Проектот е дел од активностите на предметот Визуелни комуникации под менторство на Дејан Џолев, а нивната задача како група беше да развијат концепт за фотографија којашто подоцна ќе ја применат во дизајн на постер.

Андреа Осман ни сподели зошто нејзината група се одлучиле за оваа тема и идеја…

Јас и Луна претходно работевме на сличен проект (за безбедноста во сообраќајот) и додека седевме заедно со Вулнет и споделувавме за проектот, дојдовме до идејата дека може да се направи нешто повеќе. Многу брзо се согласивме за темата, додаваме сите по некоја замисла, се што ни текна запишувавме и смисливме слоган. Првата замисла беа делови од кола и човечки органи, но со еден brainstorming заедно со менторот Дејан дојдовме до конечна одлука – Срце составено од делови за автомобил.

Додека пак Луна се надоврза:

 Одлуката беше заедничка и работевме сложно и тимски. Со колешката Андреа веќе имавме искуство со работа на кампања за безбедност во сообраќајот и воопшто немавме тешкотија кога стануваше збор за идеите, одлуките и заклучоците. Фотограф ни беше Вулнет, кој несебично се даде во процесот на фотографирање и со фотографии од автомобилски делови состави срце – метафора на слоганот „Животот нема резервни делови“. 

Клучна улога имаше менторот Дејан кој ни помогна од нашата замисла да стигнеме до конечното решение со одлични сугестии и насоки се со цел да допреме до срцето на возачите!

А Вулнет додаде:

Во последно време во Македонија се случуваат сè повеќе сообраќајни несреќи со фатални последици. Преку овој постер сакав да пратам силна порака за вредноста на животот и да ги поттикнам луѓето на поголема внимателност – бидејќи животот нема резервни делови и нема цена.

 При процесот на креирање, се соочив со…

Со предизвикот како со графички елемент да ја пренесам тежината на пораката – животот нема резервни делови, за разлика од деловите на еден автомобил кои можат да се заменат. Сакав да создадам постер кој нема само да привлече внимание, туку и ќе предизвика емоција и размислување. Најтешкиот дел беше да го најдам вистинскиот баланс помеѓу симболиката и јасната комуникација. Затоа решив зборот ‘животот’ да го оформам како ЕКГ линија, симболика на срцев ритам, потсетник дека една грешка во сообраќајот може да го прекине ритамот засекогаш. – ни разкажа Луна

Андреа сподели:

Има многу прашања, каква типографија да искористам, каков е тонот што сакам да го искомуницирам и пренесам? Дали ми е потребна илустрација, каква би била? Одлучив да не илустрирам бидејки самата фотографија на Вулнет кажуваше доволно. Типографијата ја сменив 100-пати, сметам дека е сериозна тема и дека постерот пренесува многу битна информација, сакав да биде јасно и гласно но не и нападно. 

Немав многу тешкотии, бидејќи уште од самиот почеток ја имав јасната идеја – да фотографирам делови од автомобил и од нив да составам форма на човечко срце. Целиот процес течеше природно, бидејќи концептот ми беше близок и значаен, а визијата јасна уште од првиот момент. – истакна Вулнет 

☆

Академија за графички дизајн

Закажи средба со нашиот тим.

☆

За соработката при процесот, за менторот Дејан Џолев…

Соработката со менторот беше инспиративна и охрабрувачка. Тој ме поддржа да размислувам подлабоко за пораката што сакам да ја пренесам и ме насочи кон технички решенија кои го подобрија финалниот изглед на делото. Благодарен сум за неговата посветеност и професионализам. – потенцираше Вулнет

Луна Димитриевска пак сподели:

 Во текот на целиот процес, менторот не беше само водич, туку и силна мотивација за мене како дизајнер. Неговата поддршка и верба во нашата идеја ми дадоа поттик да размислувам подлабоко и да бидам посмела во креативниот израз. Со секој негов коментар и насока ми ја зголемуваше  желбата да истражувам и креативно да се изразувам и навистина ми помогна да ја согледам вредноста на пораката што сакав да ја пренесам. Менторот беше повеќе од ментор – беше вистински партнер во нашиот креативен пат.

Додека пак Андреа Осман се надоврза: 

Менторот Дејан ни даде многу добар совет и одлично нѐ насочи кон тоа што го реализиравме. Соработката беше директна, лесна комуникација и супер насоки. 

☆

Академија за фотографија

Закажи средба со нашиот тим.

☆

The post „Животот нема резервни делови“ – Дизајн во функција на општествена одговорност appeared first on Skala School.

Ви споделуваме дел од искуството на студентите од Академијата за графички дизајн низ разговорот со Валентина Ѓорѓиева, Давид Пачемски, Цветанка Стоилова и Александар Сандов кои соработуваа во рамките на проектот „Знаеш ли што јадеш“?

Проектот е дел од активностите на предметот Применета фотографија, под менторство на Дејан Џолев, а нивната задача како група беше да развијат концепт за фотографија којашто подоцна ќе ја применат во дизајн на постер. 

Комбинирајќи ја уметноста и технологијата, преку овој проект, студентите имаа можност да искористат различни дизајнерски елементи за да создадат впечатливи визуелни содржини со порака којашто буди интерес и љубопитност кај публиката. Пораката којашто ја пренесуваат е од еколошки карактер, ставајќи акцент на несвесното внесување на микропластиките во човечкиот организам.

Ja обраотував оваа тема/идеја поради…

Валентина: Преголемата количина на пластика во нас и околу нас. Преку овој проект, сакаме да ја подигнеме свеста за тоа колку пластика внесуваме преку нашата исхрана.

Цветанка: Избравме три вида на широко позната храна претставена во пластична форма, надополнета со соодветни елементи за да го вклучиме алармот кај нас самите и да се запрашаме дали навистина знаеме што јадеме.

Давид: Изработивме серија од три плакати на коишто се прикажани фотографии од источна и западна македонска кујна, со слоганот „Знаеш ли што јадеш?“ – Ова иронично прашање е поставено директно кон публиката/ читателот за да може ретроспективно да се соочи со проблемот на загадување.

Александар: Нашата цел беше да ја подигнеме свеста кај луѓето преку визуелен дизајн и порака којашто ќе поттикне дејствување.

