По два семестри исполнети со работа, анализи и стратегии, студентите од Академијата за дигитален маркетинг, стратегија + AI добиваат задача што ги обединува сите знаења стекнати во текот на академијата.

Тоа е целосна маркетинг кампања подготвена како професионална презентација за реален клиент.

Што се учи во вториот семестар?

Во текот на вториот семестар, студентите учат како стратегијата да ја претворат во конкретна кампања. Програмата опфаќа:

• Social media маркетинг и адвертајзинг
• Google адвертајзинг
• Search engine optimization (SEO)
• Google Аналитика
• Дигитална маркетинг стратегија
• Визуелни комуникации
• AI во дигитален маркетинг
• Freelance работа и кариерен развој

Финалниот испит ги поврзува сите овие области формирајќи една целина.

Искуството од испитот на студентите

За искуството разговаравме со Марија Николиќ, студентка на Академијата за дигитален маркетинг, стратегија + AI:

„На почетокот имав трема, ама дефинитивно на крајот имав чувство како навистина кампањата да оживеа пред сите.“

Софија Томовска додаде:

„Ми се зголеми самодовербата, сега имам претстава како би можела утре да презентирам пред реални клиенти за една реална кампања.“

За многумина токму ова е најголемата вредност на испитот. Не само да изработат проект, туку да застанат зад своите идеи и да ги презентираат со сигурност.

Од перспектива на менторите

Во текот на академијата студентите работат со активни професионалци од маркетинг индустријата.

„На академијата работиме на реални проекти, споделуваме реални искуства од нашето секојдневие коишто ги градат студентите и им даваат различна перцепција за тоа што значи да се биде дел од дигиталниот маркетинг.“ – вели Мила Раковиќ, ментор по Social media маркетинг.

И Владимир Ристевски, ментор по Дигитална маркетинг стратегија, ги сподели своите импресии:

„Тимската игра кај студентите е одлична, многу си се поддржуваат едни со други, а навистина резултатите беа како да се професионални маркетери со долгогодишно работно искуство.“

За студиите на Академијата за дигитален маркетинг

За тоа како поминаа студиите, ни сподели Теа Олевска.

„Заедно со колешките си поминавме супер. Беше интересно и динамично бидејќи работевме на реални проекти, имавме многу дискусии со менторите кои беа многу корисни, а имаше и многу интересни средби после часовите.“

„Сите бевме тука поради интересот кон маркетингот, секој носеше различни идеи, ставови и креативност. Преку заедничките вежби и проекти научивме како да размислуваме и работиме како вистински тим, а во меѓувреме создадовме и пријателства што го направија целото искуство уште повредно.“ – вели Софија Томовска.

Повеќе од испит

На крајот од презентацијата студентите не добиваат само повратна информација за проектот.

„Она што многу ми се допаѓа кај студентите е тоа што презентациските вештини им се подобри од пола професионалци што ги знам и коишто се со години во индустријата.“ – вели Владимир Ристевски, ментор по Дигитална маркетинг стратегија.

За многумина ова е моментот кога првпат сфаќаат колку далеку стигнале од почетокот на академијата.

Од личност која сака да научи маркетинг до личност која може да подготви, аргументира и презентира целосна маркетинг кампања.

Порака од студентите до идните Скалаџии

„Сметам дека е важно да доаѓаат со физичко присуство, бидејќи тоа многу повеќе придонесува за развојот преку вежбите што се работат на час. Исто така помалку користење на AI и ослободување на својата креативност.“ – сподели Меланија Димова.

Марија Николиќ додаде:

„Да бидат храбри и да се пријават на стипендиите во Скала, затоа што е преубаво искуство кое носи премногу знаење, а и нови пријателства.“

Од студент до маркетер

Финалниот испит е последната презентација на академијата, но за многумина е почеток на нешто ново.

Тоа е моментот кога знаењето од часовите се претвора во реален проект, а самодовербата стекната низ целиот процес станува подготвеност за работа со клиенти, компании и сопствени идеи.

Ако и ти сакаш за една година да создадеш стратегија, кампања и портфолио со кое ќе можеш да застанеш пред реален клиент, сега е вистинскиот момент да го направиш првиот чекор.

Во тек е конкурсот за стипендии во Скала:

• 6 стипендии со 100% покриена школарина
  • 12 стипендии со 50% покриена школарина
  • 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени до 1 јули.

Искористи ја можноста и аплицирај денес.

The post Финален испит на Академијата за дигитален маркетинг appeared first on Skala School.

Едно попладне во Скала.

На кафе и колачи ни дојдоа Кате, Мирјана, Андријана и Марија, кои  припаѓаат на различни генерации, но ги поврзува сличен пат. Прво како студентки, потоа како практиканти, професионалци, основачи на сопствени брендови, асистенти на курсеви и конечно како ментори кои денес работат со новите генерации студенти.

Додека разговаравме за нивните први часови, професионалните предизвици, брендови, работни позиции и проектите на кои работат денес, повторно се потсетивме на нешто што отсекогаш сме го верувале: вистинската вредност на образованието не е само во знаењето што ќе го стекнете, туку и во луѓето што ќе ги запознаете, искуствата што ќе ги споделите и заедницата што ќе ја изградите околу себе.

„Бесценети се дружбите, создавањето нови контакти и размената на искуства кои ги стекнав во Скала“, вели Катерина Тошева.

Речиси сите нивни приказни имаат една заедничка точка. Никој не зборуваше само за предмети, оценки или проекти. Повеќе зборуваа за луѓето што ги сретнале, разговорите што ги воделе и можностите што се отвориле подоцна.

