Тие се визионери чиј профил на работа создава идни софтвери за дигиталните пространства да работат беспрекорно. Секогаш на пресекот помеѓу програмирањето и уметноста. Секој од нив има различен, но единствен пристап во предавањата, но и работата надвор од Академијата. Ви ги претставуваме нашите ментори од Академијата за Product Owner.

Ви ги претставуваме нашите ментори на Академијата за Product Owner.

Данче Масларова Стојановска

Данче Масларова Стојановска е дипломиран економист во областа на е-бизнисот. Истовремено таа е сертифициран тренер за Scrum и Аgile Product Owner. Со децениско искуство во софтверската индустрија како бизнис и продукт аналитичар, таа е сериозен менаџер на софтверски барања, како и идентификување на бизнис потребите, и нивно преведување во софтверски решенија. Мастер е во техники како bussines rules, user stories, uML diagram artefacts.

Работното искуство го почнува во Waterfall технологиите, за подоцна да транзитира во агилните методологии (Scrum and Agile Product Owner). Денес е водечки Product Owner во софтверска компанија. Води група на проекти во рамки на компаниско решение за здравствени работници, со клиенти од Англија, а корисници се Шведска, Австралија и ЕУ.

Таа е и тренер на обуки за applied product ownership и ментор за кариерен развој.

Дејан Милосавлески

Дејан Милосавлески е дипломиран информатичар од областа на информациските технологии, a неформално образование стекнал на Академијата за веб-дизајн. Кариерата ја започнал како ентузијаст во IT индустријата уште во 2013, како фриленсер во водите на графичкиот дизајн. На само 17 години ја отворил својата прва компанија, маркетинг агенција и продукт- БИЗНИС КАТАЛОГ. Тој е пионер во дигитализацијата и подобрување на веб искуството во Македонија.

Денес работи како надворешен консултант за дигитален развој и дигитализација на компании на нордиски пазар, а е коосновач на Bizniskatalog.mk и Kupisajt.mk. Извршен директор е на Vendor, прва автоматизирана платформа за е-трговија во земјава.

Како UX/UI дизајнер, има изработено проекти за повеќе од дваесет интернационални брендови, педесет домашни компании и целосни веб-дизајн решенија за светски франшизи за домашниот пазар.

Стефан Митевски

Стефан Митески е дипломиран на Машинскиот факултет во областа Компјутерско системско инженерство и автоматика, со магистратура за Менаџмент на животен циклус на производи. Освен домашните дипломи, тој има завршено и неформално образование на универзитети во Шведска и Канада, конкретно на програма за лидери.

Тој е консултант, говорник и претприемач кој успешно ги „вози“ сите свои професии во еден менаџерски профил. Како основач на Systems for Enterprise, Стефан е директно вклучен во креирање софтверски решенија, кои ги користат некои од најголемите осигурителни компании во Северна Америка. Претходно ја градел својата кариера во Македонија, Канада и Германија, со фокус на градење на агилни тимови со висока мотивација.

Стефан е ментор на Startup Weekend, Nasa International Space apps challenge, Code App Level Up. Стефан е иницијатор и основач на една од најголемите балкански групи посветени на скрам фрејмворкот и агилните методологии – Scrum Macedonia. Денес е извршен директор во Systems for Enterprise и консултант/тренер за агилни методологии на неколку германски компании.

Игор Георгиоски

Игор Георгиоски е дипломец на Факултетот за информатички и комуникациски технологии, сениор веб-програме, дизајнер и scrum-мастер. Иако во почетокот на својата кариера примарен интерес му е UX/UI дизајнот, тој се пренасочува во веб -програмирање и менаџмент на проекти.

Негова голема страст е јавното говорење, видеографијата, организирање и учества на хакатони и конференции. Има учествувано на вкупно 18 хакатони, каде го гради своето искуство за изработка на брз прототип на апликации. Освојува многубројни тимски и индивидуални награди. Најзначајни се прво место во Монтреал, Канада, и второ место на хакатон во Москва, Русија. Љубовта кон видеографијата придонесува неговите видеа да се дел од важни кампањи за промоција на туризмот во Македонија, како и освоени награди на My RodeReel, како асистент на камера.

Искуството го носи во улогата на ментор по програмирање, а денес е косопственик и главен оперативен директор во Кодикс ин и косопственик на Линара Продукција.

______

Уписите за втората генерација од Академијата за Product Owner се во тек! Информирајте сѐ повеќе за програмата, менторите и начинот на одржување: тука.

The post Запознајте ги менторите на Академијата за Product Owner! appeared first on Skala School.

Што би значело да бидете „продукт-оунер“ во една компанија? Вака од прва, преводот директно би се однесувал на „стопанисување“ со одреден производ. Во целина, значењето е тоа, меѓутоа со различно објаснување на процесот во кој улогата на оваа позиција е важна.

