Украдовме малку време од неговиот полн продуктивен распоред да поразговараме за тоа што ги очекува студентите оваа учебна година, на Академијата за моден дизајн.

НОШПАЛ: Предметите Вовед во моден дизајн и Модна колекција се во тесна корелација со севкупниот концепт на Aкадемијата за моден дизајн. Имено, студентите ќе имаат можност, преку изработка на портфолија на зададени теми и задачи,  да се запознаат со начинот на формирање и поставување на едно кохерентно и издржано модно досие, коешто ќе ги содржи сите елементи потребни да се презентира, прочита и опише темата, идејата и пораката на креаторот, како и со вештините потребни за техничка елаборација на сите елементи, со цел јасно и детално објаснување и презентација на идејните решенија и изработка на успешен моден производ. Тоа, всушност, подразбира детално и креативно истражување, создавање на концепт и развој на истиот, креирање и илустрирање на одевни предмети со примена на одредена палета на бои и на соодветни материјали, техничка разработка на истите и нивна финална реализација. Главниот акцент, секако ќе биде ставен и на временската рамка на реализацијата на задачите, со цел студентите да се приспособат на брзиот ритам и навремено и професионално исполнување на барањата на модните консументи.

Покрај знаењето и искуството кое ќе го стекнат студентите на предметот „модна колекција“, Александар Ношпал ќе го предаде и предметот „теорија и историја на моден дизајн“

НОШПАЛ: Што се однесува до предметот Теорија и историја на модниот дизајн, студентите ќе имаат можност да се запознаат со феноменот на модата и модниот дизајн, неговите карактеристики, неговиот историски, глобален, антрополошки, културолошки, социолошки, економски и временски контекст, како и со неговата семиотика и семантика. Предметот има за цел да ги поткова студентите со основни познавања на феноменологијата и комплексноста на оваа област, нејзиното локално и глобално влијание врз промените и движењата на општеството, како и нејзиното значајно место во секојдневниот живот и постоењето на човекот.

— —

Александар Ношпал е роден во 1973 г., завршил моден дизајн на Интернационалната школа за моден дизајн, ЕСМОД во Париз, во 1995 година, како најдобар студент на генерацијата. По студиите, стажира во неколку познати париски модни ателјеа, а би го издвоиле неговиот ангажман како асистент-моден дизајнер во модната куќа „Гре“.

Магистерската диплома по моден маркетинг и менаџмент ја стекнал во 2008 година на Универзитетот за Креативни Уметности во Епсом, Лондон. Двапати бил декан: на Факултетот за дизајн и мултимедија при ФОН Универзитетот во Скопје и на Факултетот за дизајн и мултимедија на Универзитетот УДГ во Подгорица.

Во областа на модниот дизајн во Македонија, тој е присутен од 1996 до денес со својата работа како самостоен моден дизајнер од своето име „Ношпал“, воедно работејќи и за неколку модни куќи како што се „Тетекс“, „Кара“, „Систина“. Учествувал во изработка на многубројни модни едиторијали за списанија (1Е магазин, Лајф магазин), во изработка за комерцијални кампањи и календари (Тутунски комбинат Скопје, Скопска Пивара, Алкалоид Скопје и др.), а иницирал и земал учество во многубројни хуманитарни акции со креирање и продажба на негови одевни предмети (кампањата 69 за борба против рак на дојка и др). Тој е креатор на изгледите на четири наши претставници на Евровизија (ХХL-2000 година, Каролина Гочева-2002 година, Тоше Проески-2004 година и Тамара Тодевска-2019 година). Воедно е и дизајнер на новата униформа на Гардата на Република Северна Македонија.

Како театарски костимограф и сценограф, дебитирал во 1998 година во Скопје со легендарната претстава „Убавицата и ѕверот“, која моментално е најмногу изведувана претстава во историјата на македонскиот театар со истиот непроменет визуелен идентитет. Меѓу 1998 и 2020 година, тој има реализирано над 70 театарски костимографии во многу театарски и оперски куќи во земјата и во светот, меѓу кои се вбројуваат и Националната Опера и Балет, Македонскиот Народен театар, Театарот за Деца и Младинци и Театарот Комедија во Скопје (Македонија), Операта во Лајпциг и Балетот на Рајна во Диселдорф (Германија), театарот Сен Гален (Швајцарија), балетската компанија ЕББ (Мадрид), Хрватските Народни Театри во Загреб, Сплит и Риека, а особено би го извдоиле и неговото гостување како костимограф на претставата „Силенциум“ во престижниот руски театар „Бољшој“, која воедно во 2020 година беше најавена како првата пост-ковидна балетска продукција во светот.

— —

Погледнете дел од модните колекции на нашите студенти, кои се претставија на овогодинешниот Моден викенд – Скопје.

Уписите за новата генерација студенти на Академијата за моден дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post АЛЕКСАНДАР НОШПАЛ – НОВ МЕНТОР НА АКАДЕМИЈАТА ЗА МОДЕН ДИЗАЈН appeared first on Skala School.

