Разговараме со Христина Пешевска, студент на нашата Академија за ентериер и продукт-дизајн вработена во компанијата Златев инженеринг.

Проект со посебно значење… за мене би го издвоила “Тurquoise minimalism”. Тој проект, всушност е и еден од првите на коишто работев. Дел е од проект за 3д-визуелизација на станбено-деловен објект. Целиот процес од идеја до финален продукт, беше предизвикувачки за мене, почнувајќи од малите димензии на станот коишто бараат користење на светли бои, но истворемено да не биде ни стерилно.

Најзначаен курс во мојата кариера… би го издвоила, курсот за 3ds max. Отсекогаш сум била креативна и сум го користела тоа на многу полиња, но никогаш ништо не ми го задржало вниманието. Кога го посетував тој курс, за првпат вистински почнав да се посветувам на нешто, редовно ги завршував домашните коишто ни ги задаваа и правев и плус од тоа што ни беше зададено. Едноставно ми беше фасцинантно дека се’ што можам да замислам во главата, истото можам да го креирам во 3D баш онака како што сакам, бидејќи рачното цртање не ми е баш јака страна. 

Работната позиција… од мене бара да осмислам идејно решение од зададениот простор (кујна, дневен престој…) и истото да го претставам со 3д-визуелизација, а потоа по одобрениот дизајн мебелот да се подготви и за производство. 

Моите идни планови се… да продолжам да се надградувам во тоа што во моментот го работам, да соберам што е можно повеќе искуство од сите аспекти на оваа индустрија, со цел да можам да го искористам практичниот и креативниот аспект за да започнам свој бизнис.

Омилен дизајнер… немам некој конкретен дизјнер или дело коешто би го издвоила, ги почитувам сите и ги ценам нивните креации, од коишто црпам инспирација за да комбинирам повеќе стилови и затоа се стремам и би сакала моите дизајни да станат препознатливи и да бидат мој идентитет.

Омилен ментор ментор… дефинитивно ми беше Апостол Тноковски.

Омилен предмет… ми беше дизајн-процес којшто го имавме со него.

Омилен час… ми беше последниот практичен час со Илија, кога правевме макети со цевки за водовод.

На оние што  сакаат да се запишат на Академијата за ентериер и продукт дизајн… би им рекла дека е потребна упорност и стремење на нештото да стане реално. Кога веќе имаме цел и визија каков дизајнер би сакале да станеме во иднина, само треба да се ослободиме од правилата и да продолжиме да бидеме свои. И секако да напоменам дека сум многу благодарна на прекрасните ментори на академијата, сметам дека основното нешто коешто треба секој иден студент да го поседува е креативност и голема желба за нови знаења и искуства.

Уписите за новата генерација студенти на Академијата за ентериер и продукт дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post БЛАГОДАРНА СУМ МНОГУ НА ПРЕКРАСНИТЕ МЕНТОРИ НА АКАДЕМИЈАТА ЗА ЕНТЕРИЕР И ПРОДУКТ ДИЗАЈН appeared first on Skala School.

Украдовме малку време од неговиот полн продуктивен распоред да поразговараме за тоа што ги очекува студентите оваа учебна година, на Академијата за моден дизајн.

НОШПАЛ: Предметите Вовед во моден дизајн и Модна колекција се во тесна корелација со севкупниот концепт на Aкадемијата за моден дизајн. Имено, студентите ќе имаат можност, преку изработка на портфолија на зададени теми и задачи,  да се запознаат со начинот на формирање и поставување на едно кохерентно и издржано модно досие, коешто ќе ги содржи сите елементи потребни да се презентира, прочита и опише темата, идејата и пораката на креаторот, како и со вештините потребни за техничка елаборација на сите елементи, со цел јасно и детално објаснување и презентација на идејните решенија и изработка на успешен моден производ. Тоа, всушност, подразбира детално и креативно истражување, создавање на концепт и развој на истиот, креирање и илустрирање на одевни предмети со примена на одредена палета на бои и на соодветни материјали, техничка разработка на истите и нивна финална реализација. Главниот акцент, секако ќе биде ставен и на временската рамка на реализацијата на задачите, со цел студентите да се приспособат на брзиот ритам и навремено и професионално исполнување на барањата на модните консументи.

Покрај знаењето и искуството кое ќе го стекнат студентите на предметот „модна колекција“, Александар Ношпал ќе го предаде и предметот „теорија и историја на моден дизајн“

НОШПАЛ: Што се однесува до предметот Теорија и историја на модниот дизајн, студентите ќе имаат можност да се запознаат со феноменот на модата и модниот дизајн, неговите карактеристики, неговиот историски, глобален, антрополошки, културолошки, социолошки, економски и временски контекст, како и со неговата семиотика и семантика. Предметот има за цел да ги поткова студентите со основни познавања на феноменологијата и комплексноста на оваа област, нејзиното локално и глобално влијание врз промените и движењата на општеството, како и нејзиното значајно место во секојдневниот живот и постоењето на човекот.

