Целосни стипендии:

Елена Божиновска, Академија за UX/UI+ дизајн;
Стефан Божиновски, Академија за визуелни уметности;
Зорица Ставрова, Академија за ентериер и продукт-дизајн;
Никола Мијатовиќ, Академија за моден дизајн;

Делумни стипендии (половични):

Трајче  Стојанов, Академија за графички дизајн;
Николина Тасевска, Академија за графички дизајн;
Ивана Јосифоска, Академија за UX/UI+ дизајн;
Татјана Гиновска, Академија за моден дизајн;
Антонија  Петковска, Академија за ентериер и продукт-дизајн;
Сања  Делева, Академија за ентериер и продукт-дизајн;
Огнен Анчевски, Академија за визуелни уметности;
Крсто Глигорјадис, Академија за визуелни уметности.

Честитки на сите студенти и им посакуваме продуктивна и креативна учебна година! ♥

За сите кои го пропуштија првиот повик, а имаат желба и насока да започнат кариера во креативните индустрии, Скала од 21 септември до 5 октомври, ве повикува на вториот отворен повик за доделување на 6 целосни и 12 половични стипендии за учебната 2023/24 на академиите:

Со цел да ве охрабриме да пристапите кон нашиот втор повик за стипендии, решивме поблиску да се запознаеме со некои од нашите стипендисти:

Разговорот го започнавме со Зорица Ставрова и Сања Делева стипендистки на Акдемијата за ентериер и продукт-дизајн кои ги прашавме: „Што те мотивираше да се пријавиш на повикот за стипендии?“

Прво, мојата лична желба за учествување во екстра активности коишто не се во рамките на формалното образование. Втората причина го подразбира професионализмот којшто го поседуваат лицата на „Скала“. Кога велам лица, мислам и на професорите и на студентите за кои е доволно да се слушне едно интервју и да се забележи симбиозата на функционирање. Навистина примамлива средина.

На истото прашање се надоврза и Сања Делева која пак, ни сподели…

Освен тоа, Академијата е една од ретките, ако не и единствена кај нас, со којашто луѓето имале само позитивно искуство. Затоа сум сигурна дека тука ќе се стекнам со знаења и вештини коишто ќе бидат од огромно значење за идните, лични успеси. 

За впечатоците и искуството од интервјуто, си позборувавме со Ивана Јосифоска, стипендист на Академијата за UX/UI и Антонија Петковска, Академија за ентериер и продукт-дизајн, коишто ни споделија…

Самото интервју помина доста интересно, интерактивно и лесно токму поради фактот дека истото е еден вид на разговор меѓу креативци за сѐ она коешто нас нѐ води. Беше еден вид на ново искуство, овозможувајќи ми доста лесно да се опуштам и поврзам повеќе со сѐ она за коешто и иницијално бев заинтересирана.

Антонија пак, ни сподели како ја преброди својата трема преку разговор…

Имав малку трема и секако возбуда, а јас сум човек кој кога ги има во моментот тие две чувства, не престанува да зборува, па интервјуто се одвиваше со смеа, добра комуникација и совети коишто нема да ги заборавам!

На споделувањето на интервју-искуствата, се надоврзаа Татјана Гиновска, стипендист на Академијата за моден дизајн и Трајче Стојанов, стипендист на Академијата за графички дизајн…

Од самото влегување, добив некаков необјаснив комфорт, бев максимално релаксирана и разговорот имаше супер тек и доста смеење, сите личности кои ги запознав беа многу пријатни. 

Трајче на овој одговор дополни… 

Опуштено, отворено и пријателски настроено. Ми се допадна тоа што имаше добар баланс на формалност и неформалност!

Поразговаравме и со Стефан Божиновски и Крсто Глигорјадис, стипендисти од Академијата за визуелни уметности кои ни споделија повеќе за нивните претходни искуства и зошто решиле да продолжат со студии токму на нашата академија?

Претходното искуство е главно од областа на ликовните уметности, имајќи завршено додипломски студии на Факултетот за ликовни уметности. Исто така, независно се занимавам со видео и фотографија, како и сценографија и театар, особено во последните две години. Она што чувствував дека формално ми фали како знаење, искуство и пракса беше проширеното поле на визуелните уметности, токму вклучувајќи ги и испреплетувајќи ги дизајнот, илустрацијата, фотографијата и филмот. Во рамките на Академијата за визуелни уметности, увидов токму ваква специфична, а воедно и широка, комбинирана програма којашто верувам дека ќе ми помогне да ги проширам искуствата и видиците и да се надоградам како креативец! -ни сподели Стефан.

Крсто, присетувајќи се на своите искуства и уметнички подвизи, ни сподели…

На почетокот, работев интуитивен апстрактизам со комбинирани техники, но во последните неколку години, работам на нетипични современи уметнички пракси како перформанс, партиципативна уметност, инсталации. Па затоа, се одлучив да се запишам на Академијата за визуелни уметности со цел развивање и учење на различни вештини и методи коишто ќе ми помогнат во реализирање на моите сеопфатни анализи и идни проекти.

Нивниот колега Огнен Анчевски, исто стипендист на Академијата за визуелни уметности, има повеќегодишно искуство со нашите програми, па на ова прашање тој се надоврза…

Работам како фотограф/видеограф веке 10 години, зад мене имам завршено 3 курса за фотографија и еден за постпродукција на фотографија во „Скала“ – поранешно „Џолев и уметностите“ и имам една година како EVS во Данска. Таму работев во локална телевизија и тоа за мене беше огромно искуство, не само на професионално ниво, туку и на приватно. Ја избрав „Скала“, бидејќи од моето претходно искуство сум презадоволен од знаењата коишто ми биле пренесени. 

