Во чест на 25 години постоење, „Метаноја“ – познатата издавачка куќа, литературно кафе и галерија во центарот на Скопје – се подготвува да го прошири својот магичен свет со нова секција посветена на најмладите. Инспирирани од книгите „Светот на сребрениот кладенец“ и „Создавањето на златниот свет“ од Коста Милков, основачите Нада и Коста Милков, сакаат да создадат простор каде што децата ќе можат да истражуваат, учат и да го осознаваат светот преку креативни искуства.

За да ја оживеат оваа визија, „Метаноја“ ја покани новата генерација графички дизајнери – студентите од Академијата за графички дизајн при „Скала“ – да создадат лого и визуелен идентитет за детската секција. 

Ова лого ќе стане дел од сите идни изданија на детски книги, обележувајќи го почетокот на ново поглавје во приказната на „Метаноја“.

Што ве мотивираше да соработувате со Скала?

Коста Милков и Неда Милков, сопствениците кои стојат зад „Метаноја“, ни објаснија зошто „Скала“ е нивниот партнер за овој проект.“

„Скала“ ја одбравме како партнер за реализација на проектот „Метаноја“ благодарение на нашата долгогодишна успешна соработка со основачот и еден од стручните соработници во „Скала“. Ова искуство не само што изгради професионална доверба, туку и создаде заемна почит и пријателство коешто остана константна инспирација за нашата заедничка работа. 

Имајќи го предвид горенаведеното во контекст на тоа дека „Скала“ функционира како Школа за дизајн и технологија, настана идејата во проектот „Метаноја“ да бидат вклучени студентите кои тековно ја посетуваат наставата за дизајн. Имено од секој од нив посебно беше побарано да разработат идејно решение. Едно од нив ќе биде избрано за да се развие во конечен продукт под покровителство на менторскиот тим на „Скала“.  

Од почетоците на „Скала“ па досега, видлив е извонредниот придонес на оваа креативна иницијатива во сите области со коишто се занимава. Покрај веќе кажаното, ваквите добри впечатоци беа важни фактори за нашата одлука за соработка.

Кои се вашите цели и очекувања од оваа соработка за создавање на лого за „Златниот свет на Метаноја“, и што го прави овој проект уникатен?

„Метаноја“ годинава одбележува дваесет и пет години од основањето. Радосни сме дека низ овие две и пол децении, основната визија остана непроменета, додека во неа се вклопуваа нови креативни и концептуални идеи. Така, од она што во 2000 беше издавачка куќа и прва книжарница и интернет–кафе во Македонија, сега стигнавме до „три во едно“: издавачка куќа, литературно кафе и уметничка галерија. Токму на оваа „четврт век-годишнина“, созреа времето да ја вклопиме визијата за детскиот импринт и катче „Златниот свет на Метаноја“. На овој начин, она коешто „Метаноја“ со години го претставува и застапува во име на децата ќе добие и конкретна платформа и физички простор. Децата ќе можат да имаат свое катче каде што би биле поттикнати кон некои од најважните сфери за развојот на личноста, а тоа се пишаниот збор, уметноста и играта како медиум којшто ќе ги поврзе овие насушни потреби за децата во едно. 

Истовремено, очекуваме новото лого и севкупното графичко и уметничко решение да бидат автентични и да носат свој карактер.

Сакаме графичкото решение да биде впечатливо, привлечно и јазично прилагодено на децата и младите. Очекуваме да поттикне мечта и љубопитство, да го инспирира детскиот интелект, а истовремено да ги предизвикува на размислување и креативност.

Уникатноста на овој проект лежи во заемното препознавање на талентите и квалитетите на двете страни. Тој е резултат на заеднички труд, истрајност и разбирање – и во периоди на успеси и во мигови кога биле потребни трпение и поддршка – ни појаснија Коста и Нада. 

Вистински предизвик за реален проект!

Дознавме од Лазар Петкоски и Каролина Арменска како изгледал хакатонот за „Златниот свет на Метаноја” од нивна гледна точка, од брифингот до креирањето на логото.

Хакатонот беше доста интересно искуство и ми е мило што имав прилика да учествувам на овој проект, воедно и да го изработам моето прво лого за клиент. Бевме пречекани со топла, пријатна и опуштена атмосфера, убав амбиент, вкусна храна и добра музика.

