За да ви доловиме дел од нивните искуства, разговаравме со Андреј Арсенков студент на Академијата за визуелни уметности и моушн дизајн кој посетуваше пракса во маркетинг-агенцијата Publicis, а еден месец подоцна доби договор за вработување.

Андреј уште од мали нозе има интерес за креативните работи, па денес несомнено ужива во својата работа како Video Production Assistant во Publicis, а пред да ја дознае веста за неговото вработување, за неговото искуство нa пракса ни сподели …

Работата во маркетинг-агенција ми овозможи да бидам дел од креативна тимска работа. За да се оствари креативната замисла, многу е важна соработката со колегите во секој дел од процесот: од идеја до крајната изведба, сите мораат да си ја знаат улогата. 
Пријатно се изненадив од тоа колку Академијата ме подготви за практична работа! – Досегашното искуство ми покажа дека треба да си вешт и посветен, бидејќи ќе има непредвидливи ситуации и навидум нерешливи проблеми, но со упорноста тоа се надминува. 

Што е визуелен артист и кои се се можности за кариера?

Постоечките професии како визуелен артист (видеограф, моушн дизајнер, аниматор, фотограф, арт директор…) се меѓу најплатените професии во Македонија, според Државен завод за вработување. Работењето во овие дисциплини е навистина длабок процес, вложувањето во видеографија, постпродукција, motion design, видео-продукција, се само дел од медиумите на новото време. Токму затоа во Скала  креираме можност за професионален развој и градење на успешна кариера во овие дисциплини преку мултидисциплинарната програма на Академијата за визуелни уметности и моушн дизајн– и единствена на пазарот!

Publicis Македонија е интегрален дел од мрежата Publicis Groupe, глобален лидер во маркетинг, комуникации и дигитална трасформација. Oбединува широка палета на маркетинг-експертизи и ресурси: од стратегиско планирање, бренд-консалтинг, креативни комуникaциски решенија, медиумско планирање и консултирање, дигитални стратегии, медиумски и технолошки решенија, до односи со јавност и менаџмент на настани. На пазарот во Македонија, е присутна од 1996 година, преку креативните агенции Publicis и Saatchi & Saatchi и медиумските агенции Zenith и Starcom.

Запознај го Бојан Матејин, алумни студент од Академијата за визуелни уметности, кој веќе неколку години исто така е дел од креативниот тим на Публицис.

Уписите на Академија за визуелни уметности и моушн дизајн се во тек, а сите креативци со или без портфолио ја имаат можноста да аплицираат за стипендија за новата академска 2023/24 година. 

Крајниот рок за аплицирање за стипендија е отворен до 5 октомври, аплицирај тука!

The post Од пракса до договор за вработување! appeared first on Skala School.

Предметот е под менторство на Илија Паунков каде што студентите имаа за задача да уредат неконвенционален станбен простор од 50 метри квадратни како реален пример за стан којшто е во моментална изградба. 

Проектот имаше за цел да претстави соочување со функционално осмислување на простор со којшто дизајнерите на ентериер се соочуваат во секојдневието. Ги прашавме нашите студенти за нивното искуство, првичните замисли за организацијата на просторот, посетите на градилиштето, изборот на материјали и нивното финално решение изработено во рамките на предметот Дигитално рентерирање. 

Стефани Андова

При процесот на креирање, се соочив со…

Многу предизвици и проблеми чиишто решенија сметам дека го направија дизајнот посебен. Научив многу нови работи и уште повеќе го засакав целиот процес на изработка и дизајнирање. Станот е 50 м2, типичен за денешните градби и токму поради тоа, при дизајнирање истражував за различни техники за визуелно зголемување на просторот. Освен тоа, решив да ја вметнам и природата во дизајнот преку материјали како дрво и камен, исто така и многу зеленило.

За соработката при процесот, за менторите би сакала да кажам…

Низ целиот процес на учење и дизајнирање, менторот Илија Паунков беше тука да ни помогне кога тоа беше потребно. Преку посетите на салони и градилиште, тој нè запозна со многу нови материјали и техники, секогаш беше отворен за соработка и даваше сè од себе да ни го пренесе своето знаење.

Како би го опишале вашето финално решение…

Завршниот продукт и финалните рендери од ентериерот, сметам дека зборуваат сами за себе и за целиот труд и време вложено во нив. Се потрудив да доловам мирна атмосфера, пријатен и посебен дизајн и нормално, да уживам во целиот процес.

Другарски совет за сите оние кои сакаат да се запишат на академија во „Скала“…

Времето во Академијата поминува многу брзо, дружбата и учењето преку пракса ја прават истата посебна и забавна. За да започнеш, потребна ти е желба за учење и дизајнирање, а понатаму да се посветиш на процесот, топло ти препорачувам да се запишеш и целосно да уживаш во искуството.

Николина Тасевска

При процесот на креирање, се соочив со…

Предизвикот како еден стан од 50 м2 да се претвори во практичен и функционален простор којшто истовремено ќе изобилува со комотна и луксузна аура. Во денешно време, се среќаваме со сè помали станови токму како оној на којшто работевме со колегите од Академијата, па така имавме можност да искусиме како е да се работи на реален проект како дизајнер на ентериер. Тоа ме поттикна да изнајдам креативен начин да го уредам просторот, но и да внесам нов и поразличен ентериер од оние коишто ги среќаваме во секојдневието. 

За соработката при процесот, за менторите би сакала да кажам…

Премногу сум среќна што имав можност да соработувам и да учам од мојот ментор Илија Паунков. Благодарение на неговото искуство, знаење и неговите естетски вредности, тој точно ми посочи како треба и како не треба да изгледа еден ентериер, рендер, материјал, боја, буквално до најситен детаљ.

Како би го опишале вашето финално решение…

Луксуз и доминација во мал простор. Целта ми беше да направам практичен, автентичен и уникатен простор за живеење. Финалниот дизајн и ентериер на просторот се во специфичен стил којшто можеби не е прв избор на многу луѓе, но за мене беше важно да го извлечам најдоброто од себе како дизајнер.

Другарски совет за сите оние кои сакаат да се запишат на академија во „Скала“…

Мој совет е без двоумење да го направиш првиот чекор и да се запишеш на Академијата за ентериер и продукт-дизајн, бидејќи ова е една од најдобрите одлуки којашто може да ја направиш за тебе и твојата кариера.