— —

Александар Ношпал е роден во 1973 г., завршил моден дизајн на Интернационалната школа за моден дизајн, ЕСМОД во Париз, во 1995 година, како најдобар студент на генерацијата. По студиите, стажира во неколку познати париски модни ателјеа, а би го издвоиле неговиот ангажман како асистент-моден дизајнер во модната куќа „Гре“.

Магистерската диплома по моден маркетинг и менаџмент ја стекнал во 2008 година на Универзитетот за Креативни Уметности во Епсом, Лондон. Двапати бил декан: на Факултетот за дизајн и мултимедија при ФОН Универзитетот во Скопје и на Факултетот за дизајн и мултимедија на Универзитетот УДГ во Подгорица.

Во областа на модниот дизајн во Македонија, тој е присутен од 1996 до денес со својата работа како самостоен моден дизајнер од своето име „Ношпал“, воедно работејќи и за неколку модни куќи како што се „Тетекс“, „Кара“, „Систина“. Учествувал во изработка на многубројни модни едиторијали за списанија (1Е магазин, Лајф магазин), во изработка за комерцијални кампањи и календари (Тутунски комбинат Скопје, Скопска Пивара, Алкалоид Скопје и др.), а иницирал и земал учество во многубројни хуманитарни акции со креирање и продажба на негови одевни предмети (кампањата 69 за борба против рак на дојка и др). Тој е креатор на изгледите на четири наши претставници на Евровизија (ХХL-2000 година, Каролина Гочева-2002 година, Тоше Проески-2004 година и Тамара Тодевска-2019 година). Воедно е и дизајнер на новата униформа на Гардата на Република Северна Македонија.

Како театарски костимограф и сценограф, дебитирал во 1998 година во Скопје со легендарната претстава „Убавицата и ѕверот“, која моментално е најмногу изведувана претстава во историјата на македонскиот театар со истиот непроменет визуелен идентитет. Меѓу 1998 и 2020 година, тој има реализирано над 70 театарски костимографии во многу театарски и оперски куќи во земјата и во светот, меѓу кои се вбројуваат и Националната Опера и Балет, Македонскиот Народен театар, Театарот за Деца и Младинци и Театарот Комедија во Скопје (Македонија), Операта во Лајпциг и Балетот на Рајна во Диселдорф (Германија), театарот Сен Гален (Швајцарија), балетската компанија ЕББ (Мадрид), Хрватските Народни Театри во Загреб, Сплит и Риека, а особено би го извдоиле и неговото гостување како костимограф на претставата „Силенциум“ во престижниот руски театар „Бољшој“, која воедно во 2020 година беше најавена како првата пост-ковидна балетска продукција во светот.

— —

Погледнете дел од модните колекции на нашите студенти, кои се претставија на овогодинешниот Моден викенд – Скопје.

Уписите за новата генерација студенти на Академијата за моден дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post АЛЕКСАНДАР НОШПАЛ – НОВ МЕНТОР НА АКАДЕМИЈАТА ЗА МОДЕН ДИЗАЈН appeared first on Skala School.

Разговарамe со Бојан Матејин, наш алумни-студент на Aкадемијата за визуелни уметности, вработен во маркетинг-агенцијата „Futura 2/2“.

За себе, би кажал дека сум личност која… сакам да го избегнам моментот каде што се нарекувам неодлучна вага, ама навистина сум, се трудам да сум секогаш позитивен и сакам да помагам на луѓето околу мене. Оптимист сум и верувам дека надежта последна умира – исто така верувам и во карма. Хехе. Не сакам да трошам време на работи  коишто не ме интересираат. 

Пред академијата… работев како фриленс-графички дизајнер и social media creator, менаџер, готвач и бариста во 2 healthy food барови.

По завршување на академијата… ја прифатив понудата за пракса од Футура 2/2, за кратко време и се вработив. Сѐ уште сум таму и ми е навистина мило и драго што сум дел од една од најуспешните маркетинг-агенции во Македонија.

Следно за мене е… сега за сега, се стабилизирав со мојата работна позиција и конечно имам време да се посветам и на некои мои проекти и планови за во иднина. Ќе бидете известени навреме! 😀

Идеално за мојата кариера би било… можеби звучи чудно, но навистина би сакал да се исполни  мојот сон да имам свое креативно студио – паралелно со бистро, во коешто ќе се служи здрава исхрана и добро кафе преку ден и пивце со мезе навечер. Best of both worlds? И јас мислам така.

Омилен ментор на академијата ми беше… клише муабет,  но навистина ми е тешко да изберам еден затоа што сите се уникатни на свој начин и се професори за коишто можам да кажам дека ми е чест и задоволство што сум присуствувал на нивните предавања и одвоиле време да го пренесат нивното знаење на мене и моите колеги. А и не сакам да се налути некој нели…. 🙁 еве 3, златна средина: класната Кристина <3 Дејан Џолев и Зоран Кардула.