На брифингот, клиентот сподели некои информации и детали околу проектот, како и некои почетни насоки и детали коишто би послужиле како наша инспирација во изработката на логото. Потоа следеа почетните идеи и замисли, доста се посветив, вложив многу време и труд и успеав да дојдам до конечното решение. 

Земајќи предвид дека скоро сите сме почетници и само што влегуваме во светот на графичкиот дизајн, сметам дека дадовме сè од себе и треба сите индивидуално (и групно) да сме горди со тоа што го постигнавме на овој наш прв заеднички проект– ни сподели Лазар

Додека пак Каролина се надоврза: 

Хакатонот за „Метаноја“ беше голем предизвик, особено ако се земе предвид дека се одржа само два месеци по почетокот на наставата. Имавме можност да работиме на реален проект каде што секој од нас беше соочен со предизвикот да ги примени стекнатите знаења во практична ситуација.

Сè започна со брифингот од Коста и Нада којшто беше јасен и концизен. Добивме насоки за визијата на клиентот и поентата што треба да ја пренесеме преку логото. Веднаш по брифингот, нашиот ментор Влатко Ристов ни помогна со насоки за развој на идејата преку mind mapping и moodboarding. Овие методи ни овозможија подобро да ги структурираме идеите и да ги визуелизираме можните насоки за дизајнот. Во процесот изработивме први скици за логото, а со конструктивните критики од менторот Влатко, направивме важни корекции и подобрувања.

Финалната фаза беше петчасовниот хакатон со менторот Дејан Џолев каде што ги презентиравме нашите логоа, добивме дополнителни совети за подобрување и научивме како професионално да го презентираме финалното лого на клиентот. Ова беше многу интересно искуство коешто ни помогна да го разбереме процесот на создавање лого од идеја до реализација.

Важноста на методолошкиот пристап при создавање визуелна комуникација

При секоја работа се соочуваме со низа предизвици, па така Каролина и Лазар ни споделија со кои предизвици тие се соочиле и како ги надминале со помош на ментнорите Ватко Ристов и Дејан Џолев. 

Еден од најголемите предизвици беше како да се преточи целосната визија на клиентот во едно лого коешто ќе биде во склад со брендот на Метаноја. Кога имате многу насоки и идеи, понекогаш е тешко да се најде вистинскиот правец. Благодарение на Влатко, научивме како да го филтрираме најважното од moodboard-от, што да задржиме, а што да елиминираме за да го добиеме логото.

Дополнителен предизвик беше како професионално да го претставиме нашето лого пред клиентот. Тука ни помогна Дејан Џолев, кој ни даде совети не само за визуелниот изглед на  логото, туку и за тоа како да го спакуваме целосниот концепт во јасна презентација. Од него научивме како да аргументираме зошто одредени елементи се избрани, како визуелната комуникација влијае врз брендот и како најдобро да го пренесеме нашето дизајнерско размислување на клиентот. – изјави Каролина

Лазар пак, сподели: 

Се соочив со неколку предизвици и пречки, сепак успеав да ги надминам со помош на менторите Ристов и Џолев кои ни беа на располагање во секое време и ни беа максимално посветени. 

Вклучувајќи го и менторот Зоран Кардула, сите тројца ми дадоа совети и насоки кои навистина ми помогнаа околу финалниот резултат – благодарен сум им за тоа.

Лично сметам дека по ова искуство, добив некоја доза на мотивација и самодоверба и иако сум сè уште почетник и студент на академијата, можам да се замислам во иднина како работам на многу проекти слични на овој.

Им посакувам среќа на колегите и нека победи најдоброто лого.

„Скала не е само место каде што учиме дизајн, туку заедница којашто инспирира“

Без двоумење можам да кажам дека ни една минута не зажалив што сум дел од оваа академија. 

Најмногу го ценам пристапот на менторите – секој од нив има свој уникатен начин на пренесување знаење, со слобода да го изградиме нашиот дизајнерски стил. Часовите се интерактивни и исполнети со предизвици коишто нè тераат да размислуваме како вистински професионалци.

Тимската работа е нешто којашто ја прави „Скала“ посебна. Секој од нас несебично споделува знаење, помага и дава совети. „Скала“ не е само место каде што учиме дизајн, туку заедница којашто инспирира, охрабрува и нè поттикнува да растеме и да се развиваме како дизајнери. – ни раскажа Каролина. 