Здраво Тијана, беше дел од Aкадемијата за ентериер и продукт-дизајн на нашaта школа, но твоето искуство со дизајнот не започнува таму, може ли да ни кажеш повеќе за твоето претходно искуство?

Имам завршено индустриски дизајн при Машинскиот факултет во Скопје. Додека студирав, се гледав себеси како личност со интересни идеи и дизајни коишто, пред сѐ, беа со голема функционалност, дури тоа и ми беше приоритет, сите дизајни што ги создавам мораа да имаат голема функционалност и практичност, додека изгледот на дизајнот го оставав да биде едноставен и минималистички, но секогаш сакам да е со врвен квалитет и одлични материјали, без некој дополнителен шмек (од денешна гледна точка). Сѐ уште сум вљубена во минимализмот и во природните материјали, но увидов во себе дека ја имам и таа карактеристика на ирационалност во поглед на дизајнот, дури и кога се работи за облека. И да сум само во една боја облечена, секогаш на крај додавам нешто шарено или контрастна боја којашто ќе се истакне. Од тоа сфатив дека секогаш мора да имам нешто коешто ќе ме издвои по стил како понатамошен дизајнер и креатор.

За време на студиите, дизајнерското студио Siideess, отвори повик за вработување на еден наш студент. Денес ти си дел од тимот, раскажи ни повеќе за твојот професионален ангажман.

Да, тоа е точно и можам искрено да кажам дека уживам. Како девојка која отсекогаш се плашела дали е доволно зрела за сериозна работа и одговорности и проблеми коишто доаѓаат со сето тоа, можам да се пофалам дека мојата прва работа е едно големо учење, работење на тоа како функционира создавање на едно парче мебел и дека не е само како на слики „да изгледа убаво“, туку се работи за цел процес на исполнување на своите замислени идеи и дизајни… притоа тие да се со врвен квалитет и без никакви аномалии и на крајот да се добие совршен производ, а треба да се знае и како да се продадеш на целната група луѓе, кои знаат како да го ценат твојот труд и квалитет во производите. Најмногу ме радува тоа што целиот процес на изработка можам да го гледам и додека се сече и се обработува и кога треба да се пакува и да се испрати на адресата на купувачот. Сето тоа дополнително ме инспирира да се влужувам себеси целосно и да се трудам да бидам и јас дел од подобрување на процесот и изработка на нови дизајни.

Која е твојата желба и цел и каде се стремиш да стигнеш во својата кариера?

Желба и цел во животот ми е да имам свое дизајнерско студио коешто ќе работи со дизајн на ентериери и продукт-дизајн. Дизајнот на ентериери го гледам како многу елегантна работа, но во исто време е и многу „захтевна“ и бара многу внимание, особено кога се во прашање инженерските и мајсторските работи, но тоа е еден целосен процес којшто ме исполнува. Кога можеш од гол и празен простор да направиш дом, совршен за живеење. Тоа дизајнерско студио би сакала да биде раширено надвор од нашата држава и дизајните да бидат препознатливи до тој степен, што купувачот кога ќе го види, ќе знае кој стои зад дизајнот и ќе си рече „а па да, тоа и личи на неа“ или „знаев дека е нејзин дизајн“ и секако да го купи затоа што ќе бидат функционални и убави. Можеби е цел што скоро секој дизајнер ја посакува, но секој сака да се истакне и да се одликува по својот изразен стил и вкус во поглед на дизајнот.
Кога работиш како дизајнер, работиш на подобрување на работите во светот и на олеснување на проблемите на луѓето, затоа сметам дека треба да ги цениме луѓето кои ги создале предметите и ги унапредиле и со уште поголем замав работат на тоа да бидат уште подобри и да создаваат подобри и поиновативни производи.

Дали можеш да издвоиш омилен ментор и предмет?

Омилен ментор за мене е Апостол, кој ни беше ментор на предметот дизајн-процес. Според мене, е омилен од страна на целата група, затоа што најзабавно сме си поминувале на неговите часови и така и како група повеќе се споивме. Начинот на предавање на Апостол е многу интересен и не е класичен, туку на начин на којшто многу полесно можеме да ги научиме работите. Секогаш имавме опуштена атмосфера кога имавме час и односот кон нас беше пријателски, за сѐ можевме да зборуваме со него, исто како да сме на кафе негде седнати, а не на час. На тој предмет и како група сфативме дека заедно многу добро функционираме, што додатно нѐ спои.

Уписите за новата генерација студенти на Академијата за ентериер и продукт дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post СЕКОЈ ДЕН УЖИВАМ НА МОЕТО ПРВО РАБОТНО МЕСТО appeared first on Skala School.

