Скопскиот моден викенд го заврши своето 27-мо издание, оставајќи зад себе ехо од трансформативни дискусии, еклектични дизајни и иновативни одржливи концепти.

Тридневниот настан, сместен во неконвенционалeн, и необично адаптиран амбиент  на комплексот Урбан Гарден – Голден Арт, беше епицентар на иновативна мода и на значаен дијалог, позиционирајќи го Скопје како потврден претходник во промовирањето на свесната мода во регионот.

Скала е единствената Школа којашто традиционлано седма година по ред, се претставува со студентите од Академијата за моден дизајн. 

► Медиумите за Скала напишаа: 

Новите таленти беа центар на вниманието со иновативните колекции на студентите по моден дизајн од школата СКАЛА (поранешно „Џолев и уметности“), со поддршка на Фондацијата Божиновски. Овие свежи лица на модната сцена го покажаа своето разбирање за одржливата мода, испорачувајќи дизајни кои предизвикуваат размислување и кои ја балансираат естетиката со одговорноста.

Fashion Weekend Skopje од година на година ја негува и зајакнува соработката со Скала, изложувајќи го талентот на студенти од Академијата за моден дизајн. 

Оваа година учество заземаа: Тиана Јовиќ, Михаела Штерјова, Орце Наумовски, Симона Николовска, Слоботка Трендова, Снежана Ефкоска, Велика Лешева и Маја Матлијоска, под менторство и експертиза на Александар Ношпал и Никола Булески, ќе ги претстават нивните визионерски колекции во концептуална ревија. 

Нивните извонредни креации се потрвда дека модата и дизајнот во Македонија ги чека блескава иднина!

Тиана Јовиќ // колекција: “Supernova”
Михаела Штерјова // колекција: “STREETS”
Орце Наумовски // колекција: “CXXXXXBER”
Симона Николовска // колекција: “Successful move”
Слоботка Трендова // колекција: “Leggero- Light”
Снежана Ефкоска // колекција: “Pure Dream”
Велика Лешева // колекција: “DIVERSO”
Маја Матлијоска: // колекција: “IMPACT” and “CALDERON”

Покрај учеството на новата генерација студенти, учество зазема и нашата алумни студентка Мирјата Јосифовска, позната по своите одржливи капи изработени од етички, рециклирани и природни материјали, како и менторот по терорија и историја на дизајн Никола Узуновски, кој беше дел од јавната дебата на тема „Улогата на заедницата во свесниот дизајн“.

The post Новите таленти беа центар на вниманието со иновативните колекции на Модниот Викенд Скопје appeared first on Skala School.

Целосни стипендии:

Елена Божиновска, Академија за UX/UI+ дизајн;
Стефан Божиновски, Академија за визуелни уметности;
Зорица Ставрова, Академија за ентериер и продукт-дизајн;
Никола Мијатовиќ, Академија за моден дизајн;

Делумни стипендии (половични):

Трајче  Стојанов, Академија за графички дизајн;
Николина Тасевска, Академија за графички дизајн;
Ивана Јосифоска, Академија за UX/UI+ дизајн;
Татјана Гиновска, Академија за моден дизајн;
Антонија  Петковска, Академија за ентериер и продукт-дизајн;
Сања  Делева, Академија за ентериер и продукт-дизајн;
Огнен Анчевски, Академија за визуелни уметности;
Крсто Глигорјадис, Академија за визуелни уметности.

Честитки на сите студенти и им посакуваме продуктивна и креативна учебна година! ♥

За сите кои го пропуштија првиот повик, а имаат желба и насока да започнат кариера во креативните индустрии, Скала од 21 септември до 5 октомври, ве повикува на вториот отворен повик за доделување на 6 целосни и 12 половични стипендии за учебната 2023/24 на академиите:

Со цел да ве охрабриме да пристапите кон нашиот втор повик за стипендии, решивме поблиску да се запознаеме со некои од нашите стипендисти:

Разговорот го започнавме со Зорица Ставрова и Сања Делева стипендистки на Акдемијата за ентериер и продукт-дизајн кои ги прашавме: „Што те мотивираше да се пријавиш на повикот за стипендии?“

Прво, мојата лична желба за учествување во екстра активности коишто не се во рамките на формалното образование. Втората причина го подразбира професионализмот којшто го поседуваат лицата на „Скала“. Кога велам лица, мислам и на професорите и на студентите за кои е доволно да се слушне едно интервју и да се забележи симбиозата на функционирање. Навистина примамлива средина.

На истото прашање се надоврза и Сања Делева која пак, ни сподели…

Освен тоа, Академијата е една од ретките, ако не и единствена кај нас, со којашто луѓето имале само позитивно искуство. Затоа сум сигурна дека тука ќе се стекнам со знаења и вештини коишто ќе бидат од огромно значење за идните, лични успеси. 