♥

СТИПЕНДИИ: ПОСЛЕДЕН ПОВИК ЗА ТВОЈАТА КАРИЕРА

За сите кои го пропуштија првиот повик, а имаат желба и насока да започнат кариера во креативните индустрии, Скала од 21 септември до 5 октомври, ве повикува на вториот отворен повик за доделување на 6 целосни и 12 половични стипендии за учебната 2023/24 на академиите:

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

ПРИЈАВИ СЕ ВЕДНАШ!

The post Стипендистите ве повикуваат на последен повик за стипендии! appeared first on Skala School.

• 6 целосни стипендии (100% намалување на школарината);
• 12 делумни стипендии (50% намалување на школарината);
• 12 ваучери со 25% попуст
  

Во тек е повикот за стипендии во Скала Школата за дизајн, за сите оние кои имаат желба и насока да започнат кариера во креативните индустрии. Повикот е активен до 30 јуни, за учебната 2023/24 на Академиите:

ПРИЈАВИ СЕ ВЕДНАШ!<<

Со цел да ве охрабриме да пристапите кон нашиот повик за стипендии, решивме поблиску да се запознаеме со некои од нашите стипендисти од изминатата година. Тие ни споделија како се решиле на чекорот да се вклучат во Скала академиите, но и искуството со интервјуата, и воопшто – целосниот впечаток.

Го прашавме Стефан Трпески стипендист на Академијата за визуелни уметности, што те мотивираше да се пријавиш на конкурсот за стипендии?

СТЕФАН:

Периодот кога Скала ги доделуваше стипендиите, јас бев во процес на менување кариера, затоа што претходно студирав молекуларна биологија, и повеќе не се гледав во тоа поле.

Повеќе од 2 години фотографирав како хоби и сакав да го усовршам моето знаење за фотографија. Тогаш, на Инстаграм ми се појави реклама за стипендии од Скала, ја видов, почнав да читам кои се „Скала“ и кои се Академиите и се пријавив на повикот за стипендии. The rest is history!

На ова се надоврза и Александра Азманова, стипендистка на Академијата за UX/UI.

АЛЕКСАНДРА:

Запишувањето и посетувањето на Академијата дефинитивно е најдобрата одлука што досега ја имам направено за мојата кариера. Желбата да го надоградам своето знаење, но и да се инспирирам и мотивирам ме поттикнаа да го направам тој чекор. Знаењето што континуирано го добивам е она за кое што и се пријавив да бидам дел од Скала.

Со Иван Гекиќ, стипендист на Академијата за визуелни уметности, поразговаравме за неговото претходно искуство и зошто токму реши да продолжи со студии на нашата академија. 

ИВАН:

Баш токму поради тоа што во програмата го содржи она што ми беше потребно да се надоградам во мојата професија, решив да се запишам на Академијата за визуелни уметности. Долго време сакав да се запишам, па го подготвив моето портфолио и аплицирав.

Немав некои посебни очекувања пред интервјуто, немав трема и не погрешив, затоа што сѐ помина опуштено, супер, пријателски и кул!

ПОГЛЕДНИ АКАДЕМИИ! <<

Стипендистот на Академијата за моден дизајн, Тони Петрушевски ни сподели кој му бил примарниот мотив и искуството на Академијата:

ТОНИ:

Ја одбрав оваа Академија знаејќи кои ментори предаваат на истата. Искуството беше позитивно и од двете страни, имав прилика да го презентирам моето портфолио и да одговорам на неколку прашања од наставниот координатор Ангела Николовска и од модната дизајнерка Ирина Тошева. Голема благодарност до нив и до Академијата за довербата да бидам дел од стипендистите.

Можам да кажам дека мојот мотив беше различниот метод на образование. Освен факултетското образование коешто е примарно и во кое сѐ уште сум дел, имав желба да го искусам и овој начин што многу повеќе ми одговара. И не погрешив!

Додека пак Александар Стевананџија, стипендист на Академијата за графички дизајн, ни го сподели неговото искуство со Академијата и интервјуто.

АЛЕКСАНДАР:

Сакав да си ја остварам желбата да учам графички дизајн – од таму започна сѐ. Едноставно се потрудив да научам некои програми и да направам некои дела, а стипендијата ми дојде баш како поддршка. Претходното искуство ми е припрема на портфолио за стипендија и конечната одлука да студирам на Скала Академијата.

Интервјуто ми помина забавно, ептен јако! Малку бев под стрес, што се покажа беспотребно 🙂

Андреј Стамевски од Академијата за UX/UI+ дизајн ни сподели дека најважно од искуството му било да ја преточи страста за дизајн во едно ново патување низ дизајнерскиот свет:

АНДРЕЈ:

Ја избрав оваа Академија поради широкото портфолио на предмети која ја нуди студиската програма. Како Магистер по дизајн, секогаш сум бил во првите борбени редови кога станува збор за образование, дизајнот е жива материја која секојдневно се менува и циркулира околу нас.

На прашањето како си помина на интервјуто, на крајот ќе заклучи:

Интерактивно и интересно се само сегменти од интервјуто, но нека остане мистерија, за да останете љубопитни и да аплицирате за да дознаете какво искуство ве очекува!