НАШИТЕ СТУДЕНТИ…

1. Филмска премиера на големото платно во Кинотека на Македонија

Горди сме на студентите кои ни го овозможија задоволството да ги гледаме на големото филмско платно во летното кино на Кинотека на Македонија. Уживавме со пуканки и ладен пијалак на шесте филмски премиери: „Вчера што ми се случи“ – среднометражен игран филм, под менторство на Теа Беговска, од обуката за филмски актер, „Paradox” во режија на Александар Томовски од обуката за филмска режија, филм којшто во меѓувреме учествуваше на повеќе од 50 интернационални филмски фестивали и освои десетици награди, како и филмовите „Аgeisam” во режија Анде Јанков, „Blindness” во режија на Софија Христовска и „Date” во режија на Оливер Милески.

2. Студентите од академиите за графички дизајн и визуелни уметности на работен семинар во Маврово

Уредниците на студентската платформа за дизајн и современа уметност „Скала магазин“, секогаш се поттикнати да работат на нови проекти и содржини. Овој месец, беа дел од тридневниот тренинг организиран од „Young Cities” каде што ја подготвуваа летната уредувачка содржина и политика. Следете нѐ!

3. Изложба на фотографии

На 12 јуни, јавно се претставија 19 студенти по фотографија на групна изложбена поставка на концептуална фотографија. Под сите мерки и протоколи и задолжителни ладни пијалаци 🙂 

4. Алумни-студентките на Академијата за моден дизајн -дел од модна ревија организирана од британската кралица Елизабета II

Академијата за моден дизајн, отвара многу можности, а доказ за тоа се и алумни- студентките Ева Поп Таневска и Мирјана Јосифоска кои беа дел од еко – ревијата во Музејот на современа уметност во Скопје каде што беше одбележан Националниот ден на Обединетото Кралство во чест на роденденот на кралицата Елизабета Втора. Дел од дизајните беа наменети и за британскиот заменик – амбасадор Доминик Отвеј.

Честитки Мирјана и Ева, ви посакуваме многу успешни ревии!

5. Студентот Мартин Николоски го промовираше новиот продукт

Мартин Николоски – студент од Академијата за графички дизајн, овој месец го промовираше својот најнов продукт, MX.TYPO. Се работи за персонализиран збор или порака, изработени од метелна мрежа и арматура. Воедно, тој изработува и персонализирани мрежи, а ни најави и нов продукт за блиска иднина – MX.FEMME.

6. Асистентот Антонио Станков, неуморно создава

Асистентот и алумни-студентот при Академијата за визуелни уметности, Антонио Станков, е неуморен кога се работи за модни фотографии! Изминатиот месец, меѓу другото, работеше фотоедиторијал за модниот дизајнер Давид Стојановски.

7. Студентот Андреј Павлов за Sturm und Drang

Особено сме горди на нашиот студент Андреј Павлов, кој го изработи целосниот визуелен идентитет на Интернационалниот фестивал „Sturm und Drang“! 

НАШАТА ШКОЛА…

8. Уписи за академска 2021/2

Започнаа уписите на најобемните академии за дизајн! Заедно со Институтот за дизајн и технологија – ИДТ, го означивме стартот на академиите за дизајн:

• Графички дизајн
• Визуелни уметности
• Ентериер и продукт-дизајн
• Моден дизајн
• Веб-дизајн

Почеток: 15 октомври 2021

Крај: 15 јули 2022

• Завршна изложба и презентација пред компании
• Заштеда од 300 евра за уписи до 15 јули!

Започни кариера преку нашите академии за дизајн!

9. Аплицирај за стипендија!

На овој повик, нашата школа во соработка со Институтот за дизајн и технологија ќе додели вкупно 9 стипендии, од коишто 4 целосни и 5 полустипендии за учебната 2021/22 на академиите за дизајн:

• ГРАФИЧКИ ДИЗАЈН

• ЕНТЕРИЕР И ПРОДУКТ-ДИЗАЈН

• МОДЕН ДИЗАЈН

• ВИЗУЕЛНИ УМЕТНОСТИ

• ВЕБ-ДИЗАЈН

НАШИТЕ МЕНТОРИ…

10. Дејан Џолев, селектор на Sturm und Dang Festival

Основач и ментор при нашата школа, Дејан Џолев, кој воедно е визуелен уметник и филмски режисер, ќе биде во друштво на Никола Маџиров и Емин Џијан, како еден од тројцата селектори на програмата „Нов бран“, на Интернационалниот театарски фестивал Sturm und Dang Festival. Погледнете повеќе на следниот линк!

11. Теа Беговска, креатор на фестивалот Sturm und Drang

Нашата менторка на обуката за филмски актер, Теа Беговска, е креатор на фестивалот “Театарски европски алтернативи” -STURM UND DRANG. Фестивалот оваа година ќе го доживее своето прво издание во коешто ќе понуди богата интернационална програма, претставувајќи театарски европски продукции во доменот на алтернативната сцена. Низ мотото на фестивалот – ПРОДОР – ќе се претстават и уметници од нашата држава. 

_____

Погледни што се случуваше во месец мај.

Уписите за новата Академска 2021/22 година се во тек.

The post РЕТРОСПЕКТОР: Сите се распуштија нашите студенти абер немаат… appeared first on Skala School.