За впечатоците и искуството од интервјуто, си позборувавме со Ивана Јосифоска, стипендист на Академијата за UX/UI и Антонија Петковска, Академија за ентериер и продукт-дизајн, коишто ни споделија…

Самото интервју помина доста интересно, интерактивно и лесно токму поради фактот дека истото е еден вид на разговор меѓу креативци за сѐ она коешто нас нѐ води. Беше еден вид на ново искуство, овозможувајќи ми доста лесно да се опуштам и поврзам повеќе со сѐ она за коешто и иницијално бев заинтересирана.

Антонија пак, ни сподели како ја преброди својата трема преку разговор…

Имав малку трема и секако возбуда, а јас сум човек кој кога ги има во моментот тие две чувства, не престанува да зборува, па интервјуто се одвиваше со смеа, добра комуникација и совети коишто нема да ги заборавам!

На споделувањето на интервју-искуствата, се надоврзаа Татјана Гиновска, стипендист на Академијата за моден дизајн и Трајче Стојанов, стипендист на Академијата за графички дизајн…

Од самото влегување, добив некаков необјаснив комфорт, бев максимално релаксирана и разговорот имаше супер тек и доста смеење, сите личности кои ги запознав беа многу пријатни. 

Трајче на овој одговор дополни… 

Опуштено, отворено и пријателски настроено. Ми се допадна тоа што имаше добар баланс на формалност и неформалност!

Поразговаравме и со Стефан Божиновски и Крсто Глигорјадис, стипендисти од Академијата за визуелни уметности кои ни споделија повеќе за нивните претходни искуства и зошто решиле да продолжат со студии токму на нашата академија?

Претходното искуство е главно од областа на ликовните уметности, имајќи завршено додипломски студии на Факултетот за ликовни уметности. Исто така, независно се занимавам со видео и фотографија, како и сценографија и театар, особено во последните две години. Она што чувствував дека формално ми фали како знаење, искуство и пракса беше проширеното поле на визуелните уметности, токму вклучувајќи ги и испреплетувајќи ги дизајнот, илустрацијата, фотографијата и филмот. Во рамките на Академијата за визуелни уметности, увидов токму ваква специфична, а воедно и широка, комбинирана програма којашто верувам дека ќе ми помогне да ги проширам искуствата и видиците и да се надоградам како креативец! -ни сподели Стефан.

Крсто, присетувајќи се на своите искуства и уметнички подвизи, ни сподели…

На почетокот, работев интуитивен апстрактизам со комбинирани техники, но во последните неколку години, работам на нетипични современи уметнички пракси како перформанс, партиципативна уметност, инсталации. Па затоа, се одлучив да се запишам на Академијата за визуелни уметности со цел развивање и учење на различни вештини и методи коишто ќе ми помогнат во реализирање на моите сеопфатни анализи и идни проекти.

Нивниот колега Огнен Анчевски, исто стипендист на Академијата за визуелни уметности, има повеќегодишно искуство со нашите програми, па на ова прашање тој се надоврза…

Работам како фотограф/видеограф веке 10 години, зад мене имам завршено 3 курса за фотографија и еден за постпродукција на фотографија во „Скала“ – поранешно „Џолев и уметностите“ и имам една година како EVS во Данска. Таму работев во локална телевизија и тоа за мене беше огромно искуство, не само на професионално ниво, туку и на приватно. Ја избрав „Скала“, бидејќи од моето претходно искуство сум презадоволен од знаењата коишто ми биле пренесени. 

♥

СТИПЕНДИИ: ПОСЛЕДЕН ПОВИК ЗА ТВОЈАТА КАРИЕРА

За сите кои го пропуштија првиот повик, а имаат желба и насока да започнат кариера во креативните индустрии, Скала од 21 септември до 5 октомври, ве повикува на вториот отворен повик за доделување на 6 целосни и 12 половични стипендии за учебната 2023/24 на академиите:

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

ПРИЈАВИ СЕ ВЕДНАШ!

The post Стипендистите ве повикуваат на последен повик за стипендии! appeared first on Skala School.

Ги собравме на едно место младите креативци, подготвени за нови образовни и кариерни почетоци и дел од нашите ментори на „Отворени денови“ во просториите на „Скала – Школа за дизајн“.

Присутните имаа можност да одберат помеѓу мохито или аперол-шприц, а секако постоеше варијанта и за двете или репете! 🙂 

„Дизајн & Коктели“ и оваа година беше повод за неформален разговор и запознавање со програмите и менторите од академиите за UX/UI + дизајн, Графички дизајн, Визуелни уметности, Моден дизајн и Ентериер-дизајн. Меѓу присутните беа: 

• Зоран Кардула // [Popstar] илустратор;
• Гордана Вренцоска // дизајнер + декан на Факултетот за арт и дизајн;
• Влатко Ристов // арт-директор во New Moment – маркетинг-агенција;
• Дејан Џолев //  основач и CEO на Skala School;
• Благој Ѓелевски // веб-дизајнер и коосновач на Tivius – маркетинг-агенција; 
• Александар Ношпал // костимограф и моден дизајнер;
• Ирина Тошева // модна дизајнерка;
• Илија Паунков // ентериер-дизајнер – BH Architects;
• Апостол Тноковски // [Popstar] продукт-дизајнер.

