Преку 60 студенти од Скала-Школата за дизајн, уметност и технологија, летово ја имаа можноста откако ги завршија циклусот студии, да влезат во практична примена на своите знаења во различни компании.

Издвојуваме тројца од нив кои веќе се на пракса и ни раскажаа какво им е искуството периодов додека се во различни компании.

Ја прашавме Гаја Смилевска, наша студентка на Академијата за визуелни уметности која е веќе на пракса во дизајн студиото Кома. Си зборнавме и со Марија Трајковска, студентка на Aкадемијата за моден дизајн која e на пракса во модната компанија Bella. Како се чувствува на пракса и кои и се активностите, ни сподели и Кристина Петровска, студентка на Академијата за ентериер и продукт дизајн, која во моментов работи на проект во Stone Design студиото.

Гаја Смилевска

Гаја ни сподели позитивни впечатоци која во Koma студиото за дизајн како Графички дизајнер, веќе ужива во работата.

Koma студиото за дизајн постои повеќе од 10 години како графичко студио и печатарски услуги, а најпознати се на пазарот по брендирањето и целосни графички идејни решенија за неколку домашни фестивали, како и дизајн на литература и детски книги.

Кога првпат стигнав на пракса, неочекувано се почувствував – изгубено! Чекав всушност, да ми каже некој што треба да правам. Но, брзо сфатив – доколку сакаш да ја добиеш работата, треба самиот да си ја побараш. Од тогаш, сите креативни предизвици кои ми ги пружа овој месец работа, можев да ги совладам во опуштената атмосфера на дизајн студиото Кома во кое сум.

Марија Трајковска

Марија пак ни сподели интересно искуство од нејзината пракса во модната компанија Bella.

Bella e македонски моден бренд кој активно и успешно гради професионална приказна повеќе од 30 години на домашниот и локален пазар, промовирајќи ја визуелната приказна за современата и модерна жена.

Праксата во Bella многу ме радува, затоа што сите колеги со кои работам се пријателски расположени и многу вложуваат во мене, сакајќи да го пренесат нивното знаење. На почетокот бев многу возбудена и исплашена, затоа што не знаев што ме чека. Со текот на времето, си го наоѓам своето „место“ и веќе се опуштам. Во Bella сум месеципол, сега е посериозна работата, навлегов во сите елементи на работењето во пракса. Можам да кажам дека има голема разлика од тоа кога бев студентка на Академијата, бидејќи тука веќе сум вклучена во реалниот, сериозен процес во кој морам да се снаоѓам. Но, е преинтересно!

Кристина Петровска

Кристина Петрова, која е на пракса во Stone Design студиото за ентериер, има поинакво но сепак драгоцено искуство.

Stone Design студиото за ентериер има повеќе од 20 години меѓународно искуство на проекти, како и проширена мрежа на консултанти, партнери и советници низ Европа. Студиото е вклучено во повеќе од 400 проекти во областа, како лидер на инженерскиот тим или дел од поголеми меѓународни тимови.

Поради извесни околности, праксата не можеше да се одвива со физичко присуство, но тоа не ме попречи во работењето – работам на проект од компанијата и задоволна сум од атмосферата и работата.

И ние се радуваме со вас, девојки!
Продолжете да бидете кул и учете, создавајте, менувајте се и секогаш уживајте во професионалната надградба!

✰ ✰ ✰

Уписите за новата Академска 2022/23 година се во тек.

Уписите за 14 обуки од областа на дизајнот, уметностите и технологија се во тек!

The post „Скала“ студентите од Академиите за ентериер, моден дизајн и визуелни уметности на пракса! appeared first on Skala School.

Преку 60 студенти од Скала-Школата за дизајн, уметност и технологија, летово ја имаа можноста откако ги завршија циклусот студии, да влезат во практична примена на своите знаења во различни компании.

Издвојуваме тројца од нив кои си ја „пробаа среќата“ и ни раскажаа какво им е искуството периодов додека се на пракса.

