Студентите не одговараат на прашања, тие презентираат сопствени визуелен проекти. Дизајн, моушн дизајн, фотографија… Идеи, концепти и дела коишто поминале низ процес.

За многумина, тоа е првиот момент кога сфаќаат дека визуелните комуникации не е „креативност по инспирација“, туку дисциплина што бара структура и свесна одлука. Елена, Вероника и Милка ни ги споделија кратко своите искуства.

Што се учи во првиот семестар?

Првиот семестар не започнува со камера и режија.

Тој започнува со основите во визуелните комуникации: дигитален дизајн, фотографија, обработка на фотографија, моушн дизајн, графички елементи и типографија. Испитниот проект ги поврзува сите овие медиуми во една целина.

Студентите работат во Photoshop, Illustrator и After Effects, но не учат само алатки, учат како визуелно да пренесат порака, емоција или став.

Елена Иванов ни сподели прецизно:

„Најмногу ми помогна разбирањето на ликовните елементи и како тие функционираат во композиција.“

Тоа значи дека пред да почнат да снимаат филм, видео или друга визуелна формат, тие учат како да градат „една слика“ која раскажува приказна.

Каков беше испитниот проект?

На испитната сесија студентите презентираа проекти во повеќе визуелни дисциплини, генерално статични, како дизајн и фотографија, и покрај тоа што веќе во првиот семестар се запознаа и со движечките слики преку моушн дизајн.

Следниот семестар студентите воведуваат „движење“, преку видео монтажа, работа со камера, филмска режија и сторителинг, како и нови медиуми и алатки за контент креација.

Милка Смилевска презентираше фото есеј за отпадот на Водно, проект што бара и визуелна чувствителност и концепт.

„Мојот прв испит го доживеав убаво. Добив охрабрувачки фидбек од менторите.“

Тоа е клучно, испитот не е суд, туку проверка на процесот.

Вероника Кралева вели:

„Испитот го доживеав како позитивно искуство.“

Но зад таа позитивност стои работа.

Таа додава:

„Научив како да размислувам креативно и како визуелно да ја изразам идејата.“

Ова е суштината на првиот семестар, премин од идеја кон визуелна форма.

Процесот е поважен од перфекцијата

Она што се гледа кај студентските одговори е нешто многу поважно од техничката изведба.

Елена искрено вели:

„Иако не сум 100% задоволна од себеси, фидбекот ми помогна да видам каде можам да напредувам.“

Ова е вистински академски процес.

Не се оценува само резултатот, туку процесот и логиката зад него, личниот развој и одговорноста, што се важни аспекти за следните професионални предизвици. Од нас како професионалци ќе се очекува многу повеќе од само познавање на експертизата, туку способност за размислување, носење одлуки, комуникација, работа во тим и преземање одговорност во реални ситуации.

Во тој контекст, првиот семестар е поставување темел. Не финална форма.

Студио, сет и реална динамика

Испитната сесија беше прва „пичинг“ реалност. Студентите јасно ја аргументираат својата работа пред менторите, како што тоа во иднина ќе го прават пред своите колеги или клиенти.

Оваа динамика природно продолжува и надвор од самата презентација. Академијата не функционира само во училница. Студентите работат во професионално студио, со професионална опрема, во услови на сет.

Што добива студентот по првата сесија?

Не само оценка. Милка вели едноставно:

„Разбрав дека имам капацитет да учам нови работи.“

Вероника се надоврза:

„Се чувствувам ослободено и имам желба да работам повеќе.“

А Елена ни сподели совет што ја заокружи целата философија 🙂

„Да не работат само ‘за оценка’, туку за сопствен развој.“

Тука се гледа вистинската вредност на испитната сесија. Не е тест. Туку прва свесна точка на развој.

Често поставувани прашања:

Дали испитот е теоретски?
Не. Се презентира реален визуелен проект (дизајн, фотографија, моушн).

Кои програми се користат?
Во првиот семестар: Photoshop, Illustrator и After Effects.
Подоцна се додава Premiere Pro, современи алатки како CapCut и AI технологии.

Дали студентите работат во студио?
Да. Редовно користат студио и професионална опрема, како дел од наставата.