Се споделија различни искуства, се разговараше на различни теми од индустријата, а многумина имаа шанса и директно да се поврзат со менторите и нивните академски програми, работата, да дознаат повеќе за можностите на пазарот и секако – да се дружат.

Ни претставува особена чест и одговорност да се запознаеме со новата генерација која несомнено е новата сцена во креативните индустрии. Првиот академски час ги очекува на 13 октомври 2023, а УПИСИТЕ на академите за дизајн СЕ ВО ТЕК!

За сите кои не беа во можност да ни се придружат, ги повикуваме  да не посетат во нашите простории, секогаш сме отворени за разговор, совет и консултација. Закажете средба со нашиот тим преку пополнување на следната форма: https://docs.google.com/forms/d/e/1FAIpQLSfBIk6UxgacnOKevST7Fuqmv7ya5DRoXcwpQ9HEd-iDorQFfw/viewform

Ви благодариме за прекрасната енергија, се гледаме на следна креативна дружба! ♥

НЕ ЗАБОРАВАЈТЕ, УПИСИТЕ ЗА НОВАТА ГЕНЕРАЦИЈА 2023/24 СЕ ВО ТЕК!

Фотографии: Ана В’чкова

The post ФОТО-ИМПРЕСИИ // „Дизајн & Коктели“ -дружба со најголемата дизајн заедница! appeared first on Skala School.

• 6 целосни стипендии (100% намалување на школарината);
• 12 делумни стипендии (50% намалување на школарината);
• 12 ваучери со 25% попуст
  

Во тек е повикот за стипендии во Скала Школата за дизајн, за сите оние кои имаат желба и насока да започнат кариера во креативните индустрии. Повикот е активен до 30 јуни, за учебната 2023/24 на Академиите:

ПРИЈАВИ СЕ ВЕДНАШ!<<

Со цел да ве охрабриме да пристапите кон нашиот повик за стипендии, решивме поблиску да се запознаеме со некои од нашите стипендисти од изминатата година. Тие ни споделија како се решиле на чекорот да се вклучат во Скала академиите, но и искуството со интервјуата, и воопшто – целосниот впечаток.

Го прашавме Стефан Трпески стипендист на Академијата за визуелни уметности, што те мотивираше да се пријавиш на конкурсот за стипендии?

СТЕФАН:

Периодот кога Скала ги доделуваше стипендиите, јас бев во процес на менување кариера, затоа што претходно студирав молекуларна биологија, и повеќе не се гледав во тоа поле.

Повеќе од 2 години фотографирав како хоби и сакав да го усовршам моето знаење за фотографија. Тогаш, на Инстаграм ми се појави реклама за стипендии од Скала, ја видов, почнав да читам кои се „Скала“ и кои се Академиите и се пријавив на повикот за стипендии. The rest is history!

На ова се надоврза и Александра Азманова, стипендистка на Академијата за UX/UI.

АЛЕКСАНДРА:

Запишувањето и посетувањето на Академијата дефинитивно е најдобрата одлука што досега ја имам направено за мојата кариера. Желбата да го надоградам своето знаење, но и да се инспирирам и мотивирам ме поттикнаа да го направам тој чекор. Знаењето што континуирано го добивам е она за кое што и се пријавив да бидам дел од Скала.

Со Иван Гекиќ, стипендист на Академијата за визуелни уметности, поразговаравме за неговото претходно искуство и зошто токму реши да продолжи со студии на нашата академија. 

ИВАН:

Баш токму поради тоа што во програмата го содржи она што ми беше потребно да се надоградам во мојата професија, решив да се запишам на Академијата за визуелни уметности. Долго време сакав да се запишам, па го подготвив моето портфолио и аплицирав.

Немав некои посебни очекувања пред интервјуто, немав трема и не погрешив, затоа што сѐ помина опуштено, супер, пријателски и кул!

ПОГЛЕДНИ АКАДЕМИИ! <<

Стипендистот на Академијата за моден дизајн, Тони Петрушевски ни сподели кој му бил примарниот мотив и искуството на Академијата:

ТОНИ:

Ја одбрав оваа Академија знаејќи кои ментори предаваат на истата. Искуството беше позитивно и од двете страни, имав прилика да го презентирам моето портфолио и да одговорам на неколку прашања од наставниот координатор Ангела Николовска и од модната дизајнерка Ирина Тошева. Голема благодарност до нив и до Академијата за довербата да бидам дел од стипендистите.

Можам да кажам дека мојот мотив беше различниот метод на образование. Освен факултетското образование коешто е примарно и во кое сѐ уште сум дел, имав желба да го искусам и овој начин што многу повеќе ми одговара. И не погрешив!