 

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

 

Ивана Латинска

При процесот на креирање, се соочив со…

Мојата задача, како и на моите колеги, беше да уредиме стан од 50 м2. Мало и компактно катче коешто за мене се претвори во еден интересен предизвик меѓу другото и голем поттик да бидам што покреативна, претворајќи го ова мини гнездо во мала, но удобна оаза за живеење. При целиов процес се соочив со неколку фази од коишто би сакала да ги издвојам: организација на просторот и избор на бои. 

Организацијата на просторот беше главниот предизвик, како да се направи концепт на мал стан, од којшто е потребно да се извлече максимум, односно, просторот треба да содржи сè што е потребно една индивидуа да може со леснотија да функционира и ужива во истиот. Изборот на бои пак, игра клучна улога во малите простори. Токму затоа во мојот дизајн се одлучив да искористам бела боја и светли неутрални тонови во комбинација со смирени бои коишто понатаму ми го поедноставија процесот на дизајнирање.

За соработката при процесот, за менторите би сакала да кажам…

Во целиот овој процес, од самиот почеток, па сè до крај, без ниеден исклучок, со нас беше нашиот ментор Илија Пунков, професионалец во својата работа. Од запознавањето со материјали на терен, па сè до часовите одржани на градилиште каде што можевме визуелно да видиме кои предизвици ги вклучува оваа креативна професија. Со неговата организирана програма и материјали зададени од негова страна (коишто засекогаш остануваат наш прирачник за следни ентериерни решенија) го поедностави нашето учење и процесот на креирање на финалниот дизајн.

Како би го опишале вашето финално решение…

Инспирација за мојот финален ентериер е скандинавскиот стил. Убавината на дизајнот ја истакнувам искористувајќи природни текстури истакнати преку дрвените подови и пастелни сенки во комбинација со нијанси на неутрални земјени тонови. Минимализам во којшто се претпочитува ред и топлина, гради пријатен простор и буди смиреност.

Другарски совет за сите оние кои сакаат да се запишат на академија во „Скала“…

Од лично искуство и досегашно учење, би ја издвоила Академијата во Скала како една од најперспективни и најпродуктивни академии во областа на ентериер и продукт-дизајн. 

Доколку и вие имате голема желба и љубов кон оваа професија, најискрено ви ја препорачувам како можност за стекнување на практично знаење, изразување на вашиот стил и најважно од сè, можност да се поврзете со компании од индустријата во коишто понатаму имате можност да ја градите вашата кариера.

Девојки, ви благодариме за споделеното искуство. Уживавме во разговорот и вашите финални решенија за дизајн на ентериер. 

Подготвен/а си да го преуредиш твојот кариерен план? – Погледни ја програмата на Академијата за ентериер и продукт- дизајн, раните уписи се во тек, те очекуваме! ♥

✰ ✰ ✰

The post Студентите од Академијата за ентериер дизајн, со предлог решенија за стан во Центар appeared first on Skala School.

Разговаравме со студентите од Академијата за ентериер и продукт дизајн, Николина Тасевска, Стефани Андова и Наталија Ангеловска, за нивниот семестрален проект од предметот Прототип дизајн студио. 

Предметот е под менторство на Катерина Трпковска, каде што студентите имаа задача да произведат парче мебел од скица, преку технички цртеж, истражување и тестирање на материјали, реализација на прототип-дизајн и конечен продукт.

Проектот е развиван во рамките на предметот Дизајн процес, под менторство на дизајнерот Апостол Тноковски. Ги прашавме околу инспирацијата за темата, начинот на изработка и општо – предизвикот да се создаде нешто коешто првично постоело само како идеја, а потоа се реализирало во физички функционален продукт.

Стефани Андова

Стефани Андова работеше на продукт којшто некои лектори практикуваат да го претстават како „ламба“, а други како „лампа“ 🙂

При процесот на креирање, се соочив со…

Истражување, донесување на одлуки и прилагодување на материјалите кон дизајнот на ламбата. Спојот на оревото дрво и ониксот како контрасни елементи бараше прецизност, упорност и точни димензии. Еден од најголемите предизвици беше сечењето на ониксот до тенкост којашто овозможува излез на светлината од лед-сијалиците; по неколку неуспешни обиди и скршени парчиња оникс, стигнавме до финалната димензија. Вложувањето во процесот бараше труд од наша страна и „засукани ракави“ во работилница. Првичната скица од ламбата беше со остри рабови, но при консултации со менторката Катерина Трпковска, се одлучив за тапи рабови коишто имав можност да ги изработам сама.

За соработката при процесот, за менторите би сакала да кажам…

И покрај тоа што јас сум авторот на дизајнот, без нив делото немаше да изгледа вака. Нивното познавање на секоја гранка и аспект од дизајнирањето имаше значително влијание врз финалниот продукт којшто го добив, на што сум им благодарна.

Другарски совет за сите оние кои сакаат да се запишат на академија во „Скала“…

Ентериерот не ги опфаќа само столчињата и масите или креветот во вашата спална соба. Дизајнирањето ентериер за мене претставува начин да допрам до некого, да прикажам емоција или порака. На Академијата за ентериер и продукт дизајн, дизајнот е учење уметност за којашто треба многу време, посветеност и иновативност и сепак, на крајот, сето тоа вреди многу.

Николина Тасевска

Николина Тасевска, преку реупотреба на отпадни материјали, изработи клуб-масичка, а кога нејзината маса би имала име, таа би ја крстила: случајност.

При процесот на креирање, се соочив со…

Голем број на предизвици и промени, почнувајќи од идејата па сè до дизајнот на парчето мебел. Всушност, првичната моја идеја исто така, се однесува на дизајн на ламба, но ограничените ресурси ми овозможија да ја разбудам креативноста и да се препуштам на процес којшто претставуваше вистинска трансформација. Масата се „роди“ низ разговор со менторите и воочувањето дека не секогаш ни се потребни нови материјали за изработка на продукт. Така, металната спирала на мојата маса е отпад од стар камион, а преку шмирглање и фарбање на истата во работилницата на татко ми, имав можност да ја претворам во функционална ногарка којашто може да се користи и како мини полица за книги.

За соработката при процесот, за менторите би сакала да кажам…

Менторите ми помогнаа многу до реализација на идејата. Особено Апостол Тноковски кој ми помогна со идејата дека можам да искористам спирала од камион за ногарка на масичката.

Другарски совет за сите оние кои сакаат да се запишат на академија во „Скала“…

Моја препорака е да се определите за развој на продукт-дизајн од причина што ќе имате можност да креирате многу креативни и функционални артефакти. Со тоа ќе им помогнете и решите одреден проблем на клиентите и ќе ги направите среќни!

