2022… и неа ја испраќаме. Малку емотивно, многу издржано. Па, се случија навистина еден куп работи!

Издвојуваме само дел од сите значајни импресии и спомени, благодарни и горди за секој изминат ден помеѓу студентите, колегите и соработниците.

ЈАНУАРИ

НОВИ ПОЧЕТОЦИ ВО НОВИ ПРОСТОРИ(И)

Уште една нова шарена врата „Глас на новата сцена“ и преселба  во новите канцеларии во срцето на Дебар Маало и вкупна квадратура од 350 м2. Издвојуваме и се потсетуваме на неколку приватни мигови ♡.

ФЕВРУАРИ

„ЕКСКУРЗИЈА“ ВО БУДИМПЕШТА

По покана на European Lab, бевме учесници на панел-дискусијата „Формата на медиумите за идните генерации“, средба којашто се реализираше во Будимпешта, Унгарија, по којашто станавме 56-та членка на глобалната мрежа за млади и култура „Арти-фарти“ од Лион, Франција. 

МАРТ

БУДЕЊЕ

Нова сезона обуки и повеќе од 100 ученици во „Скала“ – Школата за дизајн, уметност и технологија. Нов подкаст „Парк шема“ на студентската платформа „Скала магазин“. Нова Скала изложба, нови пријателства, нови насмевки… Пролетта започна, вистинско будење!

АПРИЛ

ШЕСТТА АКАДЕМИЈА ЗА ДИЗАЈН

Нова Академија! Се роди првата генерација студенти на Академијата за UX/UI+ дизајн, кои веќе се пред прагот на влезот во оваа супер растечка индустрија. 

МАЈ

10 ГОДИНИ ШКОЛА ЗА ДИЗАЈН И УМЕТНОСТ

На најголемиот Скалаџиски празник, „Добро утро креативци“ – Саемот за размена на креативни искуства и размисли, по повод 10 години од одржувањето на првиот час, Школата за дизајн и уметност „Џолев и уметностите“, се ребрендираше во „Скала“ – Школа за дизајн, уметност и технологија. 

ЈУНИ

ДОБРЕДОЈДЕ АНА

3 години Скала магазин и прекрасен реденденски подарок! Една Ана. Голејшка ем Џикова. Редовен пишувач, смислувач на содржина, носител на хедонистичка споменица и песни, се приклучи кон креативниот тим на позиција како што таа милува да каже „раководителка на пишувачки оддел“. 

ЈУЛИ

СТУДЕНТИТЕ НА СЦЕНА

Повеќе од 70 студенти од академиите за дизајн [графички, моден, ентериер дизајн и визуелни уметности] јавно се претставија преку своите портфолија, пред главните менаџери на најзначајните компании од креативните индустрии. Од таа средба, произлегоа нови вработувања и пракси за нашите студенти. 

АВГУСТ

ЛАДНИ ПРАСКИ

Некаде по мориња, океани,
на сите четири страни,
со сурферски даски
и ладни праски. 

СЕПТЕМВРИ

„ДА СЕ ПРЕБРОИМЕ“

Септември во нашата школа е времето за анализа, но и стратешко планирање. Се разбира и за споделување на спомени од изминатите месеци. Па во тој дух, ќе спомнеме дека меѓу сѐ останато, нашата Школа во соработка со студентската платформа, изминатите 8 месеци организиравме 8 изложби за дизајн и визуелни уметности. Учествувавме на Моден викенд Скопје. Направивме филмски премиери… Но најважно, нѐ радуваа сите убави вести за успесите и развојот на нашите студенти. 

ОКТОМВРИ

КАДЕ УЧИШ ДИЗАЈН?

Се случи најголемата студентска изложба за дизајн! Публиката имаше можност да погледне повеќе од 500 дела на повеќе од 70 студенти: графички дизајн решенија, фотографии, илустрации, филмови, дизајн на мебел, проекти за ентериерно уредување, модни креации и модни илустрации, како и работни процеси, технички цртежи, скици и сл. А традиционално беа прогласени и најуспешните студенти на генерацијата. 

НОЕМВРИ

ЈАС УЧАМ ВО СКАЛА!

Повеќе од 200 студенти жедни за нови искуства и професионален развој, станаа дел од учебната 2022/23 година, на академиите и обуките за дизајн, уметност и технологија. 

P.S. О да! Учествувавме и на „Скопје Моден Фестивал“.