Интервјуто е само првата скала која ја качуваме за да ја оствариме посакуваната цел на Академијата Скала 🙂

ВАЖНО: Кандидатите кои ќе аплицираат, ќе бидат повикани на кратко интервју со координаторите од академиите, пред кои ќе имаат можност да се претстават преку интересот за личен развој и преквалификација или преку портфолија и дела за понатамошно надоградување во дејноста од интерес.

Возможни се два типа на интервју (поделени во две различни категории) и тоа, 1. кандидати со искуство од дејноста и 2. кандидати без претходно искуство.

Двете категории имаат различен систем на вреднување.

Повеќе информации: 076 266 740

✰

Погледни ги сите детали за програмата, менторите, начинот на одржување и можностите по завршување на Академијата.

The post Стипендистите ве повикуваат на повик за стипендии! appeared first on Skala School.

Разговаравме со нашите студенти Mаја Матлијоска, Тони Петрушевски, Тиана Јовиќ и Mихаела Штерјова, студенти на Академијата за моден дизајн , за нивниот првосеместрален проект на темата „Шкотско каро“ на кој работеа под менторство на Никола Булески-Буле и Александар Ношпал.

Сите четворица тргнале во различен правец од една заедничка точка, материјалот „шкотско каро“. Овој патерн има безброј можности за реализација кога треба да осмислите модел на здолниште. Нашите студенти размислувале на неколку различни теми: современа, традиционална, панк и филмска презентација на нивните модели. Затоа, здолништата се направени по четири различни, а автентични идеи.

Се одлучив за оваа тема/идеја поради…

Тиана: Оваа тема ја одбрав, бидејќи серијата „Stranger things” постигна огромна популарност и ме освои по само првата епизода. Инспирирана бев од вистинската љубов и несебичност помеѓу групата пријатели (којашто денес во реалниот свет е ретка) како водечка сила којашто резултираше со храброст и истрајност и ги мотивираше да се борат и да го заштитат нивниот град и самите себе.

Сакав мојата креација, како и самата серија, да биде уникатна и оригинална – да отстапам од нешто коешто се смета за вообичаено. Според мене – тоа е голем дел од патот до успехот.

Маја: Се одлучив за оваа тема поради желбата да искажам како луѓето во денешницата се соочуваат со голем број препреки, позитивни и негативни, исто како и на шаховското поле. Црно и бело. Како во Queen’s Gambit 🙂

Михаела: Се одлучив за оваа тема, бидејќи отсекогаш сум сакала бунтовни жени, жени кои имаат самодоверба, револуционерки. Тој тип на жена не се плаши да го искаже своето мислење, да има свој став, се двои од општеството и не се труди да се вклопи во истото. 

Како таков карактер на жена ја одбрав актерката Руни Мара во улога на Лизбет Саландер во филмот/книгата ,,Girl with the dragon tattoo’’ која претставува главна инспирација во мојата колекција ,,Delinquent’’.

Тони: На тема ,,Шкотско каро”, зададена од проф. Ношпал, имавме задача да направиме колекција на здолништа, вметнувајќи го карото во нашите дизајни. Темата ја поврзав со кралското семејство, односно со бракот помеѓу принцезата Дајана и принцот Чарлс. Нивната упорност и потреба од развод, заедно со нивниот бунт којшто низ годините се зголемува, на крајот успеваат да ги поместат границите и законите на монархијата и црквата.

Токму тој бунт мене ме инспирираше за создавање на оваа колекција којашто ја нареков ,,MOMENTUM”. Во овој случај, се работи за емоционална состојба којашто трае извесен временски период, којашто нѐ доведува до моментум. Емоции коишто ги потиснуваме во себе, ги задржуваме во нас, се таложат и прераснуваат во нешто многу поголемо. На нас останува да го избереме патот по којшто ќе се движиме. Дали ќе продолжиме да ги потиснуваме? Или ќе собереме храброст и ќе се соочиме со истите?

При процесот на креирање, се соочив со…

Маја: При процесот на креирање, се соочив со мало чувство на сомнеж и огромна амбиција дека ЈАС МОЖАМ. 

Михаела: Морам да кажам дека се соочив со потешкотии од разно потекло, но бев упорна и брзо ги надминав истите!

Тони: На почетокот на семестарот, се соочував со адаптирање на самите предмети и ментори и сите активности што следат со самата академија. Од друга страна, се соочував и со понапорна агенда во текот на денот, бидејќи напоредно и работам, но секако учиш како да ги балансираш обврските… 😊

Тиана: При процесот на креирање, се соочив со секакви предизвици, успони, падови и многу емоции. Од немање идеја како да се почне до имање милион идеи и проблем со тоа каде да се насочам, од денови во коишто сѐ оди под конец, до денови во коишто и наједноставните задачи ми изгледаат како преголем залак.

Нема да кажам дека е лесно, но со сигурност можам да кажам дека вреди.

За соработката при процесот, за менторите би сакал/а да кажам…

Маја: Имам само позитивни мислења за нив, исто како што професорите ме поддржаа и мотивираа да работам на тема којашто навидум ми изгледаше „невозможна”. Но, при процесот на работа, сфатив дека зборот „невозможно“ го нема во речникот на успехот.

Михаела: Менторите ми беа од огромна помош при решавање на проблемите коишто се појавија низ процесот на креирање модно досие и модна колекција. Тие беа многу посветени и успешно ни го пренесоа нивното долгогодишно знаење и искуство. 

Тони: Со помош на индивидуални разговори со менторите, со цел разработка на нашата тема, односно разработка на шаблоните на здолништата од колекцијата, многу ни помогнаа за полесно соочување со предизвиците.

Тиана: Сакам да истакнам дека сум благодарна што имав можност да ги запознам како луѓе, а уште поблагодарна сум што добив шанса да ги имам како ментори.

