Разговаравме со нашите студенти Mаја Матлијоска, Тони Петрушевски, Тиана Јовиќ и Mихаела Штерјова, студенти на Академијата за моден дизајн , за нивниот првосеместрален проект на темата „Шкотско каро“ на кој работеа под менторство на Никола Булески-Буле и Александар Ношпал.

Сите четворица тргнале во различен правец од една заедничка точка, материјалот „шкотско каро“. Овој патерн има безброј можности за реализација кога треба да осмислите модел на здолниште. Нашите студенти размислувале на неколку различни теми: современа, традиционална, панк и филмска презентација на нивните модели. Затоа, здолништата се направени по четири различни, а автентични идеи.

Се одлучив за оваа тема/идеја поради…

Тиана: Оваа тема ја одбрав, бидејќи серијата „Stranger things” постигна огромна популарност и ме освои по само првата епизода. Инспирирана бев од вистинската љубов и несебичност помеѓу групата пријатели (којашто денес во реалниот свет е ретка) како водечка сила којашто резултираше со храброст и истрајност и ги мотивираше да се борат и да го заштитат нивниот град и самите себе.

Сакав мојата креација, како и самата серија, да биде уникатна и оригинална – да отстапам од нешто коешто се смета за вообичаено. Според мене – тоа е голем дел од патот до успехот.

Маја: Се одлучив за оваа тема поради желбата да искажам како луѓето во денешницата се соочуваат со голем број препреки, позитивни и негативни, исто како и на шаховското поле. Црно и бело. Како во Queen’s Gambit 🙂

Михаела: Се одлучив за оваа тема, бидејќи отсекогаш сум сакала бунтовни жени, жени кои имаат самодоверба, револуционерки. Тој тип на жена не се плаши да го искаже своето мислење, да има свој став, се двои од општеството и не се труди да се вклопи во истото. 

Како таков карактер на жена ја одбрав актерката Руни Мара во улога на Лизбет Саландер во филмот/книгата ,,Girl with the dragon tattoo’’ која претставува главна инспирација во мојата колекција ,,Delinquent’’.

Тони: На тема ,,Шкотско каро”, зададена од проф. Ношпал, имавме задача да направиме колекција на здолништа, вметнувајќи го карото во нашите дизајни. Темата ја поврзав со кралското семејство, односно со бракот помеѓу принцезата Дајана и принцот Чарлс. Нивната упорност и потреба од развод, заедно со нивниот бунт којшто низ годините се зголемува, на крајот успеваат да ги поместат границите и законите на монархијата и црквата.

Токму тој бунт мене ме инспирираше за создавање на оваа колекција којашто ја нареков ,,MOMENTUM”. Во овој случај, се работи за емоционална состојба којашто трае извесен временски период, којашто нѐ доведува до моментум. Емоции коишто ги потиснуваме во себе, ги задржуваме во нас, се таложат и прераснуваат во нешто многу поголемо. На нас останува да го избереме патот по којшто ќе се движиме. Дали ќе продолжиме да ги потиснуваме? Или ќе собереме храброст и ќе се соочиме со истите?

При процесот на креирање, се соочив со…

Маја: При процесот на креирање, се соочив со мало чувство на сомнеж и огромна амбиција дека ЈАС МОЖАМ. 

Михаела: Морам да кажам дека се соочив со потешкотии од разно потекло, но бев упорна и брзо ги надминав истите!

Тони: На почетокот на семестарот, се соочував со адаптирање на самите предмети и ментори и сите активности што следат со самата академија. Од друга страна, се соочував и со понапорна агенда во текот на денот, бидејќи напоредно и работам, но секако учиш како да ги балансираш обврските… 😊

Тиана: При процесот на креирање, се соочив со секакви предизвици, успони, падови и многу емоции. Од немање идеја како да се почне до имање милион идеи и проблем со тоа каде да се насочам, од денови во коишто сѐ оди под конец, до денови во коишто и наједноставните задачи ми изгледаат како преголем залак.

Нема да кажам дека е лесно, но со сигурност можам да кажам дека вреди.

За соработката при процесот, за менторите би сакал/а да кажам…

Маја: Имам само позитивни мислења за нив, исто како што професорите ме поддржаа и мотивираа да работам на тема којашто навидум ми изгледаше „невозможна”. Но, при процесот на работа, сфатив дека зборот „невозможно“ го нема во речникот на успехот.

Михаела: Менторите ми беа од огромна помош при решавање на проблемите коишто се појавија низ процесот на креирање модно досие и модна колекција. Тие беа многу посветени и успешно ни го пренесоа нивното долгогодишно знаење и искуство. 

Тони: Со помош на индивидуални разговори со менторите, со цел разработка на нашата тема, односно разработка на шаблоните на здолништата од колекцијата, многу ни помогнаа за полесно соочување со предизвиците.

Тиана: Сакам да истакнам дека сум благодарна што имав можност да ги запознам како луѓе, а уште поблагодарна сум што добив шанса да ги имам како ментори.

Секој е посебен карактер и секој има свој начин на работа и токму тоа сметам дека ќе биде клучниот фактор за справување и соработка со различни клиенти во понатамошните работни искуства.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Маја, Тони, Тиана и Mихаела, студенти на Академијата за моден дизајн appeared first on Skala School.

Разговаравме со нашите студенти Ирина Чабуковска, Андреј Стамевски и Марија Бежаноска, студенти на Академијата за UX/UI+ дизајн , за нивниот семестрален проект на предметот „UI дизајн“ под менторство на Дејан Милосавлески.

Сите тројца имале различни идеи во креирањето на основите страници, но она што е впечатливо е што сите размислувале на корисничките принципи и барања и особено добро ги претставиле своите прототипирани страници. Истите можете да ги видите како функционираат подолу само со еден клинк на линкот 🙂

Кликни ТУКА за да го разгледаш и веб сајтот (прототип).