Омилен час ми беше… најверојатно часот по фотографија кај Дејан Џолев, кога за задача имав реконтекстуализација на познато дело, јас ја одбрав бананата на Andry Warhol, пионирот на поп-артот (дури истетовирав и банана, кратко после ова збиднување, понесен од целата ситуација) – требаше да фотографирам и бевме во студио со уште неколку колеги (посебен поздрав до Лора и Илијана). Останавме до полноќ, испивме неколку пивца, дружбата и крајниот резултат беа феноменални. Сакам пак!

Омилени трендови во дизајнот ми се… Bauhaus movement, Swiss design / минимализам генерално и постмодернизам. Исто така и кршење на правилата и излегување надвор од некои норми или шаблони. Самоизразување и онака како што се чувствуваме во моментот и како го доживуваме проектот.

Уписите за новата генерација студенти на Академијата за визуелни уметности е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post ДРАГО МИ Е ШТО СУМ ДЕЛ ОД ЕДНА ОД НАЈУСПЕШНИТЕ МАРКЕТИНГ-АГЕНЦИИ ВО МАКЕДОНИЈА appeared first on Skala School.

Разговарамe со Никола Јовановски, наш алумни-студент на Aкадемијата за моден дизајн, вработен во модната компанија „Bella“. 

За себе би кажал дека… сум личност која не сака етикети, креативец кој моментално работи како мoден дизајнер, односно еден од креaтивното дизајнерско дуо во модната компанија „Bella”.

Себеси не се доживувам многу сериозно, страствен сум за мојата работа, бидејќи го сакам тоа што го работам, имам постојан извор на мотивација којшто ме тера да дадам сѐ од себе.

Пред да ја започнам оваа кариера животот ми се состоеше од… собирање на информации, градење на ставови и мислења, градење стил, барајќи се себеси- емотивниот багаж којшто ми помогна да се изградам како личност.

Личност која е интроверт, не сум добар во „small talk”,  но затоа сакам да зборувам за идеи, да споделувам мислења и ставови.

Иако сум скептик, генерално во животот, се запишав на Академијата за моден дизајн  „Џолев и уметностите”, морам да признам помалку наивно и без никакви очекувања и гледајќи наназад, беше најдоброто нешто коешто сум го направил. Најдов колеги уметници, најдов ментори, најдов простор каде што се вклопувам и го направив свој.

Академијата за моден дизајн… ме доведе тука каде што сум денес, моето прво стажирање беше во „Bella” и беше добар почеток да видам како функционира модната индустрија. Се разбира практиканството не може секогаш да го направи она што тој или таа се надева или сака да го направи веднаш, но јас ја имав таа можност и ја грабнав.

words of advice –  Следи ги твоите најинтензивни опсесии безсмислено, важно е да имаш чувство за реалност- надворешниот свет е уште поголем културен шок, мора да бидеш приземен додека ја знаеш својата вредност.

Следно за мене е… кој знае 😀 Сигурно ќе продолжам да се занимавам со дизајн, но во која форма и облик не знам, но сум возбуден да откријам што ќе значи да си моден дизајнер во иднината.

Идеално за мојата кариера би било… да бидам искрен, отсекогаш сум сакал да станам креативен директор на некоја подзаборавена интернационална модна куќа, се восхитував на бунтовниците како Tom Ford што направи со Gucci во 90-тите, или денес, неговиот коунтерпарт Alessandro Michele, ме привлекува идејата да внесам нов дух во куќа со долга историја и да ги преведам нивните кодови, нивната филозофија современо и од свежа точка на гледиште.

Mој омилен ментор е… Ирина Тошева- два збора ЗВЕР-КА ! во најпозитивна смисла, иако се дружевме најкратко со неа ми остави импакт за цел живот. Ти Благодарам Ирина!!

Омилен час ми беше … Дополнителниот час што ние студентите го имавме интерно речиси после секое предавање. Главење до 12 по полноќ, дискутирајќи за многу работи… Тајните остануваат помеѓу нас. Ќе знаат, ова е за нив. Дечки, чекам да дигнеме револуција!

Омилен тренд во дизајнот ми е … ИНДИВИДУАЛНОСТ!

Уписите за новата генерација студенти на Академијата за моден дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post АКАДЕМИЈАТА ЗА МОДЕН ДИЗАЈН МЕ ДОВЕДЕ ТУКА КАДЕ ШТО СУМ ДЕНЕС appeared first on Skala School.

Здраво Тијана, беше дел од Aкадемијата за ентериер и продукт-дизајн на нашaта школа, но твоето искуство со дизајнот не започнува таму, може ли да ни кажеш повеќе за твоето претходно искуство?