Дали се работи тимски?
Да. Проектите вклучуваат тимска динамика и продукциски симулации.

☆ Студии во Скала?

Закажи средба со нашиот тим

The post Како се станува видео креатор? appeared first on Skala School.

Изложбата е од отворен карактер, а сите љубители на уметноста, дизајнот и креативните процеси.

Насловот на изложбата „Линија“, претставува метафора за почеток.

Во фотографијата, линијата го води погледот и ја организира композицијата.
Во цртањето и сликањето, линијата е првиот знак од кој започнува формата.
Во модниот дизајн, линијата ја создава силуетата и структурата на облеката.

Но во оваа изложба, линијата има и уште едно значење, а тоа е првата јавно претставена линија.

За дел од учесниците ова е прво јавно изложување на нивната работа, момент кога идеите, скиците, фотографиите и текстилните форми излегуваат од работната маса и стануваат видливи пред публика.

Нов циклус на обуки

Во моментов се отворени уписи за новите курсеви по:

• Фотографија, погледни повеќе [кликни тука]

• Филмски актер, погледни повеќе [кликни тука]  

• Кроење и шиење, погледни повеќе [кликни тука]

Новите групи започнуваат со работа на 28 март.

Учесници

Датум: 14 март (сабота)
Време: 19:00
Локација: Скала, Скопје

Добредојдени сте да ја проследите првата линија на авторите:

Кроење и шиење: Биљана Петровска, Верче Ѓоргиева, Мирјана Тодоровска, Анѓа Марковиќ, Билјана Димитрова, Живко Станчев, Марија Џуџевиќ, Афродита Рамос, Ана Јанчева

Цртање и сликање: Мартин Филипов, Снежана Маџарова, Аника Радевски, Бонита Колевска Миленкоска, Донка, Кристина Поцкова, Снежана Арнаудовски

Фотографија: Влатко Донев, Ивана Јакимовска, Ален Алексовски, Нина Величковска, Михаил Алексовски, Бранко Наков, Валентина Попова, Викторија Тодоровска, Матеа Петровиќ Мишевска, Ана Крстеска, Мила Миролајски, Стефанија Петковска

☆ Студии во Скала?

Закажи средба со нашиот тим

The post „Линија“ – студентска изложба во Скала appeared first on Skala School.

Првата испитна сесија претставува симулација на реални фотографски задачи и проекти, слични на работа во креативна агенција, студио или на самостоен авторски проект или работа како фриленсер. Студентите презентираат серија фотографии и ја аргументираат својата визуелна одлука.

Не се оценува само финалната слика, туку процесот, размислувањето и способноста да се донесе свесна визуелна одлука.

Тука започнува професионалното размислување.

Академија за фотографија во Скопје – што значи „практична програма“?

Академијата за фотографија во Скала трае 9 месеци и е изразено практична.
Наставата се одвива во две професионално опремени студија за фотографија во просториите на Скала, но и на терен, во зависност од предметот и модулот. Работата е организирана преку конкретни задачи и реални фотографски проекти.

Студентите работат со професионална студиска опрема и систематски ги изучуваат техничките карактеристики на фото-камерата, контролата на светлото, ликовните елементи и принципи како основа на визуелниот јазик, како и обработка и монтажа на фотографија како неизбежен дел од современата фотографска практика.

Испитниот проект – пример од студент

Маринела Блажеска, студентка на Академијата за фотографија, на првата испитна сесија презентираше некочку проекти, меѓу кои и проектот од предметот Историја и теорија на фотографија.

Маринела за овој проект беше инспирирана од Annie Leibovitz.

На прашањето што ѝ помогнало најмногу од првиот семестар, таа одговори:

„Значењето на светлото при фотографирање.“

Во фотографијата, светлото не е само технички услов – туку носител на карактер и атмосфера.

За процесот, таа додава:

„Се обидов сè што можам да откријам сама, а за сè она за кое ми требаше помош, во секое време менторите беа тука.“

А за атмосферата на првиот испит:

„Позитивна атмосфера, малку трема. Далеку подобро чувство од класичен испит :)“

По завршувањето на сесијата:

„Мотивирана за уште повеќе во 2 семестар.“

Што се учи во текот на академијата?

