Нашата Школа за дизајн и уметност „Џолев и уметностите“, по повод својот јубилеј – една деценија постоење, се преродува во Скала – Школа за дизајн, уметност и технологија. 🥳

Како растевме… 

2012 • ПРВ ЧАС

На трети мај, во Школата за дизајн и уметност „Џолев и уметностите“, се одржа првиот час!
Покрај едукативната дејност, школата активно ги промовираше развојот и делата на студентите преку културни настани: изложбени поставки, филмски премиери, литературни промоции…
Општествено ангажирани, во редовна комуникација со креативната заедница, „Џолев и уметностите“ во континуитет организираше јавни расправи и предавања на теми блиски на уметноста, дизајнот и културата.

Во првите пет години, беа активни повеќе од 20 едукативни обуки за возрасни и деца.

2017 • ПРВАТА АКАДЕМИЈА ЗА ДИЗАЈН

Им посакавме добредојде на првата генерација студенти на Академиите за визуелни уметности и моден дизајн, под водство на менторски колегиум од еминентни универзитетски професори и професионалци од дејностите.
Единствената школа којашто им овозможува на студентите: современо фото и видео-студио, технолошка лабораторија со таблети за цртање и 3Д-принтери, комплетно опремено модно и сликарско ателје.

2019 • СЕ ОСНОВАШЕ ИНСТИТУТ ЗА ДИЗАЈН И ТЕХНОЛОГИЈА – ИДТ СКОПЈЕ

Со оформувањето на Institute of Design and Technology – IDT Skopje, со цел развој и поддршка на иницијативи и проекти од креативните индустрии, започнаа и нови академии за product owner и ux-ui дизајн.

2020 • ДОБРЕДОЈДЕ SKALA MAGAZINE

Jа лансиравме Skala Magazine – платформа за дизајн и современа уметност чија примарна цел е промоција на млади креативци, нивно поврзување со индустријата и поддршка на културните настани и сцена. Скала оваа година беше препознаена и стана дел од две важни платформи: Sphera – платформа на алтернативни медиуми во Европа и„Youth Newsroom” – балканската платформа на алтернативни медиуми.

2022 • НИЕ СМЕ СКАЛА!

Поради сите овие тимски успеси и моментално активни повеќе од 60 ментори на 30 едукативни програми каде се едуцираат над 300 студенти годишно, на огромно задоволство и одговорност, одлучивме: НИЕ СМЕ СКАЛА – Школа за дизајн, уметност и технологија!

Продолжуваме да растеме заедно! ♡

Не заборавајте, уписите за новата академска година 2022-23 се во тек! 
АКАДЕМИИ 2022-23 • ГРАФИЧКИ ДИЗАЈН • ВИЗУЕЛНИ УМЕТНОСТИ • МОДЕН ДИЗАЈН • ЕНТЕРИЕР И ПРОДУКТ ДИЗАЈН • UX/UI • PRODUCT OWNER.

Повеќе информации: 076 266 740
info@djolevandthearts.edu.mk
info@idt.mk 

НАША ДОЛЖНОСТ Е ДА ГИ ПРЕПОЗНАЕМЕ КВАЛИТЕТИТЕ НА СЕКОЈ СТУДЕНТ! 

The post НИЕ СМЕ СКАЛА! appeared first on Skala School.

Институтот за дизајн и технологија  – ИДТ Скопје и Школата за дизајн и уметност „Џолев и уметностите“ започнуваат програма за стипендирање, каде што за првпат во процесот на стипендирање се вклучуваат и компаниите. Оваа пилот-програма започнува со Академијата за UX/UI plus, којашто е проширена и го опфаќа целокупниот развој и дизајн на софтверски решенија базирани на веб, покривајќи ги едни од најбараните работни позиции на денешницата: UX/UI дизајнер, WordPress и Front – End девелопер.

ПОВИКОТ ЗА СТИПЕНДИИ Е ОТВОРЕН ДО 28 МАРТ.
АПЛИЦИРАЈ ТУКА.

„Поддршката се однесува на 6 поединечни стипендии коишто покриваат 30,  50% и 100% од износот на изучувањето на оваа десетмесечна академска програма. Поради фактот што постои недостиг на кадар, кој треба да се адаптира во една динамична средина со голем број проекти за клиенти од различни континенти (поврзани со развој на веб-апликации), компаниите од индустријата се вклучија со директно стипендирање на студентите со тоа што по завршување на академијата, истите ќе бидат дел од овие работни средини. На овој начин, идните студенти се подготвени да работат согласно потребите на работодавците, а за возврат добиваат нови лојални вработени подготвени практично да се доусовршуваат“,  изјави Крсто Златков, генерален директор на Институтот за дизајн и технологија – ИДТ Скопје.