За Андријана Павловски, токму тие искуства помогнале знаењето постепено да се претвори во самодоверба.

„Скала не ми даде само вештини, туку и начин на размислување, професионален пристап и самодоверба да ги следам сопствените цели.“

Катерина Тошева

Катерина кога дојде во Скала, зад себе веќе имаше повеќе од една деценија искуство во модната индустрија. Сепак, академијата за неа претставуваше можност за нова перспектива и навлегување во дигиталните технологии и современите производствени процеси.

По Академијата работи на меѓународни проекти за дигитална визуелизација на облека и соработува со компании од Македонија, Израел, Кина и САД. Паралелно го развива брендот Le-Te, а по пет години работа како ментор на курсевите по кроење и шиење, денес своето искуство го пренесува и на студентите на Академијата за моден дизајн, преку предметот Конструкција и моделирање на облека.

„Менторството за мене е природно продолжение на сè што сум учела и работела низ годините. Верувам дека знаењето и искуството имаат вистинска вредност само кога се споделуваат.
Нема поубаво чувство од тоа несебично да пренесувате знаење, а за возврат да бидете опкружени со млади луѓе кои размислуваат поинаку и ве поттикнуваат и самите да гледате на работите од нов агол.“

Но кога зборува за своите студентски денови, Катерина најмалку се задржува на предметите, задачите и испитите. Наместо тоа, се присети на атмосферата што ја носи со себе и денес.

„Секогаш кога ќе помислам на тие денови поминати на академијата, чувствувам катче или дом исполнет со дух на креатива и исполнетост.“

И по сите години работа во индустријата, Катерина сè уште ја препознава истата креативна енергија што некогаш ја привлекла кон академијата.

Мирјана Јосифовска

Мирјана е една од најпрепознатливите млади модни претприемачи од новата генерација македонски дизајнери. Нејзиниот бренд MIJA е првиот македонски бренд специјализиран за дизајнерски шапки и аксесоари за коса. Особено препознатлив е нејзиниот пристап кон одржливиот дизајн.

Паралелно со развојот на брендот, Мирјана соработува со бројни креативци и алумни студенти од различни области, градејќи мрежа на професионални соработки што денес е важен дел од нејзината работа.

„Кога работиш на проекти како фотографија или моден дизајн, важно е да се поврзеш со луѓе кои го разбираат процесот и делат слична креативна визија. Вмрежувањето отвора многу можности за вистински соработки и е одличен начин да учиме едни од други и да си помагаме во градењето на кариерите.“

За Мирјана, менторството е природно продолжение на искуството што го стекнала низ развојот на сопствениот бренд. Покрај дизајнот, таа секојдневно работи со процеси поврзани со брендирање, комуникација, производство и претприемништво, знаења што денес ги пренесува и на студентите преку предметот Моден бренд и менаџмент.

Кога подоцна разговорот нè врати кон нејзините студентски денови, Мирјана се присети на луѓето што оставиле најголема трага во нејзиниот развој.

„Најважниот аспект од Академијата за моден дизајн беа менторствата што ги добив. Во текот на процесот запознав луѓе од кои научив многу, не само за техничките аспекти на модната индустрија, туку и вредни животни лекции што ми помогнаа во личниот и професионалниот развој.“

Денес, како ментор, Мирјана го пренесува истото знаење и поддршка што некогаш ѝ помогнале да го изгради сопствениот професионален пат.

Академија за моден дизајн: од идеја до професија

Во јавноста често постои впечаток дека модниот дизајн е исклучиво креативна професија. Но современата модна индустрија бара многу повеќе од добра идеја и талент за цртање.

Денешниот моден дизајнер мора да разбира конструкција на облека, материјали, производство, дигитални алатки, визуелна комуникација, брендирање, маркетинг и претприемништво.

Токму затоа Академијата за моден дизајн во Скала е конципирана како едногодишна програма која ги поврзува сите овие дисциплини во еден практичен процес. Од првата скица до финалниот производ. Од идеја до колекција. Од студентски проект до професионално портфолио.

А можеби најголемата потврда за вредноста на тој процес се токму нашите драги студентки-колешки и пријатели кои денес предаваат на академијата.

Андријана Павловски

По завршувањето на Академијата, Андријана го продолжува својот професионален пат директно во индустријата. Праксата во Bella прераснува во работен ангажман, каде што се вклучува во различни модни проекти и производствени процеси, стекнувајќи практично искуство во процесот на изработка на облека.

Истовремено, останува активна и во образовниот процес. Најпрво како асистент, а потоа и како ментор кој денес ги води студентите низ првите чекори во кроењето и шиењето.

„Она што ме мотивираше да останам дел од едукативниот процес беше можноста да го пренесам знаењето понатаму. Сè што сум научила низ пракса и работа, денес има поголема вредност кога можам да го споделам со некој што е на почеток.“

Кога разговорот нè врати на нејзините студентски денови, Андријана се присети на тоа што очекувала, а што навистина добила од академијата.

„Очекував да научам техника и основи, но добив многу повеќе од тоа. Добив сигурност во работата и јасна насока како да се движам понатаму во индустријата.“

Таа јасна насока што ја добила за време на студиите подоцна ја водела кон работа во индустријата, но и кон улогата на ментор.

Марија Трајковска

Марија на Академијата дојде со веќе изграден интерес за визуелна комуникација, но токму предметот Дигитална илустрација ѝ отвори нов начин на размислување и ја насочи кон природно спојување на модата со графичкиот дизајн.