НАШИТЕ СТУДЕНТИ…

1. Студентски проект за Skopje Light District 

Андреј Павлов, Марко Вилиќ, Сара Сарлиева и Милан Димитриев од Академијата за визуелни уметности, се навистина неуморни на часовите и надвор од нив. Заедно со својот ментор по предметот Adobe After Effects, Петар Џон, аплицираа со проект насловен: „Life with(out) the Sun“, а истиот ќе може да го видите на овогодинешниот Фестивал за светлосна уметност „Skopje Light Art District“. 

2. Студентка од Академијата за ентериер и продукт-дизајн се вработи во „Siideess“

Тијана Тошиќ, студентка од Академијата за ентериер и продукт-дизајн, стана дел од дизајнерското студио „Siideess“, каде што рачно изработува мебел и продукти за секојдневна употреба.

3. Студентите работеа на визуелен идентитет за Smart School

Smart School е проект за дигитализација на наставните програми на ИДТ, поддржан од ФИТР, a во соработка со нашата школа. Програмите се бесплатни за сите млади лица до 30 години кои ја изгубиле својата работа за време на пандемијата. Изработката на лого и целосен визуелен идентитет беше доверена на нашите студенти од Академијата за графички дизајн, за што организиравме посебен натпревар. По одличните презентации, стручната комисија го програси победничкото решение на нашиот студент Стефан Танков. Честитки до сите!

4. Љубовна приказна

Имаме бебе! Мама и тато се студенти на Академијата за моден дизајн. На новиот член на овој свет му посакуваме добро здравје и среќни дни. Со огромна радост ја споделуваме веста дека госпоѓица бебе има доживотен ваучер којшто во иднина ќе може да го искористи за било кои едукативни програми во неограничен број и време! 

5. Студентите Ана Иљоска и Александар Томовски – наградени на ДМФ

Последните денови од мај, во Охрид, беа посветени на македонската фотографија, каде што во рамките на 59-тото издание на „Деновите на македонската фотографија“ [ДМФ], беа наградени најдобрите фотографи, меѓу кои и нашата студентка Ана Иљоска, која ја доби втората награда во младинска конкуренција со својата фотографија насловена „Цензура“ и алумни-студентот Александар Томовски, кој доби втора награда за колекцијата насловена „Behind the Curtains“, [1,3,4] како самостоен автор и трета награда за поединечна фотографија „In manibus meis“! ЧЕСТИТКИ!!

6. „Paradox“ на интернационални филмски фестивали

Александар Томовски е млад режисер и фотограф кој патува низ светот со својот краток филм парадокс, кој е работен на програмата „Обука за филмска режија“, под менторство на Дејан Џолев, во продукција на Џолев и уметностите. Филмот иако премиерно беше прикажан пред само три недели, е веќе номиниран 26 пати на различни интернационални филмски фестивали, од коишто досега е 9 пати победник во својата категорија. Дел од нив се:

• 1st Monthly Film Festival (2021) – May Award [Winner] Best Super Short Film
• Art Film Awards (2021) – Art Film Award [Winner] Super Short Film
• Istanbul Film Awards (2021) – May Award [Winner] Best Short Film
• L’ Age d’Or International Arthouse Film Festival (2021) Festival Award [Winner] – One Minute Film
• Tagore International Film Festival (2021) – May Monthly Award [Winner] – ONE MINUTE FILM

7. Студентот Иван Мегленов со самостојна изложба во МКЦ

Нашиот алумни студент – Иван Мегленов кој во 2018 ја доби дипломата за „Најперспективен студент“ на Академијата за визуелни уметности, во мај ја одржа својата прва самостојна изложба насловена како „Носталгија“, во МКЦ.

8. Нашите студентите уредници на Skala Magazine

Од 1-ви јуни официјално започна ангажманот на новата генерација на скалаџии и скалаџики, студенти на Академиите за дизајн. Скала магазин е студентска платформа за дизајн и современа уметност – од студентите за индустријата.

НАШАТА ШКОЛА…

9. 9 години – Школа за дизајн и уметност

Нашата школа наполни 9 години! 9 години посветено и одговорно сме креатори на новата креативна мисла. Поставивме нови стандарди во неформалното образование, воведувајќи нови едукативни методи. На креативната заедница и индустрија преку нашите студенти и подаривме нова свежа артикулирана ликовна и културна свест. Продолжуваме со крената глава и нозе цврсто на земја.

10. Скала магазин –прв печатен број!

Нашата заедница денес е побогата – излезе од печат првиот број на Скала магазин! 136 страници и 3 типа супер квалитетна хартија и печат. Задолжителна лектира за вашата библиотека. Списанието може да се купи и онлајн!

11. Станавме дел од Институтот за дизајн и технологија – ИДТ Скопје

Горди на сѐ што беше постигнато овие изминати години, со голема радост ве информиравме дека Школата за дизајн и уметност „Џолев и уметностите“ од 14 мај и официјално стана дел од новоотворениот „Институт за дизајн и технологија – ИДТ Скопје“, како нова форма за развој и поддршка на прогресивни образовни политики и нови методи на учење.Со тоа, нашите едукативни програми [академии, обуки, работилници и предавања] станаа дел и од портфолиото на ИДТ.

