Професионалниот развој на новата генерација студенти започна со основите на естетиката и теоријата на дизајнот. Токму затоа, студентите уште на првиот час имаа можност да се запознаат со едни од најзначајните лица од областа на дизајнот и тоа, редовниот професор на Факултетот за драмски и ликовни уметности, проф. д-р. Небојша Вилиќ и деканката на Факултетот за арт и дизајн, проф. д-р. Гордана Вренцоска. 

Како лидери за квалитет во неформалното образование, наша одговорност е да го одржуваме стандардот за најдоброто и најквалитетното. Студентите ги следат предавањата со физичко присуство, бидејќи само така може да се постигне културолошко зближување, социјализација и секако, networking меѓу студентите и менторите. Најкреативните идеи и долги соработки настануваат токму при физички средби каде што се разменуваат искуствува, вештини и меѓусебно запознавање, но секако како високо технолошко образовна институција, студентите кои не се во можност да присуствуваат физички на настава, им е овозможено онлајн-приклучување.

Возбудата за почетокот на новата академска година беше сеприсутна, како помеѓу студентите, така и меѓу менторите кои радоста за полните училни, не можеа да ја сокријат. 

Како што напомена проф. Вилиќ со насмевка на лицето, „Пред волку полна училна одамна не сум држел предавање“. 

Студентите и менторите имаа можност да се запознаат меѓусебе и да си споделат импресии и искуства како и да позборуваат за очекувањата за претстојната академска година. 

Им посакуваме среќна и успешна академска година на новите студенти. Трпеливо го следиме нивниот креативен раст и развој и едвај чекаме да ги видиме во полно светло на дизајн-сцената.

♥︎

Уписите за наредната академска година се во тек, аплицирајте и бидете дел од најголемата креативна заедница!

The post ПРВ АКАДЕМСКИ ЧАС- Училните полни! appeared first on Skala School.

Ги собравме на едно место младите креативци, подготвени за нови образовни и кариерни почетоци и дел од нашите ментори на „Отворени денови“ во просториите на „Скала – Школа за дизајн“.

Присутните имаа можност да одберат помеѓу мохито или аперол-шприц, а секако постоеше варијанта и за двете или репете! 🙂 

„Дизајн & Коктели“ и оваа година беше повод за неформален разговор и запознавање со програмите и менторите од академиите за UX/UI + дизајн, Графички дизајн, Визуелни уметности, Моден дизајн и Ентериер-дизајн. Меѓу присутните беа: 

• Зоран Кардула // [Popstar] илустратор;
• Гордана Вренцоска // дизајнер + декан на Факултетот за арт и дизајн;
• Влатко Ристов // арт-директор во New Moment – маркетинг-агенција;
• Дејан Џолев //  основач и CEO на Skala School;
• Благој Ѓелевски // веб-дизајнер и коосновач на Tivius – маркетинг-агенција; 
• Александар Ношпал // костимограф и моден дизајнер;
• Ирина Тошева // модна дизајнерка;
• Илија Паунков // ентериер-дизајнер – BH Architects;
• Апостол Тноковски // [Popstar] продукт-дизајнер.

Се споделија различни искуства, се разговараше на различни теми од индустријата, а многумина имаа шанса и директно да се поврзат со менторите и нивните академски програми, работата, да дознаат повеќе за можностите на пазарот и секако – да се дружат.

Ни претставува особена чест и одговорност да се запознаеме со новата генерација која несомнено е новата сцена во креативните индустрии. Првиот академски час ги очекува на 13 октомври 2023, а УПИСИТЕ на академите за дизајн СЕ ВО ТЕК!

За сите кои не беа во можност да ни се придружат, ги повикуваме  да не посетат во нашите простории, секогаш сме отворени за разговор, совет и консултација. Закажете средба со нашиот тим преку пополнување на следната форма: https://docs.google.com/forms/d/e/1FAIpQLSfBIk6UxgacnOKevST7Fuqmv7ya5DRoXcwpQ9HEd-iDorQFfw/viewform

Ви благодариме за прекрасната енергија, се гледаме на следна креативна дружба! ♥

НЕ ЗАБОРАВАЈТЕ, УПИСИТЕ ЗА НОВАТА ГЕНЕРАЦИЈА 2023/24 СЕ ВО ТЕК!

Фотографии: Ана В’чкова

The post ФОТО-ИМПРЕСИИ // „Дизајн & Коктели“ -дружба со најголемата дизајн заедница! appeared first on Skala School.

Прочитајте за активностите на нашите ментори, нашата школа, но и информации од
формален и неформален карактер.

Ова лето во нашата школа ќе биде запаметено по успесите на нашите студенти, ментори и случувања коишто ги одбележаа изминатите два-три месеци.

НАШАТА ШКОЛА…

1. Поврзувањето на компаниите и студентите продолжува!

Студентите од академиите за дизајн во „Скала“ ги претставија своите портфолија пред претставници на десетици компании од креативните индустрии. Настанот се одржа на крајот на јуни, додека денес, голем дел од нив веќе се вработија или пак, ја започнаа нивната пракса кај нашите соработници. 

Ова лето, како и на почетокот на септември, нашите студенти ќе бидат дел од Publicis, Fabricca, Koma Design Studio, Division, Relish, Altius, Rinocca, BH Architects, Bella, FWSK, Heppiness, Светот на Биби, Ателје Ирина Тошева и десетици други, како и новите пријатели како Retolinks, Collarete, модното ателје Антонија Ристовска, BlackBellо, моднaта конфекција Амор Компани и други.

2. Марви Маратонот ги собра сите млади филмаџии на едно место!

Се одржа третото издание на „Марви Филмски Маратон“ во МКЦ во Скопје, со повеќе од 16 активности, филмови, дружби и изложби во рамките на тридневната програма. Каде е Марви, таму е и нашиот Мартин Чичовски, алумни-студент на Академијата за визуелни уметности и член на тимот на „Скала“.

Ни претставуваше особена гордост што како школа бевме дел од овој фантастичен настан на којшто исто така, својата премиера ја доживеаја 10 краткометражни филмови од нашите студенти. 

3. „Скала“ е на ТикТок!

Време беше да се приклучиме кон новиот бран на креативни доживувања. Отсега ви споделуваме нови рубрики, видео-содржини и искуства на нашите студенти на вашата омилена социјална мрежа ТикТок. Заследете нѐ, погледнете што сме ви подготвиле, срцнете нè за поддршка и уживајте во новите содржини коишто следуваат.

Се гледаме на ТикТок другари!

4. Зошто сертификатите во креативните индустрии во суштина се неважни?

Наставната координаторка во Скала, Ангела Николовска, во интервју за Иновативност, ги истакнува суштинските промени во образованието денес, како и важноста на неформалното образование.

„Тоа што денес нѐ радува е дека студентите сѐ повеќе се интересираат за квалитетот на наставата и вложеното време во едукацијата, наспроти тоа дали академијата е акредитирана или сертифицирана. Акредитациите или сертификатите во суштина се неважни, додека во пракса се лага. Студентите сфатија дека дипломите не ги вработуваат и тоа е здраво, а посебно ова важи за креативните индустрии.“

Горди сме на нашата колешка, класна и срцето на нашата школа!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

5. Фото-едиторијал изработен со вештачка интелигенција!

Во рамките на програмата на Академијата за моден дизајн, во соработка со студентите од Академијата за визуелни уметности, студентите изработија фото-едиторијал со помош на вештачка интелигенција. Студентите имаа можност да се вклучат во процесот на подготовки и планирање, како и да ја почувствуваат атмосферата за време на фотографирање во студио. За севкупното искуство, разговаравме со дел од студентите како и фотографот на едиторијалот, Ана В’чкова. Прочитајте повеќе тука.

Низ нивните приказни и креативни решенија, ги водеше менторскиот тим составен од врвни експерти во своите области, како: Никола Булевски – Буле, Александар Ношпал, Ирина Тошева, Елена Вангеловска и Дејан Џолев, во соработка и поддршка со останатите ментори на Академијата. 

6. Нова сезона обуки! Уписите започнаа..

Нови можности за развој на вештини, надоградба и дружба со креативци. Оваа сезона на обуки ја најавивме заедно со нашите фантастични ментори кои се одлично друштво и вистинското охрабрување за нови почетоци. Фотографиите доловуваат само дел од атмосферата за време на нашата дружба, а сè останато останува да го почувствувате од октомври.

Уписите се во тек, а сите обуки имаат 20% до 20 септември!