Наталија Ангеловска

Наталија Ангеловска создаде минималистичка ламба во големи димензии којашто се вклопува во модерен ентериер.

При процесот на креирање, се соочив со…

За време на процесот, се соочив со предизвикот да се постигне рамнотежа меѓу функционалноста и естетиката на столната ламба. Истовремено, се стекнав со искуство и научив како функционираат машините, кој алат за што е и како се употребуваат. Додека го изработував продуктот, ги имавме на располагање сите потребни машини и суровини за да се изведе мојата идеја и генерално идеите на моите колеги.

За соработката при процесот, за менторите би сакала да кажам…

Процесот се одвиваше во пријатна и креативна атмосфера. Пред сѐ, благодарна сум на менторката Катерина Трпковска која го сподели нејзиното богато искуство во пронаоѓање на креативни решенија при производство на мебел, со тоа што ми помогна во реализацијата на овој продукт.

Додека пак, во развојот на идејата стигнав многу лесно, следејќи го дизајнерскиот пристап којшто ја нагласува функционалноста, со помош на менторот Апостол Тноковски.

Другарски совет за сите оние кои сакаат да се запишат на академија во „Скала“…

Во моментов, ентериер и продукт-дизајн е распространета и барана професија. Академијата во „Скала“ нуди нова програма којашто ги следи трендовите и потребите на креативните индустрии. На Академијата, ќе имате можност да учите од супер искусни и професионални ментори од кои и јас лично научив многу.

Искрено ви ја препорачувам, затоа што оваа Академија е идеалното место за да стекнете знаење!

Девојки, дизајнерки, ви благодариме што ни споделивте нешто повеќе за вашата приказна од идеја до реализација на вашите парчиња мебел. Вашето искуство е вистински пример за практичното образование коешто го стекнуваат нашите студенти од развој на скица, па сè до изработка на финален продукт.

Погледни ја севкупната програма на Академијата за ентериер и продукт дизајн и искористи го попустот за ран упис, не дозволувај твојот дизајн за ламба да остане само скица во тетратка! ♥

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

The post Од развој на скица до дизајн на парче мебел appeared first on Skala School.

Студентите од Aкадемијата за UX/UI+дизајн успешно ја градат својата кариера како веб дизајнери, а дел од нив денес се и колеги во Vendor – платформата којашто успешно ги решава главните проблеми на е-трговијата. 

За искуството во Vendor, соработката со колегите и добрите практики научени од Академијата поразговаравме со Ирина Чабуковска, Ивана Коцева и Марија Бежаноска, студенти на Aкадемијата за UX/UI+ дизајн и Теона Димова, алумни-студент на Aкадемијата за графички дизајн.

Ирина Чабуковска

Разговорот го започнавме со Ирина Чабуковска, која ни сподели повеќе за нејзиното работно искуство како UI/Web дизајнер…

Веќе речиси месец дена сум во Вендор и со сигурност можам да кажам дека ова е одлично искуство.Имам можност да работам на многу интересен проект и да се фокусирам на развојот на истиот. Постојано го применувам искуството од Академијата, за да создадам квалитетни дизајни, подготвена сум да учам и да ги развивам своите вештини на оваа позиција.

Дел од работниот процес на еден веб-дизајнер е барањата на клиентот да ги преточи во функционален, визуелно допадлив и лесен за користење веб-сајт. За искуството и предизвиците  како веб-дизајнер, таа ни сподели…

Работата исполнува и стимулира. Во моменти кога се соочувам со проблем, се насочувам кон креативно размислување, планирање и соработка со тимот. Така учам нови работи коишто ми помагаат да ги надминам проблемите.

Низ разговорот, ни посочи и кои се најзначајните научени лекции од Aкадемијата за UX/UI+ и како истите ѝ користат при работата денес…

Научив да истражувам – клучно е правилното пребарување на моменталните трендови и правила во светот на UX/UI. Ja развивав својата креативност и иновативност, а дознав и многу нови алатки коишто ги користам секојдневно и ми се многу корисни за правилна комуникација со мојот тим.

Теона Димова

Покрај Ирина, во Vendor повеќе од една година е и нашата алумни-студентка, Теона Димова. За неа, ова работно искуство е од особено значење и за истото ни сподели…

Кога ќе се сетам на првиот работен ден во ретроспектива, не ни можев да претпоставам  дека толку добро ќе се снајдам и ќе уживам во работата!

Работата ми е динамична, несекојдневна. Секој ден е ден-предизвик и токму тоа го барав по завршувањето на Академијата -нешто коешто ќе ме поттикне да пораснам, да се обидам во различни домени на индустријата, а сега, по една година – знам дека ја направив правилната одлука.

Кога со неа се навративме на студентските денови на Академијата за графички дизајн и како ѝ помогна тоа искуство, таа ни сподели…

Ми помогна на многу начини, а најважно беше да се отворам креативно, а со тоа да дојдам чекор поблиску до она што го бараат клиентите. И уживам!

Vendor е платформа којашто преку најнови технологии овозможува креирање на е-продавница за само неколку секунди. Vendor e продукт на компанијата Altius која што повеќе од 8 години изработува дизајни, веб-сајтови и мобилни апликации. Еден од основачите на Altius e Дејан Милосавлески, наш долгогодишен соработник и ментор на Aкадемијата за UX/UI+ кој денес, во соработка со Ирина, Теона и Марија, успешно креира уникатни
e-commerce дизајни за клиентите на Vendor.

Марија Бежаноска

Марија Бежаноска пак, е многу возбудена за новата работа, а веќе 2 недели е дел од тимот.

Си ја сакам работата и уживам во соработката со моите нови колеги и се радувам што придонесувам за успехот на компанијата. Секој работен ден ни почнува со планирање на задачите и ефективна работа во пријатна средина.

За соочувањето со работните предизвици на еден UX/UI+ дизајнер, особено откако завршија студиите, ни сподели…

Предизвиците се постојано тука, а со истите се соочувам преку следење на најновите веб-дизајн трендови и координација со поискусните колеги. Но, ова не би било возможно без искуството коешто го стекнав на Академијата за UX/UI+ дизајн. Преку развивањето и усовршувањето на дизајнерското око и примената на модерните текови во UI-дизајнот, како и градењето работни навики, севкупното искуство на работа е успешно!

Ивана Коцева

Од искуствата на работа, преминуваме на Ивана Коцева која од неодамна започна со пракса во Vendor и соработува со своите колешки од Академијата. За нејзиното едномесечно искуство како практикант, ни сподели ….