По Академијата работи како графички дизајнер во маркетинг агенција, каде што своето знаење од модната илустрација го пренесува во поширок креативен контекст. Паралелно го развива и својот бренд Tangled Threads, препознатлив по рачно изработени плетени чанти, преку кој продолжува да го истражува спојот меѓу дизајнот, текстурата и формата.

По неколку години работа како асистент на курсевите по кроење и шиење, денес своето искуство го пренесува и како ментор на Академијата, преку предметот Дигитална модна илустрација.

„Како асистент многу ми помогна тоа што не бев сама низ процесот и имав слобода постепено да се привикнувам на улогата. Тоа ми беше добра основа за започнување и на менторската позиција.“

Кога се навраќа на своите студентски денови, Марија најмногу се задржува на почетната љубопитност со која влегла во процесот, без прецизно дефинирани очекувања, што подоцна се покажало како клучно за нејзиниот развој.

„Најпрво сакав да научам да шијам. Немав конкретни очекувања и токму тоа го направи искуството уште подобро.“

Таа отвореност кон нови знаења подоцна се покажала како една од најважните причини поради кои денес успешно работи во повеќе креативни области истовремено.

Еден круг што продолжува

Додека ги допивавме кафињата, разговорот повторно се враќаше на темите што ги носи секоја генерација студенти: првите часови, стравовите, проектите што изгледале невозможни и првите професионални успеси.

Разликата е што овојпат тие приказни не ги раскажуваа студенти, туку професионалци со изградени кариери, брендови и проекти.

Можеби токму тоа е најубавиот дел од оваа приказна. Не затоа што четири студентки станале ментори, туку затоа што прво станале професионалци, а потоа се вратиле да го споделат своето знаење.

Ако и ти чувствуваш дека модата е повеќе од хоби, можеби оваа приказна е поглед во она што допрва те очекува. Ние ќе бидеме тука да ти помогнеме да го направиш првиот чекор.

Можеби токму ти ќе бидеш следната личност која по неколку години ќе седне на истата маса како колега, професионалец и ментор на некоја нова генерација.

Аплицирај за 100% стипендија!!

• 6 стипендии со 100% намалување на школарината
• 12 стипендии со 50% намалување на школарината
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (потреба од преквалификација)
2. Кандидати со претходно искуство во областа (потреба од доквалификација)

Апликација!

Искористи ја шансата пред некој друг да го заземе твоето место.

The post Од студенти до професионалци и ментори во модната индустрија appeared first on Skala School.

Соработката помеѓу Скала и DO:MORE веќе подолго време се развива преку професионален ангажман на студентите, при што изминатите години неколку студенти добија можност за трајно вработување.

Од денес, оваа соработка прераснува во партнерство што ќе отвори простор за нови форми на соработка преку реални проекти за тековните студенти, гостински предавања и поактивно поврзување на студентите со тимот на DO:МORE.

Со Јана Марковска разговаравме за важноста на поврзувањето помеѓу образованието и индустријата и како ваквите партнерства реално влијаат на младите ентузијасти за кариера.

На кој начин оваа соработка може да придонесе за вашата компанија?

„Како и досега, се надевам и понатаму дека Скала ќе биде извор на квалитетни креативци кои ќе станат дел од тимот на DO:MORE.“

Во рамки на агенцијата, студентите имаат можност да се развиваат во области како digital marketing, social media management, graphic design и content creation, а наскоро и video production.

„Досегашното искуство ни покажа одлични резултати – практикантите кои дојдоа од Скала многу брзо станаа дел од тимот и денес се вработени и активно придонесуваат во работата.“

 

DO:MORE е full-service маркетинг агенција која работи на креативни кампањи, digital marketing, content creation и брендинг решенија, со современ пристап и комуникација што создава реална поврзаност помеѓу брендовите и луѓето.

Зошто е важно поврзувањето помеѓу образованието и индустријата?

„Партнерството помеѓу образованието и компаниите е клучно за создавање кадри подготвени за реалниот пазар на труд. Преку практична работа, менторство и директно вклучување во реални проекти, студентите стекнуваат искуство, а компаниите добиваат можност да препознаат и развиваат нови таленти.“

Што им недостасува на младите кадри денес?

„Радозналост, желба за континуирано учење и одговорност.
Овие вредности се препознаваат кај студентите од Скала.
„Највпечатливо е што кај овие млади луѓе не постојат изразите ‘не знам’ или ‘не можам’ – наместо тоа, тие пристапуваат со љубопитност, проактивност и желба секогаш да најдат решение.“

Во време кога многу компании бараат практично подготвени кадри, ваквите партнерства им овозможуваат на студентите да го добијат тоа искуство уште за време на студирањето, преку реална работа и задачи.

Ако сакаш да учиш преку пракса, современи AI алатки, ментори со повеќедецениско искуство во индустријата, ова е твојот следен чекор. 

Закажи инфо средба и дознај повеќе за:

• Академијата за графички дизајн, креативна примена на AI и визуелни комуникации
• Академијата за дигитален маркетинг со практична примена на AI
• Академиjaта за видео продукција и нови дигитални медиуми + AI
• Академијата за фотографија и визуелно креирање

Можеш да закажеш инфо средба со програмскиот координатор на Академиајта

закажи тука

Драга Јана и драги алумни од DO:MORE, ви благодариме за дружбата во Скала. Со задоволство ве очекуваме повторно на ладно кафе, јаготки и нови разговори за следните заеднички проекти и соработки.