ДЕКЕМВРИ

ОДГОВОРНО КОН ЗАЕДНИЦАТА

Нашата студентска платформа „Скала магазин“ на сите жедни за образование, култура, дизајн и уметност, им го подари вториот печатен број на „Скала магазин“ – задолжителна дизајн-лектира, огромен формат, 136 страни на неколку типа високо квалитетна хартија и печат. [можеш да си купиш тука]

Viva la Skala! Се гледаме во 2023-та, живи и здрави!

____

Разгледај +20 обуки [тука]
Разгледај 6 Академии за дизајн [тука]

The post Импресии: 2022 // SKALA School appeared first on Skala School.

„Пролет бргу ќе дојде! Време е за будење!
 17 курсеви за дизајн и уметност!“

Школата за дизајн и уметност „Џолев и уметностите” официјално започна со уписи, на 17 едукативни програми, во вид на обуки и курсеви, под строго дефинирани услови и мерки за безбедна и продуктивна настава.

„Оваа деветнаесетта сезона, секој креативец има можност за индивидуално учење „еден на еден“ со ментор. Секој учесник според сопствената потреба и желба, може да креира едукативна програма, самиот да одбере ментор, услови на работа и фонд на часови, се разбира со наша помош, или конкретно по темелна анализа за потребата од страна на нашиот наставен совет.“ изјави Ангела Николовска, наставен координатор на „Џолев и уметностите“

Секој студент може да избере дали курсот ќе ја следи со физичко присуство на целата настава, во однос на теоретскиот и практичниот дел, или пак ќе одбере комбинирана настава, или пак целосно ќе ја следи програмата онлајн.

КАТЕГОРИЈА // ГРАФИЧКИ + МОУШН ДИЗАЈН + 3Д МОДЕЛИРАЊЕ

ОБУКА // Adobe Premiere Pro / старт: 15 март / ментор: Дејан Смилевски / 30 часа
ОБУКА // Adobe After Effects / старт: 16 март / ментор: Петар Џон / 30 часа
ОБУКА // Adobe Illustrator / старт: 06 март / 24 часа
ОБУКА // Adobe Photoshop / старт: 06 март / ментор: Дејан Џолев / 30 часа
ОБУКА // Fusion 360 + Cura / старт: 15 март / ментор: Валентин Данилоски / 30 часа

КАТЕГОРИЈА // ФИЛМ + ФОТОГРАФИЈА

ОБУКА // Филмски актер / старт: 07 март / ментор: Tea Беговска / 30 часа
ОБУКА // Фотографија / старт: 06 март / ментор: Драги Неделчевски / 30 часа
ОБУКА // Постпродукција и монтажа на фото. / старт: 06 март / ментор: Дејан Џолев / 30 часа
ОБУКА // Филмска и ТВ режија / старт: 14 март / ментор: Дејан Џолев / 36 часа
ОБУКА // Филмска и ТВ монтажа / старт: 15 март / ментор: Дејан Смилевски / 30 часа

КАТЕГОРИЈА // МОДЕН ДИЗАЈН

ОБУКА // Кроење и шиење / старт: 13 фев. / ментор: Маре Трајковска / 24 часа
ОБУКА // Плетење / старт: 13 март / ментор: Никола Ефтимов / 20 часа
ОБУКА // Дизајн на модни додатоци / старт: 13 март / ментор: Никола Ефтимов / 20 часа

КАТЕГОРИЈА // УМЕТНОСТ

ОБУКА // Цртање и сликање / старт: 14 фев. / ментор: Доротеј Нешовски + Маргарита Симовска / 30 часа
ПРЕДАВАЊА // Естетички дискурси / старт: 15 март / ментор: Небојша Вилиќ / 24 часа
РАБОТИЛНИЦА // Технологија на печатарски техники / старт: 01 јуни / ментор: Александар Наумоски / 15 часа
ПРЕДАВАЊА // Интелектуална сопственост / старт: 14 јуни / ментор: Кристина Крагујевска

КАТЕГОРИЈА // KIDS

8 – 14 год. // 3 возрасни групи
целосно онлајн настава

ОБУКА // Драмски актер / ментор: Сара Анастасовска + Даријан Петров
ОБУКА // Цртање и сликање / ментор: Доротеј Нешовски + Маргарита Симовска

_______
МЕРКИ ЗА БЕЗБЕДНОСТ: Секој студент може да избере помеѓу:
1. Физичко присуство на цела настава (теоретски и практичен дел);
2. Комбиниран начин на учење (теоретскиот дел ќе го следи онлајн, практичниот дел со физичко присуство);
3. Целосно онлајн;
// Наставата се одвива следејќи ги сите превентивни мерки пропишани од Министерството за здравство.