Почнав на академија пред неколку месеци и досега имам доста позитивно искуство. 

За кратко време научив многу работи и мислам дека конечно си го пронајдов мојот пат и идната професија. 

За ова, заслуга има програмата на „Скала“ којашто е направена и за почетници, а и луѓе со некое претходно искуство во оваа област кои ќе имаат можност да го надополнат нивното знаење – и менторите кои ни се максимално посветени и знаат да го пренесат своето искуство и знаење.

 Посебно сум задоволен од менторот Кардула кој има долгогодишно искуство, подеднакво е посветен на сите нас, секогаш е тука да помогне и да даде совет, има доста трпение и се гледа дека сè што прави и кажува е од срце. 

Ги охрабрувам сите кои се мислат – ич да не се мислат и да се запишат на Скала – порача Лазар 

Ова партнерство меѓу Метаноја и Скала е сведоштво за моќта на менторството и практичното искуство. Не се работи само за создавање лого; туку за негување млади таленти и поттикнување на идната генерација креативни лидери. Оваа соработка изгради мост меѓу генерации на креативци, прославувајќи ја  заедницата, споделената визија и трансформативната моќ на дизајнот.

The post ХАКАТОН: Метаноја х Скала – создаваме инспиративни решенија appeared first on Skala School.

Оваа соработка е одличен пример за важноста на партнерствата помеѓу млади креaтивци, студенти и компании со визија. Waterdrop, бренд познат по своите иновативни решенија за хидратација и одржливост, го сподели својот ентузијазам со младите таленти и им даде простор на студентите заеднички да создадaт нешто уникатно.

„Waterdrop“, бренд којшто брзо ја освои глобалната сцена со своите освежувачки коцки за вода, стекна голема популарност и во Македонија.
Со  малите дропчиња полни со витамини, природни екстракти и нула шеќери, Waterdrop не само што го зголемува уживањето во пиењето вода, туку и поттикнува свесна потрошувачка. Со фокус на минимализирање на отпадот и промовирање на циркуларната економија, Waterdrop нуди одржливи решенија за сечија хидратација.

Зошто „Скала“? 

Ева Пајковска, генерален менаџер на „Waterdrop“, го водеше брифот до студентите за самиот проект и ни откри зошто ја одбраа токму „Скала“ и студентите од академиите за дизајн за оваа соработка: 

Подолго време ја следам работата на „Скала“ и сум импресионирана од нивниот раст и развој во креативната индустрија. Денес, тие се вистински лидери во својата област, со професионален и иновативен пристап којшто ги издвојува од останатите на пазарот. Нивната способност да комбинираат квалитетна изработка со свежи идеи ги прави идеален партнер за нашиот бренд, а синергијата меѓу „Waterdrop“ и „Скала“ е одлична основа за успешно остварување на проектот.

Кои се вашите главни цели и очекувања од соработката и што го прави овој проект за изработка на продукт–фотографии за „Waterdrop“ уникатен?

Главната цел е да се создадат автентични, високо естетски и професионални фотографии коишто ќе ја отсликаат суштината на Waterdrop – здравје, одржливост и минимализам. Очекувам финалниот резултат да биде не само визуелно привлечен, туку и емотивно инспиративен, носејќи ја пораката на брендот до нашата целна публика. Она што го прави овој проект посебен е и вклучувањето на студентите во самиот процес. Нивната енергија, креативност и свежи идеи додаваат модерен и автентичен аспект на фотографиите. Оваа соработка не само што ја поддржува нивната обука и професионалниот развој, туку и дополнително ја зајакнува вредноста на самиот проект. Ваквиот пристап создава уникатна комбинација на професионализам и иновативност којашто е совршено усогласена со визијата на Waterdrop.– ни појасни Ева

Менторите Дејан Џолев, ментор по предметот Фотографија и Антонио Станков, ментор по предметот Постпродукција на фотографија го водеа хакатонот, па го прашавме Џолев како креативец кој обожува хакатони, да ни открие повеќе.

Хакатоните вклучуваат тимска работа каде што студентите ги применуваат своите знаења, со цел да решат реален проблем или да развијат иновативно решение за реален клиент. Овие целодневни работилници претставуваат значаен дел од образовниот развој на студентите. Тие им овозможуваат да го применат своето знаење, да развијат нови професионални вештини, но и самиот нетворкинг – неформално креативно поврзување и дружење со своите колеги и ментори.