The post Благодарение на „Скала“, немаме проблем со вработени! appeared first on Skala School.

Ни сподели Ева Стојановска, студентка на Академијата за ентериер дизајн и дигитална 3D визуелизација, а денес и Design & Digital Solutions Engineer во Yugoimpex – компанија специјализирана за решенија во производството на мебел и преработката на дрво.

Нејзината приказна е доказ дека практичното знаење, реалните проекти и директниот контакт со индустријата можат целосно да го променат професионалниот правец на еден млад човек.

Ја замоливме да ни раскаже како изгледаше нејзиниот пат, од моментот кога реши да се запише на академијата, па сè до позицијата што денес е дел од нејзиното секојдневие.

Што беше клучно за да се запишеш на Академијата за ентериер и продукт дизајн?

„По струка сум инженер во областа на индустриски дизајн и во текот на студиите ја открив пасијата кон ентериерите. Сакав да стекнам практично искуство и да се запознаам со целиот процес на изработка на дизајн.“

Дали постои модул, предавање, ментор или предмет што посебно ти значи како искуство?

„Секое предавање беше различно, но секое ме туркаше чекор понатаму. 

Особено ми беше интересен делот со дизајн процесот и скицирањето на зададена тема кај Апостол (Апостол Тноковски, ментор по предметите продукт-дизајн и 2D скицирање + SketchUp), како и целиот процес додека не дојдеме до нашиот максимум и до конечниот резултат.

Кај Илија (Илија Паунков, ментор по предметите дизајн на ентериер и 3Д моделирање) имавме можност да го поминеме целиот процес — од мерење на простор, планирање и организација, па сè до реализација. Тој е како енциклопедија со информации — секогаш имаше нешто ново да се научи и слушне од него.“

На кој начин ти помогна Академијата во твојот професионален развој и во доаѓањето до твоето работно место?

„Најважно за мене беше тоа што по завршувањето на Академијата добив можност да го претставам моето портфолио пред компании, да одам на интервјуа и, на крајот, да се вработам.

Практичното знаење и проектите од часовите ми помогнаа многу побрзо да се интегрирам во работната средина.“

Нејзиниот работен ден започнува со кафе, а продолжува со дизајн на мебел и технички решенија, користење различни софтвери и онлајн конфигуратори, додека паралелно се запознава со различни типови оков.

Кога ја посетивме, со посебна возбуда ни го покажа showroom-от што самата го уредила во компанијата, убав потсетник дека денес го работи токму тоа што некогаш сакала да го научи.

Скала и YugoImpex минатата година потпишаа стратешко партнерство, кое денес се развива на повеќе нивоа на соработка – од практична настава и реални проекти, со воведување на предметот „Дизајн на плочест материјал / TRUN-CAD“, под менторство на тимот на YugoImpex, до можности за вработување на студенти, токму како во случајот со Ева. Прочитајте повеќе [тука].

Кои се најважните карактеристики на успешен дизајнер во современиот свет на дизајн?

„Најважни се креативноста, фантазијата и начинот на размислување дека сè е можно. Токму од таму доаѓаат најдобрите идеи и решенија. А веднаш до тоа се упорноста и желбата за постојан напредок.“

За крај, што би ги советувала сите оние кои размислуваат да започнат да студираат ентериер и продукт дизајн?

„Штом нешто ви звучи интересно и ве привлекува, би советувала секој да си даде шанса и да се испроба во тоа.
Јас долго размислував пред да се запишам на академијата, но денес знам дека тоа беше една од најдобрите одлуки што сум ги донела.
Понекогаш најдобрите работи почнуваат од љубопитност и желба за промена, а ако постои желба за учење, сè друго доаѓа со време и труд.“

Приказната на Ева не застана на академијата, таму само започна, а ние сме среќни што бевме дел од нејзиниот пат кон индустријата.
Ако и ти се гледаш во ваква приказна, можеби ова е твојот прв чекор.

Уписите за Академијата за ентериер дизајн и дигитална 3D визуелизација се во тек.

погледни тука

Можеш да закажеш инфо средба со програмскиот координатор на Академиајта

закажи тука

The post „Скала“ беше една од најдобрите одлуки за мојата кариера appeared first on Skala School.

Но доколку сакаш само информации, Мастеркласот беше доволен.
Доколку сакаш резултат и развој, ќе треба да седнеме и да го направиме тоа!

Разговорот многу брзо стана директен:
денес не е доволно да имаш добар производ, услуга или идеја, ако не знаеш како да комуницираш, раскажуваш и позиционираш, луѓето едноставно нема да те забележат.

Еден од најважните моменти на вечерта беше прашањето што многумина си го признаваат: „Што ако не сум подготвен да излезам пред камера?“

На тоа, Владимир Ристевски – партнер и креативен директор во „Пиксел“, беше особено директен:

„Денес претприемачите повеќе не можат целосно да се кријат зад брендот. Луѓето сакаат да слушнат човек, став и личност. Ако сакаш доверба — мораш да комуницираш.“

Во продолжение на дискусијата,
се отвори и темата за отпорот што многумина го имаат кон техниката, продукцијата и чувството дека „не знам како тоа се прави“ за почеток.

Лазар Зафировски, Social Media Campaign Manager во Телеком, посочи дека токму тоа е една од најголемите заблуди денес:

„Луѓето често мислат дека прво им треба совршена продукција за да започнат. Но публиката денес многу побрзо препознава искреност, континуитет и релевантност отколку совршено видео. Поважно е да бидеш присутен и реален, отколку перфектен.“

Паралелно со тоа, Мила Раковиќ – тим лидер на дигиталниот сектор во „Пиксел“, зборуваше за уште еден чест проблем: голем дел од луѓето објавуваат содржина без јасна насока, очекувајќи резултати без стратегија.