Имам завршено индустриски дизајн при Машинскиот факултет во Скопје. Додека студирав, се гледав себеси како личност со интересни идеи и дизајни коишто, пред сѐ, беа со голема функционалност, дури тоа и ми беше приоритет, сите дизајни што ги создавам мораа да имаат голема функционалност и практичност, додека изгледот на дизајнот го оставав да биде едноставен и минималистички, но секогаш сакам да е со врвен квалитет и одлични материјали, без некој дополнителен шмек (од денешна гледна точка). Сѐ уште сум вљубена во минимализмот и во природните материјали, но увидов во себе дека ја имам и таа карактеристика на ирационалност во поглед на дизајнот, дури и кога се работи за облека. И да сум само во една боја облечена, секогаш на крај додавам нешто шарено или контрастна боја којашто ќе се истакне. Од тоа сфатив дека секогаш мора да имам нешто коешто ќе ме издвои по стил како понатамошен дизајнер и креатор.

За време на студиите, дизајнерското студио Siideess, отвори повик за вработување на еден наш студент. Денес ти си дел од тимот, раскажи ни повеќе за твојот професионален ангажман.

Да, тоа е точно и можам искрено да кажам дека уживам. Како девојка која отсекогаш се плашела дали е доволно зрела за сериозна работа и одговорности и проблеми коишто доаѓаат со сето тоа, можам да се пофалам дека мојата прва работа е едно големо учење, работење на тоа како функционира создавање на едно парче мебел и дека не е само како на слики „да изгледа убаво“, туку се работи за цел процес на исполнување на своите замислени идеи и дизајни… притоа тие да се со врвен квалитет и без никакви аномалии и на крајот да се добие совршен производ, а треба да се знае и како да се продадеш на целната група луѓе, кои знаат како да го ценат твојот труд и квалитет во производите. Најмногу ме радува тоа што целиот процес на изработка можам да го гледам и додека се сече и се обработува и кога треба да се пакува и да се испрати на адресата на купувачот. Сето тоа дополнително ме инспирира да се влужувам себеси целосно и да се трудам да бидам и јас дел од подобрување на процесот и изработка на нови дизајни.

Која е твојата желба и цел и каде се стремиш да стигнеш во својата кариера?

Желба и цел во животот ми е да имам свое дизајнерско студио коешто ќе работи со дизајн на ентериери и продукт-дизајн. Дизајнот на ентериери го гледам како многу елегантна работа, но во исто време е и многу „захтевна“ и бара многу внимание, особено кога се во прашање инженерските и мајсторските работи, но тоа е еден целосен процес којшто ме исполнува. Кога можеш од гол и празен простор да направиш дом, совршен за живеење. Тоа дизајнерско студио би сакала да биде раширено надвор од нашата држава и дизајните да бидат препознатливи до тој степен, што купувачот кога ќе го види, ќе знае кој стои зад дизајнот и ќе си рече „а па да, тоа и личи на неа“ или „знаев дека е нејзин дизајн“ и секако да го купи затоа што ќе бидат функционални и убави. Можеби е цел што скоро секој дизајнер ја посакува, но секој сака да се истакне и да се одликува по својот изразен стил и вкус во поглед на дизајнот.
Кога работиш како дизајнер, работиш на подобрување на работите во светот и на олеснување на проблемите на луѓето, затоа сметам дека треба да ги цениме луѓето кои ги создале предметите и ги унапредиле и со уште поголем замав работат на тоа да бидат уште подобри и да создаваат подобри и поиновативни производи.

Дали можеш да издвоиш омилен ментор и предмет?

Омилен ментор за мене е Апостол, кој ни беше ментор на предметот дизајн-процес. Според мене, е омилен од страна на целата група, затоа што најзабавно сме си поминувале на неговите часови и така и како група повеќе се споивме. Начинот на предавање на Апостол е многу интересен и не е класичен, туку на начин на којшто многу полесно можеме да ги научиме работите. Секогаш имавме опуштена атмосфера кога имавме час и односот кон нас беше пријателски, за сѐ можевме да зборуваме со него, исто како да сме на кафе негде седнати, а не на час. На тој предмет и како група сфативме дека заедно многу добро функционираме, што додатно нѐ спои.

Уписите за новата генерација студенти на Академијата за ентериер и продукт дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post СЕКОЈ ДЕН УЖИВАМ НА МОЕТО ПРВО РАБОТНО МЕСТО appeared first on Skala School.

Во рамките на третата мерка за справување со COVID-19 кризата, имплементирана од страна на Владата на РСМ, Владата доделува ваучери за обуки за млади лица, кои:

• се државјани на Република Северна Македонија;
• до 13 јуни 2020 година не биле постари од 29 години;
• имаат завршено најмалку средно образование.

Аплицирањето за ваучер е отворено до 1 август 2020 година!