При процесот на креирање, се соочив со…

Александар: Потреба од многу истражување и креативно размислување за да ги претставиме своите идеи на интересен, визуелен начин. Соработувавме многу блиску како група, споделувавме идеи и распределувавме задачи, што не само што нè научи како да работиме како тим, туку и ја зголеми нашата креативност и продуктивност.

Валентина: Прекрасни идеи и позитивна енергија којашто секогаш беше присутна за време на нашата работа. Имавме одлична организација и супер соработка, но се соочивме и со неколку предизвици за време на сет-дизајнот.

Давид: Создавање на концепт беше само дел од предизвикот, сет-дизајнот имаше битна улога во креативниот процес, бидејќи стилизиравме храна изработена од отпад, односно пластика. Користејќи техники на лепење и комбинација од различни елементи, на вешт начин создадовме спој од повеќе материјали. Особено внимание посветивме на дизајнот на типографијата којашто беше рачно изработена и артистична по својот стил. 

Цветанка: На почетокот, нашата група размислуваше да користи само суши, за коешто знаеме дека е храна од јапонско потекло, во разговор со менторот одлучивме да ја приспособиме нашата идеја на нашата земја за да има поголемо влијание врз јавното мислење. Така, на крај добивме три постери.

За соработката при процесот, за менторот би сакал/а да кажам…

Цветанка:  Менторот Џолев одблиску ја следеше целата наша работа и неговите совети имаа клучна улога во реализација на проектот, успевајќи подобро да ги насочи нашите идеи и креативни напори. 

Давид: Ни помогна во процесот на развивање на идејата за македонска традиционална храна, односно да се обратиме кон локална целна група. Таа насока овозможи пораката да биде пренесена во целост.

Александар: Соработката со менторот Џолев беше клучна за нашето искуство. Неговите совети ни помогнаа да ги надминеме предизвиците и да го подобриме нашиот дизајн. 

Валентина: Многу често ни даваше совети за самиот проект, но и за проекти во иднина. 

ПОГЛЕДНИ ПОВЕЌЕ ЗА СИТЕ АКАДЕМИИ  [ТУКА]
Академија за графички дизајн
Академија за UX/UX+ дизајн
Академија за дигитален маркетинг
Академија за визуелни уметности
Академија за моден дизајн
Академија за ентериер и продукт дизајн
Академија за фотографија
Академија за човечки ресурси + регрутација

 

Другарски совет за сите оние кои сакаат да се запишат на академија во Скала…

Давид: Доколку сте отворени кон реална критика и имате желба да го развиете вашето знаење на професионално ниво, тогаш Академијата за графички дизајн е правиот пат за вас! Ја имате можноста да се изразите артистички/ креативно и да се запознаете со многу интересни луѓе.

Цветанка: Моето искуство во текот на Академијата за графички дизајн е повеќе од позитивно и без двоумење би ја препорачала на секој кој би сакал да навлезе во светот на дизајнот и уметноста. Ве очекуваат предизвикувачки моменти, но и незаборавни периоди на учење и себеоткривање.

Александар: За сите оние кои сакаат да се запишат на Академијата за графички дизајн, би им препорачал да се отворат кон нови идеи и да бидат посветени на своите креативни инстинкти. На Академијата ќе научат не само графички вештини, туку и како да размислуваат креативно и да го изразат својот стил преку дизајн.

Валентина: Доколку дизајнот е дел од вашите интереси и креативноста ве прави среќни и задоволни, сега ја имате приликата тоа задоволство да го имате секој ден. Запишувањето на Академијата е вистинскиот чекор за да дознаете дали припаѓате во светот на креативните индустрии, воедно да стекнете нови знаења и вештини. Аплицирајте за позитивна промена и личен раст и развој!

Дечки, ви благодариме за споделеното искуство, како и посветеноста на проектот и силната порака којашто ја испраќате преку вашиот дизајн.

Која е силната порака којашто сакаш да ја испратиш ти? Погледни ја програмата на Академијата за графички дизајн и искористи го попустот, раните уписи се во тек, те очекуваме! ♥

 

 

The post Ќе може ли една порција микропластика и чаша вода? appeared first on Skala School.

Предметот е под менторство на Илија Паунков каде што студентите имаа за задача да уредат неконвенционален станбен простор од 50 метри квадратни како реален пример за стан којшто е во моментална изградба. 

Проектот имаше за цел да претстави соочување со функционално осмислување на простор со којшто дизајнерите на ентериер се соочуваат во секојдневието. Ги прашавме нашите студенти за нивното искуство, првичните замисли за организацијата на просторот, посетите на градилиштето, изборот на материјали и нивното финално решение изработено во рамките на предметот Дигитално рентерирање. 

Стефани Андова

При процесот на креирање, се соочив со…

Многу предизвици и проблеми чиишто решенија сметам дека го направија дизајнот посебен. Научив многу нови работи и уште повеќе го засакав целиот процес на изработка и дизајнирање. Станот е 50 м2, типичен за денешните градби и токму поради тоа, при дизајнирање истражував за различни техники за визуелно зголемување на просторот. Освен тоа, решив да ја вметнам и природата во дизајнот преку материјали како дрво и камен, исто така и многу зеленило.

За соработката при процесот, за менторите би сакала да кажам…

Низ целиот процес на учење и дизајнирање, менторот Илија Паунков беше тука да ни помогне кога тоа беше потребно. Преку посетите на салони и градилиште, тој нè запозна со многу нови материјали и техники, секогаш беше отворен за соработка и даваше сè од себе да ни го пренесе своето знаење.

Како би го опишале вашето финално решение…

Завршниот продукт и финалните рендери од ентериерот, сметам дека зборуваат сами за себе и за целиот труд и време вложено во нив. Се потрудив да доловам мирна атмосфера, пријатен и посебен дизајн и нормално, да уживам во целиот процес.

Другарски совет за сите оние кои сакаат да се запишат на академија во „Скала“…

Времето во Академијата поминува многу брзо, дружбата и учењето преку пракса ја прават истата посебна и забавна. За да започнеш, потребна ти е желба за учење и дизајнирање, а понатаму да се посветиш на процесот, топло ти препорачувам да се запишеш и целосно да уживаш во искуството.

Николина Тасевска

При процесот на креирање, се соочив со…

Предизвикот како еден стан од 50 м2 да се претвори во практичен и функционален простор којшто истовремено ќе изобилува со комотна и луксузна аура. Во денешно време, се среќаваме со сè помали станови токму како оној на којшто работевме со колегите од Академијата, па така имавме можност да искусиме како е да се работи на реален проект како дизајнер на ентериер. Тоа ме поттикна да изнајдам креативен начин да го уредам просторот, но и да внесам нов и поразличен ентериер од оние коишто ги среќаваме во секојдневието. 

