Квалитетот и еланот со којшто создаваат нашите студенти придонесе трите хали на вториот кат во „Паблик рум“ да бидат преполнети со посетители кои небаре се „буткаа“ да стигнат на ред да ги погледнат дизајнерските решенија и развојните дизајн-концепти. 

Возбуда, позитивни импресии и кретивен бум се зборови со коишто може да се опише вечерта. 

Халата на Академијата за моден дизајн изобилуваше со сценографии изработени да го доловат концептот на колекциите на модните дизајнери, под менторство на Александар Ношпал и Никола Булески – Буле, симбиоза на материјали и текстури, различни стилови и категории, од спортска до висока мода.

Веднаш до нив, внимание привлекоа и иновативните и уникатно изработените парчиња мебел, создадени по најсовремените стандарди, како и концепти за ентериерно уредување, од студентите на Академијата за ентериер и продукт-дизајн. Можевме да го следиме процесот од почеток до крај, од идејни решенија, скици, па сè до прототипи. Овие концепти беа креирани под будното око на менторите/дизајнери Апостол Тноковски и Илија Паунков.

Изложбениот простор отстапен за делата на Академијата за графички и UX/UI-дизајн беше исполнет со многубројни проекти од различни аспекти и примени на дизајнот: графичка илустрација, корпоративен дизајн, дизајн на пакување, дизајн на постер, веб-дизајн, фотографија и применета фотографија. 

Високиот квалитет на делата говори за посветноста и одговорноста на нашите студенти кои цела година неуморно создаваа, под менторство на врвниот тим ментори: Зоран Кардула, Петар Павлов, Дејан Џолев, Влатко Ристов, Гордана Вренцоска, Благој Гелевски, Дејан Милосавлевски, Андреј Павлов…

Поговорката вели: „Среќни се тие кои успеаа да фатат место во халата на Гласот на визуелни уметности“ во којашто се прикажуваа кратки играни и експериментални филмови од предметите „филмска режија“, „видео- монтажа“, но и кратки анимации од предметот „моушн-дизајн“. 

Редот пред халата беше долг, но посетителите не се откажуваа. Студентите добро си ја завршиле работата! Менторот Петар Џон гордо и задоволно набљудуваше, восприемајќи ги импресиите од халата.

Вечерта беа доделени +80 дипломи и уверенија за постигнатиот труд и успех на студенти од 6 академии.

Со голема одговорност и задоволство, ги прогласивме и најуспешните студенти за учебната 2022/23 година на академиите за дизајн. Доделувањето на дипломите беше од страна на наставната координаторка Ангела Николовска која, меѓу другото, додаде:

„Имав чест да запознам прекрасни луѓе, талентирани и посветени креативци и студенти за кои знам дека ќе имаат голем успех. Бидете храбри и упорни. Во „Скала“ секогаш ќе се радуваме на вашите успеси, тоа е најважна причина за нашето постоење!“ 

АКАДЕМИЈА ЗА ГРАФИЧКИ ДИЗАЈН

⋆ Давид Пачемски – најдобар студент
⋆ Станка Џекова – студент со најголем потенцијал
⋆ Јована Цинцароска – студент со најголем развој
⋆ Александар Сандов – студент со најголем развој

АКАДЕМИЈА ЗА UX/UI+ ДИЗАЈН

⋆ Андреј Стамевски – најдобар студент
⋆ Ивана Коцева – студент со најголем потенцијал
⋆ Анѓа Радевски – студент со најголем развој

АКАДЕМИЈА ЗА ЕНТЕРИЕР И ПРОДУКТ ДИЗАЈН

⋆ Стефани Андова – најдобар студент

АКАДЕМИЈА ЗА МОДЕН ДИЗАЈН

⋆ Тиана Јовиќ – најдобар студент
⋆ Михаела Штерјова– студент со најголем потенцијал
⋆ Орце Наумовски – студент со најголем потенцијал
⋆ Снежана Ефковска – студент со најголем развој

АКАДЕМИЈА ЗА ВИЗУЕЛНИ УМЕТНОСТИ

⋆ Ана Попоска – најдобар студент
⋆ Андреј Арсенков – студент со најголем потенцијал
⋆ Стефан Трпески – студент со најголем потенцијал
⋆ Стефан Петровски – студент со најголем развој

За најдобар студент на генерацијата беше прогласена Ана Попоска, од Академијата за визуелни уметности. ♥

Им посакуваме многу среќа и успех на старите, како и на новите студенти. ♥

The post Најголемата студентска изложба за дизајн! appeared first on Skala School.