Си зборнавме со Андријана Антова, студентка на Академијата за графички дизајн која е на пракса во маркетинг и адвертајзинг агенцијата New Moment , но и со Мартин Чичовски, наш студент на Академијата за визуелни уметности, кој е на пракса во маркетинг агенцијата Division. Ја прашавме и Ана В’чкова, студентка на Академијата за визуелни уметности какво е искуството досега -таа од неодамна е на пракса во маркетинг агенцијата Brand Union.

Aндријана Антова

Андријана ужива на пракса во New Moment, затоа што голема радост и е можноста за откривање на нови страни од нејзината професија како Графички дизајнер.

New Moment е маркетинг и адвертајзинг агенција основана во 1993 година, со преку 100 интернационални награди и главен интерес за телевизиска и филмска продукција, серии и тв шоуа.

Едвај чекав! Чекор напред, нешто ново, исполнето со нови искуства и вештини. За практикантската работа би кажала дека е предизвикувачка, но дефинитивно ме мотивира да го разгледувам тој свет и да не се откажам. Секоја зададена задача, дури и онaa што можеби изгледа лесно, секоја ми е интересна на свој начин, и секогаш има нешто ново да се открие. А најинтересно ми е тоа дека – можеш да си слушаш музиче, и да си работиш. Сето тоа не би било така без тимот кој секој ден носи позитивна енергија на работното место.

Многу насмевки на луѓе од кои може многу да се научи. Работа + убаво поминато време. Така оваа практична реалнот за мене е многу значаен дел, кој дефинитивно ме носи една скала погоре – вели Андријана.

Мартин Чичовски

Мартин ни сподели дека многу му е забавно на пракса како Видеограф, и дека тој е „најмал“ во кругот, но тоа за него значи можност да научи што повеќе. Тој неодамна имаше премиера на својот прв сериски филм од шест епизоди „Генерација Бушави“, во Кино Милениум пред бројна публика. Честитаме Мартин!

Division е маркетинг агенција со преку 20 години творечко постоење, почнувајќи од 2001 година. Освен што ја водат кампањата за првата македонска стриминг платформа Gley, тие имаат преку 40 клиенти со кои соработуваат.

Првата недела на пракса беше подолга од втората, барем во мојата глава, не буквално.

Недела бр. 1

Од понеделник до петок времето ми беше исполнето со запознавање со колегите, обзервација и предозирање со Цевитана. Во Division имаме прекрасни услови за работа, квалитетна опрема и нетрадиционална работна атмосфера, што е доста невообичаено кај нас. Пред да бидам награден со задача, најпрво мораше да ги откријам своите креативни способности, и тоа не е нешто што се случува преку ноќ. Следниот чекор би бил надоградба, односно да учам преку набљудување и работа, а ова сметам дека е нешто што нема рок на траење. Се наоѓам во круг на луѓе кои се постари од мене, и имаат многу поголемо искуство, всушност јас сум најмал во кругот. Заминав на пракса со цел да учам, не знам дали би одлучил да останам тука да работам. Планирам да продолжам со студии во САД, а праксата би ми помогнала да се качам скала погоре до целта – ни кажа Мартин.

Ана В’чкова

Убави впечатоци ни сподели и Ана, која во Brand Union како Графички дизајнер, веќе ги воочува разликите од студент во практикант, но тоа секако ја охрабрува.

Brand Union постојат повеќе од 10 години како маркетинг агенција која освен што прави дигитални кампањи за своите брендови, организатор е на настани, како и продукција на видео и фотографија.

Праксата за мене претставува позитивно искуство бидејќи имам можност да го применам досегашното здобиено знаење. Добивам можност да се надоградам од технички и креативен аспект и да работам во позитивна и конструктивна атмосфера со колеги кои ме охрабруваат и насочуваат кон подобрување. Разликата што ја воочувам при транзиција од академија во “практикантско столче” е во тоа што на академијата при процес на учење имав повеќе време за разработка на решенија и дизајн размислување додека сега се учам кон поекспедитивно донесување на одлуки, што секако има свои предности.