Неверојатно позитивно искуство! Од самиот почеток работам на реален проект каде што можам практично да го применам моето знаење и да соработувам со тим од талентирани професионалци. Праксата е одлично искуство. Најзначаен предизвик засега ми е постојаното изнаоѓање креативни решенија за различни проблеми што ми овозможува да ги надградам своите вештини.

Од клупи – на пракса. Што научи од Академијата?

Преку Академијата, стекнав знаења и вештини кои што сега ги применувам секојдневно, овозможувајќиси да напредувам во моите задачи и да придонесам за проектот во кој што сум вклучена. Од сѐ што научив, би ги издвоила лекциите за UX-дизајн и frontend-програмирање, како највредни во мојата сегашна улога.

Девојки, се радуваме на вашите искуства и ви посакуваме уште многу успешни проекти во вашата кариера! Само напред!

Погледнете ја програмата на Aкадемијата за UX/UI+ дизајн, раните уписи се веќе во тек, зграпчи ја можноста, се гледаме на Академија – време е за промени!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

✰ ✰ ✰

The post Вработени на последниот час – студенти од Академијата за UX/UI дизајн appeared first on Skala School.

Цела генерација студенти од Скала-Школата за дизајн од Академијата за UX/UI+дизајн успешно ја почнаа својата работна позиција во дигиталната маркетинг агенција Division. Но, неколку од нив ни раскажаа за нивните искуства додека беа на Академијата и сега откако се вработени.

Издвојуваме тројца од нив кои се во работна атмосфера и ни раскажаа какво им е искуството периодов додека се на работа.

Ги прашавме Марија Степановска, Теоман Максут и Виолета Ристеска, наши алумни студенти на Академијата за UX/UI, сите вработени во маркетинг агенцијата Division како си поминуваат на работа, но и што научија од Академијата.

Уште неколку од генерацијата 2022/23 се во нивниот тим, а тоа се: Стојче Ристова, Ангела Трајановска и Бисера Гиновска. Но тука се и Лука Стојановски, наш алумни студент од Академијата за графички дизајн, кој работи како графички дизајнер, Елена Трајкова, алумни студентка од Академијата за визуелни уметности, која работи видео анимација и постпродукција, Андреј Павлов, наш алумни студент од Академијата за визуелни уметности, кој работи како графички дизајнер, Ивана Пекевска, алумни студентка на Академијата за визуелни уметности, која работи како UX/UI дизајнер, Гаја Смилевска, исто така од Академијата за визуелни уметности која работи графички и моушн дизајн….

Division е маркетинг агенција со преку 20 години творечко постоење, почнувајќи од 2001 година. Освен што ја водат кампањата за првата македонска стриминг платформа Gley, тие имаат преку 40 клиенти со кои соработуваат. Тие се едни од ретките кои испорачуваат иновативна и квалитетна бренд-стратегија и постојано вклучуваат млади креативци во своите редови. Во тимот на агенцијата се неколку наши генерации! 🙂

Марија Степановска

Mарија ни сподели дека преку работата во Division, учи и за комуникацијата со клиентите, клучна кога станува збор за исполнување на одредени очекувања.

Со оглед на тоа дека ми е прво вработување, мислев дека ќе имам потешкотии со приспособувањето на новото работно место, но во Division можам да кажам дека соработниците се многу пријателски настроени и ми олеснија низ комуникацијата да се вклопам веднаш во тимот.
Освен што ми помогнаа да се чувствувам посамоуверено и удобно во мојата нова работна средина, сите секогаш се подготвени да помогнат со било каква задача којашто ја имаш во моментот.

Предизвикот со кој се соочувам како UX/UI дизајнер се – очекувањата и комуникацијата со клиентите. Понекогаш тие очекувања не се реални, па важно е да имаме јасна и отворена комуникација со клиентите во текот на целиот процес.

Но, истовремено дека Академијата ѝ обезбедила многу пошироко знаење во програмските вештини…

Учењето во „Скала“ е неверојатно корисно во мојата работа како UX/UI + дизајнер. Академијата ми обезбеди одлична основа во принципите на user interface и дизајнот на корисничкото искуство. Но, и некои основни програмски вештини во HTML, CSS и ЈavaScript. Oва знаење ми помогна многу во создавањето на естетски и ефективно добри дизајни за нашите клиенти.

Една од највредните лекции што ги научив во Скала беше важноста да се разберат потребите на корисниците и да се дизајнира според нив. Ова влијаеше на мојот процес на дизајнирање, бидејќи давам приоритет на истражувањето и тестирањето на корисниците, со цел да создадам дизајни кои се насочени кон нивните потреби. Менторите ми ја нагласија важноста на интерактивниот дизајн и прототипирањето, што ми помогна многу во тестирањето и усовршувањето на дизајните. Со тоа – да дојдам до најдобрите решенија!

Теоман Максут

Теоман ни сподели како му е на работа, но и што „понел“ со себе од Академијата. Вели:

Како и со секоја работа, така и со нашава, си доаѓаат радосни, но и мигови коишто бараат целосна концентрација. Денот го започнуваме со дневниот состанок на којшто разговараме за сработеното, предизвиците со коишто сме се соочиле и планот за понатаму. Споделуваме заеднички решенија, секогаш „паѓа” по некоја шега и „се фаќаме за работа”.

За мене, најголем предизвик досега беше прецизно проценување колку време би ми било потребно за одредена задача.

Од друга страна пак, академскиот период е секогаш подготовка за „реалниот” свет. Со секоја вештина, па така и со оваа, вистинското учење и „калење на челикот” доаѓа со работа на реални проекти и клиенти. Во тоа, многу ни помогна работата со реалниот клиент на Академијата, како и тоа што научив брзо да одлучувам и да бидам подготвен да го пратам делото на преглед во доволно добра, несовршена форма.

Виолета Ристеска

Виолета ни сподели и интересна анегдота во однос на искуството во Академијата и концептите на веб-дизајнот кои не треба да се само „убави“ на изглед, туку и функционални.

Низ процесот на студирање ми беше многу забавно и запознав прекрасни и креативни луѓе од кои ден-денес учам и сум горда што ги познавам. Благодарна сум на Академијата што се стекнав со вработување веднаш по завршувањето на студиите. Презадоволна сум од можностите коишто ги добив како за тотален почетник и за толку краток период што успеав да сменам кариера.

Секогаш кога имам „луди“ дизајнерски идеи, ми текнува на зборовите на менторот Игор:

 „Немојте многу да се занесвите со дизајнирање, то требит некој да го кодират!“ 🙂 Така што, благодарение на часовите по HTML/CSS & JavaScript, освен што ги научивме основите концепти на веб-дизајнот, научивме и да поставуваме реални граници на нашите „луди идеи“.