Слобода во создавањето

Академиите за дизајн ги подготвуваат студентите за реални проекти дури по два месеци настава! Моника Лазаревска студентка на Академијата за графички дизајн ни сподели повеќе за искуството и целиот процес:

Хакатонот Waterdrop беше виор на креативност и учење. Производот на мојата група беше “Berry Boost”, а целта на коцката беше да обезбеди енергетски поттик. 

Брифингот беше јасен и ми се допадна како проектот ни даде целосна слобода да експериментираме со производите. Во демо–фазата, работевме во училниците на „Скала“, што значеше импровизирање со ограничени алатки. Групите се состоеја од 3 членови. Секој член имаше 25 минути времетраење да биде фотографот и да ја реализира својата визија. 

Мојот ментор, Дејан Џолев, секогаш беше тука да помогне со совети, охрабрувајќи нè да копаме подлабоко во нашите идеи. Тој нѐ натера да размислуваме критички за тоа како осветлувањето, позадината и реквизитите можат да го истакнат и вкусот и целта на производот. 

Кога дојде денот за хакатонот, веќе имавме јасна идеја кои концепти да ги реализираме. Фотографирањето во студио беше сосема поинакво искуство — динамично, брзо и преполно со енергија. Постојано го менував поставувањето, го прилагодував осветлувањето, менував реквизити и експериментирав со фокусот.

Дури и откако ги направив моите фотографии, не можев да седам мирна. Останав да им помагам на другите групи со нивните поставки, впивајќи колку што можам повеќе од процесот. Единствениот недостаток? Времето леташе премногу брзо, но така е секогаш кога правиме нешто што нѐ исполнува!

Ристо Толичев од Академијата за фотографија се надоврза: 

Хакатонот за Waterdrop беше суперинтересно и исклучително вредно искуство за мене како почетник. Целиот процес беше доста динамичен, интензивен, но истовремено и многу инспиративен, морам да признам. Едноставно, разбуди во мене интерес за тип на фотографија којашто дотогаш не била дел од моите истражувања и интереси.

Предизвиците се скалила до успехот во креативниот процес

Моника Лазаревска ни раскажа кои биле најголемите предизвици со коишто се соочила при работа на сетот и како ги надминала со помош на нејзиниот тим и менторите Дејан Џолев и Антонио Станков:

Најголемиот предизвик на хакатонот беше тоа што бев единствената претставничка од мојата група. Хакатонот беше вторпат како ракувам со фотоапарат, па се загрижив дали ќе можам сама да ги реализирам идеите така како што посакував. 

Но, таа грижа ги напушти моите мисли во моментот кога се фатив за работа. Моите ментори, Дејан Џолев и Антонио Станков, ми дадоа неверојатна поддршка. Нивниот совет не беше само технички -ми даде самодоверба да им верувам на моите инстинкти и да ги надминам моите сомнежи.

Моите колеги исто така, се вклучија да помогнат секогаш кога ми требаше, без разлика дали се работеше за прилагодување на светлото, подавање на реквизити или споделување совет. 

Таа комбинација на менторство и тимска работа го претвори она што изгледаше како тежок соло предизвик во еден од моите најгорди моменти. Ме научи дека со правилно водство и визија, дури и големите предизвици можат да доведат до неверојатни резултати.“ – Моника Лазаревска

Активно применување на наученото

Студентите учествуваа на сериозен проект по само два месеци од настава, па менторот Дејан Џолев ни сподели како е задоволен од нивната меѓусебна соработка, знаење и ентузијазам.

Секоја фаза е зрела на свој начин, токму со следнава реченица им се обратив на студентите пред почетокот на хакатонот за Waterdrop: „Можеби ќе се запрашате зошто хакатонот се одржува токму сега, кога допрва ќе стекнете нови технички познавања. Но, наместо да се фокусираме на тоа, треба да го прифатиме овој проект како можност да го примениме веќе стекнатото знаење и да се подготвиме за идните проекти каде што новите вештини ќе најдат своја примена.

И секако… Дружбата беше прекрасна. Имавме суперпродуктивен викенд, задоволни студенти и најважно, задоволен клиент! 🙂 – раскажа Џолев

За „Скала“…

Академијата не беше ништо помалку од трансформативна. Секој проект, вклучувајќи го и хакатонот Waterdrop, е дизајниран да нѐ турне надвор од нашите комфорни зони и да ни помогне да растеме како креативци.