Се одлучив за оваа тема/идеја поради…

Ирина: Имавме за задача по предметот UI да изработиме Newsletter форма. Во процесот на избирање фотографија се одлучив за една со девојка со многу уникатна тетоважа, и кога дојде време за изработка на Landing Page-от се одлучив да го продолжам истиот стил и така дојде до идејата.

Андреј: Идејата е поедноставување на Booking.com платформата, односно чист и интуитивен интерфејс, со тоа што на корисниците ќе им ја олесни навигацијата и чекорите вклучени при букирање (закажување на место за престој).

Дизајнот е со интуитивни елементи кои лесно и брзо го водат корисникот низ процесот. Боите се задржани од постоечкиот брендинг.

Марија: Редизајнот на веб страната на Booking.com беше задача која ја добивме од нашиот ментор по UX/UI+ дизајн. Морам да напоменам дека овој проект за мене беше прво, вистинско соочување со (ре)дизајн на една веб страна, после нашите пробни проекти и дизајни. Проектот сам по себе ја разбуди имагинацијата во мене и ми помогна да дизајнирам и креирам на начини на коишто никогаш не замислував дека би можела да творам.

При процесот на креирање, се соочив со…

Ирина: …моменти кога се чувствував како да немам идеи кои би ја истакнале мојата работа и бев незадоволна од себе. Но, со помош на советите од менторите и постојан research секогаш доаѓав до крајни резулати на кои сум многу горда. 

Андреј: При процесот на еден ваков редизајн, на прво место е разбирањето на корисникот. Дизајн архитектурата е клучна за една ваква веб страна. Потребно е да се ставиме на местото на корисникот за да го детектираме проблемот. Во случајов Booking.com е многу збунувачки и преплавен со непотребни елементи и информации кои се повторуваат и затоа процесот на симплификација е главен сегмент на редизајнот.

Марија: Морам да кажам дека самиот процес на креирање и дизајнирање веб страна (па и сè останато) „from scratch” знае да биде малку „заплашувачки” и за мене беше огромен предизвик. Но, благодарение на соработката со менторите и колегите, и секако напорната работа, успеав да го совладам тоа чувство на неудобност и да ги креирам посакуваните дизајни.

Кликни ТУКА за да го разгледаш веб сајтот (прототип).

За соработката при процесот, за менторите би сакал/а да кажам…

Ирина: Секогаш кога беше потребна помош или фидбек, беа тука за нас и помагаа да се подобриме. Ни даваа корисни совети како да излеземе од комфор зоната и да достигнеме ново ниво во квалитетот на работата. 

Андреј: Уживав во соработката со менторите, ме охрабрија да ги реализирам сите мои идеи!

Марија: Менторите беа поддршката која на сите нас, како почетници ни е навистина важна и потребна. Од раѓање идеја за конкретен дизајн, помош при преточување на таа идеја во lo-fi прототип, до креирање завршна дизајн верзија/hi-fi прототип…

Насоките и советите навистина беа добредојдени и ме насочија на вистинскиот пат.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Кликни ТУКА за да го разгледаш и веб сајтот (прототип).

Другарски совет за сите оние кои сакаат да се запишат на Академија во Скала…

The post Студентски осврт сo Ирина, Андреј и Марија, студенти на Академијата за UX/UI+дизајн appeared first on Skala School.

Разговаравме со нашите студенти Немања Пејиќ, Андреј Стамевски, Андреа Ангеловска и Ана Попоска, студенти на Академијата за графички дизајн, Академијата за UX/UI|+ дизајн и Академијата за визуелни уметности, за нивните семестрални проекти по предметот илустрација: „Филмски постер” под менторство на Зоран Кардула и Андреј Павлов.

За изборот на делата, нивното влијание и искуството со менторите и низ академските часови, студентите ни открија интересни, уникатни детали. Сите четворица избраа дијаметрално различни теми за нивните филмски постери.

Го избрав ова дело затоа што…

Ана: Тоа што „Gummo“ беше последниот филм кој го гледав и ми остави огромен впечаток. Како завршна задача по предметот motion graphic имав да направам анимација на истиот, такашто пред да почнам да работам на илустрацијата, имав идеја како би изгледала анимацијата.

Немања: Се одлучив за ова дело поради приказната и самата порака која ја пренесува филмот.

Андреј: Целта ми беше да создадам дизајн кој ја доловува суштината на ликот од Breaking Bad, Џеси Пинкмен, а истовремено да пренесува порака поврзана со употребата и ефектите на метамфетамин. Полигоналните форми се сиже на целиот концепт, бидејќи кристалниот метамфетамин има иста таква форма при обработка преку спојување на елементите Бромин (Br) и Бариум (Ba). Боите се живописни, и го претставуваат дејството на супстанците.

Андреа: Се одлучив за ова дело од причина што овој цртан филм („101 Далматинец“) ми е еден од омилените и сакав да го претставам во моја перспектива.

При процесот на креирање, се соочив со…

Андреј: При процесот на креирање секој дизајнер се соочува сам со себе, односно со своите стравови, вредности и предрасуди. Тој мора да биде подготвен да излезе надвор од сопствената комфор зона и да презема ризици за да создаде нешто навистина уникатно и инспиративно.

Немања: Процесот на креирање за мене беше експериментирање! Експериментирав многу со композиција, фонт, бои… За да стигнам до посакуваната и секако подобра целина. 

Ана: Напор, напор и напор! И за илустрацијата и за анимацијата. Многу често не сакав да продолжам и сакав да го прекинам процесот. Но, се себемотивирав и мотивот кога конечно го завршив и видов делото – неописливо добро чувство.

Андреа: Речиси и да немав потешкотии во текот на процесот, бидејќи навистина уживав во креирањето на овие дела.

За соработката при процесот, за менторите би сакал/а да кажам…

Ана: …Дека имав одлична соработка! Начинот на кој Кардула предаваше беше многу јасен, лесен и разбирлив. Работата со Illustrator ме плашеше пред да почнам, но многу брзо го совладав.

Андреа: Менторите ми беа огромна поддршка и би сакала да кажам дека некои од нив комплетно се посветија на моите дела за помош и корекција, нешто што најмногу го ценам и ми е потребно.