Во однос на работата во Division ни сподели…

Ми се допаѓа атмосферата на работното место, колегите, можноста за учење и надградба, како и работењето во тим. Има добра комуникација и конструктивен фидбек меѓу тимот и колегите се секогаш подготвени да ми помогнат со процесот на работните задачи. Морам да признаам дека „pet friendly“ деновите ми се омилени, тогаш во канцеларија ни е презабавно, весело и опуштено.

Предизвик ми е секојдневно развивање на мојот креативен потенцијал.

И ние се радуваме со вас, девојки и момци!
Продолжете да бидете кул и учете, создавајте, менувајте се и секогаш уживајте во професионалната надградба!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

✰ ✰ ✰

The post Division ни „собра“ единаесет студенти од „Скала“! appeared first on Skala School.

На што помислуваме кога ќе го кажеме терминот „Freelancer“?

Eве малку историја: Најраните пишани докази за терминот „фриленсери“ или по наше „хонорарци“, доаѓаат од „Ајванхо“, на Сер Волтер Скот, каде еден господар ги нарекува своите платени војници од армијата „Слободни копја (free lances)“. Овде терминот се користел за да означи средовековен платеник кој би се борел за било која нација, или барем за клиент (личност, господар) кој би им платил најмногу.

Звучи познато? 😊

Фриленсерите, или хонорарното работење е вид самовработување. Кога никој не ти „стои над глава“, но самиот ти си својата глава 🙂 својот шеф и уредувач на работните практики, обврски и временско планирање. Овој тип вработување е всушност индивидуално давање услуги по договор или на основа на проекти. Обично, фриленсерството во регионов, но и во Македонија e од најразличен тип – работа на реклами, дизајн, пишување, аналитика, програмирање, фотографија, веб дизајн… Какви и да имате таленти, постои отворен и широк пазар на работни места за вас, особено во креативните индустрии.

Во моментов, во светот постојат многу платформи кои нудат фриленс работа. Кога ќе ги помислиме „најпопуларните“, обично мислиме на Upwork, Fiverr, Toptal, но вистината е дека нив ги има преку стотици. За некој кој дури сега влегува во овие води, ова може да звучи застрашувачки и интезивно. Како да барам работа? Од каде да почнам? Како ќе склучувам договори со луѓе од другата страна на светот?

За да дознаеме што ни е потребно кога ќе стапнеме во тој свет, позборувавме малку со Горјан Стојановски, дигитален маркетер и фриленсер, ментор токму од  оваа област. Горјан е и консултат за одржлив раст и развој на компании од различни индустрии кој во своето порфолио на успешни стартап приказни е и OutletON, првата македонска онлајн продавница со свои претставништва и во соседните држави. Го прашавме како е наједноставно да се почне со фриленс работа – платформи или директно во договор со компании.

За сѐ има почеток. За сѐ постои објаснување. За сѐ постои и начин на кој може да дознаете и научите повеќе, а тоа е на курсот по фриленсерство во нашата Школа.

Наједноставно кажано на платформи може да најдете клиенти од Америка, Канада и Австралија каде ќе имате подобар третман и услови за работа. Тоа е најголемата предност на платформите. За жал и таму има непрофесионални клиенти кои најчесто се наоѓаат во понсико платените понуди, баш оние кои ги таргетираат почетниците – вели Горјан.

Кои се неговите најсилни, и помалку силни страни? Како да се снајдеме за клучни аспекти од работењето, како здравствено, пензиско осигурување, стаж… Го прашавме што значи да се биде фриленсер во македонски услови.

Искрено не мислам дека има големи разлики дали си филенсер во Македонија или било каде во светот. Најголема разлика е во финансискиот дел, тоа што за земји како нашата ова е доста добро платена работа, а истата тешко би парирала на нормална плата и услови во високо развиените земји.
Фриленсерството значи дека сами сте одговорни за себе и својата судбина, со што следи најголема слобода. Мора да преземете одговорност и да си направите стратегија за здравствено и пензиско осигурување, но за разлика од редовно вработените, вие имате комплетна слобода и избор како ќе се снајдете. Значи дека немате платен одмор, но со добар план можете да имате далеку повеќе слободно време!

 

За да биде човек успешен во фриленсерството, потребни се клучни лекции што треба да ги има на ум. Се работи за одредена дисциплина, работна етика, отворање можности…  На ова Горјан додаде:

Многу важно е да се консултирате со други кои имаат искуство, или да посетите курс како нашиот 😊
Искрено добриот почеток е пресуден. Според мене најголемиот дел од луѓето се откажуваат на самиот почеток бидејќи е доста тешко. По некое време работите стануваат експоненцијално поедноставни. Како работиме, полесно наоѓаме нови проекти со подобра плата, како искуството се зголемува така и клиентите се позадоволни и за пократко време постигнуваме подобри резултати. Значи мала доза на храброст и истрајност се пресудни!

ИДНИНАТА НА ФРИЛЕНСЕРИТЕ…

Горјан смета дека во иднина, бројот на фриленсери ќе се зголемува, токму поради тоа што на многу луѓе овој начин на работа им одговара со животниот стил.

Факт е дека не е едноставно да се заменат конвенционалните работни места заради зголемената продуктивност на тим кој работи од иста просторија, но самата глобализација ги продлабочува можностите за соработка со луѓе од целиот свет. Сите работни места кои не се поврзани со физичко присуство или бараат соодветни лиценци (доктори, адвокати и слично) ќе забележат пораст во фриленс најпрво поради меѓународните повремени вработувања кои одговаат и на работодовците и на фриленсерите.

Го прашавме за крај, како тој ја доживува својата фриленсерска приказна, од аспект на веќе докажан и искусен фриленсер. Вели дека овој начин на работа носи и добри и помалку добри страни, но и одредени привилегии.

Најпрво би забележал дека не е за секој 😊Јас пред да бидам фриленсер бев претприемач и голем дел од негативните страни на овој животен стил веќе ми беа секојдневие. Луѓе кои сакаат помирен и постабилен живот и кариера тешко ќе се носат со неизвесноста која произлегува од фриленсингот, но успешните фриленсери по неколку години работа најчесто се во позиција да одбиваат работни места и проекти. Со текот на времето дискутабилно е дали воопшто фриленсингот е понесигурен и неизвесен од редовното вработување.
Доколку сте човек кој може да се носи со овие предизвици, речиси и да нема други страни кои се понеповолни во споредба со редовното вработување. Најголемата привилегија е што од Македонија можеме да заработуваме плати од САД, што се навистина големи за нашиот животен стандард.