• портрет фотографија
• продукт фотографија
• модна фотографија
• студиска фотографија
• документарна фотографија

Паралелно со тоа, студентите минуваат низ:

• историја и теорија на фотографија
• обработка и монтажа на фотографија
• технички карактеристики на камера
• визуелни елементи и принципи како јазик на фотографијата

За кого е наменета Академијата за фотографија?

Академијата е наменета за сите кои сакаат:

• да се преквалификуваат во областа на фотографијата
• да се доквалификуваат и да ја подигнат својата техничка и концептуална основа
• да започнат кариера во фотографската индустрија
• да изградат професионално портфолио

Без разлика дали некој доаѓа од друга професија, штотуку завршил средно образование или веќе фотографира, програмата е поставена така што гради основа и постепено води кон професионално ниво.

Маринела на идните студенти им препорачува:

„Да бидат храбри, да се трудат да ги остварат своите задачи колку и тоа да изгледа најпрво тешко.“

Токму таа храброст – да се експериментира, да се проба, да се излезе од комфор-зоната – е клучна за развој во оваа индустрија.

Финална изложба и професионален чекор

Академијата завршува со финална изложба и јавни презентации пред компании од индустријата.

Ова е простор за вмрежување, соработки, потенцијално вработување.

Веќе 15 години Скала е расадник за фотографи, автори, фриленсери и фото-бизниси во Македонија. По завршувањето на програмата, студентите можат да работат како: фриленс фотографи, дел од креативни тимови во маркетинг агенции или дизајн студија.

Често поставувани прашања:

Каде да студирам фотографија во Македонија?
Академијата за фотографија во Скала е 9-месечна, практична програма што комбинира студиска работа, теренска настава и реални проекти.

Дали програмата е практична?
Да. Наставата е доминантно практична и се одвива во професионални студија и на терен.

Дали студентите работат со професионална опрема?
Да. Скала располага со две професионално опремени студија за фотографија.

Дали по академијата може да се работи професионално?
Да. Програмата поставува техничка и концептуална основа за работа како фриленсер и автор.

Дали е потребно претходно искуство?
Не. Академијата започнува од основи и постепено гради техничка сигурност и визуелен јазик.

Размислуваш за студии по фотографија?
Доколку сакаш повеќе информации за програмата, модулите или условите за запишување, можеш да закажеш средба со тимот на Скала и да видиш дали оваа академија е вистинскиот чекор за тебе.

☆ Студии во Скала?

Закажи средба со нашиот тим

The post Не се оценува финалната слика, туку процесот – Академија за фотографија appeared first on Skala School.

Таа се состои од развој и презентација на авторска модна колекција – проект што ги обединува знаењата стекнати во текот на првиот семестар.

За многумина, ова е првиот момент кога сфаќаат дека модниот дизајн не е само цртање облека, туку процес што вклучува истражување, концепт, структура, техничка изведба и аргументирани одлуки.

Што точно се полага?

Во првата испитна сесија студентите развиваа авторска модна колекција инспирирана од селектирани артефакти од Археолошкиот музеј на Македонија.

Колекцијата се презентира во форма на структуриран collection development book што го документира целиот процес: од истражување и концепт, преку дефинирање целна група, развој на колорна палета и избор на текстил, до силуети, модни илустрации и технички цртежи.

Паралелно, во рамки на предметот „Конструкција на облека“, студентите изработуваат конкретен модел, парче облека, поминувајќи низ целата постапка од кројна основа до финална изведба.

Испитот завршува со презентација пред менторите, каде што студентот ја аргументира својата концептуална и техничка одлука.

Од трема до сцена?

Зборот „испит“ најчесто асоцира на притисок.

Но искуството во Скала има поинаква динамика.