_______
ОПРЕМА И УСЛОВИ: Единствена школа за дизајн и уметност којашто им овозможува на студентите: современо фото и видео студио, технолошка лабораторија со таблети за цртање и 3Д­ принтери, цртачко и сликарско ателjе и материјали за работа, комплетно опремено модно ателје.

_______
МЕНТОРИ И НАСТАВА: Преку нетрадиционални и флексибилни едукативни методи на настава во соработка со еминентни универзитетски професори и професионалци од дејностите.

_______
ЏОЛЕВ И УМЕТНОСТИТЕ
9-та година Школа за дизајн и уметност
075 268 293
www.djolevandthearts.edu.mk

The post + 17 ОБУКИ И КУРСЕВИ ОД ОБЛАСТА НА ДИЗАЈНОТ И УМЕТНОСТИТЕ appeared first on Skala School.

Издвојуваме само дел од сите значајни импресии и спомени, благодарни и горди за секој изминат ден помеѓу студентите, колегите и соработниците.

ЈАНУАРИ

ПРОДУКТИВЕН ПОЧЕТОК
Почетокот на годината ја започнавме активно и продуктивно. Студентите беа во цутот на нивната креативност, додека ние се обидовме дополнително да ги мотивираме со работа на проекти, директно во индустријата. Издвојуваме неколку интернационални гостувања во рамки на Академиите за дизајн: Клаудиа Ателјe (Германија), сопственик на компанијата First wear, проф. Милтон Агуире од Универзитетот за технологија од Делф и Беатрис Вајсел (Виена),  сопственик на компанијата Wascheflott Wien – компанија каде што наши студенти посетуваат пракса. 

ФЕВРУАРИ

ПРОМОЦИЈА НА ТЕХНОЛОШКА ЛАБАРАТОРИЈА
Удобноста во работата на студентите е приоритет во спроведување на наставната програма. За полесно и покреативно изразување им овозможуваме на студентите: современо фото и видео студио, цртачко и сликарско ателје, комплетно опремено модно ателје, додека овој месец дополнително инсталиравме технолошка лабораторија со таблети за цртање, 3Д-принтери и материјали за 3Д-печатење.

МАРТ

ВИРТУЕЛНИ УЧИЛНИЦИ
За жал, на оваа пролет бевме приморани да ѝ се радуваме од прозор и да учиме од дома, но нескромно сме горди на нашата техничка поддршка и менторска подготвеност. Успеавме за само седум дена да транзитираме од физичка настава кон нашите виртуелни училници и да се прилагодиме на новите технолошки тенденции без притоа да се одрази на наставната програма.

АПРИЛ

МАСТЕРКЛАС СО ТАМАРА КОТЕВКСА
По прифаќање на општествената стварност и можностите на новите форми на комуникација, понудивме на креативната заедница, онлајн Мастерклас програми, меѓу кои го издвојуваме ексклузивниот (тридневен) Мастерклас на Тамара Котевска, режисерката на „Медена земја“, која, по предавањето на Беркли (Berkeley) Универзитетот во Калифорнија, Филмскиот Универзитет во Хонг Конг и фестивалот Doc Nomads, се дружеше и со нашите студенти. Додека на најмладите и социјално најзагрозените – децата, им понудивме онлајн читање на бајки од страна на професионални актери преку драмска имитација и импровизација.  

МАЈ

8 ГОДИНИ ЏОЛЕВ И УМЕТНОСТИТЕ
На 3 мај 2012 година, во „Џолев и Уметностите” се одржа првиот час. Изминатите 8 години во школата предаваа најзначајните македонски дизајнери и уметници и најпопуларните универзитетски професори од локалните универзитети. Повеќе од 150 ментори и гости предавачи, повеќе од 2500 учесници на сите возрасти од цела Македонија. Овој ден е резервиран за шампањ! 🙂

ЈУНИ

СКАЛА МАГАЗИН – ГЛАС НА НОВАТА СЦЕНА!
Карантинот беше благослов за старите идеи! www.skala.mk е онлајн! – благодарение на техничкиот и интелектуален труд на студентите во школата.