Додека пак Александар Стевананџија, стипендист на Академијата за графички дизајн, ни го сподели неговото искуство со Академијата и интервјуто.

АЛЕКСАНДАР:

Сакав да си ја остварам желбата да учам графички дизајн – од таму започна сѐ. Едноставно се потрудив да научам некои програми и да направам некои дела, а стипендијата ми дојде баш како поддршка. Претходното искуство ми е припрема на портфолио за стипендија и конечната одлука да студирам на Скала Академијата.

Интервјуто ми помина забавно, ептен јако! Малку бев под стрес, што се покажа беспотребно 🙂

Андреј Стамевски од Академијата за UX/UI+ дизајн ни сподели дека најважно од искуството му било да ја преточи страста за дизајн во едно ново патување низ дизајнерскиот свет:

АНДРЕЈ:

Ја избрав оваа Академија поради широкото портфолио на предмети која ја нуди студиската програма. Како Магистер по дизајн, секогаш сум бил во првите борбени редови кога станува збор за образование, дизајнот е жива материја која секојдневно се менува и циркулира околу нас.

На прашањето како си помина на интервјуто, на крајот ќе заклучи:

Интерактивно и интересно се само сегменти од интервјуто, но нека остане мистерија, за да останете љубопитни и да аплицирате за да дознаете какво искуство ве очекува!

Интервјуто е само првата скала која ја качуваме за да ја оствариме посакуваната цел на Академијата Скала 🙂

ВАЖНО: Кандидатите кои ќе аплицираат, ќе бидат повикани на кратко интервју со координаторите од академиите, пред кои ќе имаат можност да се претстават преку интересот за личен развој и преквалификација или преку портфолија и дела за понатамошно надоградување во дејноста од интерес.

Возможни се два типа на интервју (поделени во две различни категории) и тоа, 1. кандидати со искуство од дејноста и 2. кандидати без претходно искуство.

Двете категории имаат различен систем на вреднување.

Повеќе информации: 076 266 740

✰

Погледни ги сите детали за програмата, менторите, начинот на одржување и можностите по завршување на Академијата.

The post Стипендистите ве повикуваат на повик за стипендии! appeared first on Skala School.

2022… и неа ја испраќаме. Малку емотивно, многу издржано. Па, се случија навистина еден куп работи!

Издвојуваме само дел од сите значајни импресии и спомени, благодарни и горди за секој изминат ден помеѓу студентите, колегите и соработниците.

ЈАНУАРИ

НОВИ ПОЧЕТОЦИ ВО НОВИ ПРОСТОРИ(И)

Уште една нова шарена врата „Глас на новата сцена“ и преселба  во новите канцеларии во срцето на Дебар Маало и вкупна квадратура од 350 м2. Издвојуваме и се потсетуваме на неколку приватни мигови ♡.

ФЕВРУАРИ

„ЕКСКУРЗИЈА“ ВО БУДИМПЕШТА

По покана на European Lab, бевме учесници на панел-дискусијата „Формата на медиумите за идните генерации“, средба којашто се реализираше во Будимпешта, Унгарија, по којашто станавме 56-та членка на глобалната мрежа за млади и култура „Арти-фарти“ од Лион, Франција. 

МАРТ

БУДЕЊЕ

Нова сезона обуки и повеќе од 100 ученици во „Скала“ – Школата за дизајн, уметност и технологија. Нов подкаст „Парк шема“ на студентската платформа „Скала магазин“. Нова Скала изложба, нови пријателства, нови насмевки… Пролетта започна, вистинско будење!

АПРИЛ

ШЕСТТА АКАДЕМИЈА ЗА ДИЗАЈН

Нова Академија! Се роди првата генерација студенти на Академијата за UX/UI+ дизајн, кои веќе се пред прагот на влезот во оваа супер растечка индустрија. 

МАЈ

10 ГОДИНИ ШКОЛА ЗА ДИЗАЈН И УМЕТНОСТ

На најголемиот Скалаџиски празник, „Добро утро креативци“ – Саемот за размена на креативни искуства и размисли, по повод 10 години од одржувањето на првиот час, Школата за дизајн и уметност „Џолев и уметностите“, се ребрендираше во „Скала“ – Школа за дизајн, уметност и технологија. 

ЈУНИ

ДОБРЕДОЈДЕ АНА

3 години Скала магазин и прекрасен реденденски подарок! Една Ана. Голејшка ем Џикова. Редовен пишувач, смислувач на содржина, носител на хедонистичка споменица и песни, се приклучи кон креативниот тим на позиција како што таа милува да каже „раководителка на пишувачки оддел“. 

ЈУЛИ

СТУДЕНТИТЕ НА СЦЕНА

Повеќе од 70 студенти од академиите за дизајн [графички, моден, ентериер дизајн и визуелни уметности] јавно се претставија преку своите портфолија, пред главните менаџери на најзначајните компании од креативните индустрии. Од таа средба, произлегоа нови вработувања и пракси за нашите студенти. 