Веруваме во потенцијалот и вештините на нашите студенти кои низ годините ни стануваат колеги и соработници, во моментов 4 студенти од академиите за дизајн се вработени во „Скала“, додека 8 студенти се ментори и асистенти на обуките и академиите за дизајн.

На наше огромно задоволство, поразговаравме со нашите практиканти, студентите од Академијата за графички дизајн, Анастасија Србиноска и Немања Пејиќ кои ни споделија за нивното досегашно искуство и развој како креативци во „Скала“. 

Започнавме од самиот почеток, па ги прашавме со какво чувство ја примиле веста за добиената пракса во „Скала“.

Бев многу возбудена кога го добив првиот мејл, затоа што бев во исчекување на истиот, уште поголема беше радоста кога дознав дека праксата ќе се одржува во истата школа каде што го стекнав целото мое знаење, а чувствував и големо олеснување, бидејќи ги познавав сите дечки таму и знаев дека ќе биде пријатно искуство.

На прекрасниот одговор на Анастасија се надоврза и Немања кој искрено успеа да ни ја долови неговата емоција.

Кога првпат ми пристигна мејлот дека ќе бидам практикант во „Скала“, искрено мислев дека е грешка и кога препрашав, бев многу среќен дека не е!

Анастасија ни дојде на пракса во период кога почнуваа подготовките за најголемата изложба за дизајн, одлично се вклопи во тимот и веднаш се вклучи во сите дизајн-процеси. Ја прашавме кои се нејзините впечатоци од искуството…

За време на праксата, мислам дека стекнав многу знаење во повеќе области, бидејќи вработените во „Скала“ се трудеа да ме инволвираат во секој процес. Најмногу работев со Андријана Антова, графички дизајнер во „Скала“, на различни адаптации и дизајн-процеси и таа многу ми помогна уште повеќе да ја совладам Illustrator-програмата.

Немања од друга страна пак, се вклучи во продукција на фото и видео-сетови, како и премиерата на новата рубрика на Скала -поткаст: Студент vs Ментор, нова рубрика на „Скала“.

За време на мојата пракса во „Скала“, бев вклучен во повеќе проекти како: видео-монтажа, графички дизајн и асистент на фотографија.За време на сите проекти, јас сфатив дека реалниот свет на еден креативец не е ни приближно тоа што замислував… Треба да си подготвен за сите предизвици коишто се дел од процесот, соодветно да одговориш на барањата за да има подобрување и да не се откажуваш.

►Погледни: Студент vs Ментор◄

Во „Скала“, програмите се студиозно обмислени, учејќи ги студентите на мултидисциплинарност, пристап којшто несомнено ќе ги подготви за сите предизвици во кративната индустрија. На ова се надоврза Анастасија, споделувајќи ни во кои други кративни полиња, освен дизајн, би сакала да се вклучи.

Отсекогаш сум имала голема пасија за фотографијата. За време на мојата пракса во „Скала“, ја имав можноста да бидам дел од неколку фото-сетови, под менторство на нашата фотографка Ана В’чкова, но би сакала да се вклучам повеќе во постпродукцискиот дел и да научам нешто повеќе за тоа.

За крај, ги прашавме и двајцата како искуството од академија им помогна да се справат со секојдневните одговорности за време на нивната практична работа?

На што Немања ни одговори:

Мене оваа пракса ми ги отвори погледите во насоки коишто никогаш досега не сум ги знаел, ме подготви за понатамошната работа и ми помогна да воочам во кое поле сакам понатаму професионално да се надоградувам.

Праксата ми помогна многу во мојата freelance-работа, бидејќи со знаењето што го стекнав, научив многу нови tips and tricks на програмите за полесно да се снаоѓам на секојдневно ниво и да воспоставам подобра комуникација со идните клиенти.

-Додаде  Анастасија.

Нашите студенти се наша гордост, се радуваме на сите нивни успеси и тука сме да ги поддржиме. Им посакуваме многу успех во работата и да слушаме за нив на светско ниво!

Честитки и со среќа Немања и Анастасија, ве сака „Скала“ ♥

The post На пракса во „Скала“ – не ми се веруваше! appeared first on Skala School.

Една од примените на дизајнот е тоа што треба да облагородува, но и да предизвикува бунт. Треба да информира и алармира за социјалните и општествените текови.