СТИПЕНДИИ:

На кандидатите со 50% и 100% стипендија ќе им биде понудено загарантирано вработување. Ќе бидат доделени вкупно 6 стипендии, од кои:

➧ x3 30% СТИПЕНДИИ од IDT Скопје

➧ 50% СТИПЕНДИЈА од Алтиус Солушнс

➧ 50% СТИПЕНДИЈА од Навигаторс

➧100% СТИПЕНДИЈА IDT Скопје

Кандидатите кои ќе аплицираат, ќе бидат повикани на кратко интервју со координаторите од академиите пред кои ќе имаат можност да се претстават преку интересот за личен развој и преквалификација или преку портфолија и дела за понатамошно надоградување во дејноста од интерес.

Возможни се два типа на интервју (поделени во две различни категории) и тоа: кандидати со искуство од дејноста и кандидати без претходно искуство. Двете категории имаат различен систем на вреднување.

Повикот е отворен до 28 март. АПЛИЦИРАЈ ТУКА.

АКАДЕМИЈА ЗА UX/UI plus. Погледни ги сите детали за програмата, менторите, начинот на одржување на часовите и можностите за кариера: https://idt.mk/programa/ux-ui-academy/ 

Ве очекуваме!

Повеќе информации:
076 266 740
info@djolevandthearts.edu.mk
info@idt.mk 

НАША ДОЛЖНОСТ Е ДА ГИ ПРЕПОЗНАЕМЕ КВАЛИТЕТИТЕ НА СЕКОЈ СТУДЕНТ! 

The post ПОВИК ЗА СТИПЕНДИИ И ЗАГАРАНТИРАНО ВРАБОТУВАЊЕ: Академија за UX/UI plus appeared first on Skala School.

Школата за дизајн и уметност „Џолев и уметностите“, во соработка со Институт за дизајн и технологија (ИДТ), повторно ги поддржуваат средношколците и бруцошите од цела Македонија кои изминатата 2021 година ја завршиле со просек под 3,9.

Целта на овој проект е мотивирање на учениците да го продолжат личниот развој во областите на уметноста и дизајнот, како и подигање на свеста за индивидуалниот пристап и важноста на секој предмет од образованието за секој ученик, без разлика на нивниот просек.

„Образовниот систем има тешкотии да ги препознае талентираните ученици. Како школа која организира програми од областа на дизајнот и уметностите, имаме одговорност да се обидеме да придонесеме кон препознавање на овие млади момци и девојки. Искуството од оваа кампања изминатите години ни го потврди ова, запознавме прекрасни, талентирани средношколци, кои поради послабиот генерален просек не биле во можност да бидат пофалени или охрабрени за квалитетите што ги носат во себе. Денес, тие се студенти на генерација на факултети од уметноста, дизајнот и креативните индустрии“, изјави Дејан Џолев, уметнички координатор на „Џолев и уметностите”.

За прв пат, оваа година, на овој повик ќе може да се пријават и средношколци кои во моментот се прва година во средно училиште и студенти кои минатата година завршиле со своето средно образование (односно се бруцоши).

Повикот за стипендија е отворен од 25 февруари до 14 март 2022 година и се однесува за новата 21-ва сезона на курсеви.

Апликацијата за ова стипендирање се поднесува преку електронската пријава со приложено свидетелство од последната година и мотивациско писмо во кое секој кандидат ќе треба да ги наведе причините за избор на програмата и своите понатамошни амбиции во дадената област.

Целта на овој проект кој се реализира петти пат по ред е да укаже дека во образовниот процес треба подеднакво да се вреднуваат сите ученици, затоа што секоја индивидуа поседува свои квалитети и вештини, а должноста на образованието е тие да бидат препознаени и правилно насочени

Избраните кандидати ќе бидат контактирани, а стипендистите објавени најдоцна до 11 март, на официјалната веб-страница на школата.

НАША ДОЛЖНОСТ Е ДА ГИ ПРЕПОЗНАЕМЕ КВАЛИТЕТИТЕ НА СЕКОЈ УЧЕНИК! 

The post ЈАВЕН ПОВИК ЗА ЦЕЛОСНИ СТИПЕНДИИ ЗА СРЕДНОШКОЛЦИ СО ПРОСЕК ПОД 3.9 appeared first on Skala School.

Школата за дизајн и уметност „Џолев и уметностите“, во соработка со Институт за дизајн и технологија (ИДТ), повторно ги поддржуваат средношколците од цела Македонија кои изминатата 2020 година ја завршиле со просек под 3,9.

