија, кој се одликува со ладна и клиничка естетика, лабораториски и чист изглед на производите. Целта ми беше преку композицијата, боите и реквизитите да ја пренесам естетиката и вредностите на брендот, а истовремено да внесам и дел од мојот стил, па се одлучив за потопли тонови.

При процесот на креирање, се соочив со…
Иако немав проблем со рефлексијата на стакленото шише, на моменти беше потешко да се добие соодветното осветлување, бидејќи користев природно светло, па фотографирав на повеќе места покрај прозорец, во различни периоди. Исто така, повеќе време посветив на композицијата и уредувањето, пробав различни предмети за да го добијам изгледот што го замислив.

Како влијаеше овој предмет кон твојот развој…
Научив колку е важно осветлувањето. Покрај тоа, научив дека успешната фотографија не бара само техничко знаење, туку и креативно размислување, трпение и добро планирање и истражување за самиот производ.

Што учат студентите од вакви проекти?

Работејќи на вакви задачи, студентите учат како самостојно да го планираат, организираат и реализираат целиот процес на фотографирање.

Од бриф, преку идеја и техничка разработка, па сè до финален продукт, студентите поминуваат низ процес кој е близок до реалната професионална пракса. Токму затоа ваквите проекти се особено важни, тие ги подготвуваат студентите за начинот на работа, комуникацијата и соработката помеѓу фотографот и клиентот.

Ангелина Наумовска

Се одлучив за ова идеја…
Сакав да ја истражам продукт фотографијата и со внимателно избрани елементи да создадам атмосфера што ќе ја нагласи намената и карактерот на производот.

При процесот на креирање, се соочив со…
Предизвици во осветлувањето, бидејќи се појавуваа тврди сенки кои не одговараа на визијата што сакав да ја постигнам. Со дополнително прилагодување на светлината и нејзината позиција, успеав да добијам помеки сенки и понежен изглед на фотографијата.

За соработката со менторот Дејан Џолев…
Менторот ми беше голема поддршка во текот на целата академија. Неговите совети секогаш ми помагаа да ги видам работите од поинаков агол и да ги подобрам фотографиите. Најмногу ми значеше што секоја сугестија и критика беше конкретна и веднаш можев да ја применам.

Аплицирај тука!

Викторија Андреевска

Се одлучив за ова идеја…
Сакав да создадам свежа и минималистичка продукт фотографија која преку светлината, композицијата и внимателно избраните елементи ќе пренесе чувство на свежина и природност. Амбиентот го креирав целосно самостојно, со цел секој детал да придонесе кон приказната што сакав да ја раскажам.

При процесот на креирање на продукт фотографијата, се соочив со…
Најголем предизвик беше правилното поставување на светлото и гобо ефектот за да добијам природен изглед на сончева светлина. Посветив внимание и на распоредот на елементите, рефлексиите на стаклото и балансот на композицијата, за фотографијата да изгледа чисто, хармонично и визуелно привлечно.

Како влијаеше овој проект кон твојот развој…
Овој проект ми помогна подобро да разберам колку се важни подготовката, светлото и секој детал во продукт фотографијата. Научив дека добрата фотографија не зависи само од техниката, туку и од идејата, креативноста и внимателното градење на сцената.

Од студентски проект до професионално портфолио

Во рамки на Академијата за фотографија и визуелно креирање, студентите преку реални проекти создаваат портфолио, и се стекнуваат со практично искуство за професионална работа.

Ако сакаш да развиваш фотографски вештини, да создаваш свое портфолио и да работиш на практични задачи со менторска поддршка, сега е вистинскиот момент да го направиш следниот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како изгледа процесот на работа на студентите по студиска фотографија? appeared first on Skala School.

Студентите од Академијата за ентериер дизајн и дигитална 3D визуелизација изработија целосен проект за ентериер на стан, кој го презентираа пред своите ментори.

Што се учи во вториот семестар?

Во текот на вториот семестар, студентите учат како една идеја да ја претворат во функционално и визуелно разработено дизајнерско решение.

Програмата опфаќа:

• Дизајн процес
• Дизајн на ентериер
• Дигитално рендерирање (Rhinoceros 3D)
• Дизајн на плочест материјал (TrunCAD)
• AI и дигитална интелигенција
• Кариера и личен развој

Финалниот испит ги поврзува сите овие области, претворајќи ги во еден целосен проект.

Искуството од испитот на студентите

За искуството разговаравме со Александра Кузмановска, студентка на Академијата за ентериер дизајн и дигитална 3D визуелизација:

„На испитот ми беше преинтересно, имав супер фидбек од менторите и ми беше вистинско задоволство да ги видам проектите на сите мои колешки.“

И Анастасија Стојкова сподели:

„На испитот си поминав прекрасно! Премногу сум задоволна од коментарите на менторите и се надевам дека и во иднина ќе соработуваме со нив.“

Од менторската перспектива

Во текот на академијата студентите работат со активни професионалци од индустријата кои секојдневно го пренесуваат своето знаење и искуство.