АВГУСТ

ЛАДНИ ПРАСКИ

Некаде по мориња, океани,
на сите четири страни,
со сурферски даски
и ладни праски. 

СЕПТЕМВРИ

„ДА СЕ ПРЕБРОИМЕ“

Септември во нашата школа е времето за анализа, но и стратешко планирање. Се разбира и за споделување на спомени од изминатите месеци. Па во тој дух, ќе спомнеме дека меѓу сѐ останато, нашата Школа во соработка со студентската платформа, изминатите 8 месеци организиравме 8 изложби за дизајн и визуелни уметности. Учествувавме на Моден викенд Скопје. Направивме филмски премиери… Но најважно, нѐ радуваа сите убави вести за успесите и развојот на нашите студенти. 

ОКТОМВРИ

КАДЕ УЧИШ ДИЗАЈН?

Се случи најголемата студентска изложба за дизајн! Публиката имаше можност да погледне повеќе од 500 дела на повеќе од 70 студенти: графички дизајн решенија, фотографии, илустрации, филмови, дизајн на мебел, проекти за ентериерно уредување, модни креации и модни илустрации, како и работни процеси, технички цртежи, скици и сл. А традиционално беа прогласени и најуспешните студенти на генерацијата. 

НОЕМВРИ

ЈАС УЧАМ ВО СКАЛА!

Повеќе од 200 студенти жедни за нови искуства и професионален развој, станаа дел од учебната 2022/23 година, на академиите и обуките за дизајн, уметност и технологија. 

P.S. О да! Учествувавме и на „Скопје Моден Фестивал“.

ДЕКЕМВРИ

ОДГОВОРНО КОН ЗАЕДНИЦАТА

Нашата студентска платформа „Скала магазин“ на сите жедни за образование, култура, дизајн и уметност, им го подари вториот печатен број на „Скала магазин“ – задолжителна дизајн-лектира, огромен формат, 136 страни на неколку типа високо квалитетна хартија и печат. [можеш да си купиш тука]

Viva la Skala! Се гледаме во 2023-та, живи и здрави!

____

Разгледај +20 обуки [тука]
Разгледај 6 Академии за дизајн [тука]

The post Импресии: 2022 // SKALA School appeared first on Skala School.

Оваа година ја започнавме со наградната игра грепка на знаење преку која над 500 лица се обидоа да дојдат до една од новогодишните награди по повод старт на новата година, а со тоа и новите сезони на курсеви и академии. Зад себе оставаме супер успешна година исполнета со мнооогу дружби, настани, изложби, проекти… па за да нѐ фати „мајата“ и во новата 2023, се решивме да ја повториме оваа наградна игра со уште поголем фонд на добивки!

 

The post 50 НАГРАДИ ВО ВРЕДНОСТ ОД 4.500 ЕВРА ЗА НОВАТА XXIII СЕЗОНА НА КУРСЕВИ! ИГРАЈ ЗА ГРАТИС КУРС! appeared first on Skala School.

Втората сезона на најпознатата модна манифестација во земјава, Модниот фестивал, започна на 10ти ноември, а ќе трае до 20ти ноември. На овој настан, ја имавме честа и можноста да учествуваме со креации од нашите студенти од генерацијата 2021/22 на Академијата за моден дизајн, односно да ги претставиме нивните дела во текот на ревиите и како дел од поставката во шоу-румот.

Под менторство на Александар Ношпал и Никола Булески Буле, со свои впечатливи креации се претставија студентите: Марија Трајковска, Ангела Спасовска, Милица Димитријевиќ, Луна Аврамовска и Ива Ивановска.

Со теми како либерализмот, женските движења и ослободувања, девојките покажаа дека новите генерации размислуваат за модата не само како израз, туку и како можност да пренесат порака. Cекоја од нив го претстави својот стил кој освен што е поблизок до помладата генерација, претстави и еден нов бран женственост.

И дигиталните модни медиуми ја споделија веста за настанот, а некои од нив забележаа:

Крајот на првата вечер бликна во светлото на идната генерација македонски дизајнери, студентите на Академијата на моден дизајн при Школата за дизајн, уметност и технологија – „Скала” [поранешно „Џолев и уметностите”] кои на оригинален моден начин ги нанижаа своите креации пред сите присутни на ревијата – се вели во натписот на Fashionel.mk

Студентите се претставија рамо до рамо со дизајнерите како Маја Кикириткова, Роберт Ивановски, Сара Реџиќ и модната куќа Елена Лука.  Сите овие денови, атмосферата во Сити Мол беше во знакот на светлината под слоганот „Can you feel the light?!”, а нашите фотографи Антонио Станков и Марко Вилиќ, заедно со видеографката Стефанија Караџовска, ги „ловеа“ најважните кадри од настанот.