Андреј: Едноставно уживав во соработката со менторите, ме охрабрија да ги реализирам сите мои идеи!

Немања: Moрам да кажам дека менторот Зоран Кардула преку јасни консултации и корекции ми помогна во процесот на изработка на ова дело. Неговите концизни насоки ми помогнаа постерот да проникне низ сижето на филмската лента и да ја претстави суштинската улога на прикажаниот предмет.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Немања, Андреј, Андреа и Ана, студенти на Академијата за графички дизајн, UX/UI+ дизајн и визуелни уметности appeared first on Skala School.

Разговаравме со нашите студенти Сара Фиданоска, Александра Стојковска и Марија Ангелова, студенти на Академијата за графички дизајн , за нивниот семестрален проект по предметот фотографија: „Рекреација на култно сликарско дело” под менторство на Дејан Џолев и асистенција на Антонио Станков.

Александра го избра делото на Каспaр Давид Фридрих, познатиот „Wanderer above the sea of fog“, Сара делото на домашниот сликар Ване Костуранов „Nude“,  a Mарија го рекреираше делото на Eдвард Хопер, „Lady in pink“.

Го избрав ова дело затоа што…

Александра: За делото „Талкачот над морето од магла” од Casper David Friedrich, најпрвин се одлучив поради носталгични причини. Ме потсетува на мојот роден град и погледот којшто го имам кога ќе отидам на село, по што веднаш го замислив процесот на фотографирање. Втората причина е извонредноста на самото дело коешто истовремено во мене буди чувство на мир и бунтовност.

И секако, да не заборавам, го имав вистинскиот модел. 🙂

Сара: Го избрав ова дело, бидејќи ми беше највпечатливо. Доста се мислев додека биравме дело за рекреација, но упорно некако се навраќав на него. Многу ми се допаднаа ликовите и колоритот и бев нестрплива да се обидам да го рекреирам истиот свет во фотографија.

Марија: Кога биравме дело за рекреација, најпрвин го видов делото на Едвард Хопер и бев импресионирана со тоа што авторот со самото негово дело го одразува чувството на анксиозност и осаменост, како и социјалната изолација, односно исклучувањето од реалниот свет.

При процесот на креирање, се соочив со…

Сара: Постпродукцијата ми одзеде поприлично многу време. Сакав секој пиксел од делото да ми биде совршен и не очекував дека ќе треба толку едитирање, но сепак ова ми беше еден од најинтересните проекти за реализирање досега.

Александра: Процесот на креирање за мене беше тринеделна авантура. Се соочив со многу потешкотии поради тоа што беше период на празници и не бев во можност континуирано да остварувам комуникација со менторите. Спојувањето на 18 различни фотографии во една, од прва ми звучеше невозможно за мене, но со тешки маки успеав и презадоволна сум од крајниот резултат. Без разлика на сѐ, повторно би ги повторила четирите сета на отворено, планинарењето и дружбата за време на процесот на креирање.

Марија: Голем предизвик ми беше монтирањето на повеќе фотографии во една. Изгубив многу време за да го достигнам крајниот резултат, но уживав во процесот, бидејќи првпат се соочив со таков предизвик и научив многу нови работи. 

За соработката при процесот, за менторот Дејан Џолев и асистентот Антонио Станков би сакал/а да кажам…

Александра: Без знаењето коешто тие ми го пренесоа, мојата фотографија немаше да постои. Одлични се.

Сара: Немам доволно пофални зборови за да опишам колку сум задоволна од соработката со менторите. Многу работи научив од Дејан Џолев и кога и да имав прашање за делото, тој беше тука да ми помогне.

Марија: Одлични ментори, направија одлична пријателска атмосфера со нас, така што нѐ мотивираа да го вложиме целиот наш труд. 

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Сара, Александра и Марија, студенти на Академијата за графички дизајн appeared first on Skala School.

Разговаравме со нашите студенти Ана Попоска, Ангелче Петрушевски и Јована Цинцароска, студенти на Академијата за графички дизајн и Академијата за визуелни уметности, за нивниот семестрален проект по предметот фотографија: „Рекреација на култно сликарско дело” под менторство на Дејан Џолев и асистенција на Антонио Станков.

За изборот на делата, нивното влијание и искуството со менторите и низ академските часови, студентите ни открија интересни детали. Она што е највпечатливо е дека сите тројца го избраа Рене Магрит во своите интерпретации. Тој е белгиски уметник, сликар и претставник на надреализмот.

Го избрав делото на Рене Магрит затоа што…

Јована: Додека ги избиравме делата, ,,Видливиот свет” на Рене Магрит беше првото и единствено дело кое ми го привлече вниманието со својата едноставност. Го избра моја колешка, но во последен момент се премисли и го препушти во мои раце. Би рекла дека јас не го избрав делото, делото ме избра мене.

Ана: Тоа што ми изгледаше како интересен предизвик. Рене Магрит е навистина луд, необичен уметник (во најдобра смисла на зборот), и ми се чинеше уште полудо како предизвик да пробам да го рекреирам во фотографија.

Ангелче: Го избрав поради тоа што ми делуваше доста интересно, и предизвик да работам што повеќе во Photoshop.

При процесот на креирање, се соочив со…

Ана: Фактот дека адаптацијата и трпеливоста при неочекуваните моменти е една од најбитните креативни способности. Целиот пат беше само „trusting the process“, и во многу голем дел од процесот мислев дека делото ќе излезе ужасно. Евентуално се соочив со фактот (повторно и повторно) дека нема никогаш да биде совршено, и јас ќе бидам најголемиот критичар на моите дела.

Јована: Процесот на креирање за мене беше доста интересен, но и голем предизвик. Се соочив со многу нетипични околности во процесот на фотографирање, коишто всушност ми овозможија да ги покажам моите вештини во постпродукција, за на крај сето тоа да изгледа како што изгледа.

Ангелче: При процесот се соочив со нови техники на ретуширање, користев нови алатки и начини како да ја подобрам фотографијата.