„Продукт-оунер“ е всушност „визионерот“ кој мора да ја има на ум целосната слика за продуктот кој е во развој. Да ги има предвид сите можни агли од целосната слика. Тој го следи процесот и е медиум преку кој потенцијалниот клиент и тимот кој е задолжен за реализација на бараното, треба да постигнат заеднички резултат.

Освен ова, тој е задолжен и за супервизија, односно надгледување на процесот, следење рокови… Токму за оваа тема позборувавме со Дарко Поповски, завршен студент на програмата за Product Owner и млад човек со многу интересна позадина. Имено, тој студира дипломатија на меѓународни односи и истовремено софтверски инжинеринг. Од денес и иден Product Owner 🙂

Дарко го гради своето искуство во оваа област токму поради еден клучен фактор: широко гледање на нештата. Иако „продукт-оунер“ како професија се поврзува најчесто со ИТ-компании и потребите за големи проекти како интерфејс или софтверски решенија потребни за внатрешните уредувања на операциите и процесите во организациите, тој ни даде и поголема визура за оваа професија.

За сѐ има почеток. За сѐ постои објаснување. За сѐ постои и начин на кој може да дознаете и научите повеќе, а тоа е нa Aкадемијата за Product Owner.

Работев на софтвер за потребите во компанијата во која сум вработен и се склопија коцките – бев во процесот на креирање на софтверот токму како „продукт-оунер“, гледајќи ја целосната слика на продуктот уште додека беше во развој.

Јас сум „мостот“ помеѓу програмерите/кодерите и клиентот – вели.

Го прашавме што значи позицијата, каков е предизвикот, но и задоволството да се биде во една таква улога. Тој ни одговори:

Дефинитивно е предизвик! Се работи за конкретна работа со различни типови луѓе, карактери, барања…. И во самата компанија има посебни тимови со коишто треба да се соработува и сите имаат различна визија за она што го работат. Мојата позиција е да најдам заедничка точка во која сите овие различни гледишта ќе се спојат и ќе почнат да дејствуваат, за взаемна соработка и успех.

Кодирањето наспроти клиентот со барање и „продукт-оунерот“ како „преведувач и посредувач“.

Кога клиентот има конкретна замисла за одреден продукт, во однос на софтверски решенија, дивелоперот е оној кој го „пишува“ целиот изглед, но барањата на клиентот треба да се „преведат“, а тоа го прави – „продукт-оунерот“. Дарко вели дека во неговата работа, тој ја има моќта да одлучи дали некое барање е остварливо или не. Покрај тоа што „продукт-оунерот“ е визионерот за продуктот кој е во развој, тој е и негов проценител – дали финалното решение ќе биде функционално, оптимално и корисно за потребата за која е направено.

Го прашавме што е инспиративно во оваа работа, која на многумина може да им делува апстрактна.

Особено е инспиративна затоа што станува збор за спојување на неколку различни сегменти во еден правец во работењето и големо е задоволството кога ќе излезе продукт кој е функционален, потребен и корисен на крајните корисници. Посебно сум среќен кога ќе сфатам дека со креирањето на конкретни продукти во здравствениот систем, на пример, помагаме на многу луѓе и цела една заедница. Самиот склоп на толку многу луѓе и темпераменти дава една хумана димензија во која „продукт-оунерот“ директно се инспирира да го „тера“ процесот.

ШТО Е SCRUM, ШТО Е АGILE?

SCRUM и Agile наједноставно речено се методи на работа или техники со кои се извршуваат сите одделни процеси во еден развој на продукт со одредени правила кои треба да се следат. Преку нив комуникацијата и работата треба да тече глатко и секој SCRUM или Agile тим си ги знае конкретните задачи за работата да тече непречено. Сите сегменти од работата се во одредени временски рамки и се следат роковите, со цел да се биде ефикасен и експедитивен.

Го прашавме Дарко и во однос на интересот за професијата: колку е барана и дали всушност, „продукт-оунерот“ е must have во секоја софтверска компанија…

Би рекол дека во наши услови овде, компаниите не се свесни дека им е потребен product owner во „редовите“ на своите вработени. Многу пати продуктите долго време се нереализирани, токму поради немањето на конкретен менаџмент кој треба да го следи тој процес. Оваа работа е навистина одговорна, но е одличен начин за развивање на личните вештини, комуникациски и дипломатски 😊

БИДИ И ТИ ДЕЛ ОД ВТОРАТА ГЕНЕРАЦИЈА НА ЕДИНСТВЕНАТА АКАДЕМИЈА ЗА PRODUCT OWNERS ВО МАКЕДОНИЈА!

УПИСИТЕ СЕ ВО ТЕК! ПОЧЕТОК: 21 НОЕМВРИ

ДОЗНАЈ ПОВЕЌЕ ТУКА. КОНТАКТ ИНФО: 076 266 740

The post Product Owner – една од најпотребните професии во софтверските компании appeared first on Skala School.