Во натписот на Stylist.mk, пак дадоа одличен коментар за нашите студенти.

Инспирирани од претходните декади, застапеното либерално движење со панкерска нота, петте студентки, Марија Трајковска, Ангела Спасовска, Луна Аврамовска, Милица Димитријевиќ и Ива Ивановска навестија експериментални трендови што не влегуваат во рамките на секојдневната мода. Истовремено, креациите блиски до студентите се блиски до помладите генерации, па во фокусот беа смели комбинации од каро здолниште и блузички од тантела и ракавици.

Погледнете што се случуваше на модните писти!

The post Студенти од Академијата за моден дизајн се претставија на Скопски моден фестивал appeared first on Skala School.

На 14 октомври се случи финалната изложба на студентите од Академиите за графички дизајн, визуелни уметности, моден дизајн, ентериер и продукт дизајн при „Скала“ Школата за дизајн и уметност [поранешно „Џолев и уметностите“] во соработка со Институтот за дизајн и технологија – Скопје, генерација 2021/22 и поддржана од Министерство за култура на Р.С. Македонија.

Деценија создавање, деценија креирање нови светови и можности за многу луѓе, за цела една заедница што вибрира во различни бои, форми, кадри и движења. Тоа е нашиoт свет, распослан во петте хали на Паблик Рум во кој енергично и како во кошница со пчели, се случи финалната изложба на студентите од генерацијата 2021/22.

Изложбата беше максимално посетена,  сите хали беа разџагорени, публиката просто се „разлеа“ меѓу сите простории во кои се чувстуваше возбуда и радост. Секој сакаше да „украде“ миг, да фотографира, да зачува момент од атмосферата…

На првиот кат, изложени беа модните дизајни на студентите од Академијата за моден дизајн, под менторство на Александар Ношпал и Никола Булески – Буле. Неколку различни приказни во единствен простор, свежи идеи спакувани во „ретро“ елемент, микс на старо и ново, смирено и жестоко – енергија за сечиј вкус.

Најголемиот изложбен простор привлече огромна публика – имено, визуелизациите на студентите од Академијата беа со голема посетеност и интерес. Освен изложбата, можеа да проследат и кратки филмови во една од халите, снимени од нашите студенти. Постери за филмови, автопортрети во различни техники, типографски календари, илустрации… Проекти за почит, кои студентите неуморно ги креираа во текот на изминатата година, под менторство на oдличен тим: Зоран Кардула, Петар Павлов, Дејан Џолев, Влатко Ристов, Гордана Вренцоска…

Вечерта беа доделени +80 дипломи и уверенија за постигнатиот труд и успех на студенти од 6 академии.

Со голема одговорност и задоволство, ги прогласивме и најуспешните студенти за учебната 2021/22 година на Академиите за дизајн. Доделувањето на дипломите од страна на наставната координаторка Ангела Николовска беше пренесено со многу емоции и како што таа самата рече:

„Секоја генерација студенти ми е при срце. Мислев дека по првата завршена генерација ќе ми помине она чувство на меланхолија, радост во едно, но еве и оваа година, емоциите се силни. Студентите се навистина прекрасни, неуморно работеа и се гордеам со нив. Им посакувам да се гледаме во иднина во галерии, на изложби, во сите сфери во кои ќе се развиваат како креативци“.

АКАДЕМИЈА ЗА ЕНТЕРИЕР И ПРОДУКТ ДИЗАЈН:
⊹ Мартина Пенева – најдобар студент
⊹ Кристина Петровска – студент со најголем развој

АКАДЕМИЈА ЗА ГРАФИЧКИ ДИЗАЈН: 
⊹ Андријана Антова – најдобар студент
⊹ Дејан Ичев – студент со најголем развој

АКАДЕМИЈА ЗА ВИЗУЕЛНИ УМЕТНОСТИ:
⊹ Ана В’чкова – најдобар студент
⊹ Гаја Смилевска – студент со најголем потенцијал
⊹ Стефани Караџовска – студент со најголем развој
⊹ Мартин Чичовски – студент со најголем развој

АКАДЕМИЈА ЗА МОДЕН ДИЗАЈН:
⊹ Марија Трајковска – најдобар студент
⊹ Ангела Спасовска – студент со најголем потенцијал

★ За најдобар студент на генерацијата беше прогласена Мартина Пеневa, од Академијата за ентериер и продукт дизајн, којашто беше наградена и од нашиот партнер JK Travel со летување за двајца по нејзин избор ♡

 

Честитки драги студенти! Ви посакуваме успешна кариера, а ние сме секогаш тука за сите ваши нови идеи, соработки, препораки и дружби ✧˚ · . ˚

СКАЛА | Школа за дизајн, уметност и технологија

The post Импресии од „Decennium“ ✧ appeared first on Skala School.

„Decennium“ [латински: ДЕЦЕНИЈА]. Затоа што десет години го полниме креативниот простор и го развиваме образованието.