Менторите од академијата ни ги претставија техничките можности на програмите и алатките, но уште побитно и позначајно за мене беше тоа што тие предавања не беа сувопарни туку синтеза од технички можности, креативно размислување, разговори за уметност и дизајн, изложби и настани. Имав ментори кои ме охрабруваа да правам исчекори, да бидам посигурна во себе и слободно да творам. Прекрасно е кога има луѓе кои те гледаат со очи полни ентузијазам додека зборуваш за своите идеи и дела, давајќи ти искрени насоки, коментари и критики. – вели Ана.

И ние се радуваме со вас, девојки и момци!
Продолжете да бидете кул и учете, создавајте, менувајте се и секогаш уживајте во професионалната надградба!

Фотографии: Антонио Станков

✰ ✰ ✰

Уписите за новата Академска 2022/23 година се во тек.

Уписите за 14 обуки од областа на дизајнот, уметностите и технологија се во тек!

The post „Пракса? Едвај чекав“ – Нашите „Скала“ студенти на пракса! appeared first on Skala School.

Една од поважните работи која Скала – Школата за дизајн, уметност и технологија ја застапува е поврзувањето на компаниите со студентите. Токму и тоа ни беше намерата и ова лето, конкретно на 7ми и 8ми јули, кога се случи дводневниот настан „Студентите зборуваат“.

Повеќе од 60 студенти од Академиите за дизајн [графички, моден, ентериер и продукт дизајн, визуелни уметности] јавно се претставија преку своите порфолија, пред главните менаџери на најзначајните компании од креативните индустрии, каде во текот на летото студентите ќе имааат едномесечна пракса и можност за понатамошно вработување.

Учествуваа претставници од следниве компании: New Moment, IDEA+, Fabricca, Koma Design Studio, Brand Union, Salt Milano, Bella, FWSK, Ирина Тошева, MAD Студио, INSPO Design & Architecture, Stone Design, БХ Архитектс, Sols, Brumell, Skala Magazine, Skala School, Navigators PR, Светот на Биби, Division, Macedonia-Export, GA & IV Group, Umno.mk, Издавачки центар – ТРИ.

Во однос на ваквите поврзувања на студентите со компаниите, неколку од сопствениците на различни фирми дадоа своја изјава. Една од нив е компанијата „INSPO Design & Architecture“, студио за дизајн на ентериер.

„Сметаме дека ваквиот начин на поврзување на студенtите со соодветните компании кои што вие го практикувате дефинитивно треба да стане редовна пракса кај нас. На нас ни овозможува поблиско запознавање со потенцијалниот практикант и неговиот начин на работа наместо класичното интервју за работа и истовремено им овозможува на студентите полесно дастапат во контакт со дел од компаниите каде што би сакале да бидат дел од тимот. Воедно, позитивна работа во целиот овој процес е што покрај завршената обука, дополнително имаат можност она што го научиле, да му најдат практична примена и да си отворат простор за потенцијално вработување“

На настаните имаше присутни претставници од многу различни компании, меѓу кои и домашната компанија, добро претпознатливиот бренд за деловна женска облека „Bella“, а во нивната работна приказна веќе има неколку наши студенти кои се вработени низ изминатите години.

Во однос на поврзувањето на студентите со компаниите, тие изјавија:

„Без разлика од каде ни доаѓаат кандидатите, праксите се важен дел од евалуацијата за понатамошните вработувања, иако самите по себе не се секогаш пресудни. Праксите секогаш ни дозволуваат да утврдиме како некој ќе се снајде во оваа средина и се одличен инструмент за проверување на вештините, како и извршување на обврските, т.е задачите.

Примената на знаењата во индустријата се различни во однос на едукацијата, но професионалниот развој е примарно најважен и пожелен за секој еден кандидат, како за нив лично, така и за нас во развојот како компанија“.