 

✰ Искористете ја новата програма за фриленсинг за вашите вештини или стекнете нови креативни вештини преку нашите курсеви по специјална комбо цена!

* Be Free. Be a Freelancer е специјално дизајнирана обука во соработка со IMPACT Foundation како дел од проектот #RECONOMY.
#RECONOMY е регионална инклузивна и зелена програма за економски развој на Шведската агенција за меѓународна развојна соработка (Sida), имплементирана од HELVETAS Swiss Intercooperation во партнерство со Импакт Фондација и други организации вo земјите од Источното партнерство и Западен Балкан.

The post „Биди слободен, биди фриленсер“ – курс во „Скала“ за храбрите идни креативци! appeared first on Skala School.

Украдовме малку време од неговиот полн продуктивен распоред да поразговараме за тоа што ги очекува студентите оваа учебна година, на Академијата за моден дизајн.

НОШПАЛ: Предметите Вовед во моден дизајн и Модна колекција се во тесна корелација со севкупниот концепт на Aкадемијата за моден дизајн. Имено, студентите ќе имаат можност, преку изработка на портфолија на зададени теми и задачи,  да се запознаат со начинот на формирање и поставување на едно кохерентно и издржано модно досие, коешто ќе ги содржи сите елементи потребни да се презентира, прочита и опише темата, идејата и пораката на креаторот, како и со вештините потребни за техничка елаборација на сите елементи, со цел јасно и детално објаснување и презентација на идејните решенија и изработка на успешен моден производ. Тоа, всушност, подразбира детално и креативно истражување, создавање на концепт и развој на истиот, креирање и илустрирање на одевни предмети со примена на одредена палета на бои и на соодветни материјали, техничка разработка на истите и нивна финална реализација. Главниот акцент, секако ќе биде ставен и на временската рамка на реализацијата на задачите, со цел студентите да се приспособат на брзиот ритам и навремено и професионално исполнување на барањата на модните консументи.

Покрај знаењето и искуството кое ќе го стекнат студентите на предметот „модна колекција“, Александар Ношпал ќе го предаде и предметот „теорија и историја на моден дизајн“

НОШПАЛ: Што се однесува до предметот Теорија и историја на модниот дизајн, студентите ќе имаат можност да се запознаат со феноменот на модата и модниот дизајн, неговите карактеристики, неговиот историски, глобален, антрополошки, културолошки, социолошки, економски и временски контекст, како и со неговата семиотика и семантика. Предметот има за цел да ги поткова студентите со основни познавања на феноменологијата и комплексноста на оваа област, нејзиното локално и глобално влијание врз промените и движењата на општеството, како и нејзиното значајно место во секојдневниот живот и постоењето на човекот.

— —

Александар Ношпал е роден во 1973 г., завршил моден дизајн на Интернационалната школа за моден дизајн, ЕСМОД во Париз, во 1995 година, како најдобар студент на генерацијата. По студиите, стажира во неколку познати париски модни ателјеа, а би го издвоиле неговиот ангажман како асистент-моден дизајнер во модната куќа „Гре“.

Магистерската диплома по моден маркетинг и менаџмент ја стекнал во 2008 година на Универзитетот за Креативни Уметности во Епсом, Лондон. Двапати бил декан: на Факултетот за дизајн и мултимедија при ФОН Универзитетот во Скопје и на Факултетот за дизајн и мултимедија на Универзитетот УДГ во Подгорица.

Во областа на модниот дизајн во Македонија, тој е присутен од 1996 до денес со својата работа како самостоен моден дизајнер од своето име „Ношпал“, воедно работејќи и за неколку модни куќи како што се „Тетекс“, „Кара“, „Систина“. Учествувал во изработка на многубројни модни едиторијали за списанија (1Е магазин, Лајф магазин), во изработка за комерцијални кампањи и календари (Тутунски комбинат Скопје, Скопска Пивара, Алкалоид Скопје и др.), а иницирал и земал учество во многубројни хуманитарни акции со креирање и продажба на негови одевни предмети (кампањата 69 за борба против рак на дојка и др). Тој е креатор на изгледите на четири наши претставници на Евровизија (ХХL-2000 година, Каролина Гочева-2002 година, Тоше Проески-2004 година и Тамара Тодевска-2019 година). Воедно е и дизајнер на новата униформа на Гардата на Република Северна Македонија.

Како театарски костимограф и сценограф, дебитирал во 1998 година во Скопје со легендарната претстава „Убавицата и ѕверот“, која моментално е најмногу изведувана претстава во историјата на македонскиот театар со истиот непроменет визуелен идентитет. Меѓу 1998 и 2020 година, тој има реализирано над 70 театарски костимографии во многу театарски и оперски куќи во земјата и во светот, меѓу кои се вбројуваат и Националната Опера и Балет, Македонскиот Народен театар, Театарот за Деца и Младинци и Театарот Комедија во Скопје (Македонија), Операта во Лајпциг и Балетот на Рајна во Диселдорф (Германија), театарот Сен Гален (Швајцарија), балетската компанија ЕББ (Мадрид), Хрватските Народни Театри во Загреб, Сплит и Риека, а особено би го извдоиле и неговото гостување како костимограф на претставата „Силенциум“ во престижниот руски театар „Бољшој“, која воедно во 2020 година беше најавена како првата пост-ковидна балетска продукција во светот.

— —

Погледнете дел од модните колекции на нашите студенти, кои се претставија на овогодинешниот Моден викенд – Скопје.

Уписите за новата генерација студенти на Академијата за моден дизајн е во тек! Погледни повеќе на овој линк.

АПЛИЦИРАЈ ЗА СТИПЕНДИЈА!

The post АЛЕКСАНДАР НОШПАЛ – НОВ МЕНТОР НА АКАДЕМИЈАТА ЗА МОДЕН ДИЗАЈН appeared first on Skala School.

Како бивш студент по архитектура, Софија е инспирирана од секојдневните форми и бои. Од просторот кој го окупираме, но и од чувствата кои ни ги предизвикува. Тие се за неа најважниот дел од творештвото и дизајнот. Предизвикувањето на емпатија е она што е клучно во нејзината работа.

Taa е алумни од Академијата за визуелни уметности. Моментално работи како графички дизајнер во Публицис, и активно учи и го развива својот уникатен визуелен израз.