Ви ја претставуваме финалната изложба на студентите од Академиите за графички дизајн, визуелни уметности, моден дизајн, ентериер и продукт дизајн при „Скала“ Школата за дизајн и уметност [поранешно „Џолев и уметностите“] во соработка со Институтот за дизајн и технологија – Скопје, генерација 2021/22.

Затоа што ние сме горди на нашите студенти!
Затоа што е важно дизајнот да биде јавно претставен.
Ве покануваме на најголемата студентска изложба на дизајн.
PUBLIC ROOM // 14 окт. // 19:00

☆ Уписите за новата учебна 2022/23 се во тек! Повеќе информации:
https://djolevandthearts.edu.mk [новата генерација започнува на 17.10.2022].

 

 

АКАДЕМИЈА ЗА ГРАФИЧКИ ДИЗАЈН

Ана Димовска, Ана Ѓорѓиевска, Андријана Антова, Ангела Илиевска, Бојана Стоилковска, Владанка Колева, Дејан Ичев, Душко Ичев, Ева Николоска, Елена Стојановска, Лука Стојановски, Марија Џингова, Михаела Јордева, Михаил Велески, Сара Секулоска ,Теона Димова, Филип Каркалашев.

 

АКАДЕМИЈА ЗА ВИЗУЕЛНИ УМЕТНОСТИ

Ана В’чкова, Виктор Цветановски, Галена Миљовска Поповска, Гаја Смилевска, Давид Пројковски Евдокија Стаменковска Елена Трајкова, Игор Јовков, Лазар Аризанов, Мануела Златкова, Маријан Стојановски, Мартин Чичовски, Стефани Караџовска, Тијана Тесалоника Шишкоска, Филип Гаговски.

 

АКАДЕМИЈА ЗА ЕНТЕРИЕР И ПРОДУКТ ДИЗАЈН

Ева Свирева, Елеонора Митреска, Кристина Петровска, Марија Ифтимова, Мартина Пенева, Сара Илиевска, Тамара Илковска.

 

АКАДЕМИЈА ЗА МОДЕН ДИЗАЈН

Ангела Спасовска, Златка Николоска, Ива Ивановска, Јован Јосифовски, Кристина Маринчевска, Луна Аврамовска, Марија Трајковска, Милица Димитријевиќ, Михаела Панова, Сара Величковска, Сара Ѓорѓиевска, Стефанија Арсовска.

 

 

АКАДЕМИЈА ЗА UX/UI ДИЗАЈН

Ангела Трајановска, Александра Цветковска, Бисера Гиновска, Виолета Ристеска, Дафина Андонова, Марија Степановска, Стојче Ристова, Теоман Максут.

 

— — —

МЕНТОРИ НА АКАДЕМИИ / АКАДЕМСКА 2021/22 год.:

Александар Ношпал, Aлександар Наумовски, Андреј Павлов, Антонио Станков, Апостол Тноковски, Благојче Наумовски, Влатко Ристов, Георгиј Голабоски, Гордана Вренцоска, Дарко Аницин, Дејан Џолев, Дејан Милосавлески, Деспина Здравкова, Доротеј Нешовски, Елена Ванѓеловска, Зоран Кардула, Игор Георгиоски, Ирина Тошева, Илија Паунков, Јелена Џокиќ, Катерина Трпковска, Кристина Крагујевска, Крсто Златков, Михаил Ангелов, Небојша Вилиќ, Никола Узуновски, Никола Булески, Петар Павлов, Петар Џон, Сандра Ѓоргиевска, Симона Тасевска.

☆ Ве очекуваме на најголемата студентска изложба оваа година во петте хали на Паблик рум // 14. октомври • 19 часот.

☆ Изложбата е поддржана од Министерство за култура на Република Северна Македонија и Скала магазин.

Ве очекуваме!

10 години „Скала“ Школа за дизајн и уметност
076 266 740

The post „DECENNIUM“ – Финална дизајн изложба appeared first on Skala School.

Нивната работа е полна со различни димензии и создавање секакви надворешни и внатрешни светови. Секој од нив има различен, единствен пристап во предавањата, но и работата надвор од Академијата. Ви ги претставуваме нивните биографски патеки и колку се значајни нивните професионални достигнувања..

Ви ги претставуваме нашите ментори на Академијата за ентериер и продукт дизајн.

Илија Паунков

Илија Паунков дипломирал на Академија Италијана, како ентериер и продукт дизајнер. Речиси две децении има искуство во проектирање и реализација на продукти и ентериери. Главна преокупација му е работата како консултант за Архитектура и имплементирање на нови технологии и материјали во повеќе компании.

Работи како сениор дизајнер и 3D артист во „BH ARCHITECTS“, со чиј тим освоија прво место на Конкурсот за изработка на идејно решение за универзитетскиот кампус „Мајка Терза“, во 2017 година.