ЏОЛЕВ И УМЕТНОСТИТЕ

Ги повикува сите креативци да ја искористат оваа можност за следните програми:

ПОГЛЕДНИ ПОВЕЌЕ: ОБУКА  / ГРАФИЧКИ ДИЗАЈН / ADOBE: Photoshop, Illustrator, InDesgin
ПОГЛЕДНИ ПОВЕЌЕ: ОБУКА / ВИДЕО МОНТАЖА И АНИМАЦИЈА / ADOBE: PremierePro, After Effects + CINEMA 4D
ПОГЛЕДНИ ПОВЕЌЕ: ОБУКА / 3Д МОДЕЛИРАЊЕ И ДИГИТАЛНО РЕНДЕРИРАЊЕ / Solid Works, FUSION 360, 3D CAD, CURA

ПОГЛЕДНИ ПОВЕЌЕ: АКАДЕМИЈА ЗА ГРАФИЧКИ ДИЗАЈН
ПОГЛЕДНИ ПОВЕЌЕ: АКАДЕМИЈА ЗА ВИЗУЕЛНИ УМЕТНОСТИ
ПОГЛЕДНИ ПОВЕЌЕ: АКАДЕМИЈА ЗА ДИЗАЈН НА ЕНТЕРИЕР И МЕБЕЛ
ПОГЛЕДНИ ПОВЕЌЕ: АКАДЕМИЈА ЗА МОДЕН ДИЗАЈН

__________
ПРИЈАВИ СЕ ТУКА И РЕЗЕРВИРАЈ ГО СВОЕТО МЕСТО! 
БРОЈОТ Е ОГРАНИЧЕН!
УПАТСТВО ЗА АПЛИЦИРАЊЕ ЗА ВАУЧЕР

ВРЕДНОСТ НА ВАУЧЕРОТ

Вредноста на ваучерот за обука покрива 50% од вкупниот износ на обуката која ќе ја одбереш кај Давателот на обука, но не повеќе 30.000 денари.Тоа значи дека треба да бидеш спремен да доплатиш за обуката.

Пример:
• Ако одбереш обука во износ помала од 30.000,00 ден, односно од 20.000,00 ден., аплицираш за ваучер од 10.000,00 ден. Останатото (10.000 ден.) сам го финансираш.
• Ако одбереш обука во износ поголема од 30,000,000 ден, односно од 100.000,00 ден., аплицираш за ваучер од 30.000,00 ден. Останатото (70.000 ден.) сам го финансираш.

ПРАВИЛА ЗА КОРИСТЕЊЕ НА ВАУЧЕРИТЕ

За аплицирање за ваучер потребно е лицето да има отворено кориснички профил на ниско ниво на eID како што е дефинирано на Националниот портал за електронски услуги.

• едно лице може да добие еден ваучер;
• еден ваучер се користи целосно само за една обука;
• ваучерот може да го искористи само лицето на чие име гласи ваучерот;
• доколку за некоја од обуките има поголем интерес од пријавениот број на млади лица – потенцијални корисници на ваучери кај еден ист давател на обуки за дигитални вештини, предност ќе имаат првопријавените кандидати;
• ваучери се издаваат се додека не се потрошат средствата предвидени за оваа мерка;
• корисниците на ваучери за обуки за дигитални вештини можат да ги искористат издадените ваучери во период од 15 август 2020 година до 15 декември 2020, кај давателот на обуки за дигитални вештини (односно во овој период да ја започнат обуката).

КАКО ДА АПЛИЦИРАШ ЗА ВАУЧЕР?

1. Треба да бидеш регистриран во базата на даночни обврзници – физички лица на Управата за јавни приходи.
2. Треба да се регистрираш на Националниот портал за електронски услуги Uslugi.gov.mk со употреба на истото корисничко име и лозинка со кои си веќе регистриран во УЈП.
3. Поднесуваш барање за ваучер преку Uslugi.gov.mk каде ја наведуваш избраната обука за дигитални вештини. Кон барањето приложуваш доказ за завршено најмалку средно образование, односно скенирано во pdf формат: диплома за завршено средно образование, уверение за положени испити, диплома за завршено високо образование (од 18 јули до 1 август).
4. Министерството за образование и наука на РСМ го доставува ваучерот електронски до твојот кориснички профил на Uslugi.gov.mk. (5 дена после доставеното барање за ваучер).

__________
ПРИЈАВИ СЕ ТУКА И РЕЗЕРВИРАЈ ГО СВОЕТО МЕСТО! 
БРОЈОТ Е ОГРАНИЧЕН!
УПАТСТВО ЗА АПЛИЦИРАЊЕ ЗА ВАУЧЕР

Број за контакт:
АНГЕЛА НИКОЛОВСКА – 075 268 279

The post АПЛИЦИРАЈ ЗА ВАУЧЕР ОД 30.000 ДЕНАРИ appeared first on Skala School.

Каде е убавото, во објектот или во умот на набљудувачот? За овие прашања се расправа уште од антиката. Размислувања за убавото, возвишеното, вкусот или „естетика“ наука за сетилното спознание како што ја дефинирал германскиот филозоф Баумгартен.

Една од најголемите, ако не и најголемата заблуда која постои во размислувањата за и околу дизајнот и уметноста е дека за вкусовите не се расправа. Вистината е дека вкусовите не треба да се наметнуваат, всушност, доколку не говориме за вкусовите, што ни преостанува?! Со што ќе се занимаваме сите ние, кои сме ги одбрале дизајнот и уметноста како повик, ако не со постојано проблематизирање, надоврзување, критика и превреднување на вкусовите?! Што ќе се случеше со уметностите доколку, скриени зад лажната максима „за вкусовите не се расправа“, постојано бевме упатени да се восхитуваме на еден уметнички стил, еден правец, еден дискурс во расправите за уметноста?! 