12. Добро утро креативци

Започнавме нова авантура. Го креиравме и организиравме првиот саем за размена на креативни искуства и размисли „Добро утро креативци“. Скала Магазин напиша повеќе за овој настан.

13. Наташа Петровиќ, гостинка на Обуката за филмски актер

Учесниците на Обуката за ФИЛМСКИ АКТЕР, на часот на тема кастинг, имаа можност да добијат практично искуство од нашата позната актерка Наташа Петровиќ, која со своето богато портфолио во областа на филмот и кастингот, одржа предавање, давајќи им насоки на нашите учесници што значи кастинг на локално и интернационално ниво и како еден актер го поминува процесот на подготовка.

 14. Билјана Јуруковски, гостинка на Курсот по фотографија 

На редовниот час по „Фотографија“, имавме гостин, а гостинот ни донесе гостин. Огромно изненадување и задоволство ни беше да се дружиме со маестралниот Драги Неделчевски и со Билјана Јуруковски, фотографка со огромна пасијa за документаристика на африканските домородни племиња.

15. Започнаа уписите за новата академска 2021/22 година 

Нашата школа и ИДТ ги најавија новите уписи за седумте академски програми и тоа:

• Академија за графички дизајн
• Академија за ентериер и продукт-дизајн
• Академија за визуелни уметности
• Академија за моден дизајн
• Академија за product owners (Ново) 
• Академија за софтвер-тестери (Ново)
• Академија за веб-дизајн (Ново)

Повеќе информации на официјалните веб-страни на https://djolevandthearts.edu.mk/ и https://idt.mk/

АПЛИЦИРАЈ ЗА СТИПЕНДИЈА: ВЕДНАШ!

16. Успешно завршија програмите: Adobe Illustrator, Adobe Photoshop, Филмски актер, Цртање и сликање, Кроење и шиење.

Учевме, работевме, презентиравме, снимавме! 

На ADOBE ILLUSTRATOR, курсистите, за само 8 термини, практично изработија свое мини портфолио од вежбите на часовите: форми, дизајн и редизајн на лого, флаери, постери… коишто успешно ги преставија пред својот наставен координатор и менторот.

На обуката за ФИЛМСКИ АКТЕР, нашите учесници (актери) се запознаа со основите на актерството – игра пред камера. Со својата менторка, Теа Беговска, успешно реализираа 4 снимачки сетови во коишто снимија 8 кратки филмски етиди без зборување и со дијалози. Овие завршни филмски етиди ќе можете да ги погледнете на официјалната премиера, закажана за 28 јуни во Кинотека на Македонија.

Навистина сме среќни за сите учесници кои одлучија да растат и да се надоградуваат во нашата школа. Им посакуваме уште многу успех и креативен развој во иднина!

НАШИТЕ МЕНТОРИ…

17. „КapKi” во топ 9 најдобри дизајни на слушалки за 2021

Стилизираните естетски слушалки „КapKi” се најновиот проект на менторот на Академијата за ентериер и продукт-дизајн – Апостол Тноковски, се на второто место во топ 9 најдобри дизајни на слушалки во светот за 2021 година.

18. Доротеј Нешовски на биеналето на уметници

Нашиот ментор од академиите и Курсот за цртање и сликање, Доротеј Нешовски беше дел од Биеналето на млади уметници со својот истражувачки проект, насловен како „Илузии на уметноста“. Ова е истражувачки проект којшто се занимава со концептите за креативна спонтаност, ликовнa артикулација, социјална инклузија, педагогија и апстрахирање на релацијата галерија-публика-уметник.

19. Сара Анастасовска и премиерите „Ефектот на среќата“ и „Прашливо цвеќе“

Нашата менторка од KIDS & The Arts, од програмата „Драмска секција“, во месец мај нѐ израдува со две нови филмски улоги во краткометражниот филм „Прашливи цвеќиња“ и долгометражниот „Ефектот на среќата“. Ѝ посакуваме да продолжи да биде успешна и да нѐ радува со уште голем број филмски и театарски остварувања!

The post РЕТРОСПЕКТОР: ни се роди бебе! Патувавме на интернационални фестивали, освоивме награди и… appeared first on Skala School.

Денес [3 мај] прославуваме 9 години од првиот одржан час во Школата за дизајн и уметност „Џолев и уметностите“. Во таа чест споделуваме 9 незаборавни спомени. Хуху!  

СПОМЕН 1 • 2017

Намали музика! 2 саат е, ќе ни викнат полиција.

Дали знаете [?] Во 2017 година, менторот Петар Павлов, првиот час од предметот „Методологија на дизајн“ го одржа во изнајмен стан [Airbnb]. Се купија многу намирници за готвење, студентите се поделија во неколку работни групи и имаа за цел да подготват вечера инспирирана од музичко или сликарско дело. 