Скала Магазин е прва студентска платформа за дизајн и современа уметност, отворена за промоција на домашните млади креативци, поврзување на студентите и независните артисти со организациите и компаниите, како и следење и поддржување на културните настани и сцена. 

Наскоро во книжарниците на полица ќе се појави и првото печатено издание.

ЈУЛИ

НОВИ ПРОСТОРИИ ВО ДЕБАР МААЛО
Продолживме да растеме и физички. Скромно и непомпезно го отворивме новото ателје за моден дизајн во Дебар Маало. Дојдете ни на кафе! 

АВГУСТ

САРАЕВО ФИЛМ ФЕСТИВАЛ
Оваа година немавме можност да патуваме позади седум реки и планини, но затоа малку езеро и малку повеќе коктели ^_^ додека нашиот филм „Ќе му се јавам на татко ти“ во режија на Леон Ристов, имаше светска премиера на Сараево Филм Фестивал, а подоцна учествуваше уште на десетици интернационални фестивали и освои три награди за најдобар филм. 

СЕПТЕМВРИ

СТУДЕНТИТЕ ПРЕЗЕНТИРАА ПРЕД КОМПАНИИ
Продолжи поврзувањето на нашите студенти со индустријата. 60 студенти од четирите Академии за дизајн (визуелни уметности, графички дизајн, моден дизајн и ентериер и дизајн на мебел) преку јавни презентации се запознаа со главните менаџери на најзначајните маркетинг и адвертајзинг агенции, дизајн-студија, фото и филм-продукции… каде што имаа можност да посетуваат едномесечна работна пракса. Дел од студентите се вработија во компаниите каде што посетуваа пракса, додека други основаа сопствени компании, работат на сопствени проекти или продолжија со образованието.

ОКТОМВРИ

СТУДЕНТСКА ИЗЛОЖБА ВО 5 ХАЛИ
Традиционално и оваа година, нашите студенти се претставија на групна финална изложба „Parádeigma“ во 5 полни хали дизајн и уметнички дела и повеќе од 1000 посетители во една вечер! – Ден на којшто свечено беа доделени дипломите на генерацијата 2019/20. 

Го издвојуваме и учеството на студентите од Академијата за моден дизајн на „Моден викенд – Скопје“ преку групна ревија во којашто се претставија индивидуални дизајнерски колекции под менторство на професорот Никола Ефтимов.

НОЕМВРИ

НОВА АКАДЕМСКА ГОДИНА
Ние не формираме групи, туку водиме генерации. Започнаа студиите на нови креативци, дечки и девојки со желба за промена, развој и другарување. 

Стремежот за нови едукативни методи е постојан предизвик. Првиот учебен ден е од огромна важност за припадноста и комотноста на студентите. Оваа година започнавме преку неформална средба со цел студентите да се запознаат меѓу себе, но и со менторите, програмата и распоредот за семестарот.

ДЕКЕМВРИ

ИНСТИТУТ ЗА ДИЗАЈН И ТЕХНОЛОГИЈА – СКОПЈЕ
Единствената Школа за дизајн и уметност „Џолев и уметностите“ неофицијално го најави партнерството со „Институтот за дизајн и технологија – Скопје“ со цел развој на прогресивни образовни системи и политики во креативната индустрија. Рано во новата 2021 година очекувајте повеќе информации, но бевме нетрпеливи да ви ја споделиме оваа голема радост! 🙂 

2020 година ти благодариме,
2021 година подготвени сме за тебе 🖤

Другари, прочитајте ги импресиите од 2019 година! 

The post Импресии 2020 appeared first on Skala School.

„Први септември. Време е за будење,
иднината им припаѓа на оние кои се подготвуваат денес!“

Школата за дизајн и уметност „Џолев и уметностите” официјално започна со уписи, на повеќе од 30 едукативни програми, во вид на обуки и академии, под строго дефинирани услови и мерки за безбедна и продуктивна настава.

„Секој студент може да избере дали програмата ќе ја следи со физичко присуство на целата настава, во однос на теоретскиот и практичниот дел, или пак ќе одбере комбинирана настава, или пак целосно ќе ја следи програмата онлајн. Наставата се одвива следејќи ги сите превентивни мерки пропишани од Министерството за здравство.“ изјави Ангела Николовска, наставен координатор на „Џолев и уметностите“.

Сите програми [освен академии] имаат 25% попуст за упис до 10 септември.