Ана Младеновска вели:

„Испитот на Скала го доживеав многу поразлично од класичен испит. Немаше класично испрашување, туку презентација на тоа што сме го работеле цел семестар.“

Таа ги презентирала двата испитни предмети – модна колекција и конструкција.
За тоа што најмногу ѝ помогнало:

„Научив што точно се подразбира под предметот колекција и како од идеја да развијам цела приказна.“

Сандра Камчева додава:

„Преубаво ми беше чувството. За првпат немав трема како на класичен испит.“

Матеа Стојановска го опишува испитот како предизвик:

„Првиот испит во Скала беше за мене предизвик, но и огромна можност да покажам што сум научила.“

Презентацијата бара студентот да ја објасни логиката зад својата колекција – зошто таа инспирација, зошто тие материјали, зошто таа силуета. Тоа е веќе професионална рамка.

Проектот како прва професионална симулација

Испитниот проект не е апстрактна задача.
Тој симулира реална ситуација од модната индустрија.

Матеа вели:

„Менторската поддршка ми помогна да имам јасна насока и да го подобрам секој детал.“

Сандра додава:

„Сите професори ни дадоа позитивни насоки и ни помогнаа да ја развиеме идејата.“

Овој момент е клучен: студентот првпат гледа како различни предмети – историја, илустрација, текстил, конструкција – функционираат како една целина.

Што се учи во првиот семестар?

Во текот на првите месеци, студентите не учат само како да нацртаат модел. Тие учат како да изградат колекција. Првиот семестар опфаќа: историја и теорија на мода, модна илустрација, модна колекција, конструкција на облека и техники на кроење и шиење.

Испитната презентација ги поврзува сите овие сегменти во една целина.

По завршувањето на испитната сесија, студентите не добиваат само оценка – добиваат јасна слика за сопствениот напредок.

Ана вели:

„Бев горда на себе што успеав да го научам и изработам тоа што на почетокот ми изгледаше тешко.“

Сандра:

„Имам јака самодоверба. Сега знам како би пристапила на следен проект.“

Матеа:

„По завршувањето на испитната сесија се чувствувам мотивирано и посигурно во себе.“

Првата испитна сесија ја гради првата професионална самодоверба.

Тоа е моментот кога студентот престанува да се гледа како почетник и почнува да размислува како моден дизајнер.

Што би им препорачале на идните студенти?

Мерал Рустеми вели:

„Колку и да сте ангажирани, Скала ви ја нуди насоката и структурата – искористете ја.“

Нејзината порака е едноставна: системот постои, менторството постои, условите постојат, прашањето е колку си подготвен да вложиш.

Матеа Стојановска додава:

„Би им препорачала да бидат упорни, редовно да работат и да не се откажуваат – резултатите доаѓаат.“

И можеби токму во ова се крие суштината на првиот семестар.
Не е важно само да имаш идеја.
Важно е да ја развиеш.
Да ја конструктивираш.
Да ја презентираш.
И да застанеш зад неа.
А тоа е веќе првата скала, кон моден професионалец.

Често поставувани прашања за Академијата за моден дизајн во Скала:

Дали е потребно претходно искуство?

Не. Првиот семестар е поставен така што студентите постепено ги градат основите – од историја на мода до финална колекција.

Дали по првиот семестар студентот е подготвен за работа?
Првиот семестар создава цврста основа: концепт, структура, конструкција и презентација. Професионалната зрелост се надградува во следниот семестар.
Нашите студенти денес работат во модната индустрија како модни дизајнери, конструктори на облека и стилисти.

☆ Студии во Скала?

Закажи средба со нашиот тим

The post Како изгледа испитна сесија на Академијата за моден дизајн? appeared first on Skala School.

Таа се состои од изработка и презентација на целосна дигитална маркетинг стратегија – проект што ги обединува знаењата стекнати во текот на првиот семестар.

За многумина, ова е првиот момент кога сфаќаат дека дигиталниот маркетинг не е „објавување содржина“, туку процес што вклучува анализа, структура и аргументирани одлуки.

Што се учи во првиот семестар?

Во текот на првите месеци, студентите не учат само алатки. Тие учат да размислуваат стратегиски. Првиот семестар опфаќа:

• анализа на пазар и целна публика
• поставување комуникациска стратегија
• дефинирање бренд
• позиционирање
• креирање маркетинг порака
• избор на соодветни дигитални канали
• основи на е-маил маркетинг
• основи на мерење резултати и логика на кампања

Испитниот проект ги поврзува сите овие елементи во една целина.