За соработката при процесот, за менторот Дејан Џолев и асистентот Антонио Станков би сакал/а да кажам…

Ана: Дека беше многу интересно искуство. Научив многу нови работи. Првпат ми беше да сликам во студио, и беше многу интензивно бидејќи требаше да организирам две личности и да ги сликам трите објекти во 20-тина минути. Џолев и Станков ми беа од огромна помош. 

Јована: Секогаш беа отворени за соработка и беа тука за да ни помогнат за било каква потешкотија со којашто се соочувавме при самиот процес на изработка на целиот проект.

Ангелче: Менторите доста ми помагаа во процесот и беа достапни за комуникација во секое време.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Ана, Ангелче и Јована, студенти на Академијата за графички дизајн и визуелни уметности appeared first on Skala School.

Во месец мај и јуни… Ох колку многу нешта се случија!

Прочитајте за успесите на нашите студенти и случувања кои ги одбележаа овие два месеци. Прочитајте и за активностите на нашите ментори, но и информации од неформален карактер.

Ви благодариме месец мај и јуни! ♡

НАШИТЕ СТУДЕНТИ СЕ НЕУМОРНИ…

1. Гаја Смилевска изложи свои дела во МКЦ

Нашата студентка на Академијата за визуелни уметности имаше своја изложба и учество во проектот на МКЦ „Цртање на приказни“, заедно во друштво со едни од најпознатите домашни уметници – Матеј Богдановски, Владимир Лукаш, Ѓорѓе Јовановиќ…

Нејзините дела ги има и во дигиталната галерија овде.

2. Наши студенти учествуваа на Community Table на панел дискусиите на Fashion Weekend Skopje.

Мартин Николоски, заедно со Катерина Тошева и Никола Јовановски, алумни студенти на Академијата за графички дизајн и Академијата за моден дизајн, учестуваа на креативните разговори Creative Talks, но беа и дел од панел дискусиите на Fashion Weekend Skopje. Темата на Community Table беше околу придонесот на македонските дизајнери во општеството, но и во младинското претприемништво. Тема која заслужено ги отвори важните прашања околу состојбата во индустријата.

3. Михаела Панова со најдобар дизајн на костим за капење на кокурсот на SALT MILANO

Нашата студентка на Академијата по моден дизајн, победи на конкурсот на SALT MILANO, со најдобар дизајн на костим за капење. Нејзиниот минималистички пристап и претставување на костимот за капење одговараше најмногу на идејата која од ја бараа, а овој модел ќе биде дел од колекцијата на SALT MILANO за 2022.

Честитки, Михаела!

4. Наши студенти се претставија со свои колекции на Fashion Week

Сара Величковска, Катерина Тошева и Мирјана Јосифоска се алумни на Академијата по моден дизајн, и имаа свое претставување на колекциите на Fashion Week Skopje кој се одржа во Градски парк. Трите претставувања имаа различен стилски и наративен изглед, а публиката можеше да види многу уникатни парчиња од нивните колекции.

5. Имаме супер лого за 10 години постоење на „Скала“

Дејан Ичев, студентот на Академијата за графички дизајн ни направи најкул лого по повод деценија од постоењето на „Скала“.

6. Елена Божиновска, нашата Скалаџика беше учесник на Младинскиот форум за политики

Учеството на Елена на Младинскиот форум за политики е важен сегмент од слушање на гласот на младите, со клучни барања кои ќе ја подобрат положбата на младите и младинските политики.

7. Мартина Пенева, диџејува низ градот

Нашата студентка по Ентериер и продукт дизајн, освен што прави ултра кул ламби, активно диџејува, пуштајќи музика низ сите сетови во Скопскиот етер! Ако не сте биле досега на нејзин сет – не пропуштајте следна прилика.

8. Марјан Анѓеловски објави книга, а доби и европска награда за современа драма

Марјан е наш студент на Обуките по Филмска режија, којшто ја промовираше својата книга „Среќен мртовец“ во салонот КИЦ, книга полна сатира и драма. За драмата „Среќен Мртовец“ добитник е на награда на европско ниво за 2022 година според „Еуродрам“ – Европската мрежа за современа драма

9. Да, да, Росоман не е познат само по праски, туку и по уметност!

Томе Арсов, омнистудентот имаше своја изложба на фотографии во своето родно место Росоман, со голема посетеност и широки насмевки на присутните кои уживаа во кадрите кои ги „лови“ Томе.

НАШАТА ШКОЛА…

10. Бевме номинирани на EE Awards, и освоивме второ место со „Скала Магазин“

На Emerging Europe Awards бевме номинирани и освоивме второ место со „Скала Магазин“ за Youth Empowerment. Оваа награда го стави „Скала Магазин“ на европската мапа на платформи кои прават сигурни чекори во промоцијата на уметноста и поддршката на младите креативни гласови.

Па браво за нас!

11. Се случија Отворени денови „Дизајн, коктели, технологии и апетисани“, во два дена со многу шарени пијачки и дружба…

Менторите Зоран Кардула, Илија Паунков, Ирина Тошева, Дејан Милосавлески, Апостол Тноковски им пренесоа на присутните на Отворените денови низ разговор и претставување на својата работа дел од своите професионални искуства, но и дискусија за оние што сакаа да дознаат повеќе – за работата во индустријата, промените, но и можностите на пазарот.

12. Пуштивме чекор со [ЧЕКОР]– завршна студентска изложба и проекција на кратки филмски етиди и кратки филмови

Повеќе од 100 учесници во изминатите неколку месеци ги посетуваа обуките: фотографија, филмски актер, цртање и сликање, кроење и шиење, Adobe Photoshop и Аdobe Illustrator… Заедно пуштивме чекор и во преполната галерија во Паблик Рум, се случи завршната студентска изложба „Чекор“ како и проекција на кратки филмски етиди и кратки филмови, на задоволство на мноштвото присутни.