КАТЕГОРИЈА // ГРАФИЧКИ + МОУШН ДИЗАЈН + 3Д МОДЕЛИРАЊЕ

ОБУКА // Adobe Premiere Pro / старт: 28 сеп. / ментор: Дејан Смилевски / 30 часа
ОБУКА // Adobe After Effects / старт: 29 сеп. / ментор: Петар Џон / 30 часа
ОБУКА // Adobe Illustrator / старт: 21 сеп. / ментор: Аленсандра Новевска / 24 часа
ОБУКА // Adobe InDesign / старт: 17 ное. / ментор: Влатко Ристов / 16 часа
ОБУКА // Adobe Photoshop / старт: 6 ное. / ментор: Дејан Џолев / 36 часа
ОБУКА // 3D CAD / старт: 28 сеп. / ментор: Илија Паунков / 30 часа
ОБУКА // Fusion 360 + Cura / старт: 02 окт. / ментор: Валентин Данилоски / 30 часа

КАТЕГОРИЈА // ФИЛМ + ФОТОГРАФИЈА

ОБУКА // Филмски актер / старт: 27 сеп. / ментор: Tea Беговска / 30 часа
ОБУКА // Фотографија / старт: 26 сеп. / ментор: Драги Неделчевски / 30 часа
ОБУКА // Постпродукција и монтажа на фото. / старт: 06 ное. / ментор: Дејан Џолев / 36 часа
РАБОТИЛНИЦА // NUDE фотографија / 18/19/20 сеп. / ментор: Владимир Тасевски / 3 дена
ОБУКА // Филмска и ТВ режија / старт: 27 сеп. / ментор: Дејан Џолев / 30 часа
ОБУКА // Филмска и ТВ монтажа / старт: 28 сеп. / ментор: Дејан Смилевски / 30 часа

КАТЕГОРИЈА // МОДЕН ДИЗАЈН

ОБУКА // Кроење и шиење / старт: 18 сеп. / ментор: Маре Трајковска / 24 часа
ОБУКА // Плетење / старт: 21 сеп. / ментор: Никола Ефтимов / 20 часа
ОБУКА // Дизајн на модни додатоци / старт: 23 сеп. / ментор: Никола Ефтимов / 20 часа
ОБУКА // Модна илустрација / старт: 03 ное. / ментор: Александра Јовановска / 20 часа

КАТЕГОРИЈА // УМЕТНОСТ

ОБУКА // Цртање и сликање / старт: 26 сеп. / ментор: Доротеј Нешовски + Маргарита Симовска / 24 часа
ПРЕДАВАЊА // Историја на уметностите / старт: 16 окт. / ментор: Владимир Јанчевски / 16 часа
ПРЕДАВАЊА // Теорија на уметност / старт: 16 ное. / ментор: Никола Узуновски / 16 часа

+ ОБУКА // Дигитален маркетинг / старт: 23 сеп. / ментор: Александра Новевска + Пепица Манчева / 20 часа

КАТЕГОРИЈА // KIDS

8 – 14 год. // 3 возрасни групи
целосно онлајн настава

ОБУКА // Драмски актер / старт: 16 ное. / ментор: Сара Анастасовска + Даријан Петров
ОБУКА // Цртање и сликање / старт: 11 ное. / ментор: Доротеј Нешовски + Маргарита Симовска
ОБУКА // Фотографија / старт: 10 сеп. / ментор: Драги Неделчевски
ОБУКА // Adobe Photoshop / старт: 10 сеп / ментор: Александра Новевска
ОБУКА // Adobe Illustrator / старт: 11 сеп. / ментор: Александра Новевска

_______
МЕРКИ ЗА БЕЗБЕДНОСТ: Секој студент може да избере помеѓу:
1. Физичко присуство на цела настава (теоретски и практичен дел);
2. Комбиниран начин на учење (теоретскиот дел ќе го следи онлајн, практичниот дел со физичко присуство);
3. Целосно онлајн (теоретски и практичен дел);
// Наставата се одвива следејќи ги сите превентивни мерки пропишани од Министерството за здравство.

_______
ОПРЕМА И УСЛОВИ: Единствена школа за дизајн и уметност којашто им овозможува на студентите: современо фото и видео студио, технолошка лабораторија со таблети за цртање и 3Д­ принтери, цртачко и сликарско ателjе и материјали за работа, комплетно опремено модно ателје.