За соработката при процесот, за менторите би сакала да кажам…

Премногу сум среќна што имав можност да соработувам и да учам од мојот ментор Илија Паунков. Благодарение на неговото искуство, знаење и неговите естетски вредности, тој точно ми посочи како треба и како не треба да изгледа еден ентериер, рендер, материјал, боја, буквално до најситен детаљ.

Како би го опишале вашето финално решение…

Луксуз и доминација во мал простор. Целта ми беше да направам практичен, автентичен и уникатен простор за живеење. Финалниот дизајн и ентериер на просторот се во специфичен стил којшто можеби не е прв избор на многу луѓе, но за мене беше важно да го извлечам најдоброто од себе како дизајнер.

Другарски совет за сите оние кои сакаат да се запишат на академија во „Скала“…

Мој совет е без двоумење да го направиш првиот чекор и да се запишеш на Академијата за ентериер и продукт-дизајн, бидејќи ова е една од најдобрите одлуки којашто може да ја направиш за тебе и твојата кариера.

 

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

 

Ивана Латинска

При процесот на креирање, се соочив со…

Мојата задача, како и на моите колеги, беше да уредиме стан од 50 м2. Мало и компактно катче коешто за мене се претвори во еден интересен предизвик меѓу другото и голем поттик да бидам што покреативна, претворајќи го ова мини гнездо во мала, но удобна оаза за живеење. При целиов процес се соочив со неколку фази од коишто би сакала да ги издвојам: организација на просторот и избор на бои. 

Организацијата на просторот беше главниот предизвик, како да се направи концепт на мал стан, од којшто е потребно да се извлече максимум, односно, просторот треба да содржи сè што е потребно една индивидуа да може со леснотија да функционира и ужива во истиот. Изборот на бои пак, игра клучна улога во малите простори. Токму затоа во мојот дизајн се одлучив да искористам бела боја и светли неутрални тонови во комбинација со смирени бои коишто понатаму ми го поедноставија процесот на дизајнирање.

За соработката при процесот, за менторите би сакала да кажам…

Во целиот овој процес, од самиот почеток, па сè до крај, без ниеден исклучок, со нас беше нашиот ментор Илија Пунков, професионалец во својата работа. Од запознавањето со материјали на терен, па сè до часовите одржани на градилиште каде што можевме визуелно да видиме кои предизвици ги вклучува оваа креативна професија. Со неговата организирана програма и материјали зададени од негова страна (коишто засекогаш остануваат наш прирачник за следни ентериерни решенија) го поедностави нашето учење и процесот на креирање на финалниот дизајн.

Како би го опишале вашето финално решение…

Инспирација за мојот финален ентериер е скандинавскиот стил. Убавината на дизајнот ја истакнувам искористувајќи природни текстури истакнати преку дрвените подови и пастелни сенки во комбинација со нијанси на неутрални земјени тонови. Минимализам во којшто се претпочитува ред и топлина, гради пријатен простор и буди смиреност.

Другарски совет за сите оние кои сакаат да се запишат на академија во „Скала“…

Од лично искуство и досегашно учење, би ја издвоила Академијата во Скала како една од најперспективни и најпродуктивни академии во областа на ентериер и продукт-дизајн. 

Доколку и вие имате голема желба и љубов кон оваа професија, најискрено ви ја препорачувам како можност за стекнување на практично знаење, изразување на вашиот стил и најважно од сè, можност да се поврзете со компании од индустријата во коишто понатаму имате можност да ја градите вашата кариера.

Девојки, ви благодариме за споделеното искуство. Уживавме во разговорот и вашите финални решенија за дизајн на ентериер. 

Подготвен/а си да го преуредиш твојот кариерен план? – Погледни ја програмата на Академијата за ентериер и продукт- дизајн, раните уписи се во тек, те очекуваме! ♥

✰ ✰ ✰

The post Студентите од Академијата за ентериер дизајн, со предлог решенија за стан во Центар appeared first on Skala School.

Зборуваме со Снежана Ефкоска, Орце Наумовски и Тиана Јовиќ за нивниот семестрален проект на Академијата за моден дизајн, под водство на менторот Александар Ношпал, каде што успешно ги скроија своите лични приказни во парчиња облека.

Проектот е реализиран во рамките на предметот „Модна колекција“ којшто е дел од вториот семестар на Академијата, вклучувајќи темелен процес кон развој и разработка на модна колекција. 

Низ разговорот со нашите студенти, ви го споделуваме искуството при дизајнирање на модните колекции, процесот на учење како и финалните парчиња облека коишто ги откриваат нивните модни перцепции, оригиналност и уникатни пораки испратени преку дизајнот, но и вештина преку равој на идеја, преку модна илустрација и технички цртеж да се конструира, скрои и сошие финално парче облека.

Ви презентираме само по еден + еден „аутфит“ од модните колекции. Ова е само дел од приказната, епилогот ќе го презентираме на есенскиот „Моден викенд Скопје“.

Снежана Ефкоска

Снежана Ефкоска ја дизајнираше колекцијата „Pure Dream“ под нејзиниот моден бренд evila и слоганот: „Ќе бидам жената од моите соништа!“. Нејзината колекција изобилува со земјени тонови и природни материјали како лен и памук низ коишто вешто се вметнати и рачни изработки од плет.

Се одлучив за оваа тема поради…

Брзиот начин на живот со којшто се соочуваме и главниот недостаток на време за себе, до моментот кога сфаќаме дека треба да ги земеме соништата во свои раце. Мојата колекција „Pure Dream“ е создадена со љубов и цел да придонесе кон личната сигурност и самодоверба. Боите и тоновите коишто се дел од колекцијата придонесуваат парчињата  да може да се комбинираат со монохроматски стајлинг, а и меѓусебно.

При процесот на креирање, се соочив со…

При почетоците се соочив со голем страв кој многупати ме блокираше. Но, поривот за промена и стекнување на нови вештини и искуства, силно ме водеше низ соочувањето со сите предизвици при процесот на дизајнирање. Сега кога студиите се завршени, можам да кажам дека „храбар човек – храбар студент“ е оној кој не се плаши, туку оној кој се соочува со сопствениот страв!