13. Го одржавме целодневниот настан „Добро утро креативци“

Целта на овој настан е на едно место да се соберат и претстават актуелните случувања во креативните индустрии, уметноста, дизајнот, културата и образованието. Програмата вклучуваше и саемски изложбен и продажен простор, музички перформанси, панел дискусии и секако – галериска изложба.

Добро утро креативци саем:

Место за чуда 🙂

Во рамки на саемското изложување, се претставија 13 физички и правни лица од креативните индустрии: Ана Јовановска [уметност, дизајн, книги], Данче Станковиќ [ѕидни мурали], Елена Ристовска [накит од сребро и месинг], Еснаф [производи од рачни изработки], Јулија Барбун [накит од епоксидна смола и живи цвекиња], Мирјана Јосифоска [нова модна колекција на шапки], Сказнувалка – Друштво за издавачка дејност [сликовници и книги за деца и млади], Книговез [рачни изработки од хартија и кожа], ХОПС – Опции за здрав живот Скопје [светлосни елементи, хартиени садови], Хеклана [плетена облека и накит], Џолев и уметностите [Школа за дизајн и уметност], 5 до 12 [производи од рачни изработки], Reд [облека и модни додатоци].

Добро утро креативци изложба:

Галериската групна изложба беше отворена во 20 часот на којашто беа претставени слики, скулптури, графики и фотографии. Огромен придонес и чест беше учеството на значајните македонски автори од ликовната сцена, многу од нив и наши професори, активни, но некои од нив и веќе во пензија: Јовица Мијалковиќ, Мирослав Масин, Жарко Башески, Сергеј Андреевски и Симон Шемов.

Добро утро креативци панел:

Сè што сакавме да дознаеме од позиција на уметник/дизајнер за NFT поразговаравме со Иван Ивановски, претприемач, сопственик на „Bike Computer“ и креативец и Андреј Димов, софтвер девелопер. Настанот го модерираше Дејан Џолев, филмски режисер, визуелен артист, основач на „Џолев и уметностите“ и уредник на „Скала магазин“.

Панел дискусијата беше на тема „NFT- Механизам за продажба на уметност или медиум?“ и успешно ги „собра“ актуелните и потенцијалните студенти, особено отворајќи прашања и дискусиите околу главната тема за „хаосот“ на креативниот пазар. Имаше интересни заклучоци и демистифицирање на NFT-то како средство за трговија и уметност.

Добро утро креативци музичка програма:

За дневната музичка програма се погрижија нашите драги пријатели и другари: Мирко Попов, Марко Вилиќ, Лука Кекиќ и Baltiq, кои го „раздвижија“ амбиентот, секој со свој посебен музички придонес.

За звукот во галеријата се погрижи Маестро Георги Трајков на класична гитара. А веднаш потоа на електрични гитарии рипнаа Lepi Xhoni [Љупа Ангелов] + Shema Crew [Андреј Павлов и Андреј Игњатовски]

★ ЗАШТЕДИ 300 ЕВРА СО РАН УПИС ДО 30ти ЈУЛИ! ★

НАШИТЕ МЕНТОРИ…

14. Ирина Тошева со нова колекција по повод 10 годишната работа

Нашата менторка на Академијата за моден дизајн, креираше нова колекција инспирирана од јуручката заедница во Македонија. Колекцијата е наречена OYA, а беше проектиран и документарен филм „Латици“ на оваа тема. Ирина со оваа колекција ја заокружи својата деценија работа во модната индустрија. Честитаме!

15. Теа Беговска имаше успешна премиера на сцената на Драмски театар

Нашата менторка на обуката за филмски актер, имаше успешна премиера со театарската претстава „Вернисаж“, дебитирајќи на сцената на Драмски театар.

16. Зоран Кардула изложи кул постери со ретро-тема

Менторот на Академијата по графички дизајн направи одлична изложба со постери инспирирани од музичката тема на „Новиот бран“. Постерите беа изложени во неформална атмосфера во Аудиокултура.

17. Дејан Џолев даде интервју за inovativnost.mk: НИЕ СМЕ СКАЛА – Школа за дизајн, уметност и технологија!

Џолев вели: „Среќни сме затоа што ја сведочиме среќата на студентите. Нивниот професионален развој. Радува фактот што наши студенти денес се активни учесници во креативната индустрија и заедница, а оние кои одлучија да го продолжат образованието, денес се на престижни светски универзитети.

Тимот. И не само активниот тим, туку сите кои имале придонес кон Школата изминатите 10 години. Ние не сме колеги, ние сме семејство! Нашата Школа не е зграда, Школата ни е дом.“

Да си прославиме и 100 години, нека ни се множат!

18. Крсто Златков беше жири на Бизнис Креативниот Куп годинава, но и панелист на конференцијата за фриленсери

Овој глобален настан е спроведуван во повеќе од 70 земји во светот, а Smart UP- Social Innovation Lab- Лабораторија за социјални иновации го прави достапен и за домашната креативна бизнис заедница, каде Крсто беше дел од жири – комисијата, на висина на задачата.

Се читаме следен месец! ♡

Погледни што се случуваше во месец март и април тука.

The post РEТРОСПЕКТОР: Мај + Јуни appeared first on Skala School.

 

Во месец март и април…

Прочитајте за успесите на нашите студенти на интернационални и домашни фестивали, вработувањата во креативните индустрии по завршување на Академиите за дизајн. Прочитајте и за активностите на нашите ментори, но и информации од неформален карактер.

Ти благодариме месец март и април! ♡

НАШИТЕ СТУДЕНТИ…

1. Студентките од академијата за ентериер и продукт дизајн на Скала

Пет студентки од Академијата за ентериер и продукт дизајн, под менторство на „Rinocca”, ги претставија во јавност своите дела изработени во текот на првиот семестар на студентската платформа „Скала Магазин“. Прочитајте ги „Скаличките“ со Марија, Сара, Мартина, Кристина и Елеонора.. ♡
 

На скалички со Марија Ифтимова
На скалички со Сара Илиевска
На скалички со Мартина Пенева
На скалички со Кристина Петровска
На скалички со Елеонора Митревска

2. Скала Магазин дел од Балканската платформа – Youth Newsroom

На почетокот од оваа година Скала Магазин стана дел од „Sphera“ – платформа за алтернативни медиуми во Европа, а од овој месец се приклучи и кон Балканската платформа на алтернативни медиуми „Youth Newsroom”, преку која ќе следат низа интересни активности. Со тоа Скала го проширува своето парнерство на соработки низ цела Европа.