_______
МЕНТОРИ И НАСТАВА: Преку нетрадиционални и флексибилни едукативни методи на настава во соработка со еминентни универзитетски професори и професионалци од дејностите.

_______
ЏОЛЕВ И УМЕТНОСТИТЕ
9-та година Школа за дизајн и уметност
075 268 293
www.djolevandthearts.edu.mk

The post + 30 OБУКИ И АКАДЕМИИ ОД ОБЛАСТА НА ДИЗАЈНОТ И УМЕТНОСТИТЕ appeared first on Skala School.

Изборот на 3 најозборувани дела за месецот е навистина предизвик! Не затоа што премногу озборуваме, туку затоа што студентите се исклучително креативни и продуктивни. Можеби во иднина оваа рубрика ќе ја поделиме во повеќе категории за да ви ја доближиме активноста на студентите, но секако ова е само мал сегмент од она што нè очекува во септември, кога студентите традиционално во 5 хали ќе ги изложат своите најдобрите дела. Изминатите години, оваа дизајнерска изложба е најмасовната во градот од аспект на дела и посетеност. 

Драг месец јануари, ти благодариме!

Диме Данов 

Овој јануари, покрај тоа што ги озборуваме делата на студентите, случајно на тапет ни се и големите современи и историски артисти. Диме Данов работеше на репродукција на култно сликарско дело од големиот австриски сликар Егон Шиле. „Девојка со жолта марама“ е типично дело за авторот изработено во акварелна техника (и молив), женско голо тело во контрагирана седечка позиција, која истовремено сугерира извесно движење. Диме како автор на репродукција (рекреација) на ова дело беше свесен за многу повеќе технички и симболички аспекти на делото, за да може да премине кон предпродукција, продукција и постпродукција на сликата кон фотографија. 

Автор: Диме Данов
Проект: Репродукција [или реконтекстуализација] на култно сликарско дело
Автор на оригинално дело: Egon Schiele
Наслов на оригинално дело: Girl with yellow scarf
Медиум: Фотографија со дигитална манипулација
Предмет: Фотографија и постпродукција на фотографија
Ментор: Дејан Џолев

Во процесот на работа се обидував да го емулирам сликарскиот процес колку што можам, без притоа да ги изгубам фотографските одлики. Решението беше да се слика врз субјектот, па потоа тој слој боја да се вклопи со одреден layer mode. Најголемиот предизвик беше позирањето на моделот, тој ѝ дава предност на експресијата пред реалистичното отсликување и беше навистина тешко да ја најдеме точната позиција, но при позирање со моделот разбравме и што ни кажува Шиле за оваа девојка, за нејзината видлива болка, па се обидовме да го следиме тоа чувство. После оваа задача сум подготвен и за уште поголеми визуелни предизвици. 

Магдалена Филипова 

Магдалена Филипова vs Тим Бартон. Почетоците на овој голем филмски автор се токму во сферата на визуелните уметности. Тим во раните осумдесети работи како графички дизајнер, сториборд- артист, концептуален уметник, додека подоцна почнува да се плетка со анимација, каде што ја добива првата идеја за снимање на филм. Неговите филмови денес се пример за комплетно авторство на еден визуелен уметник. Тим е сценограф, карактер и продукт дизајнер, генерално сè што е визуелно и наративно во неговите дела. Затоа и целта на оваа академија е студентите да се подготват како мултидисциплинарни артисти и дизајнери, за потребите на нивните комерцијални проекти или авторски дела. Затоа што вештината е многу повеќе од алатки.

Автор: Магдалена Филипова
Наслов: Sometimes, the only way to catch an uncatchable woman is to offer her a wedding ring [цитат од филмот]
Медиум: Дизајн на филмски постер
Предмет: Дигитална илустрација [ADOBE Illustrator]
Ментор: Зоран Кардула

„Big Fish“ (Голема риба) не е мојот апсолутно омилен филм, но е во првите 5 омилени. Прекрасно дело на режисерот со огромна имагинација. Филмот е шарен и полн со детали, затоа се одлучив да експериментирам и да го илустрирам буквално насловот. Во врска со мојот стил би го цитирала мојот колега Бојан Матеjин – „Стилот сè уште ми варира на ниво на зададената задача“.

Никола Панов

Никола Панов е исклучително талентиран студент, со широк спектар на изразни визуелни вештини. Но, нешто што го одликува и што е за посебна пофалба е неговата конзистентност. Оваа фотографија преку реконтекстуализација на сликарското дело од белгискиот надреалист Рене Магрит, претставува автопортрет на Никола. 