Од трема до сцена

Зборот „испит“ најчесто асоцира на притисок. Но искуството во Скала има поинаква динамика.

Стефани Стефаноска, студентка на Академијата за дигитален маркетинг, го опишува моментот вака:

„Ако класичниот испит е ладен сив ѕид, првиот испит во Скала беше сцена. Имав трема, но истовремено чувствував дека имам простор да го покажам тоа што сум го работела.“

И Меланија Димова ја почувствувала истата промена во перцепцијата:

„На почетокот имав трема, но многу брзо ми помина. Сфатив дека не станува збор за ‘испрашување’, туку за можност да го презентирам својот труд.“

Презентацијата бара студентот да ја објасни логиката зад својата стратегија – зошто ја избрал одредената целна публика, зошто токму тие канали, зошто таа порака. Тоа е веќе професионална рамка.

Проектот како прва професионална симулација

Испитниот проект не е апстрактна задача. Тој симулира реална ситуација од индустријата.

Софија Томовска креирала маркетинг кампања за винаријата „Tikveš“, при што системски ги поврзала сите сегменти во една стратегија:

„Научив како се креира една целосна маркетинг стратегија – од анализа, преку дефинирање целна публика, до избор на канали и комуникациска порака. Тоа знаење директно го применив во проектот.“

Овој момент е клучен: студентот првпат гледа како различни предмети – стратегија, е-маил маркетинг, бренд, комуникација – функционираат како една целина.

Како што вели Стефани:

„Највредната лекција од првиот семестар беше критичкото размислување – да не објавувам нешто само затоа што ‘треба’, туку затоа што има стратегија зад тоа.“

Што се учи во првиот семестар на Академија за дигитален маркетинг во Скала?

Во текот на првите месеци, студентите не учат само алатки. Тие учат да размислуваат стратегиски.

Првиот семестар опфаќа:

• анализа на пазар и целна публика
• поставување комуникациска стратегија
• дефинирање бренд позиционирање
• креирање маркетинг порака
• избор на соодветни дигитални канали
• основи на е-маил маркетинг
• основи на мерење резултати и логика на кампања

Испитниот проект ги поврзува сите овие елементи во една целина.

По првата испитна сесија: сигурност и насока

По завршувањето на испитната сесија, студентите не добиваат само оценка – добиваат јасна слика за сопствениот напредок.

Меланија вели:

„Се чувствувам мотивирано и самоуверено. Од коментарите сфатив што сум направила добро и каде можам уште да се подобрам.“

Стефани додава:

„Се чувствувам исполнето и подготвено за следниот чекор.“

А Софија ја гледа оваа сесија како цврста основа:

„Знам дека можам уште да учам и да се надградувам, но оваа сесија ми покажа дека имам цврста основа.“

Првата испитна сесија ја гради првата професионална самодоверба. Тоа е моментот кога студентот престанува да се гледа како почетник и почнува да размислува како стратег.

Често поставувани прашања за првата испитна сесија: 

Дали испитот е теоретски тест?

Не. Првата испитна сесија на Академијата за дигитален маркетинг во Скала се состои од изработка и презентација на целосна маркетинг стратегија.

Што точно се полага?

Се презентира стратегија што вклучува анализа, дефинирање целна публика, комуникациска порака, избор на канали и аргументација на сите одлуки.

Дали е потребно претходно искуство?

Не. Првиот семестар е поставен така што студентите постепено ги градат основите – од анализа до финална презентација.

Колку е реален проектот?

Испитниот проект симулира реална маркетинг ситуација – слична на работа во агенција или компанија.

Дали по првиот семестар студентот е подготвен за работа?

Првиот семестар создава цврста основа: стратегиско размислување, структура и аргументација. Професионалната зрелост се надградува во следниот семестар.

☆ Студии во Скала?

Закажи средба со нашиот тим

The post Како изгледа првата испитна сесија на Академијата за дигитален маркетинг? appeared first on Skala School.

Студирањето во Скала за мене е остварување на желба, место од каде си заминувам мотивирана, инспирирана и со желба да создавам повеќе.