„Не е доволно само да се објавува. Треба да постои причина, насока и систем. Но истовремено, дигиталните канали бараат и храброст за експериментирање. Не можеш да чекаш да се почувствуваш целосно подготвен.“

Токму затоа, во завршниот дел од настанот беше претставена и новата обука за Content Creation & Influencer Marketing во „Скала“.

Ако сакаш само информации – Мастеркласот беше доволен.
Ако сакаш резултат, ќе треба да седнеме и да го направиме тоа.

Не како уште едно „инспиративно предавање“, туку како практична и интензивна обука за луѓе што сакаат конкретно да започнат: да изградат личен бренд, да научат како се креира содржина, како се комуницира пред камера, како се развива стратегија и како целата таа комуникација да се претвори во реална професионална или бизнис алатка.

Пријавувањето е во тек, започнуваме на 1 јуни!

За сопственици на брендови и мали или средни бизниси, content creators и видеографи, social media creators, инфлуенсери…

Погледни повеќе информации :: програма + ментори: [кликни тука]

The post Content creation повеќе не е тренд, туку неопходна алатка appeared first on Skala School.

Што реално се очекува од junior ентериер дизајнер во Скопје?

Во студијата за ентериер дизајн и архитектонските бироа кај нас, од млад дизајнер ретко се очекува само „убав дизајн“. Се бара разбирање на просторот и функцијата, работа со материјали, осветллување, како и способност идејата да се претвори во крајно решение.

Тоа значи работа со мерки, техничка прецизност, комуникација со тим и клиенти и внимание на детали, а не само креативност.

Работа како дел од тим (и надвор од него)

Во пракса, ентериер дизајнерите кај нас најчесто работат како дел од архитектонски и креативни тимови, но сè почесто и самостојно (freelance) или во соработка со приватни клиенти и компании.

Улогата на 3D визуелизацијата денес

Особено важен сегмент е дигиталната 3D визуелизација, која овозможува идеите да се претстават уште пред да постојат физички.
Ова е причината зошто ентериер дизајнерите денес имаат улога и во презентација, маркетинг и комуникација со инвеститори.

Како AI влијае на професијата и дали може да не замени?

AI алатките веќе значително го забрзуваат процесот на работа, од пребарување идеи и материјали до брза концептуална визуелизација на просторот. Но тие не можат да ја заменат способноста за просторно размислување, техничка разработка и комуникација со клиент и изведувачи.

Во пракса, AI денес повеќе функционира како алатка што му помага на дизајнерот да работи побрзо и поефикасно.

Кај нас побарувачката за ентериер дизајнери континуирано расте, особено поради развојот на станбени комплекси, деловни простори и приватни инвестиции, што значи дека потребата од млади дизајнери со практични и технички вештини ќе продолжи да се зголемува и во наредните години

Студентите на Скала најчесто работат…

Она што често се занемарува е дека оваа професија бара комбинација од креативност, техничко знаење и разбирање на луѓето. Студентите на Скала денес не креираат само „убав простор“, туку решаваат како просторот да функционира подобро и да одговара на потребите на корисникот.

Областа денес опфаќа различни правци, од работа на ентериери и просторно планирање до 3D визуелизација и презентација на просторни решенија.

„Насоката не се избира однапред, туку се гради низ процесот. Кога работиш на различни типови проекти, многу полесно препознаваш каде имаш најголема сигурност и интерес.“

– вели Апостол Тноковски, ментор на Академијата за ентериер дизајн и 3D визуелизација во Скала.

Академијата за ентериер дизајн и 3D визуелизација ќе те подготви за почеток на кариера, а Скала дополнително ти овозможува директен контакт со компании преку настанот „Скала по скала“, каде студентите ги презентираат своите портфолија пред претставници од индустријата и добиваат можности за пракса или прво вработување.

The post Каде реално работат ентериер дизајнери кај нас? appeared first on Skala School.

Работејќи на реален бриф во инспиративна работна атмосфера на Скала руфтоп, под попладневното сонце, со „чил“ музика – амбиент близок до условите во современи дизајн-студија и креативни маркетинг агенции.

Настанот претставуваше пример како изгледа процесот кога наставата се поврзува директно со индустријата, од бриф до идејно решение.

Зошто соработка со Скала?

Антонио Станков, сопственик на „Collarette“, воедно и поранешен студент на Скала, ги сподели своите цели и очекувања од оваа соработка. 

„Скалa ја избрав како партнер за соработка пред сè поради длабоката доверба што ја имам во нивниот менторски тим. Станува збор за професионалци кои,според мене, се меѓу најистакнатите во областа на дизајнот. Нивната посветеност кон квалитет се рефлектира преку успешните алумни, како и тековните студенти. 

Целиот процес, воден под супервизија на ваков искусен тим, го сметав како правилно решение. Моите главни цели беа да добијам свежа, креативна перспектива, да се подигне визуелниот и концептуалниот идентитет на повисоко ниво и да се создаде одржлива основа за понатамошен раст.“ 

Collarette е студио и галерија специјализирана за фотографирање на ирисот на окото и негово претворање во персонализирани уметнички фотографии и накит, со присуство во Скопје и Охрид, додека процесот на ре-брендирање е насочен кон отворањето и позиционирањето на новиот објект во Белград.