Вечерта заврши со фри стајл музицирање, читање поезија и многу празни чаши вино… Всушност слични журки се случуваат често.

СПОМЕН 2 • 2016

Затвори врата… Заклучи ја!

Дали знаете [?] Во 2016 година, на петтиот „Djolev TALKS – јавни настани за размена на креативни размисли“, моравме да ја заклучиме влезната врата, затоа што просторот не собираше повеќе луѓе. 120 столчиња + уште толку кои стоеја помеѓу, над, под столчињата. 

Темата на вечерта беше „Постоење, Вистина, Смисла“, домаќин на разговорот беше нашиот вечно драг проф. Стефан Сидовски – Сидо, додека гости-соговорници беа д-р Лазар Фотев, Игор Иванов- Изи и Миа Новковска;

СПОМЕН 3 • 2014

Тамара Котевска е во куќа!

Дали знаете [?] Во 2014 година, Тамара Котевска, режисерката на најуспешниот македонски филм „Медена земја“, ја посетуваше програмата „Курс по фотографија“, под менторство на Дејан Џолев. 

Следното појавување на Тамара во школата беше по успехот на Санденс, каде што заедно со корежисерот Љубомир Стефанов го споделија искуството од снимањето на филмот пред студентите на академиите за дизајн;

СПОМЕН 4 • 2015

Во државна сум, скршена ми е ногата.

Дали знаете [?] Во 2015 година, менторот Драги Неделчевски, без да биде свесен, одржа час во времетраење од 180 минути со скршена нога! 

Додека се ближел кон студиото да одржи час, имал незгода, по којашто помислил дека е само физичка болка и дека ќе помине бргу, но веднаш по часот, отишол на снимање, каде што се утврдила скршеница и заврши со месечна гипсирана чизма на зглобот од стапалото.

СПОМЕН 5 • 2016

Најдолгиот час! Гинис дали се слушаме?

Дали знаете [?] Во 2016 година, менторот Дејан Џолев, на програмата „Обука за филмски актер“, го одржа најдолгиот час во школата, најверојатно и многу пошироко! 

Часот започна во 12:00ч. на пладне, заврши во 12:00 на полноќ, само со две-три паузи од половина час. Денот беше исполнет и со многу гости од филмската и театарската сцена: Лабина Митевска, Наташа Петровиќ, Леон Ристов, Томе Станковски…

СПОМЕН 6 • 2017

Здружување на знаењето и искуството.

Дали знаете [?] Во 2017 година, основачот на Школата за дизајн и уметност „Џолев и уметностите“, Дејан Џолев и генералниот менаџер на „Сивус едукативен и развоен центар“, Весна Иваноска, потпишаа Меморандум за двегодишна соработка во скопското кафуле „Цреша“.

Таа година, започнаа две нови академии за дизајн, Академија за визуелни уметности и Академија за моден дизајн; 

СПОМЕН 7• 2020

Будете ја целата екипа!

Дали знаете [?] Во 2020 година, на само три часа пред лансирање на нашата платформа за дизајн и современа уметност „Скала магазин“, одлучивме да ја префотографираме [веќе] култната фотографија со шарени чорапчиња којашто требаше да ја отвори првата статија на магазинот. Тоа беше многу, многу, многу рано наутро. Стрес, но ќејфот е поголем!

Оваа година, на 14 мај ќе го прославиме нашиот роденден, заедно со првиот печатен број на Скала магазин;

СПОМЕН 8 • 2015

Денот кога истовремено се спротиставивме и го поддржавме образовниот систем.

Дали знаете [?] Во 2015 година, започнавме со кампањата „Образованието е повеќе од просек 5.0“, во којашто доделуваме целосни стипендии на средношколци со просек под 3.9, со цел подигање на самодовербата на оние ученици кои, поради послабиот просек, го губат мотивот за развој на своите таленти;

Oваа идеја се роди за време на пауза, помеѓу револтирани ученици кои се чувствувале обесправени поради фактот дека не се во можност да полагаат за возачка дозвола, како дел од своите врсници, поради просекот во училиште.

СПОМЕН 9 • 2021

< 3 < 3 < 3

Дали знаете [?] Во 2021 година, Школата за дизајн и уметност „Џолев и уметностите“ е горда на своето минато, горда и на својата сегашност. 

Горда е на своите студенти, ментори и својот тим – млади, искусни, креативни, посветени работници: Крсто, Кристина, Ангела, Бинаса, Владанка, Оливера, Антонио, Анастасија, Андреј, Eлена, Бени и Дејан. Продолжуваме да создаваме заедно, за нас, за вас, за заедницата <3 

__ __ __

Ве очекуваме на нашата роденденска забава! 14.05.2021 // Јавна соба.

Биди дел од нашите едукативни програми, уписите се во тек!

Излезе првиот печатен број на „Скала магазин“ – купи по промотивна цена!

Прочитај ја минатогодишната роденденска приказна.