Целта на овој проект е да укаже дека во образовниот процес треба подеднакво да се вреднуваат сите ученици, затоа што секоја индивидуа поседува свои квалитети и вештини, а должноста на образованието е тие да бидат препознаени и правилно насочени.

Повикот за стипендија е отворен од 23 февруари до 8 март 2021 година и се однесува за новата сезона на курсеви.

Апликацијата се поднесува преку електронската пријава со приложено свидетелство од последната година и мотивациско писмо во кое секој кандидат ќе треба да ги наведе причините за избор на програмата и своите понатамошни амбиции во дадената област.

Избраните кандидати ќе бидат повикани на кратко интервју, а стипендистите ќе бидат објавени најдоцна до 14 март, на официјалната веб-страна на школата.

НАША ДОЛЖНОСТ Е ДА ГИ ПРЕПОЗНАЕМЕ КВАЛИТЕТИТЕ НА СЕКОЈ УЧЕНИК! 

The post Образованието е повеќе од просек 5.0 appeared first on Skala School.

Во петокот, на 16-ти октомври, се случи најголемата студентска изложба насловена како „Parádeigma“, каде 78 автори од Академиите за дизајн при Школата за дизајн и уметност „Џолев и уметностите” изложија повеќе од 400 дизајн решенија и концепти.

Ги прашавме, што е Parádeigma (Парадигма)? – Ни објаснија дека терминот е метафора во контекст на „пример“, а од аспект на филозофијата може да претставува метод на истражување или придонес во одредена област, а придонесот кон нашата (студентска) дизајн сцена на „Парадигма“ беше изложен во четири хали во објектот „Јавна соба“. 

Така, откако ни измерија телесна температура, па малку го почекавме нашиот ред, прво се упативме во „Makers Room“ каде беа поставени делата од студентите на Академијата за моден дизајн и Академијата за продукт дизајн. 

Под менторство на Никола Ефтимов, Никола Булески Буле, Ирина Тошева и Александра Јовановска, студентите на Академијата за моден дизајн храбро и со забавни патерни и мотиви ги испреплетоа своите колекции и ја пренесоа саканата порака: ослободени и модерни, парчиња облека со кои се дефинираме себеси и духот којшто секој поединечно го носи во себе.

Студентите од Академијата за продукт дизајн под менторство на Јовица Мијалковиќ, Јована Јованова, Апостол Тноковски и Илија Паунков, автентично го имаа пренесено наученото во различни полиња на интерес. Од модел на кујна изработена од органски отпад, шишенца за парфем изработени од различни камења, па сè до „X – точка“ и „Не лути се човече“ (еко-дрвени интерактивни игри). Иновативноста и грижата кон околината и природата се препознаваат и чувствуваат во сите решенија.

Продолживме понатаму во следната хала, каде течеа филмовите изработени на предметот Мултимедија под менторство на Дејан Џолев, а од страна на студентите од Академијата за визуелни уметности, Академијата за графички дизајн и курсот по филмска режија. Секој филм со своја различна тематика и порака, во една минута успева да го прикаже оригиналниот стил на секој поединечен автор.

За крај, на првиот кат ја оставивме „Conference Room“ која беше исполнета со различни графички и илустрациски решенија на студентите од Академијата за визуелни уметности и Академијата за графички дизајн, под менторство на Петар Павлов, Зоран Кардула, Влатко Ристов и Игор Делов. Илустрации од познати личности, логоа, дизајн на амбалажи на различно производи, постери, дизајн на корици на книги и уште многу други примери се несомнено дел од причината зошто оваа изложба беше наречена и најголема студентска изложба оваа година. Иако под менторство на исти ментори секој автор вешто го имаше преточено наученото во свој стил и начин на изразување.

Откако комплетно го изуживавме изложеното на првиот кат, се упативме кон „Cosy Room“ на поткровје каде топлината и начинот на која беше уредена го збогатија целокупното искуство. 
Во оваа хала беа изложени фотографиите и реконтекстуализациите изработени на предметите: фотографија и пост-продукција од студентите на Академијата за визуелни уметности и Академијата за графички дизајн, под менторство на Дејан Џолев како и на курсевите по фотографија, пост-продукција под менторство на Драги Неделчевски и Дејан Џолев и фотографии од работилницата за NUDE фотографија под менторство на Владимир Тасевски. 
Секоја фотографија ја раскажува својата приказна, а тука беа испреплетени многу приказни кои отворија нови димензии и техники на изразување.

Целокупните импресии кои ги стекнавме на „Parádeigma“ уште долго ќе останат во нас. Светот на дизајнот и на уметноста по оваа изложба се здобија со нови, автентични и прогресивни автори.

The post ИМПРЕСИИ ОД ПАРАДИГМА appeared first on Skala School.