Секој е посебен карактер и секој има свој начин на работа и токму тоа сметам дека ќе биде клучниот фактор за справување и соработка со различни клиенти во понатамошните работни искуства.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Маја, Тони, Тиана и Mихаела, студенти на Академијата за моден дизајн appeared first on Skala School.

Разговаравме со нашите студенти Ирина Чабуковска, Андреј Стамевски и Марија Бежаноска, студенти на Академијата за UX/UI+ дизајн , за нивниот семестрален проект на предметот „UI дизајн“ под менторство на Дејан Милосавлески.

Сите тројца имале различни идеи во креирањето на основите страници, но она што е впечатливо е што сите размислувале на корисничките принципи и барања и особено добро ги претставиле своите прототипирани страници. Истите можете да ги видите како функционираат подолу само со еден клинк на линкот 🙂

Кликни ТУКА за да го разгледаш и веб сајтот (прототип).

Се одлучив за оваа тема/идеја поради…

Ирина: Имавме за задача по предметот UI да изработиме Newsletter форма. Во процесот на избирање фотографија се одлучив за една со девојка со многу уникатна тетоважа, и кога дојде време за изработка на Landing Page-от се одлучив да го продолжам истиот стил и така дојде до идејата.

Андреј: Идејата е поедноставување на Booking.com платформата, односно чист и интуитивен интерфејс, со тоа што на корисниците ќе им ја олесни навигацијата и чекорите вклучени при букирање (закажување на место за престој).

Дизајнот е со интуитивни елементи кои лесно и брзо го водат корисникот низ процесот. Боите се задржани од постоечкиот брендинг.

Марија: Редизајнот на веб страната на Booking.com беше задача која ја добивме од нашиот ментор по UX/UI+ дизајн. Морам да напоменам дека овој проект за мене беше прво, вистинско соочување со (ре)дизајн на една веб страна, после нашите пробни проекти и дизајни. Проектот сам по себе ја разбуди имагинацијата во мене и ми помогна да дизајнирам и креирам на начини на коишто никогаш не замислував дека би можела да творам.

При процесот на креирање, се соочив со…

Ирина: …моменти кога се чувствував како да немам идеи кои би ја истакнале мојата работа и бев незадоволна од себе. Но, со помош на советите од менторите и постојан research секогаш доаѓав до крајни резулати на кои сум многу горда. 

Андреј: При процесот на еден ваков редизајн, на прво место е разбирањето на корисникот. Дизајн архитектурата е клучна за една ваква веб страна. Потребно е да се ставиме на местото на корисникот за да го детектираме проблемот. Во случајов Booking.com е многу збунувачки и преплавен со непотребни елементи и информации кои се повторуваат и затоа процесот на симплификација е главен сегмент на редизајнот.

Марија: Морам да кажам дека самиот процес на креирање и дизајнирање веб страна (па и сè останато) „from scratch” знае да биде малку „заплашувачки” и за мене беше огромен предизвик. Но, благодарение на соработката со менторите и колегите, и секако напорната работа, успеав да го совладам тоа чувство на неудобност и да ги креирам посакуваните дизајни.

Кликни ТУКА за да го разгледаш веб сајтот (прототип).

За соработката при процесот, за менторите би сакал/а да кажам…

Ирина: Секогаш кога беше потребна помош или фидбек, беа тука за нас и помагаа да се подобриме. Ни даваа корисни совети како да излеземе од комфор зоната и да достигнеме ново ниво во квалитетот на работата. 

Андреј: Уживав во соработката со менторите, ме охрабрија да ги реализирам сите мои идеи!

Марија: Менторите беа поддршката која на сите нас, како почетници ни е навистина важна и потребна. Од раѓање идеја за конкретен дизајн, помош при преточување на таа идеја во lo-fi прототип, до креирање завршна дизајн верзија/hi-fi прототип…

Насоките и советите навистина беа добредојдени и ме насочија на вистинскиот пат.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Кликни ТУКА за да го разгледаш и веб сајтот (прототип).

Другарски совет за сите оние кои сакаат да се запишат на Академија во Скала…

The post Студентски осврт сo Ирина, Андреј и Марија, студенти на Академијата за UX/UI+дизајн appeared first on Skala School.

Разговаравме со нашите студенти Немања Пејиќ, Андреј Стамевски, Андреа Ангеловска и Ана Попоска, студенти на Академијата за графички дизајн, Академијата за UX/UI|+ дизајн и Академијата за визуелни уметности, за нивните семестрални проекти по предметот илустрација: „Филмски постер” под менторство на Зоран Кардула и Андреј Павлов.

За изборот на делата, нивното влијание и искуството со менторите и низ академските часови, студентите ни открија интересни, уникатни детали. Сите четворица избраа дијаметрално различни теми за нивните филмски постери.

Го избрав ова дело затоа што…

Ана: Тоа што „Gummo“ беше последниот филм кој го гледав и ми остави огромен впечаток. Како завршна задача по предметот motion graphic имав да направам анимација на истиот, такашто пред да почнам да работам на илустрацијата, имав идеја како би изгледала анимацијата.

Немања: Се одлучив за ова дело поради приказната и самата порака која ја пренесува филмот.

Андреј: Целта ми беше да создадам дизајн кој ја доловува суштината на ликот од Breaking Bad, Џеси Пинкмен, а истовремено да пренесува порака поврзана со употребата и ефектите на метамфетамин. Полигоналните форми се сиже на целиот концепт, бидејќи кристалниот метамфетамин има иста таква форма при обработка преку спојување на елементите Бромин (Br) и Бариум (Ba). Боите се живописни, и го претставуваат дејството на супстанците.