Природно е да студираш дизајн во Школа за дизајн и уметност. 
Тоа звучи доволно, тоа значи многу повеќе. 

The post 9 [неочекувани] СПОМЕНИ appeared first on Skala School.

Институтот за дизајн и технологија – Скопје, на 1-ви февруари го започна проектот „Паметно училиште“ (Smart School) кој е поддржан од Фондот за иновации и технолошки развој, кој е во соработка со Школата за дизајн и уметност „Џолев и уметностите“. Овој проект е дел од Smart Institute кој започна со својата активност во јануари 2020 год.

Smart School е проект со кој ќе се дигитализираат најпопуларните курсеви од полето на дизајнот кои ќе бидат поставени како онлајн видео лекции. Ќе се обработат 3 модули, со фокус на дизајн процес, односно – фотографија, постпродукција на фотографија и дигитална илустрација. Во овие 3 модули студентот ќе има можност, преку методолошки развој, да научи и реализира дизајн продукт – од идеја, преку скица, до конечно дизајн решение.

„Секоја новонастаната ситуација наметнува промени и прилагодувања. Таков е и примерот со пандемијата која не принуди да размислуваме за дигитализација на наставните програми, со што образовниот процес ќе го задржи својот континуитет. Она што ме прави особено среќна е што во рамките на неформалното образование, овој проект предвидува општествена грижа за младите лица до 30 години и им нуди можност за промена на кариера – доквалификација/преквалификација за понатамошно вработување, во услови кога поради кризата истите го загубиле своето работно место. Овие програми за нив ќе бидат бесплатни” – вели Бинаса Дрндар, Проектен координатор на Smart School и оперативен директор во „Џолев и уметностите“.

Менторите доаѓаат од Школата за дизајн и уметност Џолев и уметностите. Секој од модулите ќе биде претставен од различен ментор. Поради своето веќе потврдено предавачко и работно искуство, секој ментор ќе ја задржи и прилагоди неговата традиционална улога на предавач на знаење.

Целта на Smart School е дигитализација на образовниот и воспоставување на нов работен процес, кој ќе доведе до неограничени технички и креативни можности за понатамошен развој на студентот.

Првите видео лекции ќе бидат достапни за јавноста од 1-ви септември оваа година.

The post Проект Smart School – Паметно училиште appeared first on Skala School.

Разговараме со Бинаса Дрндар, студент на академијата за Визуелни уметности, денес вработена во „Студио Игор Делов“ – студио за визуелни комуникации и графички дизајн.

Секој последен учебен ден, студентите од Академијата за визулени уметности, јавно се претставуваат пред главните менаџери на најзначајните адвертајзинг и маркетинг агенции, дизајн студија, ТВ и филм-продукции. Студентката Бинаса Дрндар доби четири понуди за пракса, искористи две, а подоцна се вработи во една од компаниите.

Пред да се запишам на Академијата… бев на крстопат помеѓу две кариерни полиња. Денес сум среќна поради вистинскиот избор!

Денот кога заврши академијата… Отидов на одмор 🙂 но веднаш потоа започнав со посетување на едномесечна пракса во маркетинг агенцијата „Publicis“, а потоа и во „Студио Игор Делов“ – студио за визуелни комуникации и графички дизајн каде што сум вработена во моментов. Би сакала да додадам дека сум особено благодарна и ги ценам понудите за пракса и од другите компании/студија каде што не успеав да отидам.

Академијата за визуелни уметности најмногу ми помогна… Да го започнам процесот на градење на себеси како визуелен артист, да се запознаам и дружам со брилијантни креативни умови, едноставно, ми помогна да го најдам своето место под сонцето 🙂

На новото работно место… Постојано учам нови работи што е навистина „кул“. Пристапот кон секој поединечен проект, но и севкупниот начин на работа под менторство на Игор Делов е навистина корисен и практичен и носи резултати на долги патеки. Е сега, имаме малку несогласувања околу тоа што музика да се слуша во текот на работниот ден, но работиме на случајот 😀

Најмногу научив на часот кај… Петар Павлов и Игор Делов.

Графички дизајнер на кој се восхитувам… Caterina Bianchini. Но, би сакала да ги додадам „Studio Dumbar“, Tinker Hatfield (иако не е графички дизајнер) и Флим од домашната сцена.

Уписите за новата генерација студенти на Академијата за графички дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post Добив четири понуди за пракса, искористив две, а подоцна се вработив во една од компаниите appeared first on Skala School.

„Kога бевме мали секогаш нè прашуваа:, „Што сакаш да бидеш кога ќе пораснеш?“, но на нашиот одговор никогаш не следуваше второто поважно прашање: „А што треба да направиш за да бидеш тоа што го посакуваш?”

• Вели Дејан Џолев, главниот архитект на нашиот Скала магазин. Низ разговор и размислување со кого да го направиме првото интервју, одговорот ни дојде сам по себе.

Тој ни ја раскажа приказната како се роди идејата за првата студентска платформа за дизајн и современа уметност, мотивот позади неа и тимот кој го дели истиот ентузијазам и возбуденост.