ОБУКИ // ДИЗАЈН И СОФТВЕРСКИ АЛАТКИ:

⊹ Figma: UX/UI дизајн [НОВО: погледни повеќе тука]
⊹ ADOBE Photoshop: Обработка на фотографија [ЕКСТРА ЦЕНА: погледни повеќе тука]
⊹ ADOBE Illustrator: Графички дизајн [погледни повеќе тука]
⊹ ADOBE PremierePro: Видео монтажа [погледни повеќе тука]
⊹ ADOBE After Effects: Моушн дизајн и анимација [погледни повеќе тука]
⊹ WordPress/Elementor: Веб дизајн [погледни повеќе тука]

— —

ОБУКИ // УМЕТНОСТ:

⊹ Фотографија [НОВИ МОДУЛИ: погледни повеќе тука]
⊹ Филмски актер [погледни повеќе тука]
⊹ Техники на кроење и шиење [погледни повеќе тука]
⊹ Цртање и сликање [погледни повеќе тука]

7. Нова видео-рубрика „Студент VS ментор“

Што би го прашале вашиот ментор доколку ја имавте можноста? 

Погледнете кои прашања ги постави нашиот студент Немања Пејиќ од Академијата за графички дизајн во разговор со Гордана Вренцовска, ментор на предметот Методологија на дизајн: (линк тука). Ова е првата епизода од видео-рубриката „Студент VS ментор“, а наскоро следуваат нови разговори со ментори и студенти и од останатите академии за дизајн во Скала. Биди во тек со најновите содржини и дознај повеќе за менторите и програмите на нашите академии за дизајн!

НАШИТЕ МЕНТОРИ…

9. Работилници за боење на тестил со Ирина Тошева

Во рамките на проектот „Земјоделските остатоци како текстилна суровина и дизајн–материјал во општина Кочани“, нашата менторка Ирина Тошева ја реализираше работилницата „Вовед во природно боење“ којашто опфаќаше знаење, вештини и информации за одржлива мода и текстил. Учесниците беа вклучени во истражување и изработка на прототип за иновативни пристапи при користење на оризов отпад во дизајнот. За време на тридневната работилница, беа изработени автентични парчиња облека коишто ќе бидат дел од овогодинешниот Fashion Weekend-Skopje.

Со нетрпение ги очекуваме финалните модни парчиња!

9. Апостол Тноковски во популарниот француски магазин „The Edge “

Покрај рубриките за брендови како Versace, Schiaparelli и Prada, во францускиот магазин „The Edge“ ова лето го имаме и написот за Falcon Piano, дизајнирано од Апостол Тноковски за француската компанија AC.PARIS.

Falcon Pianо е целосно транспарентно дигитално пијано, направено од 100% чист мономер од акрилно стакло. Дизајнот црпи инспирација од древниот Египет со ултра модерно рационално движење. Преку својот футуристички и остар облик, дигиталното пијано Falcon открива класичен аспект којшто покажува совршена рамнотежа помеѓу органските линии и дисциплината којашто ја бара класичната музика.

10. Хиперпродуктивниот костимограф Александар Ношпал не спие мирно…

Балетот на Хрватскиот народен театар-Сплит ја изведе балетската премиера на претставата „Дора и Слава“, во кореографија на Мартин Шајкс, со музика на Дора Пејачевиќ, во којашто совршено се вклопија раскошните костими на Александар Ношпал. Инспирацијата за костимите, Ношпал ја пронаоѓа во делата на најпознатиот цветен сликар во хрватското сликарство, Слава Рашкај, а неговиот моден дизајн брилијантно се надоврува со приказна.

Честитки за прекрасните креации!

11. ,,Galeria Collarette” студио во Охрид!

Првото концепт студио за ирис фотографија во регионот ова лето со ново студио во најпосетувата туристишка дестинација. Нашите соработници од Galeria Collarette на 24 јуни го отворија нивното студио во Охрид, овозможувајќи им на големиот број на постетители оваа сезона да поседуваат уникатен подарок. Ви споделуваме дел од атмосферата во новите простории на прекрасната локација во центарот на градот.

Се радуваме на новите почетоци и посакуваме големи успеси!

12. Новите академски подвизи на Кристина Крагујевска

Нашата менторка и коосновач на „Скала “, Кристина Крагујевска, ова лето ги заврши магистерските студии за Интелектуална сопственост на Универзитетот во Торино, како стипендист на  Светската организација за интелектуална сопственост. Нејзината специјализација во моментот е на тема: „Artificial Intellegence, Trade secrets and transparancy“, а наскоро продолжува и со своите докторски студии на Правниот факултет при Универзитет Торино во област Интелектуална сопственост во академија.

Посакуваме уште многу успеси и испраќаме искрени честитки!

13. Нови ментори во Скала, добредојдовте!

Тимот на ментори на „Скала“ во ново руво, три нови ментори ни се приклучуваат во тимот. Континуирано работиме на подобрувањето на нашите програми, квалитетот на наставата и внесуваме нова енергија и експертиза во нашата школа. Им посакуваме топло добредојде на Благој Ѓелевски, Андреј Стамевски и Слаѓана Војушевиќ. 

Оваа сезона на обуки во „Скала“, студентите ќе имаат можност да стекнат знаење од: 

Благој Ѓелевски, ментор на обуката за WordPress/Elemеntor, експерт во веб-дизајн и SEO, со повеќегодишно професионално искуство како веб-дизајнер за домашни и странски клиенти, како и основач на Агенцијата за дигитален маркетинг – Tivius

Андреј Стамевски, во рамките на обуката за најпопуларниот софтвер FIGMA, искусен графички дизајнер и консултант со интернационално работно искуство. 

Гласот на Биби ќе ја предводи програмата на обуката Филм и филмски актер. Познатата театарска, филмска и ТВ-актерка со интернационална кариера, Слаѓана Вујошевиќ, исто така ни се придружува кон тимот на ментори.

Среќно!

_____

Уписите за новата Академска 2023/24 година се во тек!

The post Ова лето ќе биде запаметено по… appeared first on Skala School.

Предметот е под менторство на Илија Паунков каде што студентите имаа за задача да уредат неконвенционален станбен простор од 50 метри квадратни како реален пример за стан којшто е во моментална изградба. 

Проектот имаше за цел да претстави соочување со функционално осмислување на простор со којшто дизајнерите на ентериер се соочуваат во секојдневието. Ги прашавме нашите студенти за нивното искуство, првичните замисли за организацијата на просторот, посетите на градилиштето, изборот на материјали и нивното финално решение изработено во рамките на предметот Дигитално рентерирање. 

Стефани Андова

При процесот на креирање, се соочив со…

Многу предизвици и проблеми чиишто решенија сметам дека го направија дизајнот посебен. Научив многу нови работи и уште повеќе го засакав целиот процес на изработка и дизајнирање. Станот е 50 м2, типичен за денешните градби и токму поради тоа, при дизајнирање истражував за различни техники за визуелно зголемување на просторот. Освен тоа, решив да ја вметнам и природата во дизајнот преку материјали како дрво и камен, исто така и многу зеленило.

За соработката при процесот, за менторите би сакала да кажам…

Низ целиот процес на учење и дизајнирање, менторот Илија Паунков беше тука да ни помогне кога тоа беше потребно. Преку посетите на салони и градилиште, тој нè запозна со многу нови материјали и техники, секогаш беше отворен за соработка и даваше сè од себе да ни го пренесе своето знаење.

Како би го опишале вашето финално решение…

Завршниот продукт и финалните рендери од ентериерот, сметам дека зборуваат сами за себе и за целиот труд и време вложено во нив. Се потрудив да доловам мирна атмосфера, пријатен и посебен дизајн и нормално, да уживам во целиот процес.

Другарски совет за сите оние кои сакаат да се запишат на академија во „Скала“…

Времето во Академијата поминува многу брзо, дружбата и учењето преку пракса ја прават истата посебна и забавна. За да започнеш, потребна ти е желба за учење и дизајнирање, а понатаму да се посветиш на процесот, топло ти препорачувам да се запишеш и целосно да уживаш во искуството.

Николина Тасевска

При процесот на креирање, се соочив со…

Предизвикот како еден стан од 50 м2 да се претвори во практичен и функционален простор којшто истовремено ќе изобилува со комотна и луксузна аура. Во денешно време, се среќаваме со сè помали станови токму како оној на којшто работевме со колегите од Академијата, па така имавме можност да искусиме како е да се работи на реален проект како дизајнер на ентериер. Тоа ме поттикна да изнајдам креативен начин да го уредам просторот, но и да внесам нов и поразличен ентериер од оние коишто ги среќаваме во секојдневието. 