Андреа: Се одлучив за ова дело од причина што овој цртан филм („101 Далматинец“) ми е еден од омилените и сакав да го претставам во моја перспектива.

При процесот на креирање, се соочив со…

Андреј: При процесот на креирање секој дизајнер се соочува сам со себе, односно со своите стравови, вредности и предрасуди. Тој мора да биде подготвен да излезе надвор од сопствената комфор зона и да презема ризици за да создаде нешто навистина уникатно и инспиративно.

Немања: Процесот на креирање за мене беше експериментирање! Експериментирав многу со композиција, фонт, бои… За да стигнам до посакуваната и секако подобра целина. 

Ана: Напор, напор и напор! И за илустрацијата и за анимацијата. Многу често не сакав да продолжам и сакав да го прекинам процесот. Но, се себемотивирав и мотивот кога конечно го завршив и видов делото – неописливо добро чувство.

Андреа: Речиси и да немав потешкотии во текот на процесот, бидејќи навистина уживав во креирањето на овие дела.

За соработката при процесот, за менторите би сакал/а да кажам…

Ана: …Дека имав одлична соработка! Начинот на кој Кардула предаваше беше многу јасен, лесен и разбирлив. Работата со Illustrator ме плашеше пред да почнам, но многу брзо го совладав.

Андреа: Менторите ми беа огромна поддршка и би сакала да кажам дека некои од нив комплетно се посветија на моите дела за помош и корекција, нешто што најмногу го ценам и ми е потребно.

Андреј: Едноставно уживав во соработката со менторите, ме охрабрија да ги реализирам сите мои идеи!

Немања: Moрам да кажам дека менторот Зоран Кардула преку јасни консултации и корекции ми помогна во процесот на изработка на ова дело. Неговите концизни насоки ми помогнаа постерот да проникне низ сижето на филмската лента и да ја претстави суштинската улога на прикажаниот предмет.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Немања, Андреј, Андреа и Ана, студенти на Академијата за графички дизајн, UX/UI+ дизајн и визуелни уметности appeared first on Skala School.

Разговаравме со нашите студенти Сара Фиданоска, Александра Стојковска и Марија Ангелова, студенти на Академијата за графички дизајн , за нивниот семестрален проект по предметот фотографија: „Рекреација на култно сликарско дело” под менторство на Дејан Џолев и асистенција на Антонио Станков.

Александра го избра делото на Каспaр Давид Фридрих, познатиот „Wanderer above the sea of fog“, Сара делото на домашниот сликар Ване Костуранов „Nude“,  a Mарија го рекреираше делото на Eдвард Хопер, „Lady in pink“.

Го избрав ова дело затоа што…

Александра: За делото „Талкачот над морето од магла” од Casper David Friedrich, најпрвин се одлучив поради носталгични причини. Ме потсетува на мојот роден град и погледот којшто го имам кога ќе отидам на село, по што веднаш го замислив процесот на фотографирање. Втората причина е извонредноста на самото дело коешто истовремено во мене буди чувство на мир и бунтовност.

И секако, да не заборавам, го имав вистинскиот модел. 🙂

Сара: Го избрав ова дело, бидејќи ми беше највпечатливо. Доста се мислев додека биравме дело за рекреација, но упорно некако се навраќав на него. Многу ми се допаднаа ликовите и колоритот и бев нестрплива да се обидам да го рекреирам истиот свет во фотографија.

Марија: Кога биравме дело за рекреација, најпрвин го видов делото на Едвард Хопер и бев импресионирана со тоа што авторот со самото негово дело го одразува чувството на анксиозност и осаменост, како и социјалната изолација, односно исклучувањето од реалниот свет.

При процесот на креирање, се соочив со…

Сара: Постпродукцијата ми одзеде поприлично многу време. Сакав секој пиксел од делото да ми биде совршен и не очекував дека ќе треба толку едитирање, но сепак ова ми беше еден од најинтересните проекти за реализирање досега.

Александра: Процесот на креирање за мене беше тринеделна авантура. Се соочив со многу потешкотии поради тоа што беше период на празници и не бев во можност континуирано да остварувам комуникација со менторите. Спојувањето на 18 различни фотографии во една, од прва ми звучеше невозможно за мене, но со тешки маки успеав и презадоволна сум од крајниот резултат. Без разлика на сѐ, повторно би ги повторила четирите сета на отворено, планинарењето и дружбата за време на процесот на креирање.

Марија: Голем предизвик ми беше монтирањето на повеќе фотографии во една. Изгубив многу време за да го достигнам крајниот резултат, но уживав во процесот, бидејќи првпат се соочив со таков предизвик и научив многу нови работи. 

За соработката при процесот, за менторот Дејан Џолев и асистентот Антонио Станков би сакал/а да кажам…

Александра: Без знаењето коешто тие ми го пренесоа, мојата фотографија немаше да постои. Одлични се.

Сара: Немам доволно пофални зборови за да опишам колку сум задоволна од соработката со менторите. Многу работи научив од Дејан Џолев и кога и да имав прашање за делото, тој беше тука да ми помогне.

Марија: Одлични ментори, направија одлична пријателска атмосфера со нас, така што нѐ мотивираа да го вложиме целиот наш труд. 

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Сара, Александра и Марија, студенти на Академијата за графички дизајн appeared first on Skala School.