3. Нов подкаст: „Парк шема“

Скала се зголемува со нови интересни содржини! Подкастот „Парк Шема“ на aлумни студентот Андреј Игњатовски, заедно со Петар Марковиќ стана дел од нашата студентска платформа, а првата, втората и третата епизода од втората сезона може да ја погледнете тука: https://skala.mk/category/video-audio/park-shema/

4. Мирјана Јосифовска учесник на „Skopje Fashion Festival”

Од 04 до 27 март се одржа првото издание на Skopje Fashion Festival во Skopje City Mall, каде зема учество и нашата алумни студентка – Мирјана Јосифовска. 

„На showroom-от организиран од фестивалот, кој траеше од 07-27 март ја изложив мојата колекција на шапки “The Seven”. Колекцијата се состои од 7 модели на шапки и баретки, од кои некои модели се достапни во повеќе бои, а другите се модели со две лица. Настанот беше одличен начин за дизјнерите од регионов да ги изложат своите парчиња, но иста така и да им овозможат на посетителите да ги пробаат и да ги купат изложените модели. Големо да за ваков вид на настани во иднина.“ – ни раскажа Мирјана.

Епа Мирјана, честитки и ти посакуваме многу успешни модни фестивали! 

5. Наши студенти на четврта Скала изложба

Нашите студенти Душко Ичев, студент на академијата за графички дизајн и Мануела Златкова и Ана Вчкова студентки на академијата за визуелни уметности, учествуваа на четвртата Скала изложба, која се одржа на 21 април во Јавна соба. 

НАШАТА ШКОЛА…

6. 10 години – Џолев и уметностите

Нашата Школа заокружи една деценија од првиот одржаниот час!

60+ ментори
30+ едукативни програми
2.500+ обучени лица
50+ настани со 50.000+ посетители [изложби, премиери, промоции, дискусии..
2 години Skala Magazine – дигитална платформа за дизајн и современа уметност, отворена за промоција на домашните млади креативци како и следење и поддржување на културните настани и сцена.
10 години Школа за дизајн и уметност!

Благодарни сме на вашата доверба! Благодарни сме и до целиот наставен и административен колегиум од учебната 2021/22 година, но и сите претходно изминати години! Продолжуваме да растеме заедно! ♡

7. Почеток на нова Академска програма за UX/UI+ дизајн 

Во месец март ги доделивме стипендиите за новата Академија за UX/UI+ дизајн чија настава започна на 8 април. Доделени беа вкупно шест стипендии, од кои дел од Институтот за дизајн и технологија – ИДТ Скопје и парнерските компании „Навигаторс“ и „Altius Solution”. Во наредните месеци, студентите ќе се стекнат со повеќе практични вештини и можности за кариера:UX/UI дизајн, front-end и WordPress девелопмент. Им посакуваме многу среќа и успех во наредните 9 месеци!

8. Успешно заврши Образованието е повеќе од 5.0

И оваа година, нашата Школа ги поддржа средношколците кои изминатата година ја завршиле со просек под 3.9. Беа доделени три целосни стипендии на три средношколци за бесплатно изучување на обука по избор од новата пролетна сезона.

9. Нова програма: Креативно пишување низ приказна и песна – „Писатели и пејачи“ 

Во нашата Школа се создава песна! Најмладите го започнаа своето креативно патување преку програмата насловена како  „Писатели и пејачи“, под менторство на поетесата Ана Гојлешка Џикова. Креативниот процес се состои од вклученост, едукација, забавно откривање на јазикот и целосна слобода на изразот на децата. 

НАШИТЕ МЕНТОРИ…

10. Гордана Вренцоска претседателка на жири

Менторката на Академијата за графички дизајн – Гордана Вренцоска е претседателка на жирито за четвртата Скала изложба со поддршка од Young Cities. Изложбата ја обработуваше темата „Поларизација“ и истата се одржa на 21 април во Јавна Соба.

11. Менторките од Ринока на насловна на Скала

Менторките од Академијата за ентериер и продукт дизајн – Катерина Трпковска и Деспина Здравкова, познати под името на брендот „Ринока“, беа дел од насловната на изминатиот ХХХ број на Скала Магазин. Нивното интервју со главниот уредник Дејан Џолев може да го прочитате тука.

12. Менторот Кардула со 2 нови изложби

Во изминатиот месец, постерите на менторот Зоран Кардула беа дел од групната поставката “Transformations!” на Галеријата Сакура во Париз. Потоа, тој се претстави и во Тирана со изложбата насловена како „The females and few males”. Му честитаме и посакуваме огромни успеси во иднина!

13. Никола Булески и Ирина Тошева со учество на настан УНДП

Менторите на Академијата за моден дизајн, Никола Булески и Ирина Тошева беа дел од настанот “Skills4Future week” каде што ги претставија своите мислења преку панел дискусија за темата: “Како дигиталните трансформации се голем предизвик за модната индустрија?“. Погледнете дел од атмосферата: https://www.facebook.com/skills4future.mk/posts/151589467329172 

14. Бане Наумовски со сопствена изложба 

Ликовниот уметник, Бане Наумовски  ја претстави својата изложбена поставка изминатиот месец во МКЦ, насловена како ,,ПУКНАТИНИ / ТРАНСФОРМАЦИИ”. Овој проект се занимава со „конкретноста на расцепнатото наспроти смиреноста на деловите од површините“.

15. „Актер – човек“ во режија на Теа Беговска | Даријан Петров дел од актерската екипа

Теа Беговска, менторка на обуката за филмски актер со две нови изведби на претставата „Актер – човек“ во МКЦ и на фестивалот “Keza festa” во Бања Лука за светскиот ден на театарот – 23 март. Во актерската екипа е и нашиот ментор на детските програми за драмски актер, Даријан Петров.