За соработката при процесот, за менторите би сакала да кажам…

Премногу сум среќна што имав можност да соработувам и да учам од мојот ментор Илија Паунков. Благодарение на неговото искуство, знаење и неговите естетски вредности, тој точно ми посочи како треба и како не треба да изгледа еден ентериер, рендер, материјал, боја, буквално до најситен детаљ.

Како би го опишале вашето финално решение…

Луксуз и доминација во мал простор. Целта ми беше да направам практичен, автентичен и уникатен простор за живеење. Финалниот дизајн и ентериер на просторот се во специфичен стил којшто можеби не е прв избор на многу луѓе, но за мене беше важно да го извлечам најдоброто од себе како дизајнер.

Другарски совет за сите оние кои сакаат да се запишат на академија во „Скала“…

Мој совет е без двоумење да го направиш првиот чекор и да се запишеш на Академијата за ентериер и продукт-дизајн, бидејќи ова е една од најдобрите одлуки којашто може да ја направиш за тебе и твојата кариера.

 

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

 

Ивана Латинска

При процесот на креирање, се соочив со…

Мојата задача, како и на моите колеги, беше да уредиме стан од 50 м2. Мало и компактно катче коешто за мене се претвори во еден интересен предизвик меѓу другото и голем поттик да бидам што покреативна, претворајќи го ова мини гнездо во мала, но удобна оаза за живеење. При целиов процес се соочив со неколку фази од коишто би сакала да ги издвојам: организација на просторот и избор на бои. 

Организацијата на просторот беше главниот предизвик, како да се направи концепт на мал стан, од којшто е потребно да се извлече максимум, односно, просторот треба да содржи сè што е потребно една индивидуа да може со леснотија да функционира и ужива во истиот. Изборот на бои пак, игра клучна улога во малите простори. Токму затоа во мојот дизајн се одлучив да искористам бела боја и светли неутрални тонови во комбинација со смирени бои коишто понатаму ми го поедноставија процесот на дизајнирање.

За соработката при процесот, за менторите би сакала да кажам…

Во целиот овој процес, од самиот почеток, па сè до крај, без ниеден исклучок, со нас беше нашиот ментор Илија Пунков, професионалец во својата работа. Од запознавањето со материјали на терен, па сè до часовите одржани на градилиште каде што можевме визуелно да видиме кои предизвици ги вклучува оваа креативна професија. Со неговата организирана програма и материјали зададени од негова страна (коишто засекогаш остануваат наш прирачник за следни ентериерни решенија) го поедностави нашето учење и процесот на креирање на финалниот дизајн.

Како би го опишале вашето финално решение…

Инспирација за мојот финален ентериер е скандинавскиот стил. Убавината на дизајнот ја истакнувам искористувајќи природни текстури истакнати преку дрвените подови и пастелни сенки во комбинација со нијанси на неутрални земјени тонови. Минимализам во којшто се претпочитува ред и топлина, гради пријатен простор и буди смиреност.

Другарски совет за сите оние кои сакаат да се запишат на академија во „Скала“…

Од лично искуство и досегашно учење, би ја издвоила Академијата во Скала како една од најперспективни и најпродуктивни академии во областа на ентериер и продукт-дизајн. 

Доколку и вие имате голема желба и љубов кон оваа професија, најискрено ви ја препорачувам како можност за стекнување на практично знаење, изразување на вашиот стил и најважно од сè, можност да се поврзете со компании од индустријата во коишто понатаму имате можност да ја градите вашата кариера.

Девојки, ви благодариме за споделеното искуство. Уживавме во разговорот и вашите финални решенија за дизајн на ентериер. 

Подготвен/а си да го преуредиш твојот кариерен план? – Погледни ја програмата на Академијата за ентериер и продукт- дизајн, раните уписи се во тек, те очекуваме! ♥

✰ ✰ ✰

The post Студентите од Академијата за ентериер дизајн, со предлог решенија за стан во Центар appeared first on Skala School.

Зборуваме со Снежана Ефкоска, Орце Наумовски и Тиана Јовиќ за нивниот семестрален проект на Академијата за моден дизајн, под водство на менторот Александар Ношпал, каде што успешно ги скроија своите лични приказни во парчиња облека.

Проектот е реализиран во рамките на предметот „Модна колекција“ којшто е дел од вториот семестар на Академијата, вклучувајќи темелен процес кон развој и разработка на модна колекција. 

Низ разговорот со нашите студенти, ви го споделуваме искуството при дизајнирање на модните колекции, процесот на учење како и финалните парчиња облека коишто ги откриваат нивните модни перцепции, оригиналност и уникатни пораки испратени преку дизајнот, но и вештина преку равој на идеја, преку модна илустрација и технички цртеж да се конструира, скрои и сошие финално парче облека.

Ви презентираме само по еден + еден „аутфит“ од модните колекции. Ова е само дел од приказната, епилогот ќе го презентираме на есенскиот „Моден викенд Скопје“.

Снежана Ефкоска

Снежана Ефкоска ја дизајнираше колекцијата „Pure Dream“ под нејзиниот моден бренд evila и слоганот: „Ќе бидам жената од моите соништа!“. Нејзината колекција изобилува со земјени тонови и природни материјали како лен и памук низ коишто вешто се вметнати и рачни изработки од плет.

Се одлучив за оваа тема поради…

Брзиот начин на живот со којшто се соочуваме и главниот недостаток на време за себе, до моментот кога сфаќаме дека треба да ги земеме соништата во свои раце. Мојата колекција „Pure Dream“ е создадена со љубов и цел да придонесе кон личната сигурност и самодоверба. Боите и тоновите коишто се дел од колекцијата придонесуваат парчињата  да може да се комбинираат со монохроматски стајлинг, а и меѓусебно.

При процесот на креирање, се соочив со…

При почетоците се соочив со голем страв кој многупати ме блокираше. Но, поривот за промена и стекнување на нови вештини и искуства, силно ме водеше низ соочувањето со сите предизвици при процесот на дизајнирање. Сега кога студиите се завршени, можам да кажам дека „храбар човек – храбар студент“ е оној кој не се плаши, туку оној кој се соочува со сопствениот страв!

За соработката при процесот, за менторот би сакала да кажам…

Периодот поминат со менторот Ношпал за мене беше предизвик, задоволство и целоживотна благодарност. Неговата посветеност дефинитивно ми помогна во остварување на мојот сон! (Pure Dream). Со неговите насоки, придонесе како јас, така и останатите студенти, да се развиваме и да станеме големи сонувачи, учејќи нѐ на несебичност, посветеност, колегијалност и најважното – градење кариера во модниот дизајн.

Другарски совет за сите оние кои сакаат да се запишат на академија во „Скала“…

Годините се само бројка, бидете храбри, соочете се со стравот и покажете ја креативноста. Сѐ додека верувате, ќе ве следи успех, а успехот започнува со секој нов предизвик, нека вашиот следен предизвик биде Академијата за моден дизајн!

Орце Наумовски

Орце Наумовски ја дизајнираше колекцијата „CXXXXXBER“ , црпејќи инспирација од cyber punk-от, потжанр од научната фантастика, за којшто се карактеристични дистопијско-футуристички светови.

Се одлучив за оваа тема поради…

Едноставно, ја избрав оваа тема, бидејќи cyber punk-от ми е омилен потжанр на научната фантастика и така почна сѐ. Сакав од мое гледиште да ја претставам сликата за футуристичката дистопија како дел од cyberpunk-от и истата да ја преточам во модна колекција.

При процесот на креирање, се соочив со…

При процесот на креирање се соочив со неколку предизвици, еден од нив беше изработка на текстура, бидејќи одредени материјали првпат ги имав во рака. Следниот предизвик беше изработката на одредени делови од облеката во мојот случај, тоа беа ракавите коишто од првичните илустрации понатаму беше потребно да ги претставам на технички цртежи, користејќи алатки како Adobe Illustrator и сл.

За соработката при процесот, за менторите би сакал да кажам…

Од страна на менторот, секогаш добивав детални и јасни инструкции во врска со изработката на севкупниот проект. Постојано беше достапен за да ни даде одговор на прашањата коишто ги имавме, а лично мене особено ми помогна со неговите совети,  упатувајќи ме во точната насока.

Другарски совет за сите оние кои сакаат да се запишат на академија во „Скала“…

Другарски совет? Најтешкиот дел е да се седне и да се работи! А потоа – делата сами зборуваат.