За соработката при процесот, за менторот би сакала да кажам…

Периодот поминат со менторот Ношпал за мене беше предизвик, задоволство и целоживотна благодарност. Неговата посветеност дефинитивно ми помогна во остварување на мојот сон! (Pure Dream). Со неговите насоки, придонесе како јас, така и останатите студенти, да се развиваме и да станеме големи сонувачи, учејќи нѐ на несебичност, посветеност, колегијалност и најважното – градење кариера во модниот дизајн.

Другарски совет за сите оние кои сакаат да се запишат на академија во „Скала“…

Годините се само бројка, бидете храбри, соочете се со стравот и покажете ја креативноста. Сѐ додека верувате, ќе ве следи успех, а успехот започнува со секој нов предизвик, нека вашиот следен предизвик биде Академијата за моден дизајн!

Орце Наумовски

Орце Наумовски ја дизајнираше колекцијата „CXXXXXBER“ , црпејќи инспирација од cyber punk-от, потжанр од научната фантастика, за којшто се карактеристични дистопијско-футуристички светови.

Се одлучив за оваа тема поради…

Едноставно, ја избрав оваа тема, бидејќи cyber punk-от ми е омилен потжанр на научната фантастика и така почна сѐ. Сакав од мое гледиште да ја претставам сликата за футуристичката дистопија како дел од cyberpunk-от и истата да ја преточам во модна колекција.

При процесот на креирање, се соочив со…

При процесот на креирање се соочив со неколку предизвици, еден од нив беше изработка на текстура, бидејќи одредени материјали првпат ги имав во рака. Следниот предизвик беше изработката на одредени делови од облеката во мојот случај, тоа беа ракавите коишто од првичните илустрации понатаму беше потребно да ги претставам на технички цртежи, користејќи алатки како Adobe Illustrator и сл.

За соработката при процесот, за менторите би сакал да кажам…

Од страна на менторот, секогаш добивав детални и јасни инструкции во врска со изработката на севкупниот проект. Постојано беше достапен за да ни даде одговор на прашањата коишто ги имавме, а лично мене особено ми помогна со неговите совети,  упатувајќи ме во точната насока.

Другарски совет за сите оние кои сакаат да се запишат на академија во „Скала“…

Другарски совет? Најтешкиот дел е да се седне и да се работи! А потоа – делата сами зборуваат.

Тиана Јовиќ

Тиана Јовиќ ја дизајнираше колекцијата „Супернова“ креирана за сите жени и девојки кои се амбициозни, доминатни, моќни и успешни. Пеку нејзиниот впечатлив дизајн за кој се карактеристични елементите од вселената со фокус на ѕвездите таа го отсликува чувството на самодоверба и автентичност.

Се одлучив за оваа тема поради…

Со оглед на тоа дека имавме слобода при бирање на темата, се одлучив за темата „Супернова“. Сакав да биде несекојдневно и уникатно, а сепак да има силно значење коешто ќе мотивира и инспирира. Зошто баш „Супернова“? – Затоа што тоа е ѕвезда во експлозија којашто го достигнала својот потенцијал. Токму тоа е мојата инспирација. Лично сметам дека сите сме дојдени на планетата со мисија којашто треба да ја исполниме. Секој од нас треба да остави трага и да биде запаметен по своите дела, додека е тука. 😊

При процесот на креирање, се соочив со…

На почетокот, кога почнав да ја креирам колекцијата, се соочив со огромна блокада. Се прашував како да ја доловам идејата зад колекцијата и како да го претставам феноменот „супернова“. Размислував и за тоа дали колекцијата да биде спортска или елегантна, но на крајот, стигнав до нешто коешто ме претставува мене и пораката којашто сакам да ја пренесам… нешто што е вредно, ново и уникатно за сите.

За соработката при процесот, за менторите би сакала да кажам…

Благодарна сум за секоја пофалба, насока од страна на менторот Ношпал, а уште повеќе за секоја конструктивна критика, затоа што токму тие совети и насоки направија да сум поупорна и поцврста во процесот на дизајнирање.

Другарски совет за сите оние кои сакаат да се запишат на академија во „Скала“…

Верувајте во себе и во своите соништа, бидете упорни и не дозволувајте некој да ве убеди дека не можете да го постигнете тоа што ќе го замислите. Единствена граница и пречка на вашиот пат до успехот можете да бидете само вие самите. Токму затоа, ве советувам да преминете преку сите препреки и да се запишете на Академијата за моден дизајн.

Дечки, ви благодариме за прекрасните модни парчиња и инспиративни модни колекции коишто во целост го отсликуваат вашиот стил како модни дизајнери. Ви посакуваме уште многу успех во вашата модна кариера. ♥

Раните уписи на Академијата за моден дизајн се веќе во тек, зграпчи ја шансата и искористи го попустот за уписи, те очекуваме!

Фотографија: Ана В’чкова
Модел: Јана Петровска

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

The post Од атељето на Скала до модна писта! appeared first on Skala School.

Една од примените на дизајнот е тоа што треба да облагородува, но и да предизвикува бунт. Треба да информира и алармира за социјалните и општествените текови.

Зборуваме со нашите студенти на Академијата за графички дизајн, Станка Џекова, Марија Стојановска и Марија Ангелова, за нивниот семестрален проект „НиЕ СМЕ КУЛ“ којшто испраќа силна еколошка порака.

Проектот е изработен во рамките на предметот „Применета фотографија во социјални медиуми“, под водство на менторот Дејан Џолев, каде што задачата на студентите е развијат концепт за фотографија којашто подоцна ќе ја применат во дизајн на постер. 

Почетната точка при креирањето на овој проект беше детектирањето на општествен проблем, што за студентите значеше длабоко „нуркање“ во еколошките состојби во околината, но и во свеста на јавноста. 

Ja обработувавме оваа тема/идеја поради…

Марија А: Дискутиравме за различните аспекти на загадувањето и оваа тема ја избравме најмногу поради состојбата со којашто се соочува Охридското Езеро. Наша одговорност е да ја подигнеме свеста за ова критично прашање.

Станка: Да се смисли креативно решение на популарна тема каква што е „Загаденост“ не беше воопшто лесно. Ни се чинеше дека сѐ е веќе видено, а ние сакавме да биде нешто оригинално. Во процесот на истражување, дојдовме до сознанија дека градот Охрид може да го изгуби статусот на заштита под УНЕСКО и тука се роди идејата.