Пријатно читање.

СКАЛА: Скала – која е приказната позади името?

ЏОЛЕВ: Скала – затоа што се качуваме чекор по чекор, не летаме, туку сме цврсто на земја. Така би требало да се темели слоганот на сечие образование и кариера. А Скала е токму тоа, гласот на студентите, младите автори и креативните индустрии.

Тоа беше состанок помеѓу основачите [Кристина Крагујевска, Крсто Златков, Дејан Џолев] со едноставен дневен ред којшто имаше само една задача, но и еден ултиматум, гласеше: Додека не го решиме името за платформата, состанокот не завршува! Бевме подготвени за долга, исцрпна расправија. Именување на било  што секогаш бил комплексен процес, што многу често и се потценува. На состанокот се појавив со завршена домашна задача, подготвен со десетина предлог-идеи со детална анализа за потеклото на зборот, толкување на метафори, звучност… и најверојатно бев здодевен додека го бранев мојот труд, па Крсто ме прекина со кратко прашање, а зошто да не се вика СКАЛА?

СКАЛА: Каде и како се роди идејата за Скала? Раскажи ни за моментот – каде се наоѓаше, што ти проаѓаше низ ум?

ЏОЛЕВ: Имагинацијата без труд и експеримент е залудна дарба. Кога бевме мали секогаш нè прашуваа:, „Што сакаш да бидеш кога ќе пораснеш?“, но на нашиот одговор никогаш не следуваше второто поважно прашање: „А што треба да направиш за да бидеш тоа што го посакуваш?“ Не се „бидува“ со тоа што ќе пораснеме, туку „бидувањето“ е процес на труд, а не чекање! Желбата е основата на секој почеток, но тоа е далеку од доволно. Стартот на Скала го анализираме неколку години. Покрај логистичка и техничка, пред сè беше потребна интелектуална и креативна инфраструктура. Изминатиот карантински април ни даде простор да се вратиме повторно на идејата и да го поставиме клучното прашање: „Дали сме конечно пораснати“?

СКАЛА: Направи ни една мала „прошеткa” низ Скала магазин. Како ќе функционира, како го одбра тимот?

ЏОЛЕВ: Јас не го одбрав тимот, тимот ја одбра Скала!

Скала е навистина голема редакциска структура, поделена во три системски прстени и околу 70 активни членови од различни дејности и искуства. Административната редакција е партнерство помеѓу менаџментот на Школата за дизајн и уметност „Џолев и уметностите“ и редовните студенти и алумните од академиите за дизајн. Посебно радува и охрабрува фактот што на клучните позиции се токму студентите: Владо Србиновски – креативен директор, Диме Данов – ТВ уредник, Бинаса Дрндар – главен уредник на пишувачкиот оддел, Виктор Стојков – видеограф, Антонио Станков – главен уредник на фотографија и уште десетина студенти задолжени за креативните или пишувачките потреби во Скала.

Поддршка имаме и од нашите ментори – професионалци во своите дејности или професори од локалните универзитети. Тоа се околу дваесетина месечни колумнисти, есеисти, кои ќе обработуваат теми важни за уметностите, дизајнот и образованието. 

Огромна привилегија е што кон Скала се приклучија уште десетина дописници, пријатели од светските метрополи, а најважно е што кон Скала активно се вклучија и студенти од државните и приватните универзитети, студенти од Факултетите за ликовна уметност, архитектура, графички дизајн, моден дизајн, Факултетот за драмски уметности, Филозофскиот факултет итн.

СКАЛА: Која публика веруваш дека особено ќе ужива во содржините на Скала? 

ЏОЛЕВ: Важно да ужива тимот. Тоа е прво и единствено најважно! Доколку ние создаваме содржина со уживање, ефектот лесно ќе допре и до публиката. 

Во контекст на прашањето… Скала Магазин е прва студентска платформа за дизајн и современа уметност, отворена за промоција на домашните млади креативци и поврзување на студентите и независните артисти со организациите и компаниите. Целта на оваа платформа е студентите да бидат креатори и директни учесници во креативната заедница и најважно, да го даваат својот придонес кон зајакнување на севкупната индустрија. Сите кои ќе се препознаат во редови и меѓу редови, тоа е нашата публика и инспирација. 

СКАЛА: Скалило по скалило – каде е Скала и како изгледа за 10 години од сега, славејќи го својот јубилеј? 

ЏОЛЕВ: Медиум е одговорност! Исполнување на очекувањата од аспект на постојаност, квалитет, навремено информирање и редовен дијалог со публиката е одговорна задача, но и повеќе од потребна во нашиот јавен дискурс. 

Убава парабола ќе направиме на крајот од овој разговор со тоа што ќе го вратам на почетокот. Одиме чекор по чекор, не летаме, туку сме цврсто на земја. Перспективата по 10 години е само една ситна точка од неколку паралелни линии на скалилата.

The post ГЛАС НА НОВАТА СЦЕНА! appeared first on Skala School.