Академијата за фотографија во Скала во Скопје е програма за практично образование во областа на современата фотографија. Наменета е за студенти од различни професионални позадини — без разлика дали доаѓаат од уметност, хуманистички науки или сосема друга професија — кои сакаат сериозно да го развиваат својот авторски пристап и да изградат професионално портфолио.

Марија Митреска ја спојува љубовта кон јазикот, културата и визуелното раскажување. Дипломец по насока француски јазик и книжевност, а денес работи како професор по француски јазик во Францускиот институт во Скопје, и студентка на Академија за фотографија во Скала. 

Фотографијата за неа е начин на набљудување и собирање моменти — најчесто додека пешачи, истражува и тивко ја следи средината околу себе.

Инспирацијата ја наоѓа во минатото, старите градби, предмети и музика, па не е чудно што од патувањата често се враќа со стари писма, фотографии или необични предмети. 

Искуството на Марија – одговори од прва рака…

Фото-дисциплина која најмногу ми прилега…
Документарната и уличната фотографија. Но, сакам и продукт и портрет фотографија.

Омилени фотографи…
Робер Дуано, Анри Картие-Бресон и Џани Беренго Гардин.

Омилен филм…
Dead Poets Society, Little Women и Good Will Hunting.

☆ Студии во Скала?

Закажи средба со нашиот тим

Најчесто инспирација црпам од…
Врвни фотографи, како од странство така и од кај нас, од природата и од музиката.

На Академијата, најважната лекција што ја стекнав…
Никогаш да не се плашам да испробувам различни начини, да си верувам дека го имам вистинското решение и да не се плашам да експериментирам.

Мојот сон…
Да се остварам како професионален фотограф, да имам своја изложба и книга со фотографии. Сакам моите фотографии да бидат интерес кај гледачите, да носат порака и да раскажуваат приказни кои долго ќе се паметат.

Како изгледа студирање фотографија во Скала?

Академијата за фотографија во Скала се одвива со физичка настава во Скопје и комбинира:

• техничка основа (работа со светло, камера),
• развој на авторски пристап,
• работа на документарна, портрет и продукт фотографија,
• градење професионално портфолио.

Програмата е отворена и за почетници и за лица кои сакаат кариерна промена или паралелно развивање на креативна практика, како што е случајот со Марија.

Често поставувани прашања:

Дали може да се запише студент без претходно искуство?
Да. Наставата е структурирана така што овозможува постепено совладување на техничките и концептуалните аспекти на фотографијата.

Дали наставата е практична?
Да. Голем дел од процесот се одвива преку практични задачи, работа во студио, теренска работа и анализа.

Дали се изработува портфолио?
Да. Студентите постепено градат портфолио што може да биде основа за изложба, аплицирање или професионален ангажман.

–
Написот е реализиран од студентската организација на „Скала“ – „Скала магазин“.
Одговорен уредник: Теа Олевска
Пишува: Маринела Блажеска
Фотографија: Викторија Андреевска
Дизајн: Виктор Георгиевски
Веб уредување: Ева Парапански

The post Студентски искуства: Марија Митреска – Академија за фотографија appeared first on Skala School.

Академијата за моден дизајн во Скала во Скопје е програма за практично и професионално образование во областа на модата. Наменета е за студенти од различни професионални позадини — вклучувајќи и IT, економија, уметност или сосема друга индустрија — кои сакаат сериозно да започнат или пренасочат кариера во модната индустрија.

Ана Младеноска е магистер по компјутерски науки (Data Science in Computer Science and Engineering) и професионално работи во IT компанијата
Magix.AI. Но паралелно со алгоритми и податоци, таа избира да гради и нешто сосема поинакво, сопствен визуелен свет преку Академијата за моден дизајн  во Скала.

Ана е од оние девојки што никогаш не мируваат. Возење точак (и на снег), пливање (не ја прашавме дали и на снег), книги, дружење… се само дел од нејзиното секојдневие.

Инспирација не ја следи од трендови, туку од реалноста. Од видено. Од доживеано. Нејзиниот пристап кон модата е јасен: уникатност, одржливост и промислен дизајн.

Искуството на Ана – одговори од прва рака…

Би сакалa да дизајнирам облека за…
Луѓе што сакаат да изгледаат уникатно и посебно, со автентични парчиња облека.