Тиана Јовиќ

Тиана Јовиќ ја дизајнираше колекцијата „Супернова“ креирана за сите жени и девојки кои се амбициозни, доминатни, моќни и успешни. Пеку нејзиниот впечатлив дизајн за кој се карактеристични елементите од вселената со фокус на ѕвездите таа го отсликува чувството на самодоверба и автентичност.

Се одлучив за оваа тема поради…

Со оглед на тоа дека имавме слобода при бирање на темата, се одлучив за темата „Супернова“. Сакав да биде несекојдневно и уникатно, а сепак да има силно значење коешто ќе мотивира и инспирира. Зошто баш „Супернова“? – Затоа што тоа е ѕвезда во експлозија којашто го достигнала својот потенцијал. Токму тоа е мојата инспирација. Лично сметам дека сите сме дојдени на планетата со мисија којашто треба да ја исполниме. Секој од нас треба да остави трага и да биде запаметен по своите дела, додека е тука. 😊

При процесот на креирање, се соочив со…

На почетокот, кога почнав да ја креирам колекцијата, се соочив со огромна блокада. Се прашував како да ја доловам идејата зад колекцијата и како да го претставам феноменот „супернова“. Размислував и за тоа дали колекцијата да биде спортска или елегантна, но на крајот, стигнав до нешто коешто ме претставува мене и пораката којашто сакам да ја пренесам… нешто што е вредно, ново и уникатно за сите.

За соработката при процесот, за менторите би сакала да кажам…

Благодарна сум за секоја пофалба, насока од страна на менторот Ношпал, а уште повеќе за секоја конструктивна критика, затоа што токму тие совети и насоки направија да сум поупорна и поцврста во процесот на дизајнирање.

Другарски совет за сите оние кои сакаат да се запишат на академија во „Скала“…

Верувајте во себе и во своите соништа, бидете упорни и не дозволувајте некој да ве убеди дека не можете да го постигнете тоа што ќе го замислите. Единствена граница и пречка на вашиот пат до успехот можете да бидете само вие самите. Токму затоа, ве советувам да преминете преку сите препреки и да се запишете на Академијата за моден дизајн.

Дечки, ви благодариме за прекрасните модни парчиња и инспиративни модни колекции коишто во целост го отсликуваат вашиот стил како модни дизајнери. Ви посакуваме уште многу успех во вашата модна кариера. ♥

Раните уписи на Академијата за моден дизајн се веќе во тек, зграпчи ја шансата и искористи го попустот за уписи, те очекуваме!

Фотографија: Ана В’чкова
Модел: Јана Петровска

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

The post Од атељето на Скала до модна писта! appeared first on Skala School.

Разговаравме со студентите од Академијата за ентериер и продукт дизајн, Николина Тасевска, Стефани Андова и Наталија Ангеловска, за нивниот семестрален проект од предметот Прототип дизајн студио. 

Предметот е под менторство на Катерина Трпковска, каде што студентите имаа задача да произведат парче мебел од скица, преку технички цртеж, истражување и тестирање на материјали, реализација на прототип-дизајн и конечен продукт.

Проектот е развиван во рамките на предметот Дизајн процес, под менторство на дизајнерот Апостол Тноковски. Ги прашавме околу инспирацијата за темата, начинот на изработка и општо – предизвикот да се создаде нешто коешто првично постоело само како идеја, а потоа се реализирало во физички функционален продукт.

Стефани Андова

Стефани Андова работеше на продукт којшто некои лектори практикуваат да го претстават како „ламба“, а други како „лампа“ 🙂

При процесот на креирање, се соочив со…

Истражување, донесување на одлуки и прилагодување на материјалите кон дизајнот на ламбата. Спојот на оревото дрво и ониксот како контрасни елементи бараше прецизност, упорност и точни димензии. Еден од најголемите предизвици беше сечењето на ониксот до тенкост којашто овозможува излез на светлината од лед-сијалиците; по неколку неуспешни обиди и скршени парчиња оникс, стигнавме до финалната димензија. Вложувањето во процесот бараше труд од наша страна и „засукани ракави“ во работилница. Првичната скица од ламбата беше со остри рабови, но при консултации со менторката Катерина Трпковска, се одлучив за тапи рабови коишто имав можност да ги изработам сама.

За соработката при процесот, за менторите би сакала да кажам…

И покрај тоа што јас сум авторот на дизајнот, без нив делото немаше да изгледа вака. Нивното познавање на секоја гранка и аспект од дизајнирањето имаше значително влијание врз финалниот продукт којшто го добив, на што сум им благодарна.

Другарски совет за сите оние кои сакаат да се запишат на академија во „Скала“…

Ентериерот не ги опфаќа само столчињата и масите или креветот во вашата спална соба. Дизајнирањето ентериер за мене претставува начин да допрам до некого, да прикажам емоција или порака. На Академијата за ентериер и продукт дизајн, дизајнот е учење уметност за којашто треба многу време, посветеност и иновативност и сепак, на крајот, сето тоа вреди многу.

Николина Тасевска

Николина Тасевска, преку реупотреба на отпадни материјали, изработи клуб-масичка, а кога нејзината маса би имала име, таа би ја крстила: случајност.

При процесот на креирање, се соочив со…

Голем број на предизвици и промени, почнувајќи од идејата па сè до дизајнот на парчето мебел. Всушност, првичната моја идеја исто така, се однесува на дизајн на ламба, но ограничените ресурси ми овозможија да ја разбудам креативноста и да се препуштам на процес којшто претставуваше вистинска трансформација. Масата се „роди“ низ разговор со менторите и воочувањето дека не секогаш ни се потребни нови материјали за изработка на продукт. Така, металната спирала на мојата маса е отпад од стар камион, а преку шмирглање и фарбање на истата во работилницата на татко ми, имав можност да ја претворам во функционална ногарка којашто може да се користи и како мини полица за книги.

За соработката при процесот, за менторите би сакала да кажам…

Менторите ми помогнаа многу до реализација на идејата. Особено Апостол Тноковски кој ми помогна со идејата дека можам да искористам спирала од камион за ногарка на масичката.

Другарски совет за сите оние кои сакаат да се запишат на академија во „Скала“…

Моја препорака е да се определите за развој на продукт-дизајн од причина што ќе имате можност да креирате многу креативни и функционални артефакти. Со тоа ќе им помогнете и решите одреден проблем на клиентите и ќе ги направите среќни!

Наталија Ангеловска

Наталија Ангеловска создаде минималистичка ламба во големи димензии којашто се вклопува во модерен ентериер.

При процесот на креирање, се соочив со…

За време на процесот, се соочив со предизвикот да се постигне рамнотежа меѓу функционалноста и естетиката на столната ламба. Истовремено, се стекнав со искуство и научив како функционираат машините, кој алат за што е и како се употребуваат. Додека го изработував продуктот, ги имавме на располагање сите потребни машини и суровини за да се изведе мојата идеја и генерално идеите на моите колеги.

За соработката при процесот, за менторите би сакала да кажам…

Процесот се одвиваше во пријатна и креативна атмосфера. Пред сѐ, благодарна сум на менторката Катерина Трпковска која го сподели нејзиното богато искуство во пронаоѓање на креативни решенија при производство на мебел, со тоа што ми помогна во реализацијата на овој продукт.

Додека пак, во развојот на идејата стигнав многу лесно, следејќи го дизајнерскиот пристап којшто ја нагласува функционалноста, со помош на менторот Апостол Тноковски.

Другарски совет за сите оние кои сакаат да се запишат на академија во „Скала“…

Во моментов, ентериер и продукт-дизајн е распространета и барана професија. Академијата во „Скала“ нуди нова програма којашто ги следи трендовите и потребите на креативните индустрии. На Академијата, ќе имате можност да учите од супер искусни и професионални ментори од кои и јас лично научив многу.

Искрено ви ја препорачувам, затоа што оваа Академија е идеалното место за да стекнете знаење!

Девојки, дизајнерки, ви благодариме што ни споделивте нешто повеќе за вашата приказна од идеја до реализација на вашите парчиња мебел. Вашето искуство е вистински пример за практичното образование коешто го стекнуваат нашите студенти од развој на скица, па сè до изработка на финален продукт.

Погледни ја севкупната програма на Академијата за ентериер и продукт дизајн и искористи го попустот за ран упис, не дозволувај твојот дизајн за ламба да остане само скица во тетратка! ♥

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

The post Од развој на скица до дизајн на парче мебел appeared first on Skala School.