За соработката со менторот би сакал/а да кажам…

Станка: Менторот Дејан Џолев беше присутен за консултации во текот на целиот процес и нѐ научи како длабински да навлеземе во процесот на креација – нѐ поттикна да одиме до Охрид, да се инспирираме од самата околина и да донесеме материјали. Дури и кога мислевме дека сме задоволни од конечното дело, тој ни покажа дека можеме уште повеќе и со ироничен пристап, делото доби сосема различна димензија и приказна.

Марија С: Кога ја презентиравме идејата на менторот Дејан Џолев, тој веднаш нѐ охрабри и рече: „Дечки, би било супер да одите во Охрид и од плажите да соберете сѐ што ќе најдете“. Така и беше – се прошетавме низ плажите на Охрид и најдовме дури и долги јажиња со искршени пластики коишто потсетуваа на охридските бисери. Во Скопје се вративме со три ќеси ѓубре!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

При процесот на креирање, се соочивме со…

Марија А: Кога се вративме од Охрид со материјалите, веднаш се распакувавме во студиото и се впуштивме во задачата да најдеме привлечна композиција за нашиот постер. 

Марија С: Имавме доста материјал со којшто можевме да работиме, го селектиравме отпадот по бои, материјали и форми. Потребни ни беа два дена фотографирање во студио, додека да дојдеме до крајно решение. 

Станка: При процесот на креирање, најголем предизвик беше да се направи самата композиција од собраните отпадоци. Поминавме низ мнооогу пробни решенија: од различни пејсажи, до многу апстрактни композиции…

Марија С: На крајот, се одлучивме за првичните фотографии, отпадниот материјал го поделивме на четири бои и креиравме четири постери коишто можат да функционираат заедно и самостојно. Тонот на пораката и слоганот ги дополнивме со сарказам и иронија, со цел да предизвикаме внимание.

Другарски совет за сите оние кои сакаат да се запишат на Академијата за графички дизајн…

Станка: Графичкиот дизајн е за сите оние кои никогаш нема да се презаситат од култура и уметност. Луѓе чија креативност не прифаќа ограничувања.

Марија А: Бидете креативни и оригинални, отворени за нови идеи и предизвици!

Марија С: Низ проектот, но и низ сите останати, научив многу. Од менторите, од самата Академија за графички дизајн. Се запознав и дружев со супер креативни и отворени луѓе и би ги советувала сите што се двоумат (како што и јас се двоумев) веднаш да го направат првиот чекор и да се запишат! Ништо не можеш да изгубиш – напротив,  добиваш многу!

Девојки, ви благодариме за споделеното искуство како и посветеноста на проектот и силната порака којашто ја испраќате до јавноста. Која е силната порака којашто сакаш да ја испратиш ти? – Погледни ја програмата на Академијата за графички дизајн и искористи го попустот, раните уписи се во тек, те очекуваме! ♥

https://djolevandthearts.edu.mk/academy/akademija-graficki-dizajn/

 

 

The post Студентите од „Скала“ со визуелна порака за загаденоста на охридскиот брег appeared first on Skala School.

Разговаравме со студентите од Академијата за ентериер и продукт дизајн, Николина Тасевска, Стефани Андова и Наталија Ангеловска, за нивниот семестрален проект од предметот Прототип дизајн студио. 

Предметот е под менторство на Катерина Трпковска, каде што студентите имаа задача да произведат парче мебел од скица, преку технички цртеж, истражување и тестирање на материјали, реализација на прототип-дизајн и конечен продукт.

Проектот е развиван во рамките на предметот Дизајн процес, под менторство на дизајнерот Апостол Тноковски. Ги прашавме околу инспирацијата за темата, начинот на изработка и општо – предизвикот да се создаде нешто коешто првично постоело само како идеја, а потоа се реализирало во физички функционален продукт.

Стефани Андова

Стефани Андова работеше на продукт којшто некои лектори практикуваат да го претстават како „ламба“, а други како „лампа“ 🙂

При процесот на креирање, се соочив со…

Истражување, донесување на одлуки и прилагодување на материјалите кон дизајнот на ламбата. Спојот на оревото дрво и ониксот како контрасни елементи бараше прецизност, упорност и точни димензии. Еден од најголемите предизвици беше сечењето на ониксот до тенкост којашто овозможува излез на светлината од лед-сијалиците; по неколку неуспешни обиди и скршени парчиња оникс, стигнавме до финалната димензија. Вложувањето во процесот бараше труд од наша страна и „засукани ракави“ во работилница. Првичната скица од ламбата беше со остри рабови, но при консултации со менторката Катерина Трпковска, се одлучив за тапи рабови коишто имав можност да ги изработам сама.

За соработката при процесот, за менторите би сакала да кажам…

И покрај тоа што јас сум авторот на дизајнот, без нив делото немаше да изгледа вака. Нивното познавање на секоја гранка и аспект од дизајнирањето имаше значително влијание врз финалниот продукт којшто го добив, на што сум им благодарна.

Другарски совет за сите оние кои сакаат да се запишат на академија во „Скала“…

Ентериерот не ги опфаќа само столчињата и масите или креветот во вашата спална соба. Дизајнирањето ентериер за мене претставува начин да допрам до некого, да прикажам емоција или порака. На Академијата за ентериер и продукт дизајн, дизајнот е учење уметност за којашто треба многу време, посветеност и иновативност и сепак, на крајот, сето тоа вреди многу.

Николина Тасевска

Николина Тасевска, преку реупотреба на отпадни материјали, изработи клуб-масичка, а кога нејзината маса би имала име, таа би ја крстила: случајност.

При процесот на креирање, се соочив со…

Голем број на предизвици и промени, почнувајќи од идејата па сè до дизајнот на парчето мебел. Всушност, првичната моја идеја исто така, се однесува на дизајн на ламба, но ограничените ресурси ми овозможија да ја разбудам креативноста и да се препуштам на процес којшто претставуваше вистинска трансформација. Масата се „роди“ низ разговор со менторите и воочувањето дека не секогаш ни се потребни нови материјали за изработка на продукт. Така, металната спирала на мојата маса е отпад од стар камион, а преку шмирглање и фарбање на истата во работилницата на татко ми, имав можност да ја претворам во функционална ногарка којашто може да се користи и како мини полица за книги.