АВТОР НА ИЛУСТРИРАНА АЗБУКА: СОФИЈА ЦВЕТКОВИЌ

А / Ањес Варда

Б / Боуви, Дејвид Боуви

В / Вивиан Маер

Г / Грејс џоунс

Ж / Жан Пол Годе

К / Карлота Гереро

Њ / Њу вејв

________________
ТВ РЕДАКЦИЈА

РЕЖИЈА Диме Данов
КАМЕРА Виктор Стојков
МОНТАЖА Виктор Стојков
ТОН Милан Димитриев
АНИМАЦИЈА Виктор Стојков

СЕТ АСС.
Стојан Ајтов
Илијана Такашманова
Сара Прилепчанска
Марија Јаќовска
Верче Стефановска

The post ОФИЦИЈАЛНО И ЕДИНСТВЕНО ПИСМО НА ПОИМИ: СОФИЈА ЦВЕТКОВИЌ appeared first on Skala School.

Овој месец школата прослави 8 години од првиот одржан час. На денот на роденденот (3 мај) неофицијално ја претставивме првата студентска платформа за дизајн и уметност – Скала Магазин, која активно со свои содржини ќе започне на 1 јуни. Токму оваа рубрика од идниот месец се сели на Скала! 

Сите овие поводи, нè инспирираа да „пробуричкаме“ по нашите алумни од Академијата за визуелни уметности и нивните последни активности што оставија впечаток пред сè на социјалните медиуми во месец април, од веќе познатата причина која нè одвои од нормалните општествени текови. 

Иван Мегленов

Ќе започнеме со Иван Мегленов, студент од генерацијата 2017/18, кој веднаш по завршување на aкадемијата започна со пракса во „Сеавус едукативен и развоен центар“, каде што денес е вработен во маркетинг-секторот како графички дизајнер. 

Ако можеме делото да го сместиме во ликовна дисциплина, тоа би било мртва природа. Или пак, во најчестиот пејзаж со којшто се сретнуваме изминатите недели. Воодушевува оригиналноста во ликовниот и идејниот пристап од причина што се изнагледавме 2-Д (деликвентистички) илустративни решенија. Иван, покрај идејната концепција, ни покажува занаетска вештина на вистински ликовен уметник, преку макотрпна и трпелива работа на сенчење точка по точка со што постигнал волумен (и тактилност) на препознатливите елементи oд круцијално значање на нашето суштествување, додека лоровите венци ја возвишуваат атмосферата, како парабола на реалноста, со цел да ја дополни катарзата на оваа пред сè, саркасична композиција. 

Автор: Иван Мегленов
Наслов на дело:  Фокусирај се на доброто
Медиум: Дигитална графика
Академија: Визуелни уметности (2017/18)

ИВАН: Во овие неколку месеци, целиот наш фокус е на глобалната состојба со пандемијата и економската криза како последица. Сите сме засегнати и размислуваме за тоа како ова влијае на нас и што ќе следува. Заобиколени сме од негативни вести и информации, од телевизија до социјални медиуми. На сите ни создава голема анксиозност, но кога толку многу работи се надвор од наша контрола единствено што ни останува е да ги почитуваме препораките од СЗО и да се фокусираме на својот живот и да го правиме она што нè прави среќни. Би било одлично доколку би можеле овој период во карантин да го искористиме за да се фокусираме на себеси, да се зближиме со своите блиски, да ги поправиме односите со нашите родители и деца, да научиме некоја нова вештина, да станеме подобра верзија од себе. 

Софија Цветковиќ

Продолжуваме со убави вести! Софија (Софи) е студентка на Академијата за визуелни уметности од генерација 2018/19. Денес, работи како графички дизајнер во маркетинг-агенцијата „Публицис“, а надвор од професионалните активности времето го поминува фотографирајќи сè и сешто. 

Софи изминатиот месец се сети на каталонскиот празник St Jordi, кој се празнува на 23 април и реши да го прослави со дигитален квадриптих. Тоа е денот на книгата и розата во Каталонија. Прекрасно! 

По дефиниција ова би можело да се карактеризира како минималистичко графичко решение во однос на употреба на ликовни елементи и принципи (боја, форма, линија, текстура…), што претставува препознатлив визуелен наратив за Софија. Во нејзините дела се забележува постојана тенденција на расчленување на формата, често (како и во овој случај) со помош на ритмичко повторување постигнува патерни и дезени што можат да функционираат сами за себе, но истовремено и да се применат/аплицираат во поширок комерцијален контекст.

Автор: Софија Цветковиќ
Наслов на квадриптих: St Jordi
Медиум: Дигитална графика
Академија: Визуелни уметности (2018/19)

СОФИЈА: St Jordi е еден од најубавите каталонски празници, каде што се празнува светецот Џорди, кој според каталонската легенда бил јунакот кој ја спасил принцезата од змејот. Таа му дарува книга, а тој нејзе – роза. Не ме допре толку приказната, колку што ме допре тоа како Каталонците го слават овој ден: градовите се полни со рози, од прозорци, клупи, кровови, излози, улиците се полни со книги и луѓето тој ден го поминуваат подарувајќи си книги и рози :’) Иако е клише-приказна (принцеза и змеј), има нешто посебно во тоа што еден народ масовно одбира да празнува такво нешто на таков начин. <3 🌹

Лазар Зафировски

Лазар е студент од генерацијата 2017/18. По завршување на Академијата се вработи како фотограф во модната куќа „Елена Лука“, додека денес на сопствен ќеф работи како фриленс- портрет и моден фотограф. 

Делото е реализирано во соработка со модниот бренд LUDUS и е дел од фотоедиторијалот за новата колекција „Post-gender Chapter II”. 
Модниот фотоедиторијал одликува со успешна метаморфоза помеѓу експресијата на телата и просторот. И двата елементи студени, недефинирани, бесполови, неземски, утописки. Фото-есеј што успешно се надоврзува и до инспирацијата на самиот автор, со цел полесно наметнување кон целната група – купувачи, преку јасно дефинирана естетика со цел потенцијалниот купувач да се препознае или одбие од производот што е исклучително важно за секој моден бренд.

Автор: Лазар Зафировски
Медиум: Модна Фотографија
Академија: Визуелни уметности (2017/18)
За: LUDUS (моден бренд)
Модели: Ивана / Стефан / Филип
Шминка и фризура: Мартина Ивановска

ЛАЗАР: Освен со модна фотографија, практикувам и портрет и акт-фотографија. Едноставно сакам да фотографирам луѓе, лица, тела… Целта ми е да изразам емоција и чувства преку фотографиите, таква беше и мојата прва изложба „Mágoa“ (2018) отворена во галерија „Акантус“. 