Она што најмногу се истакнува во „Скала“ е рамнотежата помеѓу учењето и правењето. Тука не станува збор само за предавања или теорија, туку и за примената на она што го учиме во сценарија од реалниот свет. 

Менторите се искрено вложени во нашиот раст, нудејќи конструктивен фидбек, но и слобода да ги изразиме нашите идеи. Хакатонот беше совршениот пример за тоа: менторите беа тука да ме водат кога ми требаше, но исто така ми дадоа слобода да ја преземам одговорноста за мојата визија.

Се чувствувам среќно што сум дел од една таква иновативна средина и едвај чекам да видам уште колку ќе напредувам како графички дизајнер. – истакна Моника за нејзиното досегашно искуство во „Скала“

Хакатонот Waterdrop не е натпревар, туку уникатна платформа за студентите да ги применат своите теоретски знаења во динамичен и креативен контекст.
Оваа соработка претставува прекрасен пример за тоа како образовна институција и индустријата можат да создадат вистинска синергија, поттикнувајќи ги младите таленти и креирајќи вредност за сите страни.

The post Waterdrop x Skala – симбиоза на иновации appeared first on Skala School.

Startup Weekend Ohrid претставува еден од најзначајните настани во Startup-заедницата токму поради тоа што е иницијална каписла за многу идеи коишто прераснале во реалност.
Овој настан всушност, е и натпревар во којшто се избира победничка бизнис-идеја и во којшто учесниците имаат предизвик во рок од 54 часа да стигнат од развој на идеја до прототип.

Многу Стартап-бизниси можат да го препишат својот почеток на овој настан, каде што оваа година го сочинуваа повеќе од 20 ментори од различни области и тоа: бизнис, комуникација и технологија. На настанот зедоа учество повеќе од 70 учесници меѓу кои и 9 студенти на „Скала“ и тоа: Ана Апостоловска, Марија Миноска, Андреј Наков, Милена Петковска, Анастасија Попоска, Елена Петковска, Николија Стојановска, Моника Стојковска и Елена Трајчева. 

Горди сме на нашите студенти кои беа дел од 5 тима како дел од финалните презентации! Секој од тимовите работеше на различни бизнис-идеи од кои една од нив е и „Стрела“ -бизнис-идеја во чијшто развој беа вклучени Марија и Анастасија и заедно со нивниот тим освоија 2-ро место.

А по тој повод, ги прашавме Анастасија Попоска и Марија Миноска да ни кажат нешто повеќе околу нивната бизнис-идеја …

Анастасија:
„Стрела“ е брзо и лесно решение за достава на вашите нарачки, до вашиот дом… додека Марија се надоврза: 

„Стрела“ би била компанија којашто би им помогнала на помалите бизниси и купувачите во процесот на испорака и примање на порачките. Нашата идеја е корисниците преку број за следење, во секое време да знаат каде се наоѓа нивната пратка (нешто што е лесно изводливо), преку нас да добиваат конкурентни пониски цени од страна на поштите во Македонија и куриерите да ги преземаат порачките од местото на коешто се наоѓаат малите бизниси (трговци, продавници за рачна изработка, уметници итн.) 

Учесниците на настанот имаа можност да се запознаат со менторите и да ги збогатат своите знаења и искуства, па затоа ни споделија три клучни лекции коишто ги извлекоа од Startup Weekend Охрид и тоа:

Елена Петковска одвои..

1. Сѐ е поедноставно отколку што изгледа.
2. Квалитетен тим значи половина завршена работа.
3. Клучот за успех е пристап до вистинските информации, во вистинско време.

Ана Апостоловска: За време на Startup Weekend Охрид, научив доста нови работи за коишто сум сметала дека никогаш не би имала потреба да ги знам. Првата клучна лекција којашто ја извлеков од настан како овој е дека јасното и креативно презентирање на идејата е од клучно значење за привлекување поддршка и инвестиции. Исто така, градењето разновиден тим ја подобрува креативноста и решавањето проблеми, обезбедувајќи различни перспективи и вештини.
Работата под притисок беше една од клучните работи којашто ја научив и ќе ми помогне многу во иднина за брзо развивање на минимален остварлив производ (MVP) и собирање повратни информации од корисниците коешто помага да се усоврши и ефикасно да се подобри идејата.