Автор: Никола Панов
Проект: Репродукција [или реконтекстуализација] на култно сликарско дело
Автор на оригинално дело: Rene Magritte
Наслов на оригинално дело: Man in a Bowler Hat
Медиум: Фотографија со дигитална манипулација
Предмет: Фотографија и постпродукција на фотографија
Ментор: Дејан Џолев

Целиот процес на создавање беше одлично и забавно искуство. Од подготовка на потребни реквизити, скицирање, светлосни подготовки, фотографирање, па сè до постпродукција и монтажа на фотографија, колор корекција… Со инспиративна помош од мојот ментор Дејан Џолев целта на идејата беше исполнета. Задоволен сум од крајниот резултат и одвај чекам да продолжам со следниот предизвик!

ДАЛИ ГИ ПОГЛЕДНА: НАЈОЗБОРУВАНИТЕ ЗА МЕСЕЦ ДЕКЕМВРИ!?

КАЖИ ИМ НА ДРУГАРИТЕ И ДРУГАРКИТЕ!
УПИСИТЕ СЕ ВО ТЕК: АКАДЕМИЈА ЗА ГРАФИЧКИ ДИЗАЈН.

АПЛИЦИРАЈ ЗА ЦЕЛОСНА СТИПЕНДИЈА!

The post Топ 3 за месец јануари appeared first on Skala School.

ЈАНУАРИ

НЕЗАВИСНОСТ
По успешните две години соработка помеѓу Школата за дизајн и уметност „Џолев и уметностите” и „Сивус едукативен и развоен центар”, донесовме одлука за повторно целосно осамостојување, со цел развој на нови едукативни програми од областа на дизајнот и уметностите.

ФЕВРУАРИ

НОВИ ПРОСТОРИИ
Тоа подразбираше потреба од нови поголеми и попрактични простории. Се вселивме во нашето ново студио, во рамките на Центарот за иновации „Јавна соба”, доле на приземје и горе на средина. Целосно опремени за потребите на студентите со 3Д-принтери, таблети за скицирање, машини за шиење, всушност, комплетно модно студио, сликарско ателје и комплетна филмска и фотографска опрема.

ПРОШИРУВАЊЕ НА ТИМОТ
Тимот растеше! Ни се приклучија Ана – маркетинг координатор  и Кика – програмски и наставен координатор.

МАРТ

ДОДЕЛУВАЊЕ НА ЦЕЛОСНИ СТИПЕНДИИ ЗА УЧЕНИЦИ СО ПРОСЕК ПОД 3.9
Традиционално продолживме со кампањата „Образованието е повеќе од 5.0”, каде доделивме пет целосни стиндии на средношколци кои формалното образование има потешкотии да го препознае нивниот талент и желба за развој. 

СТАРТ НА 14 КУРС-ПРОГРАМИ
Се запознавме со нови 160 учесници на 14 курс-програми: графички дизајн, фотографија, сликање, кроење и шиење, филм, литература, естетика, психологија… Тања, Ријад, Маринела, Илчо, Ања, Никола, Сара, Мила… И, секако нашиот најверен слушател – мачорот Бумбар.

АПРИЛ

WWW
www.djolevandthearts.edu.mk се роди! Едно попладне додека цицаше кратко заспа и исчезна од етерот, поради преголемата посетеност на сајтот, или 20.000 посети тоа пладне – упс!

МАЈ

7 ГОДИНИ ЏОЛЕВ И УМЕТНОСТИТЕ
На 3 мај 2012 година во “Џолев и Уметностите” се одржа првиот час. Изминатите 7 години во школата предаваа најзначајните македонски дизајнери и уметници и најпопуларните универзитетски професори од локалните универзитети. Повеќе од 150 ментори и гости предавачи, повеќе од 2000 учесници на сите возрасти од цела Македонија. Овој ден во студио пиевме шампањ (всушност како и многу други денови, но ете тука ќе го спомнеме тоа) 🙂

ЈУНИ

ЗАПОЧНАА УПИСИТЕ ЗА УЧЕБНАТА 2019/20
Едногодишни академии за визуелни уметности, моден дизајн и продукт дизајн. На самиот почеток уште првата недела 35% од капацитетот беше пополнет. Побрзајте оваа година – листата на чекање веќе одбројува! 