Студентите од Aкадемијата за UX/UI+дизајн успешно ја градат својата кариера како веб дизајнери, а дел од нив денес се и колеги во Vendor – платформата којашто успешно ги решава главните проблеми на е-трговијата. 

За искуството во Vendor, соработката со колегите и добрите практики научени од Академијата поразговаравме со Ирина Чабуковска, Ивана Коцева и Марија Бежаноска, студенти на Aкадемијата за UX/UI+ дизајн и Теона Димова, алумни-студент на Aкадемијата за графички дизајн.

Ирина Чабуковска

Разговорот го започнавме со Ирина Чабуковска, која ни сподели повеќе за нејзиното работно искуство како UI/Web дизајнер…

Веќе речиси месец дена сум во Вендор и со сигурност можам да кажам дека ова е одлично искуство.Имам можност да работам на многу интересен проект и да се фокусирам на развојот на истиот. Постојано го применувам искуството од Академијата, за да создадам квалитетни дизајни, подготвена сум да учам и да ги развивам своите вештини на оваа позиција.

Дел од работниот процес на еден веб-дизајнер е барањата на клиентот да ги преточи во функционален, визуелно допадлив и лесен за користење веб-сајт. За искуството и предизвиците  како веб-дизајнер, таа ни сподели…

Работата исполнува и стимулира. Во моменти кога се соочувам со проблем, се насочувам кон креативно размислување, планирање и соработка со тимот. Така учам нови работи коишто ми помагаат да ги надминам проблемите.

Низ разговорот, ни посочи и кои се најзначајните научени лекции од Aкадемијата за UX/UI+ и како истите ѝ користат при работата денес…

Научив да истражувам – клучно е правилното пребарување на моменталните трендови и правила во светот на UX/UI. Ja развивав својата креативност и иновативност, а дознав и многу нови алатки коишто ги користам секојдневно и ми се многу корисни за правилна комуникација со мојот тим.

Теона Димова

Покрај Ирина, во Vendor повеќе од една година е и нашата алумни-студентка, Теона Димова. За неа, ова работно искуство е од особено значење и за истото ни сподели…

Кога ќе се сетам на првиот работен ден во ретроспектива, не ни можев да претпоставам  дека толку добро ќе се снајдам и ќе уживам во работата!

Работата ми е динамична, несекојдневна. Секој ден е ден-предизвик и токму тоа го барав по завршувањето на Академијата -нешто коешто ќе ме поттикне да пораснам, да се обидам во различни домени на индустријата, а сега, по една година – знам дека ја направив правилната одлука.

Кога со неа се навративме на студентските денови на Академијата за графички дизајн и како ѝ помогна тоа искуство, таа ни сподели…

Ми помогна на многу начини, а најважно беше да се отворам креативно, а со тоа да дојдам чекор поблиску до она што го бараат клиентите. И уживам!

Vendor е платформа којашто преку најнови технологии овозможува креирање на е-продавница за само неколку секунди. Vendor e продукт на компанијата Altius која што повеќе од 8 години изработува дизајни, веб-сајтови и мобилни апликации. Еден од основачите на Altius e Дејан Милосавлески, наш долгогодишен соработник и ментор на Aкадемијата за UX/UI+ кој денес, во соработка со Ирина, Теона и Марија, успешно креира уникатни
e-commerce дизајни за клиентите на Vendor.

Марија Бежаноска

Марија Бежаноска пак, е многу возбудена за новата работа, а веќе 2 недели е дел од тимот.

Си ја сакам работата и уживам во соработката со моите нови колеги и се радувам што придонесувам за успехот на компанијата. Секој работен ден ни почнува со планирање на задачите и ефективна работа во пријатна средина.

За соочувањето со работните предизвици на еден UX/UI+ дизајнер, особено откако завршија студиите, ни сподели…

Предизвиците се постојано тука, а со истите се соочувам преку следење на најновите веб-дизајн трендови и координација со поискусните колеги. Но, ова не би било возможно без искуството коешто го стекнав на Академијата за UX/UI+ дизајн. Преку развивањето и усовршувањето на дизајнерското око и примената на модерните текови во UI-дизајнот, како и градењето работни навики, севкупното искуство на работа е успешно!

Ивана Коцева

Од искуствата на работа, преминуваме на Ивана Коцева која од неодамна започна со пракса во Vendor и соработува со своите колешки од Академијата. За нејзиното едномесечно искуство како практикант, ни сподели ….

Неверојатно позитивно искуство! Од самиот почеток работам на реален проект каде што можам практично да го применам моето знаење и да соработувам со тим од талентирани професионалци. Праксата е одлично искуство. Најзначаен предизвик засега ми е постојаното изнаоѓање креативни решенија за различни проблеми што ми овозможува да ги надградам своите вештини.

Од клупи – на пракса. Што научи од Академијата?

Преку Академијата, стекнав знаења и вештини кои што сега ги применувам секојдневно, овозможувајќиси да напредувам во моите задачи и да придонесам за проектот во кој што сум вклучена. Од сѐ што научив, би ги издвоила лекциите за UX-дизајн и frontend-програмирање, како највредни во мојата сегашна улога.

Девојки, се радуваме на вашите искуства и ви посакуваме уште многу успешни проекти во вашата кариера! Само напред!

Погледнете ја програмата на Aкадемијата за UX/UI+ дизајн, раните уписи се веќе во тек, зграпчи ја можноста, се гледаме на Академија – време е за промени!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

✰ ✰ ✰

The post Вработени на последниот час – студенти од Академијата за UX/UI дизајн appeared first on Skala School.

Прочитајте и за активностите на нашите ментори, нашата школа, но и информации од формален и неформален карактер.

Ова е само една кратка приказна за успесите на нашите студенти и случувања кои ги обележаа изминатите месец-два.

НАШИТЕ СТУДЕНТИ…

1. СКАЛА – ЕДИНСТВЕНА ШКОЛА ОД НЕФОРМАЛНОТО ОБРАЗОВАНИЕ на изложбата „Професори и студенти“ во МКЦ!

Нашите студенти заедно со своите ментори, месецов од 9 до 21 јуни ги изложија своите дела во галеријата на МКЦ во рамки на изложбата: „Професори и студенти.“

Од Академијата за визуелни уметности, менторот Зоран Кардула се претстави со филмски постер „Star Makedonium Wars“, a од студентите се претстави Ана Попоска со својот филмски постер „Gummo“. Потоа, од Академијата за графички дизајн, се претстави уметничкиот двоец сочинет од Дејан Џолев и Антонио Станков, со фотографијата „Слобода“, и студентката Сара Фиданоска, со своја рекреација на „Nude“ од Ване Костуранов.

Со свои дизајни се претстави и Академијата за ентериер и продукт дизајн со менторот Апостол Тноковски и неговиот дизајн на пијано „Wave black“, како и студентката Мартина Пенева, со својот продукт дизајн на ламба, „Тable Lamp“.

2. Се случи завршната изложба „Галерија 23“ со дела од нашите учесници од обуките и курсевите за сезона XXIII

На 17ти јуни, во просториите на Скала во Паблик рум, се случи завршната изложба на курсеви и обуки за возрасни и млади, „Галерија 23“.

Спојот на автентични дела и креативните авантури на студентите беа заокружени со доделување на +100 СЕРТИФИКАТИ, кои ги доделија нашите ментори на курсевите за фотографија, филмски актер, кроење и шиење, цртање и сликање, курсевите од ADOBE алатките: Photoshop, Illustrator, InDesign, Xd, PremierePro, After Effects… програми кои се реализираа во периодот од март до јуни 2023 година.

НАШАТА ШКОЛА…

3. Имавме успешен настан – се случи третото издание на „Добро утро креативци“

Саемот за креативни искуства и размисли, „Добро утро креативци 3.0“ , оваа година ги отвори вратите за прашањето „Утрото по 2023 година“.  На 26 мај, Паблик Рум беше полн со посетители, учесници и љубопитни гости.

Почетокот го обележа панел дискусијата на истоимената тема, во којашто збор имаа: Небојша Гелевски-Бане – графички дизајнер,  Владимир Јанчевски – куратор во МСУ, Матеј Богдановски – уметник и Кристина Крагујевска – адвокат. Преполна просторија, интензивни прашања околу AI-технологијата и алатките за користење на истата. Плодна дискусија која отвори морални дилеми, но и многу заклучоци околу тоа во кој правец се движи креативната индустрија, и воопшто статусот на еден креативец, уметник, дизајнер. Модератор на отворената расправа беше Дејан Џолев.