Ре-употребување на материјали, затоа што…
Надоградбата може да биде многу подобра од оригиналот, притоа заштитувајќи ја природата од дополнителен отпад.

Омилена модна епоха…
Златната доба на 50-тите („The New Look“).

Омилен моден дизајнер…
Christian Dior.

Најчесто инспирација црпам од…
Уникатни делови што сум ги видела со свои очи.

Страна / Instagram профил / списание што ги следам…
yana_pries
schiaparelli
whowhatwear
Списание: ELLE

☆ Студии во Скала?

Закажи средба со нашиот тим

На Академијата, најважната лекција што ја стекнав…
Трудот, посветеноста, падовите и истрајноста секогаш се исплаќаат — но многу подоцна.

Никогаш не би „киднала“ од часот…
Затоа што секоја секунда е битна, а секое предавање од професорите носи своја вредност и значење.

После часовите…
Се продолжува со домашни 😂

Мојот сон…
Атеље со уникатни парчиња облека — по еден модел од секој.

Академијата за моден дизајн во Скала се одвива со физичка настава во Скопје и комбинира:

• практична работа (кроење, шиење, развој на модели),
• менторство од активни професионалци,
• работа на реални концепти и авторски колекции,
• развој на сопствен визуелен јазик,
• градење професионално портфолио.

Студентите не учат само техники — туку градат дисциплина, процес и начин на размислување што може да стане основа за сопствен бренд, атеље или професионален ангажман во модната индустрија.
Програмата е отворена и за почетници и за лица кои доаѓаат од сосема поинаква професионална позадина и размислуваат за кариерна промена кон моден дизајн.

–
Написот е реализиран од студентската организација на „Скала“ – „Скала магазин“.
Одговорен уредник: Теа Олевска
Пишува: Мелани Марјановиќ
Фотографија: Ангелина Наумовска, Викторија Андреевска, Маринела Блажеска
Дизајн: Ева Парапански
Веб уредување: Ева Парапански

The post Студентски искуства: Ана Младеновска – Академија за Моден дизајн appeared first on Skala School.

Анастасија Стојкова е тековен студент на академијата за ентериер дизајн. Таа има завршено средно училиште во Германија и ужива во дизајнирањето на простори кои што не само што се функционални, туку се и инспиративни  за луѓето што би ги користеле.

Точноста е број еден особина која ја бара кај луѓето, па затоа секогаш го почитува своето и туѓото време. Омилен ритуал после часовите и е пијачка со колешките.

Анастасија ни сподели повеќе за нејзиното искуство во Скала…

Стил кој најмногу ми прилега…
Современ минимализам со тивок луксиуз, не сакам кич линии, ме привлекуваат пастелни и неутрални бои, би сакала да правам ентериери кои би изгледале добро и по 10 години.

Би сакал/а да работам со/за….
Првобитно како ентериер консултант за станбени згради, куќи итн, за да стекнам искуство. Па потоа откако ќе стекнам искуство и ќе направам добро портфолио би сакала да работам како 3D онлајн и физички ентериер дизајнер.

Најважни за дизајн ентериер е…
Според мене најважно за дизајн на ентериер е просторот да функционира за човекот што живее во него, а естетиката да го надополни тоа.

Домашните на Апостол Тноковски…
Домашните кај Апостол се вистинска авантура, ние сме најстроги кон себе а тој секогаш нè бодри со потсетник дека не ни се толку лошо нацртани… и дека секогаш може и полошо (што некако чудно мотивира).

☆

Академија за ентериер и продукт дизајн

Закажи средба со нашиот тим.
–

На часовите кај Илија Паунков…
Кај Илија секој час е како интензивен курс, добиваме 300 информации, практични совети и постојана поддршка — и секогаш си заминуваме побогати со знаење (и малку преоптоварени, ама во добар смисол :D).

Најкул музика ни пушта…
Џолев се подразбира.

За скала
Академијата Скала за мене е отскочна даска кон иднината. Се надевам дека ќе ми донесе многу позитивни промени во животот и нови можности. Досегашното искуство ми е навистина прекрасно… Запознав инспиративни колешки кои прераснаа во вистинско другарство, како и исклучителни ментори кои несебично нè поддржуваат и мотивираат.