Разговаравме со нашите студенти Ана Попоска, Ангелче Петрушевски и Јована Цинцароска, студенти на Академијата за графички дизајн и Академијата за визуелни уметности, за нивниот семестрален проект по предметот фотографија: „Рекреација на култно сликарско дело” под менторство на Дејан Џолев и асистенција на Антонио Станков.

За изборот на делата, нивното влијание и искуството со менторите и низ академските часови, студентите ни открија интересни детали. Она што е највпечатливо е дека сите тројца го избраа Рене Магрит во своите интерпретации. Тој е белгиски уметник, сликар и претставник на надреализмот.

Го избрав делото на Рене Магрит затоа што…

Јована: Додека ги избиравме делата, ,,Видливиот свет” на Рене Магрит беше првото и единствено дело кое ми го привлече вниманието со својата едноставност. Го избра моја колешка, но во последен момент се премисли и го препушти во мои раце. Би рекла дека јас не го избрав делото, делото ме избра мене.

Ана: Тоа што ми изгледаше како интересен предизвик. Рене Магрит е навистина луд, необичен уметник (во најдобра смисла на зборот), и ми се чинеше уште полудо како предизвик да пробам да го рекреирам во фотографија.

Ангелче: Го избрав поради тоа што ми делуваше доста интересно, и предизвик да работам што повеќе во Photoshop.

При процесот на креирање, се соочив со…

Ана: Фактот дека адаптацијата и трпеливоста при неочекуваните моменти е една од најбитните креативни способности. Целиот пат беше само „trusting the process“, и во многу голем дел од процесот мислев дека делото ќе излезе ужасно. Евентуално се соочив со фактот (повторно и повторно) дека нема никогаш да биде совршено, и јас ќе бидам најголемиот критичар на моите дела.

Јована: Процесот на креирање за мене беше доста интересен, но и голем предизвик. Се соочив со многу нетипични околности во процесот на фотографирање, коишто всушност ми овозможија да ги покажам моите вештини во постпродукција, за на крај сето тоа да изгледа како што изгледа.

Ангелче: При процесот се соочив со нови техники на ретуширање, користев нови алатки и начини како да ја подобрам фотографијата.

За соработката при процесот, за менторот Дејан Џолев и асистентот Антонио Станков би сакал/а да кажам…

Ана: Дека беше многу интересно искуство. Научив многу нови работи. Првпат ми беше да сликам во студио, и беше многу интензивно бидејќи требаше да организирам две личности и да ги сликам трите објекти во 20-тина минути. Џолев и Станков ми беа од огромна помош. 

Јована: Секогаш беа отворени за соработка и беа тука за да ни помогнат за било каква потешкотија со којашто се соочувавме при самиот процес на изработка на целиот проект.

Ангелче: Менторите доста ми помагаа во процесот и беа достапни за комуникација во секое време.

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

Другарски совет за сите оние кои сакаат да се запишат на Академија во Скала…

The post Студентски осврт сo Ана, Ангелче и Јована, студенти на Академијата за графички дизајн и визуелни уметности appeared first on Skala School.

На неговата официјална веб-страница, тој вели:

„Преку дизајнот и подвижните слики, можам да ги обликувам визуелните наративи во значајни искуства. Техниките за правење такви слики потекнуваат од мојата фасцинација во природата, историјата, архитектурата, и метафизичката игра на светлина и сенка“

Кој е Петар Џон? –  визуелен уметник, motion graphic designer и коосновач на Lazy Kidz Visualz, виџеј колектив. Тој своите знаења од различни домени ги преточува во визуелни наративи, анимации, видеоинсталации.

Што значи да се биде Motion graphics designer?

На ова прашање Петар одговара дека е речиси исто како графички дизајнер, само што повеќе се движи 🙂

„Како што и во секоја друга професија, луѓето се трудат да бидат најдобри што можат во тоа што го работат, така и јас. Оваа професија бара доста интензивно истражување во поглед на технологијата, а тоа на некој начин е привилегија, бидејќи доста работи учиме додека истражуваме и навистина ми е драго што мојата професија е баш таква“

Што ни сподели Петар…

Тој е ментор на една од најпосакуваните алатки помеѓу студентите од Академијата за визуелни уметности и курсот за ADOBE After Effects.

ADOBE After Effects е софтверска апликација за дигитални визуелни ефекти, 2D- анимации и „motion graphics“, којашто денес има навистина широка примена во областите на филмската индустрија, ТВ, видео реклами, веб-дизајн и анимирани графики како дел од различни маркетинг-кампањи. Петар Џон во сите овие полиња гравитира со посебна заинтересираност, а проектите кои ги работи му се интерактивни, мултимедијални и во соработка со други уметници.

За еден ваков „движечки дизајнер“ сигурно инспирацијата е широко поле во кое се изнаоѓаат најразлични начини за експресија. За Петар Џон, најважна и главна инспирација е играта на сенки и светло, историјата, музиката, филмот. Динамичните анимации ги поврзува со музика и како што вели „скржав сум со боите“, но сега експериментира и со колорит и добива исклучително добри анимации.

Како ментор на обуката за Аdobe After Effects, неговиот стремеж е да ги подготви студентите да ја совладаат програмата, но и овој чекор да им стане дел од изборот на професија. Советот кој го дава на своите студенти е: имајте ЉУБОПИТНОСТ; УПОРНОСТ И ЕКСПЕРИМЕНТИРАЈТЕ!