HONEYLAND
Режисерите Тамара Котевска и Љубо Стефанов кои оваа година го прошетаа целиот свет заедно со нивниот филм “Медена земја”, најдоа време да се дружат и разговараат и со нашите студенти од академијата за визуелни уметности. По средбата ги “заборавија” статуетките за освоените награди на Санденс, кои денес се дел од нашиот ентериер за пример и мотивација на новите генерации креативци.

ЈУЛИ

СТУДЕНТИТЕ ПРЕЗЕНТИРАА ПРЕД КОМПАНИИ
Продолжи поврзувањето на нашите студенти со индустријата. 29 студенти од Академијата за визуелни уметности и моден дизајн, преку јавни презентации се запознаа со главните менаџери на најзначајните маркетинг и адвертајзинг агенции, дизајн-студија, фото и филм-продукции… каде што имаа можност да посетуваат едномесечна работна пракса. Дел од студентите се вработија во компаниите каде посетуваа пракса, додека други основаа сопствени компании, работат на сопствени проекти или продолжија со образованието.

ПРОФ. СТЕФАН СИДОВСКИ СИДО
Замина во вечноста нашиот голем другар и учител. Ти благодариме професоре што беше редовен ментор на нашите програми од самите почетоци.

АВГУСТ

ОДМОР
Заслужено! Цела банда преку седум мориња, преку седум реки и планини.

СЕПТЕМВРИ

СТУДЕНТСКА ИЗЛОЖБА
Секој септември е задолжен за промоции, изложби, проекции на сè што сме работеле, минатата учебна година. Меѓу другото ја издвојуваме завршната изложба на студентите во 5 полни хали дизајн и уметнички дела и повеќе од 1000 посетители во една вечер!

ОКТОМВРИ

НОВА АКАДЕМСКА ГОДИНА
Стремежот за нови едукативни методи е постојан предизвик. Првиот учебен ден е од огромна важност за припадноста и комотноста на студентите. Оваа година започнавме преку неформална средба со цел студентите да се запознаат меѓу себе, но и со менторите, програмaта и распоредот за семестарот. Всушност, тоа беше журка каде што сите заедно цртаа и сликаа на огромни платна, пиеа шампањ и грицкаа шарени колачиња. На вториот час веќе сите се познававме 🙂

ТИМОТ ПОВТОРНО РАСТЕ
Новите предизвици побараа и нови членови во тимот. Виктор е нашиот нов дизајнер во куќата, додека Владанка е директор на студио! 🙂

НОЕМВРИ

МОДЕН ВИКЕНД СКОПЈЕ
“Дека на македонската мода ѝ претстои светла перспектива, први на третиот ден од Моден викенд-Скопје докажаа студентите од Академијата за моден дизајн во склоп на „Џолев и уметностите”, преку групна ревија во која се преточени индивидуални дизајнерски приказни под менторство на професорот Никола Ефтимов.” – Така пишуваа медиумите за нашите студенти, на јубилејниот 20-ти Моден викенд-Скопје.

ДОДЕЛУВАЊЕ ДИПЛОМИ
Журка! Свечено доделување на дипломи на студентите од генерација 2018/19. Покрај дипломите и уверенијата, традиционално доделивме и 3 пофалници, и тоа за, студент со најголем развој, најперспективен студент на генерација и најрподуктивен студент на генерација. Уху! 🙂 

ДЕКЕМВРИ

ХУМАНИТАРНА ИЗЛОЖБА
Додека се збогувавме со старите студенти, новите по само еден месец создадоа толку многу дела што инспирираа идеја за изложба. На тоа се додаде идејата тоа да биде од хуман карактер. Замислете! На изложбата се продадоа 39 дела и успеавме да собереме донација што ќе ги нахрани еден месец сите крзнени пријателчиња во Амос Шелтер –  засолниште и здружение за заштита на животните.

KIDS AND THE ARTS
Продолживме да образуваме и помеѓу најмладите! Затоа што уметноста е духовна храна којашто е задолжителна на детското мени за негување и развој на интелектуалниот и креативен капацитет. Во нашиот тим се приклучи Ангела како координатор на детските секции. Овие млади креативци во моментов подготвуваат театарска претстава и сликарска изложба, а ние им подготвуваме пакетчиња – ве молам не кажувајте им, треба да биде изненадување! 

2020 🖤

The post Импресии 2019 appeared first on Skala School.