Во продолжение на настанот, отворената изложба во „Скала галеријата“ беше преполна од посетители, а главен адут беа делата кои беа избрани на Конкурсот кој опфаќаше средношколци и студенти.

Првото место го доби средношколката Сара Андоновска, за чие дело доби награда: стипендија во висина од 100.000 денари за учебната 2023/24 или 2024/2025 на една од Академиите.

Крајот на Саемот „Добро утро креативци“ го заокружи музичката програма кадешто настапи пејачката Миа Перевска, со перформанс и AI визуелизација креирана за самиот настан.

4. 11 години Скала! Роденден, мала забава…

Mесецов одбележавме 11 години постоење на Скала Школата за дизајн и уметност. 11 години неуморно создавање нови образовни практики, вмрежување со креативната индустрија и отворени врати за младите уметници, креативци, дизајнери да си го пронајдат својот професионален и личен простор!

Прославивме во кругот на најблиските со шампањ и торта <3

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

5. Повик за стипендии во Скала!

Во пријатен и неформален амбиент, наставниот тим на Скала изминатите 4 дена интервјуираа 112 креативци и креативки, подготвени за развој и промени.

Повикот за аплицирање е тек! Искористи ја можноста, пополнија пријавата и освој една од вкупно 30 стипендии:

6 целосни стипендии / 100% школарина;
12 делумни стипендии / 50% школарина;
12 ваучери // 20% попуст;

на Академиите за:

Академија за ГРАФИЧКИ ДИЗАЈН
Академија за UX/UI+
Академија за ВИЗУЕЛНИ УМЕТНОСТИ
Академија за МОДЕН ДИЗАЈН
Академија за ЕНТЕРИЕР И ПРОДУКТ ДИЗАЈН
Академија за ФОТОГРАФИЈА

Кандидатите кои ќе аплицираат ќе бидат повикани на кратко интервју со координаторите и дел од наставниот кадар на академиите.

Повикот е отворен за два типа на кандидати, со различни критериуми на вреднување:

★ Кандидати со порфолио;
★ Кандидати без порфолио;

Започни со промената веднаш, аплицирај тука!

6. Академијата за моден дизајн доби 15 лиценци за користење на најсовремен софтвер!

На Академијата за моден дизајн имаме прекрасни новости. Во соработка со Browzwear University институтот од Америка, Скала доби 15 лиценци за користење на оригинален софтвер за дигитална илустрација кој за првпат ќе биде искористен во рамки на програмата на Академијата за моден дизајн.

Како пионери во оваа област, нашите студенти ќе имаат можност да ги учат софтверските можности, како и можност за презентации, идеи и размена на искуства на глобално ниво.

7. Студентите ги презентираа проектите од вториот семестар.

Изминативе две недели студентите од Академиите за дизајн ги презентираа своите проектни задачи пред менторите од Акамијата. СКАЛА има развиено свој унифициран систем на вреднување. Севкупниот прогрес и напредок на секој студент се анализира, коментира и класифицира во една завршна единица.

Честитки драги студенти за постигнатиот успех!

НАШИТЕ МЕНТОРИ…

8. Aлександар Ношпал со Париска ревија и костимографија на балетска претстава

Нашиот ментор од Академијата за моден дизајн беше костимограф на балетската претстава „Ma Mere l’Oie“ во престижната париска палата Гарние. Учениците од Балетската школа при Париската опера ги носеа креациите на Ношпал и на двата балетски концерти, „Concerto en re“ и „Raymonde“.

Честитки!

9. Апостол Тноковски го дизајнираше ICARUS, „летачот“ –  паметен рачен часовник

Менторот на Академијата за ентериер и продукт дизајн го претстави своето најново дело – рачниот паметен часовник, суштински додаток за модерната ера. ICARUS e инспириран директно од грчката митологија и приказната за Икар кој летал премногу блиску до сонцето.

Дизајнот всушност го симболизира стремежот да се достигнат нови височини – така што елеганцијата му е во самата линија и облини, а телото од нерѓосувачки челик.

Безвремен дизајн, браво Апостол!

10. Гордана Вренцоска со плакат за изложбата на ДЛУМ, „Експериментален цртеж“

Менторката на Академијата за графички дизајн, уметницата Гордана Вренцоска, го изработи дизајнот на плакатот за изложбата на ДЛУМ, под наслов „Експериментален цртеж, 2023“, каде учествуваа преку 30 уметници со дела во техника цртеж на хартија.

Освен постерот, таа учествуваше и со своето дело „Љубовен триаголник“.

11. Драги Неделчевски доби Прва награда на „Денови на македонска фотографија“

На годинешното 61-во издание на манифестацијата „Денови на македонска фотографија“ на Фото сојузот на Македонија, нашиот драг ментор Драги Неделчевски се закити со прва награда за колекцијата сочинета од три фотографии, насловени „Артефакти“.

Честитки маестро!

_____

Уписите за новата Академска 2023/24 година се во тек!

+ Aплицирај за стипендија во СКАЛА!



Погледни што се случуваше оваа пролет 2023.

The post Ова е само една кратка приказна за… appeared first on Skala School.

Ве каниме на 11 пишувачки парчиња стилизиран и илустриран текст на тема „Скала роденден“.  Ќе забележите различни формати, различни вкусови, AI илустрации (text to image) и живи пишувачки елементи. Нека биде радост, нека биде дизајн што зборува овој ден!

Стилска вежба број 1: Прес-копи

Изминатите 11 години, Школата за дизајн „Скала“ се разви во водечка институција за едукација во областа на дизајнот. Со повеќе од 3500 обучени и дипломирани креативци, нашата школа има огромно влијание во креативната заедница и локалните компании од креативните индустрии.

„Скала“ успеа да развие 7 академски програми за дизајн и технологии, преку кои нашите студенти се обезбедуваат со неопходните знаења и вештини за успешна кариера во својата област. Освен тоа, Школата спроведе и преку 50 различни типови на обуки, курсеви и работилници за возрасни и деца во областа на уметностите, дизајнот и технологиите, со што го поддржува развојот на креативноста и кај пошироката јавност.

Нашиот пристап и методи на учење вклучува менторство од долгогодишни професионалци од креативните индустрии и професори од локалните универзитети. Споделувањето на знаење и искуства со нашите студенти е еден од најважните фактори за нивниот успех.

Покрај тоа, „Скала“ има и социјално ангажиран аспект, со преку 100 иницијативи, активности, семинари, јавни предавања, изложби, проекции, саеми, настани од хуманитерен карактер и друг тип на организирани настани, подарок за нашата заедница и општество.

Денес ни е роденден, продолжуваме да подаруваме!

Стилска вежба број 2: Ода

Ooo една Школа

И една водечка мисла

И институција

Преку 3500 креативци

Ги дипломира и поттикнува

И не само нив

И целата креативна индустрија

Заедно со нив, се развива

Со седум академски програми

Скала кон небеса се развива

Студенти – вешти и оснажени

За кариера ги подготвува.

Обуки, наредени, курсеви сезонски

Работилници за деца и возрасни

Уметност, дизајн и технологии:

Сѐ се остварува во сите области!

Пристапот е важен

И менторство од професионалци

Споделуваме знаења и искуства

За студентите да се зналци

И не само така,

И не само оваа ода мала

Преку 100 иницијативи, активности, семинари

Јавни предавања, изложби, проекции… организираше „Скала“.

И не само така,

И не само оваа зборовна моќ

Денес на „Скала“ ѝ е роденден,

Таа е вистински подарок.

Стилска вежба број 3: Неочекувано

А: Еј, Скала ли?

Б: Да, да. Па, 11 години слават.  А бе роденден им е.

А: Навистина?

Б: Да, да… слават многу убав повод, 11 години се водечка институција за едукација во областа на дизајнот!

А: Ејаа! Да? Не сум знаел. Ама знам дека има обуки, курсеви, академии…

Б: Да, да… ете тоа, гледаш, си го дознал. А знаеш ли дека има преку 3500 дипломирани креативци кои сега се вклучени во различни креативни индустрии?

А: Навистина? Wow.

Б: Mхм. И не само тоа. Развиваа и 7 програми за дизајн и технологии, реткост во нашево поднебје. Имаа и обуки и курсеви за деца! Kids, знаеш, како песнана на MGMT.

А: Не сум ја чул, ама добро… Баш јако!

Б: И те како! Па и менторите им се ептен профи. Креативци од различни индустрии и универзитети.

А: Види види… Баш не очекував ваков развој на настаните!