ПРОЦЕСОТ НА СОЗДАВАЊЕ

„Кога идејата ќе се појави, прво го создавам концептот, истражувам за него, правам moodboards и креирам графичко решение. Ме инспирира да најдам и музика за решението, да го анимирам и адаптирам. Ако се работи за некаков историски локалитет за кој треба да се направи видео-мапинг, читам за него и пробувам да го имплементирам во анимацијата. Секогаш кога станува збор за анимации поврзани со историја, користам методи и техники коишто пробуваат да евоцираат некакви спомени. На крајот – сѐ е заокружување и евалуација“ – вели.

 

The post Запознајте го Петар Џон, ментор на обуката Аdobe After Effects appeared first on Skala School.

ОДБЕРИ ОМИЛЕНА ВЕШТИНА И НАСОЧИ СЕ КОН ОНА ШТО ТИ Е СТРАСТ

Пролет е време за будење. За нови можности, за свежи идеи и за правење нешта за самите себеси. Сакате да развиете нова вештина? Ви се прави нешто убаво како хоби? Сакате да се ослободите, релаксирате, а да креативно да се изразувате? Има начин како и каде.

За дваесет и третата сезона на Школата за дизајн и уметност – Скала, студентите можат да одберат понуда од единаесет обуки и курсеви во разни области на дизајнот, технологиите и уметностите.

„По долгата и здодевна зима, редно време е да блесне пролетната свежина и со елан и да се „фрлиме“ во поле од идеи и вештини.

За деценија работа на нашите академии и обуки, многу луѓе си го пронајдоа своето омилено хоби или започнаа со својата кариера во креативните индустрии, а многу од нив стекнаа и нови приватни или бизнис пријателства. Ние сме подготвени за твоите потреби и желби, а дали ти си подготвен за оваа пролет?“. – изјави Ана Голејшка Џикова, Раководителка за односи со јавност во Скала.

 

Сите програми имаат 20% попуст за упис до 20 февруари!

„Покрај можноста за ран упис до 20-ти февруари, и заштеда од 20%, нудиме и можност за плаќање на 4 или 6 месечни рати без камата. Додека за сите средношколци коишто ќе запишат обука или курс оваа пролет, им доделуваме кредит од 400 евра на нивната алумни сметка, за упис на една од нашите едногодишни Академии за дизајн. Драги креативци, време е за будење, започнува нова пролет!“. – изјави Бранко Кордовски, Специјалист за дигитален маркетинг во Скала. [погледни курсеви]

КУРС: ФОТОГРАФИЈА

МЕНТОРИ: Драги Неделчевски и Aнтонио Станков

ПРОГРАМА:
• Основи на фотографија;
• Ликовни елементи и принципи;
• Пејзаж-фотографија;
• Документарна фотографија + фотовест;
• Портрет-фотографија [ент. екс. студио];
• Постпродукција на фотографија;
• ИЗЛОЖБА!

ВРЕМЕТРАЕЊЕ: 11 термини • 33 часа
ПОЧЕТОК: 18 март
ТЕРМИН: Сабота, 12:00ч. – 14:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: ТЕХНИКИ НА КРОЕЊЕ И ШИЕЊЕ

МЕНТОР: Катерина Тошева

ПРОГРАМА:
• Алатки и нивно користење;
• Техники на моделирање;
• Изработка на основен терк;
• Модификација на вшитоци;
• Изработка на облека;
• Проба на кукла и жив модел;
• Анализа и корекции.

ВРЕМЕТРАЕЊЕ: 8 седмици • 8 термини • 24 часа
ПОЧЕТОК: 18 март
ТЕРМИН: Сабота, 12:00ч. – 14:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС : ЦРТАЊЕ И СЛИКАЊЕ

МЕНТОР: Доротеј Нешовски и Маргарита Симовска

ТЕМИ:
• Геометрија;
• Мртва природа;
• Пејзаж и перспектива;
• Архитектура;
• Анатомија и портрет;
• Апстракција.

ТЕХНИКИ:
• Молив, јаглен, туш;
• Акварел, акрил.
• ИЗЛОЖБА! 🙂

ВРЕМЕТРАЕЊЕ: 8 седмици • 8 термини • 24 часа
ПОЧЕТОК: 19 март
ТЕРМИН: Недела, 12:00ч. – 14:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: ФИЛМ И ФИЛМСКИ АКТЕР

МЕНТОР: Теа Беговска

ПРОГРАМА:
•  термин 1. Лик и личност;
•  термин 2. Имагинација;
•  термин 3. Емоција;
• термин 4. Актерска игра пред камера 1;
•  термин 5. Актерска игра пред камера 2;
•  термин 6. Сценарио (+ Кастинг);
•  термин 7. Мизансцен и континуитет;
•  термин 8. Актерска импровизација;
•  термин 9. Актерска игра пред камера 3;
•  термин 10. Актерска игра пред камера 4;

ВРЕМЕТРАЕЊЕ: 10 седмици • 10 термини • 30 часа
ПОЧЕТОК: 19 март
ТЕРМИН: Недела, 12:00ч. – 14:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: ADOBE ILLUSTRATOR / ГРАФИЧКИ ДИЗАЈН

МЕНТОР: Андреј Павлов

ПРОГРАМА:
• Алатки и работен простор;
• Основи на векторска графика;
• Алатки и работен простор;
• Основи на векторска графика;
• Методологија на креирање;
• Ликовни елементи и принципи за креирање на векторска графика;
• Креирање на илустрации со алатки за цртање;
• Користење на боја, градиенти, патерни;
• Текст и типографија;
• Слоеви во векторска графика;
• Креирање и користење на четки;
• Примена на векторска графика во дизајн.