Какви импресии ти оставија решенијата и колку беше тешко да се донесе конечната одлука?

Морам да признаам дека предложените решенија ме изненадија. Она што најмногу ми се допадна беше начинот на размислување и пристапот во процесот на креирање на финалното решение. 

Иако очекував изборот да биде лесен, со оглед на тоа што обично најдоброто решение природно се издвојува, во овој случај се соочив со сладок проблем. Сепак, направивме вистински избор!

Искуство на студентите

На хакатонот учествуваа тековни и алумни студенти, додека Луна Димитриевска која е дипломец од генрацијата 2024/25, а денеска графички дизајнер во „All Media“ го сподели своето искуство.

Што те мотивираше да учествуваш?

Ме мотивираше желбата да се предизвикам себеси, да работам под притисок и да покажам како една идеја може да се претвори во конечен проект за кратко време. Хакатонот беше интензивно и супер искуство!

При процесот на дизајнирање се соочив со…

Главниот предизвик беше ограниченото време, бидејќи мораа да се донесуваат брзи одлуки без многу простор за експериментирање.

Кој дел од изработката ти беше најтежок?

Најтешкиот дел беше да ја сведам целата симболика и идеја во минималистички дизајн што ќе биде јасен и препознатлив.

Процесот го доживеав како…

Креативна трка! Од моментот кога го добив брифот, преку брзото смислување на концепт, до финалното решение, за само четири часа. 

Тоа ми покажа колку е важно да имаш јасна визија и дисциплина, но и колку адреналинот од вакви предизвици може да те инспирира да создадеш нешто автентично.

Насочување на креативноста

Соработката помеѓу „Collarette“ и Скала претставува пример за успешно поврзување на професионалната средина со младите креативци. Не станува збор само за дизајн, туку за процес на учење, размена на идеи и стекнување искуство што ќе им користи во иднина. 

Ваквите соработки сè почесто се препознаваат како значаен чекор во развојот на новата генерација графички дизајнери и како модел што го поттикнува развојот на индустријата.

Хакатонот Collarette е можност за примена на стекнатото знаење во креативен контекст, а не натпревар меѓу студентите.

Најчесто поставувани прашања

1.Што добиваат студентите од вакви проекти?
Практично искуство и можност да се соочат со реални предизвици, при што развиваат вештини применливи во професионална средина. 

2. Дали студентите работат на вистински брифови од компании?
Да, работат на реални задачи и така стекнуваат искуство уште за време на студирањето.

☆ Студии во Скала?

Закажи средба со нашиот тим

The post Хакатон Collarette x Скала: реален дизајн предизвик за студенти по графички дизајн appeared first on Skala School.

Но во пракса, визуелната комуникација никогаш не била поважна отколку денес!

Компаниите создаваат повеќе содржина од кога било, а тоа значи дека потребата од луѓе што знаат да носат визуелни одлуки постојано расте.

Зошто компаниите имаат сè поголема потреба од дизајнери

Секој бренд денес комуницира преку десетици канали истовремено: социјални медиуми, реклами, веб-страници, презентации, видео содржини, кампањи и дигитални платформи.
Повеќе брендови значи повеќе визуелни системи. Повеќе визуелни системи значи повеќе работа за дизајнери. Во ваква средина, графичкиот дизајн не е само „естетика“, туку стратегија на комуникација.

Што всушност менува AI во графичкиот дизајн

AI не ги заменува дизајнерите. Ги заменува оние што работат без системско знаење.
Дизајнер кој разбира типографија, теорија на боја, методологија на дизајн, не губи работа, туку добива нова алатка со која работи побрзо и попрецизно.
„AI не го намалува значењето на дизајнот. Напротив, го зголемува значењето на знаењето зад дизајнот.“ – кратко изјави Дејан Џолев на еден од часовите на Академија за графички дизајн, креативна примена на AI и визуелни комуникации во Скала.

Кои вештини стануваат поважни од самите алатки

Во индустријата денес највредни се дизајнерите што разбираат визуелна структура, систем на бренд, логика на композиција и контекст на комуникација од аспект на целна група.

Алатките со кои го создаваме графичкиот дизајн постојано се менувале и ќе продолжат да се менуваат. Затоа тие се најнезначајниот аспект на работењето, но сепак важен и неопходен, далеку од најважен, а уште помалку нешто што ќе ја намали потребата од дизајнери.

Затоа дизајнер што има темел во методологија, типографија, композиција и теорија на боја станува уште поважен во средина каде што AI може да генерира форма, но не и одлука.

Како изгледа работата на графички дизајнер денес

Графичкиот дизајнер ретко работи изолирано. Тој соработува со маркетинг тим, арт директор, фотограф, видеограф или бренд стратег.

Работи на визуелен идентитет, кампањи, дигитални содржини, интерфејси, публикации и комуникациски системи што се користат секој ден.

Не создава само „убава слика“, туку функционален дизајн со јасна порака кон целната група на која се обраќа.

Со какви компании работат дизајнерите кај нас

Графичките дизајнери работат со брендовите што ги гледаме секој ден, од стартапи и културни проекти до банки, телекомуникациски компании и меѓународни франшизи присутни на домашниот пазар. 

Во поголемите студија и агенции, студентите на Скала уште во рана фаза од кариерата учествуваат и на кампањи за регионални или глобални брендови како Coca-Cola, T-Mobile, Porsche, Mercedes-Benz, Pepsi, Heineken, KFC, Burger King и ZARA, како и многу други популарни брендови присутни на домашниот пазар.