ДАЛИ ГИ ПОГЛЕДНА: НАЈОЗБОРУВАНИТЕ ЗА МЕСЕЦ MAРТ?!

The post Топ 3 за месец април appeared first on Skala School.

Каде е убавото, во објектот или во умот на набљудувачот? За овие прашања се расправа уште од антиката. Размислувања за убавото, возвишеното, вкусот или „естетика“ наука за сетилното спознание како што ја дефинирал германскиот филозоф Баумгартен.

Една од најголемите, ако не и најголемата заблуда која постои во размислувањата за и околу дизајнот и уметноста е дека за вкусовите не се расправа. Вистината е дека вкусовите не треба да се наметнуваат, всушност, доколку не говориме за вкусовите, што ни преостанува?! Со што ќе се занимаваме сите ние, кои сме ги одбрале дизајнот и уметноста како повик, ако не со постојано проблематизирање, надоврзување, критика и превреднување на вкусовите?! Што ќе се случеше со уметностите доколку, скриени зад лажната максима „за вкусовите не се расправа“, постојано бевме упатени да се восхитуваме на еден уметнички стил, еден правец, еден дискурс во расправите за уметноста?! 

Да се направи селекција на најдобрите три дела од изминатиот месец на Академијата за визуелни уметности, програма на која студираат 22 студенти, е навистина тешка позиција. Токму затоа оваа рубрика ги претставува најозборуваните, оние дела кои оставиле впечаток при анализа на часовите, социјалните медиуми или други „корзо“ концепти. Всушност расправата оттаму, ја продолжуваме во оваа форма, сè со цел наметнување на поширок дискурс во споменатиот контекст. 

Илијана Такашманова

Одбројувањето го започнуваме со илустративен триптих на Илијана, дело кое одекна по социјалните медиуми преку интервјуто на Радио Моф. Делото може да го карактеризираме пред сè како супкултурна опсервација. Дали ова дело е носталгичен копнеж, алегорија на осумдесеттите и деведесеттите години  од минатиот век или пак раскажување на вчерашниот ден?! Василиј Кандински, големиот сликар и ликовен теоретичар во неговот дело „За духовното во уметноста“ меѓу другото вели: „Бојата е ликовен елемент која кај набљудувачот предизвикува директна емоционална реакција“. Следејќи го овој психолошки феномен, можеме да кажеме дека се работи за визуелна пенетрација во минатото, преку изборот на колоритната палета, пред сè поради изборот на сепија подлога, која веднаш алудира во нашата потсвест дека тука поминало многу време и дека ова не е кадар од вчерашниот ден во скејт-паркот. Бојата е јазик, а да се зборува е привилегија, тоа се првите лекции на нашата академија.

Автор: Илијана Такашманова
Наслов на триптих: Just a flick through my concave
Композиција I: Airskate
Композиција II: Skate
Композиција III: Shoe
Медиум: Дигитална графика
Академија: Визуелни уметности

ИЛИЈАНА: Илустрациите имаат огромно влијание од секојдневието, но препознатливи сегменти во моите дела доаѓаат и од јапонска култура. Како и самиот псевдоним кој го користам wabisabi__________  ја означува традиционалната јапонска естетика за прифаќање на минливото и неизвесното, можам да кажам дека цел тој идентитет држи до огромно спиритуално значање. 

Елена Стојковска

Сведоци сме на стварност што ќе ја прераскажуваме на нашите внуци, но стварност што ќе ја прераскажуваме и во нашите дела, всушност тоа веќе и се случува. Дизајн-сцената е инспирирана од општествената вистина и предизвикана да придонесе кон свесноста на јавното здравје. Делото на Елена беше претставено на неколку дигитални медиуми, но беше издвоено и објавено од страна и на Министерството за здравство, селектирано од десетиците креативни решенија што ги видовме изминатиот период, рамо до рамо со менторот Зоран Кардула. Честитки Елена! Слоганот е од исклучителна важност во дизајнот, „At this point in TIME, we need some SPACE“ е наративот кој успешно ја поддржува илустративната приказна. Честитки втор пат el.hue 🙂 

Автор: Елена Стојковска
Наслов на дело: At this point in TIME, we need some SPACE
Медиум: Дигитална графика
Академија: Визуелни уметности

ЕЛЕНА: Поттикната од глобалната ситуација и препораките за социјално дистанцирање, создадов едноставна визуелна порака за простор-времето, преку тивки форми и тонови во контекст вселена, сметам дека пораката буди чувство на удобност кое неминовно ни е потребно во ова време. …време-невреме во еден простор што може да се шири колку што се стеснува, простор на значајна комуникација со себе и други, релативно е нели?

Владо Србиновски

Владо е визуелен артист со впечатлива и препознатлива линија. Тенденција што ја негува, наполнува, развива уште пред да го запознаеме на Академијата за визуелни уметности, постојана потрага по сопствен јазик кој ќе биде разбирлив и допадлив за вкусовите и на најприбирливите дизајн-гурмани. Во неговите дела може да се забележи влијанието на мајсторите од Баухаус школата, Де стилот, Конструктивизмот, Суперматизмот, Кубизмот и сите побратимски стилови во ликовната уметност и дизајнот од почетокот на минатиот век. Впечатлива е оригиналноста во темата на овој илустративен триптих. Всушност, се работи за колекција во процес, секоја графика е сцена од античката митологија. Во полиеистичката религија на старите Грци можеме да забележиме наративно и визуелно претставување на боговите преку човечки облик, со сите човечки особини и маани, додека Владо се обидува да наметне сопствена логика преку геометриски реализам кој е автохтон на физичките закони од овој свет, но апсолутно стилизиран во смисла на предметноста. 

Автор: Владо Србиновски __premigato
Наслов на композиција I: Narcissus
Наслов на композиција II: Sisyphus
Наслов на композиција III: Icarus
Медиум: Дигитална графика
Академија: Визуелни уметности

ВЛАДО: Античката митологија ја примаме здраво за готово, како приказни со почеток и крај, најчесто за антихерои и нивната трагична судбина што сметам дека не е целата вистина. Преку митовите ја барам вистината за себе, за останатите. Односно, дали доволно се познаваме себеси, за да го воспоставиме балансот во миговите кога се соочуваме со падови?!

ДАЛИ ГИ ПОГЛЕДНА: НАЈОЗБОРУВАНИТЕ ЗА МЕСЕЦ ФЕВРУАРИ?!

The post Топ 3 за месец март appeared first on Skala School.