Добар пример за тоа дека е важно да се вклучи младиот потенцијален кадар,  дадоа и од маркетинг агенцијата „Division“, во која веќе неколкумина студенти ќе бидат вклучени во летните пракси. Од агенцијата велат:

„Во маркетинг агенцијата „Division“ секогаш се стремиме да дадеме шанса на младите генерации и сите оние кои ќе покажат желба и потенцијал да станат дел од нашиот тим. Со тоа тимот на „Division“ добива ‘подмладок’ со нови креативни енергии, а самите студенти и практиканти имаат можност да напредуваат и да учат од искусни професионалци од областа.“

Овие настани се важна врска помеѓу тековните трендови на пазарот на труд и потенцијалните идни вработени во индустријата. Преку „Студентите зборуваат“, имавме шанса да ги претставиме младите умови на кои им е потебна поддршка и истовремено да ги збогатиме опциите за свеж, креативен кадар за постоечките компании кои имаат потреба од тоа.

★ [клик] ЗАШТЕДИ 300 ЕВРА СО РАН УПИС ДО 30ти ЈУЛИ! 

★ [клик] Академија за графички дизајн
★ [клик] Академија за визуелни уметности
★ [клик] Академија за моден дизајн
★ [клик] Академија за ентериер и продукт дизајн
★ [клик] Академија за UX/UI+
★ [клик] Академија за Product Owners

The post Нашите студенти на пракса во креативните индустрии appeared first on Skala School.

„Џолев и уметностите“ и „Њу момент“ и покрај неколкугодишната неформална соработка, на 3 март 2020г. официјално потпишаа Меморандум за соработка, кој вклучува и овозможува студентски пракси за студентите од Академиите за визуелни уметности и графички дизајн. 

Врската помеѓу образованието и креативните индустрии е клучна алка за понатамошниот развој на дизајн-сцената. „Џолев и уметностите“ како водечки центар за едукација од областа на дизајнот и уметностите, води особена грижа за овој аспект и е во постојана комуникација со најзначајните дизајн-студија, маркетинг и адвертајзинг-агенции. Во рамките на својата едукативна политика и стратегија „Џолев и уметностите“ овозможува задолжителна студентска пракса на сите свои студенти, по завршување на академијата.

Лидер во овој сектор е интернационалната компанија „Њу момент“ (New Moment – new iDeaS company – Skopje), која од 1993 година успешно работи во Скопје и денес претставува една од најзначајните маркетинг и адвертајзинг-агенции во регионот, специјализирана во сите апекти на маркетингот, како дизајн и видео-креатива, стратешко планирање, евент-менаџмет, истражување, односи со јавност, медиа-планирање, итн., работејќи за најголемите глобални брендови на пазарот, додека за нивните успешни проекти сведочат и 113 интернационални награди. 

„Оваа вест пред сè е најзначајна за нашите студенти! По завршување на студиите, најважно за нив е практично да го применат стакнатото знаење во креативните индустрии… Најдоброто место за понатамошниот развој за еден креативец или дизајнер е да биде помеѓу голем број на креативци и дизајнери, а секако тоа е „Њу момент“. – истакна Дејан Џолев, генерален менаџер на Школата за дизајн и уметност „Џолев и уметностите“. 

Меморандумот за соработка го потпишаа Јелена Ивановиќ – Executive Director во „Њу Момент“ и Дејан Џолев – Генерален менаџер на „Џолев и уметностите“. 

Од „Џолев и уметностите“ додаваат дека во моментов на Академија за визуелни уметности се активни 22 студенти, додека уписите за програмата Академија за графички дизајн се во тек. 

The post Дизајнери на пракса – потпишан меморандум за соработка со NEW MOMENT appeared first on Skala School.

Модната куќа Waescheflott Wien e основана во 1948 години, и управувана од фамилијата Stekl. Важи за една од најценетите модни куќи во Виена која се уште работи рачно изработени, custom-made парчиња облека.

Во рамките на соработката, Waescheflott Wien ќе им овозможи работни пракси на студентите од Академијата за моден дизајн, во нивното ателје кое се наоѓа во центарот на град Виена.

The post Студентите од Академијата за моден дизајн на пракса во Модната куќа Waescheflott од Виена, Австрија appeared first on Skala School.