Зборуваме со нашите студенти на Академијата за графички дизајн, Станка Џекова, Марија Стојановска и Марија Ангелова, за нивниот семестрален проект „НиЕ СМЕ КУЛ“ којшто испраќа силна еколошка порака.

Проектот е изработен во рамките на предметот „Применета фотографија во социјални медиуми“, под водство на менторот Дејан Џолев, каде што задачата на студентите е развијат концепт за фотографија којашто подоцна ќе ја применат во дизајн на постер. 

Почетната точка при креирањето на овој проект беше детектирањето на општествен проблем, што за студентите значеше длабоко „нуркање“ во еколошките состојби во околината, но и во свеста на јавноста. 

Ja обработувавме оваа тема/идеја поради…

Марија А: Дискутиравме за различните аспекти на загадувањето и оваа тема ја избравме најмногу поради состојбата со којашто се соочува Охридското Езеро. Наша одговорност е да ја подигнеме свеста за ова критично прашање.

Станка: Да се смисли креативно решение на популарна тема каква што е „Загаденост“ не беше воопшто лесно. Ни се чинеше дека сѐ е веќе видено, а ние сакавме да биде нешто оригинално. Во процесот на истражување, дојдовме до сознанија дека градот Охрид може да го изгуби статусот на заштита под УНЕСКО и тука се роди идејата.

За соработката со менторот би сакал/а да кажам…

Станка: Менторот Дејан Џолев беше присутен за консултации во текот на целиот процес и нѐ научи како длабински да навлеземе во процесот на креација – нѐ поттикна да одиме до Охрид, да се инспирираме од самата околина и да донесеме материјали. Дури и кога мислевме дека сме задоволни од конечното дело, тој ни покажа дека можеме уште повеќе и со ироничен пристап, делото доби сосема различна димензија и приказна.

Марија С: Кога ја презентиравме идејата на менторот Дејан Џолев, тој веднаш нѐ охрабри и рече: „Дечки, би било супер да одите во Охрид и од плажите да соберете сѐ што ќе најдете“. Така и беше – се прошетавме низ плажите на Охрид и најдовме дури и долги јажиња со искршени пластики коишто потсетуваа на охридските бисери. Во Скопје се вративме со три ќеси ѓубре!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

При процесот на креирање, се соочивме со…

Марија А: Кога се вративме од Охрид со материјалите, веднаш се распакувавме во студиото и се впуштивме во задачата да најдеме привлечна композиција за нашиот постер. 

Марија С: Имавме доста материјал со којшто можевме да работиме, го селектиравме отпадот по бои, материјали и форми. Потребни ни беа два дена фотографирање во студио, додека да дојдеме до крајно решение. 

Станка: При процесот на креирање, најголем предизвик беше да се направи самата композиција од собраните отпадоци. Поминавме низ мнооогу пробни решенија: од различни пејсажи, до многу апстрактни композиции…

Марија С: На крајот, се одлучивме за првичните фотографии, отпадниот материјал го поделивме на четири бои и креиравме четири постери коишто можат да функционираат заедно и самостојно. Тонот на пораката и слоганот ги дополнивме со сарказам и иронија, со цел да предизвикаме внимание.

Другарски совет за сите оние кои сакаат да се запишат на Академијата за графички дизајн…

Станка: Графичкиот дизајн е за сите оние кои никогаш нема да се презаситат од култура и уметност. Луѓе чија креативност не прифаќа ограничувања.

Марија А: Бидете креативни и оригинални, отворени за нови идеи и предизвици!

Марија С: Низ проектот, но и низ сите останати, научив многу. Од менторите, од самата Академија за графички дизајн. Се запознав и дружев со супер креативни и отворени луѓе и би ги советувала сите што се двоумат (како што и јас се двоумев) веднаш да го направат првиот чекор и да се запишат! Ништо не можеш да изгубиш – напротив,  добиваш многу!

Девојки, ви благодариме за споделеното искуство како и посветеноста на проектот и силната порака којашто ја испраќате до јавноста. Која е силната порака којашто сакаш да ја испратиш ти? – Погледни ја програмата на Академијата за графички дизајн и искористи го попустот, раните уписи се во тек, те очекуваме! ♥

https://djolevandthearts.edu.mk/academy/akademija-graficki-dizajn/

 

 

The post Студентите од „Скала“ со визуелна порака за загаденоста на охридскиот брег appeared first on Skala School.