Да се направи селекција на најдобрите три дела од изминатиот месец на Академијата за визуелни уметности, програма на која студираат 22 студенти, е навистина тешка позиција. Токму затоа оваа рубрика ги претставува најозборуваните, оние дела кои оставиле впечаток при анализа на часовите, социјалните медиуми или други „корзо“ концепти. Всушност расправата оттаму, ја продолжуваме во оваа форма, сè со цел наметнување на поширок дискурс во споменатиот контекст. 

Илијана Такашманова

Одбројувањето го започнуваме со илустративен триптих на Илијана, дело кое одекна по социјалните медиуми преку интервјуто на Радио Моф. Делото може да го карактеризираме пред сè како супкултурна опсервација. Дали ова дело е носталгичен копнеж, алегорија на осумдесеттите и деведесеттите години  од минатиот век или пак раскажување на вчерашниот ден?! Василиј Кандински, големиот сликар и ликовен теоретичар во неговот дело „За духовното во уметноста“ меѓу другото вели: „Бојата е ликовен елемент која кај набљудувачот предизвикува директна емоционална реакција“. Следејќи го овој психолошки феномен, можеме да кажеме дека се работи за визуелна пенетрација во минатото, преку изборот на колоритната палета, пред сè поради изборот на сепија подлога, која веднаш алудира во нашата потсвест дека тука поминало многу време и дека ова не е кадар од вчерашниот ден во скејт-паркот. Бојата е јазик, а да се зборува е привилегија, тоа се првите лекции на нашата академија.

Автор: Илијана Такашманова
Наслов на триптих: Just a flick through my concave
Композиција I: Airskate
Композиција II: Skate
Композиција III: Shoe
Медиум: Дигитална графика
Академија: Визуелни уметности

ИЛИЈАНА: Илустрациите имаат огромно влијание од секојдневието, но препознатливи сегменти во моите дела доаѓаат и од јапонска култура. Како и самиот псевдоним кој го користам wabisabi__________  ја означува традиционалната јапонска естетика за прифаќање на минливото и неизвесното, можам да кажам дека цел тој идентитет држи до огромно спиритуално значање. 

Елена Стојковска

Сведоци сме на стварност што ќе ја прераскажуваме на нашите внуци, но стварност што ќе ја прераскажуваме и во нашите дела, всушност тоа веќе и се случува. Дизајн-сцената е инспирирана од општествената вистина и предизвикана да придонесе кон свесноста на јавното здравје. Делото на Елена беше претставено на неколку дигитални медиуми, но беше издвоено и објавено од страна и на Министерството за здравство, селектирано од десетиците креативни решенија што ги видовме изминатиот период, рамо до рамо со менторот Зоран Кардула. Честитки Елена! Слоганот е од исклучителна важност во дизајнот, „At this point in TIME, we need some SPACE“ е наративот кој успешно ја поддржува илустративната приказна. Честитки втор пат el.hue 🙂 

Автор: Елена Стојковска
Наслов на дело: At this point in TIME, we need some SPACE
Медиум: Дигитална графика
Академија: Визуелни уметности

ЕЛЕНА: Поттикната од глобалната ситуација и препораките за социјално дистанцирање, создадов едноставна визуелна порака за простор-времето, преку тивки форми и тонови во контекст вселена, сметам дека пораката буди чувство на удобност кое неминовно ни е потребно во ова време. …време-невреме во еден простор што може да се шири колку што се стеснува, простор на значајна комуникација со себе и други, релативно е нели?

Владо Србиновски

Владо е визуелен артист со впечатлива и препознатлива линија. Тенденција што ја негува, наполнува, развива уште пред да го запознаеме на Академијата за визуелни уметности, постојана потрага по сопствен јазик кој ќе биде разбирлив и допадлив за вкусовите и на најприбирливите дизајн-гурмани. Во неговите дела може да се забележи влијанието на мајсторите од Баухаус школата, Де стилот, Конструктивизмот, Суперматизмот, Кубизмот и сите побратимски стилови во ликовната уметност и дизајнот од почетокот на минатиот век. Впечатлива е оригиналноста во темата на овој илустративен триптих. Всушност, се работи за колекција во процес, секоја графика е сцена од античката митологија. Во полиеистичката религија на старите Грци можеме да забележиме наративно и визуелно претставување на боговите преку човечки облик, со сите човечки особини и маани, додека Владо се обидува да наметне сопствена логика преку геометриски реализам кој е автохтон на физичките закони од овој свет, но апсолутно стилизиран во смисла на предметноста. 

Автор: Владо Србиновски __premigato
Наслов на композиција I: Narcissus
Наслов на композиција II: Sisyphus
Наслов на композиција III: Icarus
Медиум: Дигитална графика
Академија: Визуелни уметности

ВЛАДО: Античката митологија ја примаме здраво за готово, како приказни со почеток и крај, најчесто за антихерои и нивната трагична судбина што сметам дека не е целата вистина. Преку митовите ја барам вистината за себе, за останатите. Односно, дали доволно се познаваме себеси, за да го воспоставиме балансот во миговите кога се соочуваме со падови?!