Исто така, ги прашавме и како искуството и знаењето стекнато во „Скала“ им помогна за време на Startup Weekend-от, на што Марија Миноска ни одговори:

Најпрвин, доколку не постоеше „Скала“, немаше ни јас да бидам дел од овој настан и за тоа сум бескрајно благодарна. Знаењето коешто го стекнав на академијата беше клучно за дизајнот на „Стрела“. Брендингот, презентацијата и сите креативни решенија ги постигнавме благодарение на досегашното искуство во „Скала“. 

Во секој бизнис така и во нашиот, е потребен дизајн, бидејќи дизајнот е најдобрата визуализација на тоа каков всушност е бизнисот, така што дизајнерските вештини коишто ги имав стекнато во „Скала“ навистина ми помогнаа во делот со дизајн за бизнис–идејата.

-сподели Николија Стојановска на што Ана Апостоловска се надоврза…

Искуството стекнато во „Скала“ мене лично ми беше од суштинско значење со оглед на тоа што мојата улога во тимот беше дизајнирање на High-Fidelity Wireframes во Figma. Имајќи го искуството стекнато во „Скала“, процесот на изработка на мојата задача беше многу полесен и поинтересен.

Милена Петковска пак додадe:

Најпрвин, имавме голема предност како тим поради техничката „поткованост“. Ги знаевме можностите и имавме реалистични очекувања околу она што може да се направи за 50 часа. Никогаш се немам замислено како личност која може да „pitch-ира“. Самите презентации во текот на академијата ме подготвија за еден ваков голем потег. Од друга страна, советите на менторите за реалниот свет на поврзаноста на бизнисот и технологијата нè натераа да размислуваме подлабоко околу тоа кој проблем ќе се решава и дали е навистина потребно едно такво решение.

Startup Weekend Охрид претставуваше незаборавно искуство за студентите, па затоа го прашавме и Христијан Волкановски од Startup Weekend да ни сподели повеќе за искуството со работа со студентите од „Скала“ на што тој ни одговори:

Импактот на студентите од „Скала“ беше од големо значење за тимовите, особено во делот на дизајн каде што се применуваа напредни и модерни креативи за самите презентации. Креативите и изработката на презентациите беше забележана и од страна на судиите и рангирана со најмногу бодови. Покрај креативите, студентите покажаа и претприемничко размислување за нивниот продукт, што резултираше со второ место за време на настанот.

Ние „Скалаџиите“, студентите и административниот тим, оваа победа ја прославивме традиционално со еден тон крофни, сок од портокал и многу желби за понатамошни успеси !

Се гледаме и следна година на Startup Weekend, а доколку сакаш и ти да ги развиеш твоите вештини во полето на дизајн до следното издание на овој настан, запиши се во „СКАЛА“!

☆

▷▷ ПРИЈАВУВАЊЕТО е бесплатно со регистрација на следниов линк: https://skala.edu.mk/otvoreni-denovi-vo-skala/

The post Скала-студентите наградени на Startup Weekend Ohrid! appeared first on Skala School.

На хакатонот зедоа учество над 80 учесници од формални и неформални организации, ит-компании и неколку едукативни центри меѓу коишто и „Скала“. 

Учесниците на хакатонот имаа за цел да креираат и да ги претстават своите иновативни решенија за општествено добро и помош за социјално загрозени семејства во неколку облици како: дополнителна функционалност на Ways2help-платформата, апликација, онлајн игра или дополнителен иновативен систем за подобрување на донаторското искуство.

Нашиот тим беше селектиран од тековните студенти на академиите за дизајн и тоа: Милена Петковска, Теона Милева, Трајче Стојанов, Стефан Божиновски, Сања Делева и Зорица Ставрова.

Особено сме горди што нашиот тим, во конкуренција на 16 други тимови, го освои 3-то место или 1-во, во рамките на сите тимови од пријавените школи. Честитки дечки!! – Уште еднаш јавно ги потврдивте вашите квалитети.

Ни претставуваше вистинско задоволство да го следиме развојот на нивната идеја за „Round Up“ којашто во рамките на тридневниот настан, прерасна во детално разработено решение подготвено за имплементација, благодарение на вложеноста на тимот и континуираната соработка со менторите.