За соработката при процесот, за менторите би сакала да кажам…

Менторите ми помогнаа многу до реализација на идејата. Особено Апостол Тноковски кој ми помогна со идејата дека можам да искористам спирала од камион за ногарка на масичката.

Другарски совет за сите оние кои сакаат да се запишат на академија во „Скала“…

Моја препорака е да се определите за развој на продукт-дизајн од причина што ќе имате можност да креирате многу креативни и функционални артефакти. Со тоа ќе им помогнете и решите одреден проблем на клиентите и ќе ги направите среќни!

Наталија Ангеловска

Наталија Ангеловска создаде минималистичка ламба во големи димензии којашто се вклопува во модерен ентериер.

При процесот на креирање, се соочив со…

За време на процесот, се соочив со предизвикот да се постигне рамнотежа меѓу функционалноста и естетиката на столната ламба. Истовремено, се стекнав со искуство и научив како функционираат машините, кој алат за што е и како се употребуваат. Додека го изработував продуктот, ги имавме на располагање сите потребни машини и суровини за да се изведе мојата идеја и генерално идеите на моите колеги.

За соработката при процесот, за менторите би сакала да кажам…

Процесот се одвиваше во пријатна и креативна атмосфера. Пред сѐ, благодарна сум на менторката Катерина Трпковска која го сподели нејзиното богато искуство во пронаоѓање на креативни решенија при производство на мебел, со тоа што ми помогна во реализацијата на овој продукт.

Додека пак, во развојот на идејата стигнав многу лесно, следејќи го дизајнерскиот пристап којшто ја нагласува функционалноста, со помош на менторот Апостол Тноковски.

Другарски совет за сите оние кои сакаат да се запишат на академија во „Скала“…

Во моментов, ентериер и продукт-дизајн е распространета и барана професија. Академијата во „Скала“ нуди нова програма којашто ги следи трендовите и потребите на креативните индустрии. На Академијата, ќе имате можност да учите од супер искусни и професионални ментори од кои и јас лично научив многу.

Искрено ви ја препорачувам, затоа што оваа Академија е идеалното место за да стекнете знаење!

Девојки, дизајнерки, ви благодариме што ни споделивте нешто повеќе за вашата приказна од идеја до реализација на вашите парчиња мебел. Вашето искуство е вистински пример за практичното образование коешто го стекнуваат нашите студенти од развој на скица, па сè до изработка на финален продукт.

Погледни ја севкупната програма на Академијата за ентериер и продукт дизајн и искористи го попустот за ран упис, не дозволувај твојот дизајн за ламба да остане само скица во тетратка! ♥

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

The post Од развој на скица до дизајн на парче мебел appeared first on Skala School.

Студентите од Aкадемијата за UX/UI+дизајн успешно ја градат својата кариера како веб дизајнери, а дел од нив денес се и колеги во Vendor – платформата којашто успешно ги решава главните проблеми на е-трговијата. 

За искуството во Vendor, соработката со колегите и добрите практики научени од Академијата поразговаравме со Ирина Чабуковска, Ивана Коцева и Марија Бежаноска, студенти на Aкадемијата за UX/UI+ дизајн и Теона Димова, алумни-студент на Aкадемијата за графички дизајн.

Ирина Чабуковска

Разговорот го започнавме со Ирина Чабуковска, која ни сподели повеќе за нејзиното работно искуство како UI/Web дизајнер…

Веќе речиси месец дена сум во Вендор и со сигурност можам да кажам дека ова е одлично искуство.Имам можност да работам на многу интересен проект и да се фокусирам на развојот на истиот. Постојано го применувам искуството од Академијата, за да создадам квалитетни дизајни, подготвена сум да учам и да ги развивам своите вештини на оваа позиција.

Дел од работниот процес на еден веб-дизајнер е барањата на клиентот да ги преточи во функционален, визуелно допадлив и лесен за користење веб-сајт. За искуството и предизвиците  како веб-дизајнер, таа ни сподели…

Работата исполнува и стимулира. Во моменти кога се соочувам со проблем, се насочувам кон креативно размислување, планирање и соработка со тимот. Така учам нови работи коишто ми помагаат да ги надминам проблемите.

Низ разговорот, ни посочи и кои се најзначајните научени лекции од Aкадемијата за UX/UI+ и како истите ѝ користат при работата денес…

Научив да истражувам – клучно е правилното пребарување на моменталните трендови и правила во светот на UX/UI. Ja развивав својата креативност и иновативност, а дознав и многу нови алатки коишто ги користам секојдневно и ми се многу корисни за правилна комуникација со мојот тим.

Теона Димова

Покрај Ирина, во Vendor повеќе од една година е и нашата алумни-студентка, Теона Димова. За неа, ова работно искуство е од особено значење и за истото ни сподели…

Кога ќе се сетам на првиот работен ден во ретроспектива, не ни можев да претпоставам  дека толку добро ќе се снајдам и ќе уживам во работата!

Работата ми е динамична, несекојдневна. Секој ден е ден-предизвик и токму тоа го барав по завршувањето на Академијата -нешто коешто ќе ме поттикне да пораснам, да се обидам во различни домени на индустријата, а сега, по една година – знам дека ја направив правилната одлука.

Кога со неа се навративме на студентските денови на Академијата за графички дизајн и како ѝ помогна тоа искуство, таа ни сподели…

Ми помогна на многу начини, а најважно беше да се отворам креативно, а со тоа да дојдам чекор поблиску до она што го бараат клиентите. И уживам!

Vendor е платформа којашто преку најнови технологии овозможува креирање на е-продавница за само неколку секунди. Vendor e продукт на компанијата Altius која што повеќе од 8 години изработува дизајни, веб-сајтови и мобилни апликации. Еден од основачите на Altius e Дејан Милосавлески, наш долгогодишен соработник и ментор на Aкадемијата за UX/UI+ кој денес, во соработка со Ирина, Теона и Марија, успешно креира уникатни
e-commerce дизајни за клиентите на Vendor.

Марија Бежаноска

Марија Бежаноска пак, е многу возбудена за новата работа, а веќе 2 недели е дел од тимот.

Си ја сакам работата и уживам во соработката со моите нови колеги и се радувам што придонесувам за успехот на компанијата. Секој работен ден ни почнува со планирање на задачите и ефективна работа во пријатна средина.