Иако е далтонист, совршено разликува светли и темни тонови и работи со бои цел свој живот 😊 Повеќе од пет години менторира и образува млади луѓе во различни образовни формални и неформални институции. „Главен“ е за професионална 3D визуелизација.

Апостол Тноковски

Апостол Тноковски е домашен, а светски продукт дизајнер кој дипломирал на Факултетот за арт и дизајн. Неговите концепти се инвентивни и уникатни, често инспирирани од органски форми. Главната инспирација му е морската вода и водата воопшто. Неговото најпознато дело кое „одекна“ во светската јавност е пијаното Hydra, за поп дивата Лејди Гага.

Освен што работи футуристички дизајн, Апостол креира и чевли, слушалки, часовници и пијана. Неговите дела се најдоа во многу светски медиуми и публикации, меѓу кои и италијанскиот Vogue и Piano Moda Pelle, National Geographic, FHM, како и Piano Magazine во Франција. Изложувал свои проекти на многу значајни интернационални конкурси за дизајн во Шпанија, Англија, за брендови како Microsoft, Peugeot, Electrolux. Дизајнер, соработник на неколку компании и дизајн студија во Париз, Њујорк и Лос Анџелес.

Неуморен во создавањето нови и крајно визионерски дела, последен негов ваков проект е автомобилот инспириран од изгледот на охридската пастрмка.

Катерина Трпковска

Авторката на многу различни производи oд дрво и метал, Катерина Трпкова, сопствениот бренд Rinocca го развива давајќи му примат на дрвото како благороден материјал, но и стратегијата за користење еколошки суровини во процесот.

Освен тоа, има продуцирано многу проекти за надворешни соработници и компании. Дел од изработките се и наградувани на дизајн конкурси во и надвор од државата. Учествува на Саеми за мебел и ентериер дизајн во странство и дома. Студиото за продукт дизајн Rinocca го лансираше во 2015 со фокус на декоративното осветлување, а во 2017 заедно со соработничката Деспина Здравкова заедно го прошируваат производството и разновидноста на производите. Еко свесен дизајнер!

Таа е дипломиран дизајнер на ентериери, со повеќе од деценија искуство во повеќе компании со различни дејности токму во сферата на мебел дизајнот. Oсвен дома, работела и надвор од земјава, а преку години искуство нејзината главна сфера на изработка е специјализација по продукт дизајн.

Никола Узуновски

Никола Узуновски е современ мултидисциплинарен уметник кој студирал на неколку места во светот – од Скопје до Венеција и Хелсинки. Предава уметност и дизајн на неколку светски универзитети, меѓу кои во Италија, Норвешка, Финска, Шведска и Тајланд. Во неговото творештво секогаш ги спојува индивидуалецот наспрема општеството, со отворени прашања за позицијата на уметникот во него, но и науката во контекст на уметничкото дејствување.

Учествувал на неколку интернационални изложби со свои проекти, од кој најпознат е „Мy Sunshine“, со кој учествуваше на 53тото Венециско биенале, претставувајќи ја Македонија.

Беспрекорно инспириран од храната, познат е и како готвач кој комбинира светски вкусови со фузија од азиски „допир“ на гастрономските патеки, за свои луѓе, но и за публика. Во овој контекст, негов проект е „Соларната кујна“, каде се промовира соларната енергија, преку настани каде се готви и храната и техниката се споделува со публиката. Никола е концептуален уметник кој има учествувано на преку 50 групни изложби, а има и неколку самостојни.

Јелена Џокиќ

Јелена Џокиќ е доктор по технички науки од областа на машинството. Таа работи во областа на индустрискиот дизајн и адитивното производство. Учествувала на домашни и меѓународни изложби во нејзината дејност. Од 2011 е вклучена во наставниот процес на Машинскиот факултет како асистент на предметите кои ги покрива Институтот за Машински конструкции, механизациони машини и возила.

Посветена на биониката и ергономијата, во своите трудови често пати се инспирира од човечките коски, органски форми на движења и ги инкорпорира во својата работа.

Била вклучена на многу развојно истражувачки проекти дома и во странство, поврзани со различни процеси на креирање, конструкција и примена на инженерингот. Професор на Машински факултет, со посветеност за создавање дизајни со примена на различни материјали и адаптација за секакви намени. Дел е од неколку научни трудови токму во областа на продукт-дизајнот и реверзибилното инженерство.

______

Упатуваме и поздрав до останатите ментори без кои не би била комплетна оваа листа! Тука се Небојша Вилиќ, Крсто Златков, Кристина Крагујевска и Дејан Џолев.

Ние сме единствена Академија која има активна работа во ателје и можност за директна инволвираност во процесите на изработка.

Уписите за најдобрата Академија за ентериер и продукт дизајн се во тек! Информирајте сѐ повеќе за програмата, менторите и начинот на одржување: тука.

The post Запознајте ги нашите ментори на Академијата за ентериер и продукт дизајн! appeared first on Skala School.