16. Петар Џон со анимации за „Омаж“

Менторот на Академијата за визуелни уметности, Петар Џон ги визуелизираше музичките дела на неодамна починатиот македонски композитор Томе Манчев. Делата беа претставени на настанот „По стапките на проф. д-р sci Томе Манчев“ одржан во Кинотека на 27 април. 

Се читаме следен месец! ♡

Погледни што се случуваше во месец јануари и февруари тука.
10 години Школа за дизајн и уметност “Џолев и уметностите”.

Уписите за новата генерација студенти на Академиите за дизајн: // графички дизајн // моден дизајн // дизајн на ентериер // визуелни уметности // и веб дизајн // се во тек! Погледни повеќе на овој линк.

The post РEТРОСПЕКТОР: Март + Април appeared first on Skala School.

Разговаравме со нашите студенти Гаја Смилевска, Филип Гаговски, Сара Секулоска и Теона Димова студенти на Академијата за графички дизајн и Академијата за визуелни уметности за нивниот студентски проект „Филмски плакат“ на предметот дигитална илустрација, под менторство на супер популарниот и обожаван дизајнер Зоран Кардула.

Се одлучив за дизајн на плакат за филмот поради…

Сара: љубовта кон Bowie и неговите дела. Во филмот се прикажани неговите неуспешни почетоци во кариерата и раѓањето на неговото алтер-его коешто понатаму е клучно за мојот омилен албум „The Rise and Fall of Ziggy Stardust”. 

Филип: поради тоа што кога го започнав проектот сакав да „експериментирам“ со стил што никогаш не сум го работел и на крајот се двоумев помеѓу арт-деко и поп-арт, но кога се одлучив за серијата Breaking Bad којашто според мене, е една од најдобрите серии коишто некогаш сум ги гледал, некако поп-арт повеќе ми легна за тоа да ја доловам серијата во еден постер.

Гаја: поради импактот којшто го имаше врз мене првиот пат кога го гледав и влијанието што сѐ уште го има откако го имам прегледано десеттина пати. Самиот филм има многу впечатлив стил и детално визуелно раскажување, сите овие елементи ми оставија простор да си играм со нив кога го планирав постерот. 

 

Теона: поради филмскиот режисер. Филмовите на Кристофер Нолан ми се едни од омилените и тоа во редослед ,,Interstellarʻʻ на прво место. Покрива теми коишто ми се провокативни и возбудливи и баш беше интересно да го пренесам тоа во дизајнот на филмски постер. 

За соработката при процесот, со менторот Зоран Кардула би сакал/а да кажам…

Сара: само пофални зборови, со оглед на тоа што до тогаш јас се немав сретнато со алатката илустратор. Учењето со него беше лесно, но и полно со предизвици преку коишто лесно го научив користењето на истата. 

Гаја: би сакала да кажам дека немам доволно место да опфатам сѐ што сакам да кажам. Ретко се случува да ми фали ментор или нивниот стил на предавање откога ќе завршиме, но еве има првпат за сѐ. Одамна немам осетено од ментор дека навистина сака да пренесе знаење и искуство, а токму тоа ми беше впечатокот после секој час со Кардула.

Теона: ментор и учител во целосна смисла на зборот!

Филип: исто така, цело време беше достапен за комуникација и надвор од часовите, што мислам дека е многу важно за еден ментор.

ADOBE Illustrator денес најчесто го користам за…

Теона: за буквално сѐ. Илустраторот е алатка каде што целиот креативен процес започнува и се завршува. Многу ми е интересен моментот кога конкретната замисла што ја имам во глава целосно можам да ја реализирам во дигитална илустрација. 

Филип: за многу работи, од принт до постови за социјални мрежи!

Сара: илустратор го користам за сѐ, од најмали дизајн-елементи до цели композиции. Можам да го користам за креирање на креативни презентации, илустрации, постери и логоа и што уште не. 

Другарски совет за сите оние кои планираат да студираат графички дизајн…

Моите планови по завршување на академијата се…

Гаја: да најдам место за себе во индустријата, со надеж дека ќе стигнам некаде каде што можам професионално да продолжам да создавам свои стрипови или пак, да придонесам за развивањето на приказна, дизајн и визуелниот идентитет на проекти во коишто луѓето веруваат и своеволно би го вложиле слободното време да ги искусат.

Филип: прво добро заслужен одмор и нормално, да ги искористам знаењата што ги стекнав за време на студирањето и да ги имплементирам во секојдневната работа сѐ со цел да се унапредам како подобар и пиостакнат дизајнер, не само во фирмата каде што работам, но и во пошироки рамки.

Теона: да започнам со работа во некоја од маркетинг-агенциите. Сметам дека тоа ќе ми помогне да стекнам искуство за работа со клиенти и тимска динамика. Свесна сум дека овој процес е долг и континуиран, но на крај сѐ зависи од нашата желба и љубопитност за нови предизвици.

Сара: креирање на нешто свое!

Уписите за новата учебна година се во тек! 
Искористи ја можноста за попуст во ран упис, на најобемните Академии за дизајн. 
Погледни ја програмата, менторите и условите на студирање:

> Академија за графички дизајн
> Академија за визуелни уметности

The post Студентски осврт сo Гаја, Филип, Сара и Теона appeared first on Skala School.

Интервју : Дејан Ичев, Михаела Јордева – студенти на нашата Академија за графички дизајн.

Разговаравме со нашите студенти Дејан и Михаела за нивниот семестрален проект по предметот фотографија „Рекреација на дело” под менторство на Дејан Џолев. Оригиналните дела се на Андреј Павлов, алумни-студент на Академијата за визуелни уметности, сега ментор на курсот Adobe Illustrator кој започнува на 20 март.

Го избрав делото на Андреј Павлов поради…

Дејан: тоа што едноставно ме привлече неговата уникатност и креативност, не може да видите дело на Андреј и да останете рамнодушни.