Б: Е кога сме кај настани, знаеш ли и дека „Скала“ организира настани? Иницијативи, предавања, што сѐ не… Социјално се ангажирани ептен! И саеми и изложби, главната дејност. Изложби на млади уметници.

А: Како мене? Така?

Б: Како тебе, да. Ти си подарок за нив, а тие за тебе. Оди сега на часови, те запишав.

А: Wow. E ова баш не го очекував.

Стилска вежба број 4: Гастрономски

Школката со лимон… Овај, Школата за дизајн „Скала“ е водечка институција за едукација во областа на дизајнот како торта со 11 вкусови. Обучува преку 3500 гладни дипломирани креативци, гладни за знаење, за чоколада и сонце. Секако, нашата школа има огромно путер-влијание во креативната заедница и локалните ванила-компании од креативните индустрии.

„Скала“ развива седум кифлести академски програми за дизајн и технологии со сусам, а нашите студенти се нахранети со неопходните знаења и вештини од својата област. Освен овие седум солени кифлички, постојат и преку 50 видови пралине-обуки, курсеви и работилници за деца и возрасни. Поддршката во развојот на шеќерната креативност и пошироката јавност се важен сегмент којшто најчесто се конзумира топол, со вкус на лешник, бела чоколада и јагода.

Пристапот и методите на учење вклучуваат ментол-бонбони и менторски професионални портрети, обложени со златна чоколада, по потекло од креативните индустрии и професори од локалните универзитети, полни какао. Споделувањето медено знаење и искуства од авокадо- тост со нашите студенти е еден од најважните фактори за нивниот успех.

Покрај тоа, „Скала“ е социјално ангажирана од аспект на месење активности во коишто создава благи иницијативи, јавни предавања на зборообразни шеќерни волни, изложби на слатка уметност, саеми и настани на коишто се пие вино и шампањ.

Вистински подарок, послужен на сјајна чинија за нашата заедница и општество.

Стилска вежба број 5: Расказ

Си беше еднаш преку седум мориња, седум реки и седум дискотеки, една Школа за дизајн „Скала“, којашто била главна во едукацијата и областите како дизајн и уметности. Во неа, доаѓале и се дружеле и учеле безмерно многу студенти, млади и не толку млади ментори, пријатели соработници од цела околија… Едно чудо креативци, а од нив 3500 кои добиле диплома за успешно завршена Академија со сите почести.

Во тоа време, „Скала“ развивала седум академски програми, а на студентите им се давала неопходната умствена моќ и вештина преку тие програми. И не само програмите, таму имало и преку 50 различни типови на обуки, курсеви и работилници за креативност низ годините, еден гооолем и развиен сет од вредности коишто во таа заедница биле многу битни да ги имаш.

Е сега, не само што владеело убавото и дизајнот, таму важни биле и многуте ментори, сите со професионална заднина и професорска сила, храбри витези во школскиот систем каде што со студентите имале прекрасна взаемна соработка.

И така, „Скала“ станала и една од ретките места зад седумте ридови и реки каде што се случувале и социјално важни ангажмани: не само иницијативи, имало јавни предавања среде шумата, изложби низ целиот пејсаж, работилници, саеми и настани на коишто студентите се вмрежувале и се дружеле.

Навистина, „Скала“ била одличен пример за тоа како се создава приказна којашто може да се раскаже.

Стилска вежба број 6: Логичка анализа

Година на раѓање: 2012.

Роденден: 11-ти.

Дејност: Школа за дизајн и уметност.

Над 3500 обучени креативци.

Влијание во креативната заедница.

7 академски програми за дизајн и технологии.

Спроведени 50 типови на обуки.

50 курсеви.

20 работилници.

Возрасни.

Деца.

Ангажираност.

100 иницијативи.

30 изложби.

60 проекции на филмови.

3 саеми.

Илјадници другарства.

Роденден.

Денес.

Продолжуваме да подаруваме.

Стилска вежба број 7: Тогаш

Тогаш, Школата за дизајн „Скала“ се отвори и по 11 години стана водечка институција за едукација во областа на дизајнот. Тогаш, обучи преку 3500 креативци, а не само што тогаш имаше влијание како и сега, креативната заедница и локалните компании тогаш ја препознаа како главна движечка сила за младите креативци.

Тогаш „Скала“ развива 7 академски програми за дизајн и технологии, а нашите студенти се обезбедени со неопходни знаења и вештини во својата област. А и не само тоа тогаш, „Скала“ спроведуваше и преку 50 различни типови на обуки, курсеви и работилници за деца и возрасни низ годините, со што тогаш станува поддршка во развојот на креативноста и кај пошироката јавност.

Нашиот пристап и методи на учење тогаш вклучуваат менторство од долгогодишни професионалци од креативните индустрии и тогашните професори од локалните универзитети. Споделувањето на знаење и искуства со нашите студенти тогаш е еден од најважните фактори за нивниот успех.

Покрај тоа, „Скала“ е социјално ангажирана од тогашен аспект на активностите во коишто создава иницијативи, јавни предавања, изложби, работилници, саеми, настани.

Тогаш таа е подарок за нашата заедница и општество.

Стилска вежба број 8: Театар

Чин прв

Сцена 1:

11 луѓе стојат во еден ред и гласно извикуваат:

„Денес ни е роденден, денес ни е роденден!“

Сцена 2:

Една Скала се шири и тегне и почнува да раскажува:

„Веќе 11 години растам и еве ме. Преку 3500 креативци се дел од мојот свет. И не само тоа – тие се вклучени и во креативната заедница околу мене!“

(11-те луѓе ракоплескаат)

Чин 2:

Сцена 1:

Скалата седнува на режисерското столче и прашува еден студент кој поминува крај неа:

„На која Академија си ти, момче?“

Момчето, гласно: „На Скала -академијата за дизајн“

Скалата станува од столчето и вели:

„Ехеее, не е само за дизајн, нели? И не е само Академија, има и обуки и курсеви и работилници за деца… И што сѐ не!“

(11-те луѓе почнуваат да џагорат)

Чин трети:

Сцена 1:

Скалата застанува среде сцената и отвора онаков долг лист „Чујте и почујте“:

„Нашиот пристап и методи на учење вклучува менторство од долгогодишни професионалци… Еј чекај! Дојдете ментори!“

(ги повикува на сцена менторите да се поклонат).

(менторите излегуваат од публиката и се поклонуваат).

Сцена 2:

(11-те луѓе седнати на маса се довикуваат, еден зборува, друг мести платно, трет стои на табла и нешто запишува, некои се ракуваат, местат микрофони, фотографираат, чукаат со чекан-шајки во воздух)

Скалата седи на режисерското столче и ги гледа. (Станува и аплаудира.)

11-те луѓе:

„Денес ни е роденден“ -извикуваат сите во еден глас.

(се поклонуваат).

Стилска вежба број 9: Лежерно

Школата за дизајн „Скала“ навистина ја бидува како институција во областа на дизајнот. Преку 3500 креативни дечки дипломираа на Школата во овие 11 години, а не само што ги обезбеди нив со знаење, си „гази“ и во креативната заедница, a локалните компании секогаш им се тука за поддршка.

„Скала“ развива и 7 ептен добри академски програми за дизајн и технологии и ретко интересни обуки, курсеви и работилници и за млади и не така млади студенти. На пример, преку 50 различни обуки значат дека пошироката јавност и луѓе кои сакаат да се вклучат во некое хоби или интерес од нивен тип – имаат шанса баш преку „Скала“. Што е топ!

Освен што се одлични во преносот на знаење и методи на учење, имаат и профи ментори. Менторите им се сериозни професионалци во својата област, а докажани се и во креативната индустрија и во локалните универзитети. Со нив, студентите си имаат неформален, а природен однос и најважното: споделеното знаење што е најважен фактор, фактор број 1 за нивниот успех!

Да не заборавиме дека „Скала“ и социјално е засегната од аспект на активности во коишто прави „све и свашта“ за да биде дел од поголемата слика, се залага за отвореност, креира платформи, изложби еден куп, работилници, саеми, настани… Поклон до земја, поклон за сите нас!

Стилска вежба број 10: За допир

Цврстата Школа за дизајн „Скала“ е водечка институција за нежна едукација во областа на строгиот дизајн. Обучува преку свиленкаст начин преку 3500 дипломирани креативци, а истовремено пулсира во креативната заедница и локалните компании коишто се во допир со неа.