–
Написот е реализиран од студентската организација на „Скала“ – „Скала магазин“.
Одговорен уредник: Теа Олевска
Пишува: Марија Јакимова
Фотографија: Ангелина Наумовска
Дизајн: Михаела Матоска

Веб уредување: Ева Парапански

The post Студентски искуства: Анастасија Стојкова – Академија за Ентериер дизајн appeared first on Skala School.

Меланија сака да патува и да поминува квалитетно време со пријателите. Затоа и своето образование си го замислува како патување од кое може многу да научи. По завршувањето на средното економско образование како следна дестинација си ја има поставено Скала и Академијата за дигитален маркетинг.
Инаку, Меланија за себе вели дека е ноќна птица – додека другите се будат рано, таа ги преспива утринските часови, па слободно може и да ѝ завидуваме.

Меланија ни сподели повеќе за нејзиното искуство во Скала…

Најинтересен тренд во дигитален маркетинг….
User-generated content и storytelling пред selling.

Омилена социјална мрежа….
Инстаграм – место каде што најмногу споделувам содржина со пријателите, следам инспиративни инфлуенсери и понекогаш откривам и купувам интересни производи од онлајн продавници.

Менторот Димитар секогаш е…
Реален и отворен за дискусија.

☆

Академија за Дигитален маркетинг

Закажи средба со нашиот тим.
–

На Академијата, најважната лекција што ја стекнав…
,,Подобро е да имаме реални или ниски очекувања, па да се изненадиме доколку резултатот е подобар, отколку да се прецениме, па подоцна да се разочараме ”. – ментор Владимир Ристевски

Инспирација најчесто црпам од…
Pinterest – платформа која ми помага со идеи за подароци, декорации, outfits, нокти и мотивирачки пораки.

Мојот сон…
Е да бидам успешна во својата област, да најдам работа каде што ќе има позитивна атмосфера и секако добар тим.

–
Написот е реализиран од студентската организација на „Скала“ – „Скала магазин“.
Одговорен уредник: Теа Олевска
Пишува: Софија Томовска
Фотографија: Викторија Андреевска
Дизајн: Елена Иванов, Ева Парапански, Виктор Георгиевски, Михаела Матоска
Веб уредување: Ева Парапански

The post Студентски искуства: Меланија Димова – Дигитален маркетинг appeared first on Skala School.

Ангелина живее помеѓу камерата, модата и креативните идеи. Работи како модел на фотосесии и кампањи, а благодарение на тоа точно знае како изгледа приказната и пред и зад објективот. Иако има позадина во дизајн на ентериери, фотографијата ѝ е омилено ново поле за истражување и едукација. Во слободно време е на планина со другарите, каде собира инспирација и полни батерии за нови креативни проекти.

Ангелина ни сподели повеќе за нејзиното искуство во Скала…

Би сакала да ги фотографирам…
Модните парчиња на Vivienne Westwood, инспирирана од нејзината енергија.

Фото-дисциплина која најмногу ми прилега….
Портретната и модната фотографија, каде визуелниот идентитет и естетиката се клучни.

Омилен фотограф…
Jerry Uelsmann. Неговите фотографии се тивок дијалог меѓу реалноста и сонот – таму каде што реалноста станува сон.

Најчесто инспирација црпам од…
Од чувствата што камерата ги фаќа, а зборовите не ги кажуваат.

☆

Академија за Фотографија

Закажи средба со нашиот тим.
–

На академијата, најважната лекција што ја стекнав…
Е присутноста во моментот.

Често разговараме со колегите за…
За нови концепти и креативни пристапи.

Мојот сон…
Е модната фотографија да ме води низ целиот свет.

–
Написот е реализиран од студентската организација на „Скала“ – „Скала магазин“.
Одговорен уредник: Теа Олевска
Пишува: Маринела Блажеска
Фотографија: Викторија Андреевска
Дизајн: Елена Иванов, Ева Парапански, Виктор Георгиевски, Михаела Матоска
Веб уредување: Ева Парапански

The post Студентски искуства: Ангелина Наумовска – Фотографија appeared first on Skala School.