Михаела: тоа што ми го привлече вниманието. На час, додека биравме дело за рекреација, искрено многупати се предомислив. Самата илустрација, боите и темата ми беа многу интересни. Веднаш можев да ја замислам како би изгледала како фотографија, што би додала од мојот стил (иако првично имав сосема друга замисла) и знаев дека морам да ја реализирам.

При процесот на креирање, се соочив со…

Дејан: недостаток на време и технички потешкотии. Кога започнавме со проектот, јас не бев во можност да одам во студио, бидејќи заболев од ковид. Со тоа изгубив доста време, дури да започнам со процесот на изработка. Најголем дел од времето го посветив на постпродукцијата, фокусирајќи се најблиску што може да се долови делото на Андреј и да изгледа добро. Јас сум задоволен од крајниот исход и ова беше еден од најинтересните предизвици за мене на академијата.

Михаела: откако веќе знаев како сакам да изгледа крајното дело, процесот го започнав со скицирање и воопшто не знаев дека за првпат ќе се соочам со монтирање на 4 различни фотографии во една. Ми беше предизвик, но по неколку часа во студио бев подготвена да почнам. При процесот имав моменти кога се чувствував заглавено, но научив многу и си дадов слобода да експериментирам со повеќе верзии. 

Моите идни очекувања од Aкадемијата се…

Дејан: доусовршување на моето знаење и по академијата да започнам една успешна кариера како графички дизајнер.

Михаела: предизвици. Јас, иако во академијата се запишав како почетник, сметам дека досега имам стекнато огромно знаење и желба за развој, благодарејќи на менторите од прв семестар. Од вториот семестар, очекувам уште многу предизвици, проекти и важни предавања коишто ќе нѐ подготват за нашата иднина како дизајнери по завршување на академијата.

За оние кои сакаат да се запишат на Академијата за графички дизајн…

The post Студентски осврт сo Дејан Ичев и Михаела Јордева appeared first on Skala School.

Здраво на сите!

Јас сум Елена, маркетинг-специјалист во Школата за дизајн и уметност „Џолев и уметностите“ и Институтот за дизајн и технологија – ИДТ-Скопје. Со цел подобро да ве запознаеме со дел од нашите ментори и едукативните програми, започнуваме серија – „Менторски осврт“…

Денес, го имаме Андреј Павлов, ментор на курсот по Adobe Illustrator: дизајн на илустрација, кој започнува на 20 март. Тој е дипломиран индустриски дизајнер, визуелен уметник во областа на линиска уметност и дигитална илустрација, моментално дизајн-уредник на „Скала магазин“ и графички дизајнер во „Џолев и уметностите“. 

Елена: Активен си на многу полиња во областа на визуелните уметности, па кажи ни нешто повеќе за твоите последни (или омилени) проекти..

Андреј: Од последниот проект во којшто уживам многу, е сѐ уште неименуваниот серијал на илустрации со т.н. бело човече, еден проект којшто ни самиот не знам како излезе но, раскажува патешествија, ситуации и чувства на една бела силуетка и неговите перцепции. Тука е и проектот „Скопје, херои и згради“ којшто, иако на hold, постои како приказна којашто инспирира.

Елена: Кој е твојот креативен процес?

Андреј: Мислам дека сѐ почнува со опсервација, свесна или несвесна која е ,,закачка” за следната илустрација. Процесот, ако може така да се каже, во последно време сѐ повеќе и повеќе продолжува на лист хартија како doodle скица од многу чкрабаници и допишувања коишто потоа добиваат еден уреден и, во последно време, малку хумористичен изглед.

Елена: Какви илустрации најчесто правиш?

Андреј: Хм.. голем дел од моите илустрации се инспирирани или постојат како резултат на некоја емоција, па сакам истата да ја преточам и во визуелното дело. Сакам да раскажувам приказни, да градам светови коишто ќе допрат до некого, ќе го насмеат, ќе го стопат или можеби малку замислат. 

Елена: Од каде најчесто црпиш инспирација?

Андреј: Од Скопје, од секојдневието и од луѓето околу мене, оние што си ги сакам. Сакам да раскажувам секојдневни приказни, приказни видени на шетка или зјапање наоколу и да им дадам нешто мое.
Многу убави приказни постојат ако само погледаме на лево или на десно од нас.

 

Елена: Што значи да се биде илустратор?

Андреј: Па пред сѐ да се биде искрен, мислам дека тоа е „единствената формула за добар илустратор”, да пробаш да ги раскажуваш приказните коишто сакаш да ги раскажуваш без разлика на тежината или вештината којашто ја поседуваш. Сепак ова е занает, се учи, се вежба и се усовршува, но да не се заборави и да се ужива – таму лежи оригиналноста.

 

Елена: Кој ти е омилен вид на илустрација и зошто?

Андреј: Илустрации коишто градат размисли и светови, оние коишто ќе те допрат и пецнат. Илустрации коишто се малку повеќе од естетски убави сликички. 

 

Елена: Ти си и дизајн уредник на студентската платформа „Скала магазин“, може ли да ни кажеш нешто повеќе во однос на тоа?

Андреј: Уживам, само тоа би кажал. Да си дел од скалаџии е навистина прекрасно, склопка којашто секојдневно клика, креира и продуцира идеи и приказни со толкаво значење, е чест.
Слатките маки на креативните умови.

 

Елена: Ментор си на нашата обука за ADOBE ILLUSTRATOR. Што ќе ги советуваш нашите студенти, но и сите оние кои сакаат да ја изучат оваа алатка, пред да започнат со нивната обука?

Андреј: Да не се плашат, ова е почеток како секој треба да се изоди и ужива. Да бидат љубопитни и да сакаат да ги раскажуваат приказните што сакаат да ги прават. Ќе учиме и кликаме заедно и кој да знае – можеби следниот филмски постер или врвна илустрација е на некој од следните наши илустратори.

 

 

The post Менторски осврт сo Андреј Павлов appeared first on Skala School.