ДАЛИ ГИ ПОГЛЕДНА: НАЈОЗБОРУВАНИТЕ ЗА МЕСЕЦ ФЕВРУАРИ?!

The post Топ 3 за месец март appeared first on Skala School.

Изборот на 3 најозборувани дела за месецот е навистина предизвик! Не затоа што премногу озборуваме, туку затоа што студентите се исклучително креативни и продуктивни. Можеби во иднина оваа рубрика ќе ја поделиме во повеќе категории за да ви ја доближиме активноста на студентите, но секако ова е само мал сегмент од она што нè очекува во септември, кога студентите традиционално во 5 хали ќе ги изложат своите најдобрите дела. Изминатите години, оваа дизајнерска изложба е најмасовната во градот од аспект на дела и посетеност. 

Драг месец јануари, ти благодариме!

Диме Данов 

Овој јануари, покрај тоа што ги озборуваме делата на студентите, случајно на тапет ни се и големите современи и историски артисти. Диме Данов работеше на репродукција на култно сликарско дело од големиот австриски сликар Егон Шиле. „Девојка со жолта марама“ е типично дело за авторот изработено во акварелна техника (и молив), женско голо тело во контрагирана седечка позиција, која истовремено сугерира извесно движење. Диме како автор на репродукција (рекреација) на ова дело беше свесен за многу повеќе технички и симболички аспекти на делото, за да може да премине кон предпродукција, продукција и постпродукција на сликата кон фотографија. 

Автор: Диме Данов
Проект: Репродукција [или реконтекстуализација] на култно сликарско дело
Автор на оригинално дело: Egon Schiele
Наслов на оригинално дело: Girl with yellow scarf
Медиум: Фотографија со дигитална манипулација
Предмет: Фотографија и постпродукција на фотографија
Ментор: Дејан Џолев

Во процесот на работа се обидував да го емулирам сликарскиот процес колку што можам, без притоа да ги изгубам фотографските одлики. Решението беше да се слика врз субјектот, па потоа тој слој боја да се вклопи со одреден layer mode. Најголемиот предизвик беше позирањето на моделот, тој ѝ дава предност на експресијата пред реалистичното отсликување и беше навистина тешко да ја најдеме точната позиција, но при позирање со моделот разбравме и што ни кажува Шиле за оваа девојка, за нејзината видлива болка, па се обидовме да го следиме тоа чувство. После оваа задача сум подготвен и за уште поголеми визуелни предизвици. 

Магдалена Филипова 

Магдалена Филипова vs Тим Бартон. Почетоците на овој голем филмски автор се токму во сферата на визуелните уметности. Тим во раните осумдесети работи како графички дизајнер, сториборд- артист, концептуален уметник, додека подоцна почнува да се плетка со анимација, каде што ја добива првата идеја за снимање на филм. Неговите филмови денес се пример за комплетно авторство на еден визуелен уметник. Тим е сценограф, карактер и продукт дизајнер, генерално сè што е визуелно и наративно во неговите дела. Затоа и целта на оваа академија е студентите да се подготват како мултидисциплинарни артисти и дизајнери, за потребите на нивните комерцијални проекти или авторски дела. Затоа што вештината е многу повеќе од алатки.

Автор: Магдалена Филипова
Наслов: Sometimes, the only way to catch an uncatchable woman is to offer her a wedding ring [цитат од филмот]
Медиум: Дизајн на филмски постер
Предмет: Дигитална илустрација [ADOBE Illustrator]
Ментор: Зоран Кардула

„Big Fish“ (Голема риба) не е мојот апсолутно омилен филм, но е во првите 5 омилени. Прекрасно дело на режисерот со огромна имагинација. Филмот е шарен и полн со детали, затоа се одлучив да експериментирам и да го илустрирам буквално насловот. Во врска со мојот стил би го цитирала мојот колега Бојан Матеjин – „Стилот сè уште ми варира на ниво на зададената задача“.

Никола Панов

Никола Панов е исклучително талентиран студент, со широк спектар на изразни визуелни вештини. Но, нешто што го одликува и што е за посебна пофалба е неговата конзистентност. Оваа фотографија преку реконтекстуализација на сликарското дело од белгискиот надреалист Рене Магрит, претставува автопортрет на Никола. 

Автор: Никола Панов
Проект: Репродукција [или реконтекстуализација] на култно сликарско дело
Автор на оригинално дело: Rene Magritte
Наслов на оригинално дело: Man in a Bowler Hat
Медиум: Фотографија со дигитална манипулација
Предмет: Фотографија и постпродукција на фотографија
Ментор: Дејан Џолев

Целиот процес на создавање беше одлично и забавно искуство. Од подготовка на потребни реквизити, скицирање, светлосни подготовки, фотографирање, па сè до постпродукција и монтажа на фотографија, колор корекција… Со инспиративна помош од мојот ментор Дејан Џолев целта на идејата беше исполнета. Задоволен сум од крајниот резултат и одвај чекам да продолжам со следниот предизвик!