За соочувањето со работните предизвици на еден UX/UI+ дизајнер, особено откако завршија студиите, ни сподели…

Предизвиците се постојано тука, а со истите се соочувам преку следење на најновите веб-дизајн трендови и координација со поискусните колеги. Но, ова не би било возможно без искуството коешто го стекнав на Академијата за UX/UI+ дизајн. Преку развивањето и усовршувањето на дизајнерското око и примената на модерните текови во UI-дизајнот, како и градењето работни навики, севкупното искуство на работа е успешно!

Ивана Коцева

Од искуствата на работа, преминуваме на Ивана Коцева која од неодамна започна со пракса во Vendor и соработува со своите колешки од Академијата. За нејзиното едномесечно искуство како практикант, ни сподели ….

Неверојатно позитивно искуство! Од самиот почеток работам на реален проект каде што можам практично да го применам моето знаење и да соработувам со тим од талентирани професионалци. Праксата е одлично искуство. Најзначаен предизвик засега ми е постојаното изнаоѓање креативни решенија за различни проблеми што ми овозможува да ги надградам своите вештини.

Од клупи – на пракса. Што научи од Академијата?

Преку Академијата, стекнав знаења и вештини кои што сега ги применувам секојдневно, овозможувајќиси да напредувам во моите задачи и да придонесам за проектот во кој што сум вклучена. Од сѐ што научив, би ги издвоила лекциите за UX-дизајн и frontend-програмирање, како највредни во мојата сегашна улога.

Девојки, се радуваме на вашите искуства и ви посакуваме уште многу успешни проекти во вашата кариера! Само напред!

Погледнете ја програмата на Aкадемијата за UX/UI+ дизајн, раните уписи се веќе во тек, зграпчи ја можноста, се гледаме на Академија – време е за промени!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

✰ ✰ ✰

The post Вработени на последниот час – студенти од Академијата за UX/UI дизајн appeared first on Skala School.

Зборувавме со Сара Фиданоска, Анастасија Димкова, Андреј Крстевски и Александра Стојковска за нивниот семестрален проект од предметот Применета фотографија во дизајн, под водство на менторот Дејан Џолев, каде што успешно ги спојуваат главните сегменти во графичкиот дизајн – идеја и реализација со порака.

Студентите имаа за задача да детектираат општествен проблем, а потоа да развијат концепт за визуелно графичко решение коешто ќе го применат во дизајн на постер.

Проблемот којшто нашите студенти го ставија во фокус произлегува од нивните искуства и разочарувања од здравствениот систем. Па така „се роди“ проектот „Ништо не ти е“ како инспирација за промена и критика кон здравствениот систем.

При процесот на креирање, се соочивме со…

Александра: На фотографскиот сет поминавме супер, сите имавме определена задача којашто ни го олесни процесот. 

Сара: Слоганот „Ништо не ти е” го имавме уште на почетокот, но првичната идеја за фотографиите ни беше комплетно различна. Во нашата првична замисла беа вклучени модели и многу екстреми/апсурдни реквизити, но на крајот заклучивме дека минималистичко решение со само употреба на главните реквизити како апарат за мерење притисок или топломер, ќе бидат доволни да ја доловат нашата главна идеја.

Андреј: Имавме супер координација. Тоа резултираше со одлични резултати.

За соработката со менторот би сакал/а да кажам…

Анастасија: Тоа коешто мене ми остави впечаток во процесот од менторот е постојаната достапност, поддршка и совети за било кој дел од процесот.

Александра: Помошта и насоките коишто ги добивме на фотографскиот сет и во постпродукцијата на фотографиите имаат голема улога во крајниот резултат.

Сара: Од особено значење беше посветеноста на менторот во процесот на развивање на идејата!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академијата за графички дизајн…

The post Проектот „Ништо не ти е“ – Академија за графички дизајн appeared first on Skala School.

Разговаравме со нашите студенти Mаја Матлијоска, Тони Петрушевски, Тиана Јовиќ и Mихаела Штерјова, студенти на Академијата за моден дизајн , за нивниот првосеместрален проект на темата „Шкотско каро“ на кој работеа под менторство на Никола Булески-Буле и Александар Ношпал.

Сите четворица тргнале во различен правец од една заедничка точка, материјалот „шкотско каро“. Овој патерн има безброј можности за реализација кога треба да осмислите модел на здолниште. Нашите студенти размислувале на неколку различни теми: современа, традиционална, панк и филмска презентација на нивните модели. Затоа, здолништата се направени по четири различни, а автентични идеи.

Се одлучив за оваа тема/идеја поради…

Тиана: Оваа тема ја одбрав, бидејќи серијата „Stranger things” постигна огромна популарност и ме освои по само првата епизода. Инспирирана бев од вистинската љубов и несебичност помеѓу групата пријатели (којашто денес во реалниот свет е ретка) како водечка сила којашто резултираше со храброст и истрајност и ги мотивираше да се борат и да го заштитат нивниот град и самите себе.

Сакав мојата креација, како и самата серија, да биде уникатна и оригинална – да отстапам од нешто коешто се смета за вообичаено. Според мене – тоа е голем дел од патот до успехот.

Маја: Се одлучив за оваа тема поради желбата да искажам како луѓето во денешницата се соочуваат со голем број препреки, позитивни и негативни, исто како и на шаховското поле. Црно и бело. Како во Queen’s Gambit 🙂

Михаела: Се одлучив за оваа тема, бидејќи отсекогаш сум сакала бунтовни жени, жени кои имаат самодоверба, револуционерки. Тој тип на жена не се плаши да го искаже своето мислење, да има свој став, се двои од општеството и не се труди да се вклопи во истото. 

Како таков карактер на жена ја одбрав актерката Руни Мара во улога на Лизбет Саландер во филмот/книгата ,,Girl with the dragon tattoo’’ која претставува главна инспирација во мојата колекција ,,Delinquent’’.

Тони: На тема ,,Шкотско каро”, зададена од проф. Ношпал, имавме задача да направиме колекција на здолништа, вметнувајќи го карото во нашите дизајни. Темата ја поврзав со кралското семејство, односно со бракот помеѓу принцезата Дајана и принцот Чарлс. Нивната упорност и потреба од развод, заедно со нивниот бунт којшто низ годините се зголемува, на крајот успеваат да ги поместат границите и законите на монархијата и црквата.