ВРЕМЕТРАЕЊЕ: 8 термини • 24 часа
ПОЧЕТОК: 18 март
ТЕРМИН: Сабота, 17:00ч. – 19:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: ADOBE PREMIERE: ВИДЕО МОНТАЖА

МЕНТОР: Сандра Ѓорѓиева

ПРОГРАМА:
• Алатки за користење во ADOBE Premiere;
• Технички и креативни процеси при работа на повеќе аудио-визуелни форми;
• Oбработка на слика и звук;
• Пакување на финален продукт за веб, тв и кино.

ВРЕМЕТРАЕЊЕ: 10 термини • 30 часа
ПОЧЕТОК: 01 ноември
ТЕРМИН: Недела, 15:30ч. – 18:00ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: ADOBE PHOTOSHOP: ПОСТПРОДУКЦИЈА И МОНТАЖА НА ФОТОГРАФИЈА

МЕНТОР: Aнтонио Станков

ПРОГРАМА / ADOBE Photoshop:
• Основи на постпродукција, вовед во естетика;
• Простор и композиција, фотографски принципи и елементи;
• Боја, теорија на боја и филозофија на убавото;
• Светло и контраст;
• Текстура и текстурирање, епохи и естетски карактеристики;
• Ретуширање;
• Вовед во монтажа;
• Методологија и развој на монтажа на фотографија;

ВРЕМЕТРАЕЊЕ: 8 седмици • 10 термини • 30 часа
ПОЧЕТОК: 18 март
ТЕРМИН: Сабота, 16:00ч. – 18:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС : ADOBE AFTER EFFECTS: МОУШН ДИЗАЈН И АНИМАЦИЈА

МЕНТОР: Петар Џон

ПРОГРАМА:
• Алатки и работен простор;
• Основни принципи на анимација и подготовка на работните фајлови;
• 2Д-анимирање на векторски форми и типографија;
• 2Д-анимирање на векторски форми и типографија II;
• 3Д-анимација, камера и светло;
• 3Д-анимација, камера и светло II;
• Трекинг и стабилизација на снимки;
• Композиција и постпродукција;
• Композиција и постпродукција II;

ВРЕМЕТРАЕЊЕ: 10 седмици • 10 термини • 30 часа
ПОЧЕТОК: 19 март
ТЕРМИН: Недела, 17:00ч. – 19:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: АDOBE XD UX/UI ДИЗАЈН

МЕНТОР: Дејан Милосавлески

ПРОГРАМА:
• Introduction UI/UI
• Wireframing
• Adobe XD
• Designing
• Prototyping
• Mobile Application
• Web Application
• Do’s & Dont’s and What are the experts doing
• Summary, Self-improvement, and learning

ВРЕМЕТРАЕЊЕ: 9 седмици • 9 термини • 27 часа
ПОЧЕТОК: 18 март
ТЕРМИН: Сабота, 17:00ч. – 19:30ч.

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: HTML/CSS & JS

МЕНТОР: Игор Георгиоски

ПРОГРАМА:
• Introduction to Visual Studio Code
• Introduction to HTML
• Introduction to CSS
• Advanced usage of HTML/CSS & Responsive design
• Introduction to CSS animations
• Bootstrap
• CSS Grid basics
• Converting designs into HTML/CSS code
• Introduction to Javascript/Typescript
• Frontend development frameworks

ВРЕМЕТРАЕЊЕ: 30 седмици • 30 термини • 90 часа
ПОЧЕТОК: 6 март
ТЕРМИН: 2-3 пати неделно од 17:30 до 19:00

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

КУРС: WORDPRESS DEVELOPMENT

МЕНТОР: Георгиј Голабоски

ПРОГРАМА:
• Introductions and history of Content Management Systems, WordPress, WooCommerce and how the Web works
• WordPress Basics & best practices
• WordPress as a CMS
• Theme Development | Site Development
• Custom theme development practices
• Migrating your site to the World Wide Web, maintaining & optimizing a WordPress site

ВРЕМЕТРАЕЊЕ: 12 седмици • 60 часа
ПОЧЕТОК: 17 април
ТЕРМИН: 1/2 неделно од 17:30 до 19:00

ПРИЈАВУВАЊЕ: тука 🙂
ПОВЕЌЕ ЗА ПРОГРАМАТА И МЕНТОРИТЕ: тука 🙂

_______

+ + Провери ги нашите едногодишни Академии за дизајн.

_______

Ве очекуваме! 🌸

СКАЛА – ЏОЛЕВ И УМЕТНОСТИТЕ
10 години Школа за дизајн, уметност и технологија
076 266 740

The post 11 ОБУКИ ОД ОБЛАСТА НА ДИЗАЈНОТ И УМЕТНОСТИТЕ ВО „СКАЛА – ЏОЛЕВ И УМЕТНОСТИТЕ“ appeared first on Skala School.

Оваа година ја започнавме со наградната игра грепка на знаење преку која над 500 лица се обидоа да дојдат до една од новогодишните награди по повод старт на новата година, а со тоа и новите сезони на курсеви и академии. Зад себе оставаме супер успешна година исполнета со мнооогу дружби, настани, изложби, проекти… па за да нѐ фати „мајата“ и во новата 2023, се решивме да ја повториме оваа наградна игра со уште поголем фонд на добивки!

 

The post 50 НАГРАДИ ВО ВРЕДНОСТ ОД 4.500 ЕВРА ЗА НОВАТА XXIII СЕЗОНА НА КУРСЕВИ! ИГРАЈ ЗА ГРАТИС КУРС! appeared first on Skala School.