ДАЛИ ГИ ПОГЛЕДНА: НАЈОЗБОРУВАНИТЕ ЗА МЕСЕЦ ДЕКЕМВРИ!?

КАЖИ ИМ НА ДРУГАРИТЕ И ДРУГАРКИТЕ!
УПИСИТЕ СЕ ВО ТЕК: АКАДЕМИЈА ЗА ГРАФИЧКИ ДИЗАЈН.

АПЛИЦИРАЈ ЗА ЦЕЛОСНА СТИПЕНДИЈА!

The post Топ 3 за месец јануари appeared first on Skala School.

Разговараме со Бинаса Дрндар, студент на академијата за Визуелни уметности, денес вработена во „Студио Игор Делов“ – студио за визуелни комуникации и графички дизајн.

Секој последен учебен ден, студентите од Академијата за визулени уметности, јавно се претставуваат пред главните менаџери на најзначајните адвертајзинг и маркетинг агенции, дизајн студија, ТВ и филм-продукции. Студентката Бинаса Дрндар доби четири понуди за пракса, искористи две, а подоцна се вработи во една од компаниите.

Пред да се запишам на Академијата… бев на крстопат помеѓу две кариерни полиња. Денес сум среќна поради вистинскиот избор!

Денот кога заврши академијата… Отидов на одмор 🙂 но веднаш потоа започнав со посетување на едномесечна пракса во маркетинг агенцијата „Publicis“, а потоа и во „Студио Игор Делов“ – студио за визуелни комуникации и графички дизајн каде што сум вработена во моментов. Би сакала да додадам дека сум особено благодарна и ги ценам понудите за пракса и од другите компании/студија каде што не успеав да отидам.

Академијата за визуелни уметности најмногу ми помогна… Да го започнам процесот на градење на себеси како визуелен артист, да се запознаам и дружам со брилијантни креативни умови, едноставно, ми помогна да го најдам своето место под сонцето 🙂

На новото работно место… Постојано учам нови работи што е навистина „кул“. Пристапот кон секој поединечен проект, но и севкупниот начин на работа под менторство на Игор Делов е навистина корисен и практичен и носи резултати на долги патеки. Е сега, имаме малку несогласувања околу тоа што музика да се слуша во текот на работниот ден, но работиме на случајот 😀

Најмногу научив на часот кај… Петар Павлов и Игор Делов.

Графички дизајнер на кој се восхитувам… Caterina Bianchini. Но, би сакала да ги додадам „Studio Dumbar“, Tinker Hatfield (иако не е графички дизајнер) и Флим од домашната сцена.

Уписите за новата генерација студенти на Академијата за графички дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post Добив четири понуди за пракса, искористив две, а подоцна се вработив во една од компаниите appeared first on Skala School.

Разговараме со Александар Трајчески, студент на академијата за Визуелни уметности, денес вработен како графички дизајнер во Маркетинг агенцијата McCann Skopje.

Мојот првичен план беше да учам графички дизајн со оглед на тоа што сум дипломиран маркетер, па од секогаш повеќе сум се пронаоѓал себеси во покреативниот дел на таа професија, меѓутоа кога дознав за Aкадемијата за визуелни уметности, спектарот на предмети што ги опфаќаше, многу повеќе се совпадна со мојот интерес за понатамошен профил на работа и, несомнено, беше вистинскиот избор за мене.

Со оглед на тоа што претходно немав речиси никакви технички познавања, можам слободно да кажам дека академијата ме воведе во светот на сите основни програми и методи на работа за овој тип на професија со кои во моментов се служам секојдневно.

Благодарение на Академијата, како дел од третиот семестар остварив практична работа во списанието „Портрет” каде што се стекнав со одредено искуство, а веднаш подоцна по препорака на академијата се вработив во компанијата каде што од секогаш сум посакувал да бидам дел, а тоа е маркетинг-агенцијата „Mccann Skopje” каде што во моментов работам како графички дизајнер.

Ги обожував часовите на Петар Павлов, бидејќи мислам дека е личноста која има големи познавања од својата област и од којашто може многу да се научи. Исто така, морам да го споменам и менторот Дејан Џолев, бидејќи беше задоволство да се биде дел од неговите предавања .

Од програмите на Adobe, можам да кажам дека Illustrator е алатката што најмногу ја усовршив и ја користам во моментов, за чиишто предавања беше задолжен менторот Зоран Кардула.

Често разговаравме со колегите за одредени идеи и остварување на домашни задачи што беа предизвикувачки и доста забавни.

Уписите за новата генерација студенти на Академијата за графички дизајн е во тек! Погледни повеќе на овој линк.

The post Прад академијата имав желба да работам во McCann Skopje. Денес сум вработен во McCann Skopje. appeared first on Skala School.