Графички дизајнер не е една професија

Една од најголемите заблуди е дека графичкиот дизајн значи само изработка на постери или објави за социјални медиуми.

Во реалноста постојат повеќе насоки: визуелен идентитет, брендинг, дигитален дизајн, UI/UX, motion графика, публикациски дизајн, рекламни кампањи и креативна стратегија. А подоцна можеме да растеме како арт директори, креативни директори, лид или принципл дизајнери. 

Токму оваа ширина овозможува со тек на време да се преминува од една специјализација во друга.

Ова е одлична тема за разговор. Имаш можност да нè посетиш во Скала и да поразговараме за сите кариерни можности, што е најдобро за тебе и како понатаму може да се развива твојата кариера како графички дизајнер.

Закажи средба со нашиот тим

Каде се развива кариера како графички дизајнер

Кариерата може да започне во студио, маркетинг агенција, интерен дизајн тим во компанија или како freelance соработка со клиенти од различни индустрии.

Дел од алумните на Скала веќе работат во вакви средини уште во првите години од професионалниот развој.

Како да ја започнеш кариерата како графички дизајнер во време на AI

Ако размислуваш да станеш графички дизајнер денес, најважното прашање не е дали AI ќе ја замени професијата, туку како да изградиш системско знаење што ќе ти овозможи да го користиш како алатка.

Академијата за графички дизајн во Скала е поставена токму на оваа основа.

The post Дали вреди да станеш графички дизајнер во време на AI? appeared first on Skala School.

Во рамките на настанот, учество зедоа и студентките од Академијата за моден дизајн на Скала, кои за краток период успеаја да стигнат до својата прва ревија. Тие се претставија со сопствени автентични креации, со што успешно го означија својот почеток во модната индустрија.

Прва вечер и прво професионално искуство за студентките

Темата на Shtip Fashion Days 2026 годинава беше инспирирана од Kia и моделот EV4, со фокус на одржливост и минималистички дизајн во сиви тонови. Студентките – Ана Младеновска, Матеа Стојановска, Сандра Камчева и Мелани Марјановиќ – се претставија на првата вечер од настанот, каде со своите креации внесоа почетна млада енергија.

Патот до модната писта

Создавањето на една модна колекција бара месеци посветена работа и носи бројни креативни предизвици.  Од почетната идеја и скица, преку избор на материјали и изработка, па сè до финалниот изглед, студентките поминаа низ краток, но исклучително продуктивен период.  

Ана Младеновска вели дека процесот бил брз и динамичен, но и исполнет со возбуда и нови вештини до завршната креација. 

„ Процесот се одвиваше релативно брзо, со ограничено време за изработка. Од првичната скица, па сè до веста дека сме примени, па до финалниот производ, поминаа само две до три недели. “

Од перспектива на студентките

Ги прашавме студентките како помина процесот од скица до готов модел, во периодот од октомври до настанот, и каква беше атмосферата во бекстејџот.

Матеа Стојановска, студентка на Академијата за моден дизајн, вели: 

„ Процесот беше интензивен и креативен, со постепен развој на идејата до финалниот изглед, додека бекстејџ атмосферата беше динамична, исполнета со возбуда, концентрација и адреналин пред презентацијата. “ 

За процесот, Мелани Марјановиќ вели: 

„ Процесот од скица до готов модел беше предизвикувачки и исполнет со посветеност и креативни одлуки, со моменти на брзо решавање на неочекувани ситуации. Атмосферата во бекстејџот беше возбудлива, со „сладок хаос“ и силна тимска енергија.“ 

Искуството го сподели и Ана Младеновска: 

„ Благодарение на одличната комуникација, особено со колешките од Скала, времето помина во позитивна атмосфера и тимска поддршка, а како прво искуство од „другата страна“ – во бекстејџот, јасно покажа дека целиот вложен труд навистина вредел. “ 

Сандра Камчева вели:

„Иако имавме само 12 дена за изработка на креацијата, што претставуваше голем предизвик, сепак успешно го реализиравме проектот како тим, и покрај тоа што конструкција учиме само неколку месеци. Вложивме голем труд за да создадеме нешто уникатно. Атмосферата во бекстејџот беше одлична, а целото искуство ми покажа дека со упорност и љубов може да се постигне многу.“

Финалниот резултат и исполнувањето на очекувањата

Мелани Марјановиќ го сподели искуството: 

„ Презадоволна сум од финалниот резултат, кој ги надмина моите очекувања. Ова за мене беше едно многу големо искуство кое ми донесе нови знаења, самодоверба и мотивација да продолжам понатаму со уште поголема желба.” 

Сандра Камчева вели: 

„Сметав дека за натпревар треба да создадам нешто уникатно во кое ќе вложам многу труд. Ги надминав сопствените очекувања и бев пресреќна со изгледот на креацијата, преку која ја прикажав уникатноста на човекот инспирирана од Kia EV4. Ова е едно од моите најдобри искуства досега и мотивација да продолжам со уште подобри дизајни и да го постигнам посакуваниот успех.“

За Ана Младеновска, резултатот ги надминал очекувањата: 

„ Задоволството да се види како идејата оживува во реалност е навистина посебно. И покрај краткото искуство, поставените цели беа успешно исполнети, што го прави успехот уште позначаен.“ 

Матеа Стојановска вели: 

„ Многу сум задоволна од крајниот резултат. Моделот успешно ја претстави почетната идеја и на крај изгледаше поефектно и посилно од тоа што првично го замислував.“

Први чекори кон модната кариера

Со учеството на Shtip Fashion Days 2026, студентките од Скала направија значаен чекор кон својата кариера во модната индустрија, покажувајќи дека со посветеност и креативност идеите можат да станат реалност. Ова искуство не само што им донесе практични знаења, туку и самодоверба и мотивација за понатамошен развој, претставувајќи силен почеток на нивниот професионален пат. Нивните први чекори на модната писта се доказ дека со вистинска поддршка, идеите можат да прераснат во успешни креации.