Ако ја развиеме во 7 академски програми, тешки за држење, но едноставни за носење дизајн и технологии, ќе дознаеме дека студентите се обезбедуваат со крупни и силни вештини од својата област. Но и не само тоа. „Скала“ спроведува течно знаење преку 50 различни типови на обуки, курсеви и работилници за деца и возрасни низ годините, со што прави железна поддршка во развојот на мрежата од креативност и знаење и кај пошироката јавност.

Цврстиот пристап и методи на учење вклучува и кадифено менторство од долгогодишни професионалци од креативните индустрии и професори од локалните универзитети. Споделувањето на топло знаење и искуства со нашите студенти е еден од најважните фактори за нивниот успех.

Покрај тоа, „Скала“ е социјално ангажирана од аспект на ладните активности во коишто создава топли иницијативи, јавни предавања, мокри изложби, испарувачки работилници, крупни саеми и настани. Подарок е за нашата заедница и општество.

Стилска вежба број 11: Мене ми…

Мене ми е Школата за дизајн „Скала“ водечка институција за едукација во областа на дизајнот. Мене ми обучува преку 3500 дипломирани креативци, а секако мене ми има влијание и во креативните заедници и локалните компании од креативните индустрии.

Мене „Скала“ ми развива 7 академски програми за дизајн и технологии, а мене и на нашите студенти им се обезбедени неопходни знаења и вештини во својата област. А и не само тоа,  мене ми спроведува и преку 50 различни типови на обуки, курсеви и работилници за деца и возрасни низ годините, со што е поддршка во развојот на креативноста и кај пошироката јавност. И мене ми прави да ми е убаво.

Мене ми е важно што нашиот пристап и методи на учење вклучуваат менторство од долгогодишни професионалци од креативните индустрии и професори од локалните универзитети. Споделувањето на знаење и искуства со нашите студенти е еден од најважните фактори за нивниот успех. Мене ми се чини дека тоа е прекрасна можност.

Мене ми е „Скала“ една од ретките којашто е социјално ангажирана од аспект на активностите во коишто создава иницијативи, јавни предавања, изложби, работилници, саеми, настани.

Мене ми е подарок за нашата заедница и општество.

Како ги славевме изминатите години…

Денес ни е роденден. Продолжуваме да подаруваме. 

🎁

The post Денес ни е роденден. Продолжуваме да подаруваме. appeared first on Skala School.

Цела генерација студенти од Скала-Школата за дизајн од Академијата за UX/UI+дизајн успешно ја почнаа својата работна позиција во дигиталната маркетинг агенција Division. Но, неколку од нив ни раскажаа за нивните искуства додека беа на Академијата и сега откако се вработени.

Издвојуваме тројца од нив кои се во работна атмосфера и ни раскажаа какво им е искуството периодов додека се на работа.

Ги прашавме Марија Степановска, Теоман Максут и Виолета Ристеска, наши алумни студенти на Академијата за UX/UI, сите вработени во маркетинг агенцијата Division како си поминуваат на работа, но и што научија од Академијата.

Уште неколку од генерацијата 2022/23 се во нивниот тим, а тоа се: Стојче Ристова, Ангела Трајановска и Бисера Гиновска. Но тука се и Лука Стојановски, наш алумни студент од Академијата за графички дизајн, кој работи како графички дизајнер, Елена Трајкова, алумни студентка од Академијата за визуелни уметности, која работи видео анимација и постпродукција, Андреј Павлов, наш алумни студент од Академијата за визуелни уметности, кој работи како графички дизајнер, Ивана Пекевска, алумни студентка на Академијата за визуелни уметности, која работи како UX/UI дизајнер, Гаја Смилевска, исто така од Академијата за визуелни уметности која работи графички и моушн дизајн….

Division е маркетинг агенција со преку 20 години творечко постоење, почнувајќи од 2001 година. Освен што ја водат кампањата за првата македонска стриминг платформа Gley, тие имаат преку 40 клиенти со кои соработуваат. Тие се едни од ретките кои испорачуваат иновативна и квалитетна бренд-стратегија и постојано вклучуваат млади креативци во своите редови. Во тимот на агенцијата се неколку наши генерации! 🙂

Марија Степановска

Mарија ни сподели дека преку работата во Division, учи и за комуникацијата со клиентите, клучна кога станува збор за исполнување на одредени очекувања.

Со оглед на тоа дека ми е прво вработување, мислев дека ќе имам потешкотии со приспособувањето на новото работно место, но во Division можам да кажам дека соработниците се многу пријателски настроени и ми олеснија низ комуникацијата да се вклопам веднаш во тимот.
Освен што ми помогнаа да се чувствувам посамоуверено и удобно во мојата нова работна средина, сите секогаш се подготвени да помогнат со било каква задача којашто ја имаш во моментот.

Предизвикот со кој се соочувам како UX/UI дизајнер се – очекувањата и комуникацијата со клиентите. Понекогаш тие очекувања не се реални, па важно е да имаме јасна и отворена комуникација со клиентите во текот на целиот процес.

Но, истовремено дека Академијата ѝ обезбедила многу пошироко знаење во програмските вештини…

Учењето во „Скала“ е неверојатно корисно во мојата работа како UX/UI + дизајнер. Академијата ми обезбеди одлична основа во принципите на user interface и дизајнот на корисничкото искуство. Но, и некои основни програмски вештини во HTML, CSS и ЈavaScript. Oва знаење ми помогна многу во создавањето на естетски и ефективно добри дизајни за нашите клиенти.

Една од највредните лекции што ги научив во Скала беше важноста да се разберат потребите на корисниците и да се дизајнира според нив. Ова влијаеше на мојот процес на дизајнирање, бидејќи давам приоритет на истражувањето и тестирањето на корисниците, со цел да создадам дизајни кои се насочени кон нивните потреби. Менторите ми ја нагласија важноста на интерактивниот дизајн и прототипирањето, што ми помогна многу во тестирањето и усовршувањето на дизајните. Со тоа – да дојдам до најдобрите решенија!

Теоман Максут

Теоман ни сподели како му е на работа, но и што „понел“ со себе од Академијата. Вели:

Како и со секоја работа, така и со нашава, си доаѓаат радосни, но и мигови коишто бараат целосна концентрација. Денот го започнуваме со дневниот состанок на којшто разговараме за сработеното, предизвиците со коишто сме се соочиле и планот за понатаму. Споделуваме заеднички решенија, секогаш „паѓа” по некоја шега и „се фаќаме за работа”.

За мене, најголем предизвик досега беше прецизно проценување колку време би ми било потребно за одредена задача.

Од друга страна пак, академскиот период е секогаш подготовка за „реалниот” свет. Со секоја вештина, па така и со оваа, вистинското учење и „калење на челикот” доаѓа со работа на реални проекти и клиенти. Во тоа, многу ни помогна работата со реалниот клиент на Академијата, како и тоа што научив брзо да одлучувам и да бидам подготвен да го пратам делото на преглед во доволно добра, несовршена форма.

Виолета Ристеска

Виолета ни сподели и интересна анегдота во однос на искуството во Академијата и концептите на веб-дизајнот кои не треба да се само „убави“ на изглед, туку и функционални.

Низ процесот на студирање ми беше многу забавно и запознав прекрасни и креативни луѓе од кои ден-денес учам и сум горда што ги познавам. Благодарна сум на Академијата што се стекнав со вработување веднаш по завршувањето на студиите. Презадоволна сум од можностите коишто ги добив како за тотален почетник и за толку краток период што успеав да сменам кариера.

Секогаш кога имам „луди“ дизајнерски идеи, ми текнува на зборовите на менторот Игор:

 „Немојте многу да се занесвите со дизајнирање, то требит некој да го кодират!“ 🙂 Така што, благодарение на часовите по HTML/CSS & JavaScript, освен што ги научивме основите концепти на веб-дизајнот, научивме и да поставуваме реални граници на нашите „луди идеи“.

Во однос на работата во Division ни сподели…

Ми се допаѓа атмосферата на работното место, колегите, можноста за учење и надградба, како и работењето во тим. Има добра комуникација и конструктивен фидбек меѓу тимот и колегите се секогаш подготвени да ми помогнат со процесот на работните задачи. Морам да признаам дека „pet friendly“ деновите ми се омилени, тогаш во канцеларија ни е презабавно, весело и опуштено.

Предизвик ми е секојдневно развивање на мојот креативен потенцијал.

И ние се радуваме со вас, девојки и момци!
Продолжете да бидете кул и учете, создавајте, менувајте се и секогаш уживајте во професионалната надградба!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

✰ ✰ ✰

The post Division ни „собра“ единаесет студенти од „Скала“! appeared first on Skala School.