Поразговаравме со Зорица Ставрова, студентка на Академијата за ентериер и продукт-дизајн, накратко околу нивното решение, систем на плаќање и собирање средства за добротворни цели  „Round Up“ ….

ЗОРИЦА: Идејата за нашето решение произлегува од самото искуство коешто го имаме со начини за некаква донација, како и истражување на пазарот. Воочивме два клучни проблеми: чекорите при процес на донирање и танспарентноста при направена донација. Преку нашето решение, сакаме да направиме донирањето да биде  достапно до сите и секој оној кој може да учествува со симболична донација да биде сигурен дека тој износ на сумата стигнува на вистинското место. 

Нашата идеја всушност, е заокружување на износ на сума којашто може да биде: за 1 денар, 10, 100, 1000 или друг износ. Првостепен таргет се онлајн-продавниците коишто се застапени во голем број на нашиот пазар, а понатаму се размислуваме и за експанзија на идејата на повеќе места. 

Во практична смисла, секој човек кој би нарачувал нешто на онлајн-продавница, при крајот на нарачката би постоела опција каде што купувачот ја заокружува неговата сума на износ којшто тој ќе го одбере дека сака и може да го донира.

Round Up e систем на плаќање и собирање средства за добротворни цели како облик на широка и перманентна акција на граѓанска општествена одговорност и свесност за помагање на поединци и групи во општеството.

За организацијата и самиот настан, поразговаравме со Милена Петковска, студентка на Академијата за UX/UI+ дизајн, која ни сподели …

МИЛЕНА: Како нешто кон што целиот тим се впушта за првпат, првичната глетка од 80+ луѓе беше застрашувачка. По одредено време, сфативме дека ова ќе е почеток на едно неверојатно патување. Со тоа што си го обезбедивме 3-тото место, покрај 16 други тимови, се појави некоја неоткриена љубов кон целата хаотична хакатонска култура. Но, ништо од ова немаше да биде возможно без поддршката од организацискиот тим којшто неуморно работеше и се трудеше да е сè испланирано и да се поклопува совршено со агендата. Голем поздрав и до менторите кои ни помогнаа да не се изгубиме и залутаме во изобилието од идеи. Воедно, „RoundUp“ како проект нема да остане само како триумф на хартија, туку ќе е приказна којашто ќе продолжи. Сепак е доказ за моќта на соработката и потенцијалот на секој од нас.

Учество на студентите на хакатони е искуство од неколку значајни аспекти: 

Тимска работа: Хакатоните обично вклучуваат тимска работа каде што учесниците се обидуваат да решат конкретен проблем или да развијат иновативно решение. Ова им овозможува на студентите да го развиваат својот тимски дух и да учат како успешно да соработуваат со различни личности.

Примена на знаење: Применувањето на концептите и вештините коишто се стекнати на академија (или генерално во образование) во реални сценарија е исклучително важно. Хакатоните претставуваат можност за студентите да ги применат своите вештини во создавање решенија за реални проблеми.

Иновација и креативност: Хакатоните ги поттикнуваат студентите да размислуваат креативно и иновативно. Ова е можност за развивање на критичко мислење и способност за решавање на проблеми.

Менторство и нетворкинг: Некои хакатони (токму како хакатонот „Технологија во функција на хуманост“) имаат менторски програми каде што учесниците/студентите може да добијат совети и водство од професионалци во индустријата. Исто така, учеството ги поврзува студентите со лица од индустријата, што може да ги отвори вратите за идни кариерни можности.

Развој на професионални вештини: Учеството во хакатони ги зголемува професионалните вештини на студентите, вклучувајќи технички вештини, менаџмент на проекти, презентациски вештини и сл.

Придонес кон заедницата: Во овој случај, самата тема „Технологија во функција на хуманост” ги поттикнува студентите да размислуваат за начини како технологијата може да има позитивно влијание на заедницата и човековото општество.

Сѐ на сѐ, учеството на хакатон е важен дел од неформалното образование и професионалниот развој! Продолжуваме, скала по скала. 

А ние „Скалаџии“, студентите и административниот тим, оваа победа ја прославивме со еден тон крофни, топло чоколадо и се разбира -шампањ! 

The post „Скалаџии“ со победничко решение на хакатонот „Технологија во функција на хуманост“ appeared first on Skala School.