Кариера како моден дизајнер

Инспирирани од ваквите искуства, многу млади креативци се одлучуваат да го продолжат својот пат во модниот дизајн. Академијата за моден дизајн на Скала нуди можност да го поминеш целиот процес – од основни скици и развивање на креативни идеи, па сè до работа на реални проекти и учество на модни ревии. Преку практична настава и менторска поддршка, студентите добиваат вистинско искуство и подготвеност за модната индустрија.

Често поставувани прашања:

Дали академијата обезбедува практична настава?
Да, наставата е базирана на практична работа, каде студентите активно работат на свои креации и проекти.

Што точно ќе научам за време на академијата за моден дизајн?
Ќе научиш да креираш модни скици, да избираш материјали, да развиваш колекција и да ја реализираш од идеја до финален производ.

Дали студентите имаат можност да учествуваат на модни ревии и реални проекти?
Да, студентите работат на реални проекти и имаат можност да ги претстават своите креации на модни настани и ревии.

☆ Студии во Скала?

Закажи средба со нашиот тим

The post Од скица до реалност: Студентките на Скала со свои креации на Shtip Fashion Days 2026 appeared first on Skala School.

Што реално се очекува од junior маркетер во Скопје

Во агенциите и компаниите кај нас од млад маркетер ретко се очекува само објавување содржина. Се бара следење трендови, разбирање публика и јасна комуникација со тим.
Тоа значи организација, одговорност и чувство за насока, не само креативност.

Социјални медиуми и performance маркетинг – различни насоки во иста професија

Интересно е што студентите најчесто сакаат да работат со социјални медиуми и токму таму често започнува првиот професионален чекор.

Во исто време, маркетинг агенциите имаат голема потреба и од луѓе што работат со Meta Ads, Google Ads и аналитика, области кои се развиваат постепено и стануваат особено вредни со искуство.

Со тек на време, многу маркетери природно преминуваат од content кон strategy, performance или аналитика, или пак остануваат во content и се специјализираат во таа насока. Токму оваа можност за движење низ различни улоги е една од најголемите предности на дигиталниот маркетинг како професија.

Како изгледа работата во маркетинг тим

Маркетерот најчесто работи како дел од тим. Тој пишува бриф за дизајнер, дефинира публика, поставува KPI индикатори и анализира резултати од кампања.
Не одлучува што ќе се снима. Одлучува зошто се снима.
Во соработка со арт директор, фотограф или видеограф се гради комуникација што има стратегија, а не само визуелна форма. 

Со какви клиенти работат маркетерите кај нас

Во локалниот контекст маркетерите најчесто работат со домашни брендови и компании од секаков тип. 

Во поголемите агенции се работи и на кампањи за странски пазари или глобални брендови присутни локално како Coca-Cola, T-Mobile, Porsche, Mercedes-Benz, Pepsi, Heineken, KFC, Burger King, ZARA… како и банки и телекомуникациски оператори и многу други популарни брендови присутни на домашниот пазар.

Тоа овозможува рано стекнување искуство со различни индустрии, нешто што ретко се случува во други професии.

„Дигитален маркетер“ не е една професија

Една од најголемите заблуди кај младите е дека дигиталниот маркетинг е една позиција.

„Дигитален маркетер не е една професија. Тоа е поле со повеќе специјализации низ кои можеш да се движиш и да растеш со текот на кариерата.“ 

– ни сподели Владимир Ристевски, креативен директор и партнер во Pixel Digital и ментор на Академијата за дигитален маркетинг во Скала.

„Можеш да започнеш како social media manager, а подоцна да станеш копирајтер, performance маркетер, стратег, акаунт менаџер или маркетинг директор. Токму оваа подвижност ја прави професијата долгорочно одржлива и многу забавна!“ – додаде Владимир

Што навистина бараат маркетинг агенциите

Агенциите најчесто не бараат „совршен кандидат“. Бараат личност што сака да учи.

Се вреднува ентузијазам, љубопитност и интерес за нови технологии. Познавање Meta Ads 

Manager и Google Ads е силна предност уште на почеток, додека reporting ретко се очекува од junior кандидати, но кога ќе се совлада станува една од највредните вештини во професијата.

Каде се развива кариера во дигитален маркетинг

Маркетингот денес не е краток курс за социјални медиуми, туку поле во кое може да се изгради кариера во агенции, интерни тимови на компании, меѓународни франшизи или сопствен бизнис. Дел од алумните на Скала веќе работат на проекти за глобални брендови уште во раните фази од професионалниот развој.

Како да ја избереш својата насока во маркетинг

Ако размислуваш за кариера во дигитален маркетинг, најважното прашање не е дали оваа професија има иднина, туку која насока во неа одговара на твојот профил.

Академијата за дигитален маркетинг + AI е поставена токму како систем што комбинира стратегија, аналитика, performance маркетинг, content системи и современи AI workflows, за да можеш да влезеш во индустријата подготвен за реалните задачи што ги бараат агенциите денес.

The post Што точно работи дигитален маркетер (во реалноста, не во опис на професија) appeared first on Skala School.