Токму тој бунт мене ме инспирираше за создавање на оваа колекција којашто ја нареков ,,MOMENTUM”. Во овој случај, се работи за емоционална состојба којашто трае извесен временски период, којашто нѐ доведува до моментум. Емоции коишто ги потиснуваме во себе, ги задржуваме во нас, се таложат и прераснуваат во нешто многу поголемо. На нас останува да го избереме патот по којшто ќе се движиме. Дали ќе продолжиме да ги потиснуваме? Или ќе собереме храброст и ќе се соочиме со истите?

При процесот на креирање, се соочив со…

Маја: При процесот на креирање, се соочив со мало чувство на сомнеж и огромна амбиција дека ЈАС МОЖАМ. 

Михаела: Морам да кажам дека се соочив со потешкотии од разно потекло, но бев упорна и брзо ги надминав истите!

Тони: На почетокот на семестарот, се соочував со адаптирање на самите предмети и ментори и сите активности што следат со самата академија. Од друга страна, се соочував и со понапорна агенда во текот на денот, бидејќи напоредно и работам, но секако учиш како да ги балансираш обврските… 😊

Тиана: При процесот на креирање, се соочив со секакви предизвици, успони, падови и многу емоции. Од немање идеја како да се почне до имање милион идеи и проблем со тоа каде да се насочам, од денови во коишто сѐ оди под конец, до денови во коишто и наједноставните задачи ми изгледаат како преголем залак.

Нема да кажам дека е лесно, но со сигурност можам да кажам дека вреди.

За соработката при процесот, за менторите би сакал/а да кажам…

Маја: Имам само позитивни мислења за нив, исто како што професорите ме поддржаа и мотивираа да работам на тема којашто навидум ми изгледаше „невозможна”. Но, при процесот на работа, сфатив дека зборот „невозможно“ го нема во речникот на успехот.

Михаела: Менторите ми беа од огромна помош при решавање на проблемите коишто се појавија низ процесот на креирање модно досие и модна колекција. Тие беа многу посветени и успешно ни го пренесоа нивното долгогодишно знаење и искуство. 

Тони: Со помош на индивидуални разговори со менторите, со цел разработка на нашата тема, односно разработка на шаблоните на здолништата од колекцијата, многу ни помогнаа за полесно соочување со предизвиците.

Тиана: Сакам да истакнам дека сум благодарна што имав можност да ги запознам како луѓе, а уште поблагодарна сум што добив шанса да ги имам како ментори.

Секој е посебен карактер и секој има свој начин на работа и токму тоа сметам дека ќе биде клучниот фактор за справување и соработка со различни клиенти во понатамошните работни искуства.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Маја, Тони, Тиана и Mихаела, студенти на Академијата за моден дизајн appeared first on Skala School.

Разговаравме со нашите студенти Ирина Чабуковска, Андреј Стамевски и Марија Бежаноска, студенти на Академијата за UX/UI+ дизајн , за нивниот семестрален проект на предметот „UI дизајн“ под менторство на Дејан Милосавлески.

Сите тројца имале различни идеи во креирањето на основите страници, но она што е впечатливо е што сите размислувале на корисничките принципи и барања и особено добро ги претставиле своите прототипирани страници. Истите можете да ги видите како функционираат подолу само со еден клинк на линкот 🙂

Кликни ТУКА за да го разгледаш и веб сајтот (прототип).

Се одлучив за оваа тема/идеја поради…

Ирина: Имавме за задача по предметот UI да изработиме Newsletter форма. Во процесот на избирање фотографија се одлучив за една со девојка со многу уникатна тетоважа, и кога дојде време за изработка на Landing Page-от се одлучив да го продолжам истиот стил и така дојде до идејата.

Андреј: Идејата е поедноставување на Booking.com платформата, односно чист и интуитивен интерфејс, со тоа што на корисниците ќе им ја олесни навигацијата и чекорите вклучени при букирање (закажување на место за престој).

Дизајнот е со интуитивни елементи кои лесно и брзо го водат корисникот низ процесот. Боите се задржани од постоечкиот брендинг.

Марија: Редизајнот на веб страната на Booking.com беше задача која ја добивме од нашиот ментор по UX/UI+ дизајн. Морам да напоменам дека овој проект за мене беше прво, вистинско соочување со (ре)дизајн на една веб страна, после нашите пробни проекти и дизајни. Проектот сам по себе ја разбуди имагинацијата во мене и ми помогна да дизајнирам и креирам на начини на коишто никогаш не замислував дека би можела да творам.

При процесот на креирање, се соочив со…

Ирина: …моменти кога се чувствував како да немам идеи кои би ја истакнале мојата работа и бев незадоволна од себе. Но, со помош на советите од менторите и постојан research секогаш доаѓав до крајни резулати на кои сум многу горда. 

Андреј: При процесот на еден ваков редизајн, на прво место е разбирањето на корисникот. Дизајн архитектурата е клучна за една ваква веб страна. Потребно е да се ставиме на местото на корисникот за да го детектираме проблемот. Во случајов Booking.com е многу збунувачки и преплавен со непотребни елементи и информации кои се повторуваат и затоа процесот на симплификација е главен сегмент на редизајнот.

Марија: Морам да кажам дека самиот процес на креирање и дизајнирање веб страна (па и сè останато) „from scratch” знае да биде малку „заплашувачки” и за мене беше огромен предизвик. Но, благодарение на соработката со менторите и колегите, и секако напорната работа, успеав да го совладам тоа чувство на неудобност и да ги креирам посакуваните дизајни.

Кликни ТУКА за да го разгледаш веб сајтот (прототип).

За соработката при процесот, за менторите би сакал/а да кажам…

Ирина: Секогаш кога беше потребна помош или фидбек, беа тука за нас и помагаа да се подобриме. Ни даваа корисни совети како да излеземе од комфор зоната и да достигнеме ново ниво во квалитетот на работата. 

Андреј: Уживав во соработката со менторите, ме охрабрија да ги реализирам сите мои идеи!

Марија: Менторите беа поддршката која на сите нас, како почетници ни е навистина важна и потребна. Од раѓање идеја за конкретен дизајн, помош при преточување на таа идеја во lo-fi прототип, до креирање завршна дизајн верзија/hi-fi прототип…

Насоките и советите навистина беа добредојдени и ме насочија на вистинскиот пат.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Кликни ТУКА за да го разгледаш и веб сајтот (прототип).

Другарски совет за сите оние кои сакаат да се запишат на Академија во Скала…

The post Студентски осврт сo Ирина, Андреј и Марија, студенти на Академијата за UX/UI+дизајн appeared first on Skala School.