Апостол Тноковски, ментор по Дизајн процес, ги сподели своите впечатоци од финалниот испит:

„Испитот помина феноменално, се забавувавме и имаше многу интересни идеи. На мојот предмет секој час се работат различни концепти кои студентите ги развиваат според различни принципи на инспирација. Сите студенти го изработија она што беше договорено.“

Тој додава дека академијата е одлична основа за сите што сакаат да се насочат кон продукт дизајнот.

„Секој што сака да се занимава со продукт дизајн, на академијата ќе ги совлада алатките што се користат во оваа област и ќе развие чувство за тоа што значи да се биде продукт дизајнер.“

Порака од студентите до идните Скалаџии

Александра има јасна порака до сите што размислуваат да се запишат:

„Ги охрабрувам сите да се запишат во Скала, бидејќи е едно прекрасно искуство пред сè. Можеш да научиш многу и е една нова врата што ти се отвора за во иднина да можеш да бидеш дизајнер.“

Анастасија додаде:

„Од моето искуство во Скала би препорачала на секој што има идеја и сака да вложува труд во себе да се запише и да го искуси ова, бидејќи има многу дружење, убави настани и позитивна атмосфера во која се учат многу нови работи.“

Аплицирај тука!

Како се формира конечната оцена?

Во Скала, конечниот резултат не зависи само од завршниот испит, туку го вреднува целиот процес на учење во рамки на семестрите и развојот на студентот. Секој ментор доделува поени и за работата во текот на семестарот и за јавниот испитен проект, при што семестарските резултати учествуваат со 40%, а јавниот испит со 60% од вкупната оценка.

Системот на вреднување ги опфаќа сите клучни аспекти на развојот на студентот: креативната идеја и концептот на проектот, техничката изведба и квалитетот на реализацијата, процесот на работа, ангажманот и професионалноста, способноста за аргументација и презентација на проектот, како и континуираниот ангажман преку домашните задачи и редовното присуство на наставата. На овој начин, студентите се поттикнуваат да развиваат не само технички вештини, туку и работни навики, одговорност, комуникациски способности и професионален однос кон сопствената работа.

Овој систем не ја оценува личноста на студентот, туку неговиот напредок, ангажман и подготвеност за следниот чекор во професионалниот развој.

Покрај редовното бодување, студентите можат да добијат и неограничен број дополнителни поени преку активности што придонесуваат за личен развој и развојот на заедницата.

Една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. Ова е уште една оригиналност на нашиот систем, која ги мотивира студентите да создаваат и надвор од академските задачи.

Дополнителни поени се добиваат и за волонтерски активности, учество во организација на изложби и настани, креативен и технички придонес во проекти, како и за други активности што придонесуваат за развојот на студентската заедница. 

Што следува по оценувањето?

Врз основа на вкупниот број освоени поени, студентите се стекнуваат со статусите Alpha, Beta и Gamma, како и со неформалниот Elite статус, кој претставува уште еден автентичен пристап кон вреднувањето и мотивацијата на студентите.

Овие статуси не претставуваат само признание за постигнатите резултати, туку служат и како основа за понатамошно вклучување на студентите во активностите на Скала. Во зависност од постигнатиот статус, студентите добиваат можности за јавна презентација на своето портфолио, учество на изложби, презентации и други настани, поврзување со компании и организации од индустријата, како и други форми на професионална афирмација, соработка и развој.

На овој начин, системот на вреднување не завршува со оценувањето само по себе, туку претставува почеток на следната фаза од развојот на студентите.

Elite статусот е дополнително признание, резервирано за студенти кои, покрај високите академски резултати, покажале исклучителна иницијативност, професионалност и придонес кон заедницата на Скала. Тој се формира врз основа на дополнителните поени стекнати преку активности надвор од редовните академски обврски и претставува основа за подлабока интеграција на студентите во работата на Скала, преку различни форми на соработка, асистентски ангажмани, менторство или други професионални можности.

Од студент до дизајнер

Финалниот испит е последната презентација на академијата, но за многумина е почеток на нова фаза во нивниот развој.

Тоа е моментот кога првите идеи стануваат реализирани простори, а учењето се претвора во сопствен дизајнерски израз.

Александра Кузмановска веќе има јасна визија за следниот чекор:

„По академијата планирам да работам како фриленсер, до изложбата и до презентацијата пред компании, а потоа да работам во некоја компанија или да си продолжам со фриленс.“

Ако и ти сакаш за една година да научиш како се развива целосен ентериер проект, од концепт, преку 3D визуелизација, до финална презентација, сега е вистинскиот момент да го направиш првиот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Првиот чекор кон кариера во ентериер дизајн appeared first on Skala School.