Теренските посети се стандардна практика и интегрален дел од наставната програма на академиите во Скала, овозможувајќи им на студентите директен контакт со најновите трендови, технологии во индустријата и можности за вмрежување.

По шестгодишна пауза, САЕМ ДОМА триумфално се врати, посилен и поинспиративен од кога било, обединувајќи ја традицијата и иновациите во светот на мебелот. По тој повод, го прашавме Иво Попов, маркетинг менаџер во Yugoimpex, што го прави саемот оваа година посебен:

Целта на САЕМ ДОМА во Yugoimpex отсекогаш била да симулира модерно производство на мебел, овозможувајќи им на производителите да добијат јасна визија за развојот на нивниот бизнис и планирањето на растот. Покрај деловниот аспект, САЕМ ДОМА е замислен и како место за неформална дружба и вмрежување.

Оваа година, за првпат и на наше големо задоволство, успеавме да го збогатиме настанот со присуството на Скала. Идејата зад оваа соработка е да се создаде платформа каде тековните и алумни студенти од Академијата за ентериер и продукт дизајн можат да ги претстават своите проекти пред стручни лица во фелата, да пронајдат соработници или да се запознаат со потенцијални работодавци.

„Скала“ – дел од „Дома“ 🙂 !

Скала гордо се претстави на саемот, изложувајќи ги уникатните проекти на студентите од Академијата за ентериер и продукт дизајн. Нивните креации го привлекоа вниманието на посетителите, демонстрирајќи го талентот и иновативниот дух на младите дизајнери.

☆

Академија за ентериер и продукт дизајн

Закажи средба со нашиот тим.

☆

Технолошка револуција на дофат

Студентите на Скала имаа ексклузивна можност да го истражат револуционерниот софтвер TrunCAD, кој го трансформира процесот на дизајнирање и производство на мебел. Во живо беа демонстрирани врвните технологии на Holz-Her, Blum, ROBLAND, VITAP, CASADEI Industria и Stürmer, отворајќи нови хоризонти во креативноста и изработката.

Искуство што инспирира

Иво Попов ги истакна и конкретните придобивки за студентите од Академијата oд нивното учество на саемот:

Студентите од Академијата за ентериер и продукт дизајн при Скала ќе имаат уникатна можност детално да се запознаат со процесот на производство на плочест мебел. Ќе добијат јасна слика како функционира современото производство и како нивните дизајни стануваат реалност.

Дополнително, за време на настанот, студентите ќе присуствуваат на презентација за придобивките и можностите на оковите на Blum, учејќи како тие можат да се вклопат во нивните проекти и каков степен на креативна слобода нудат при дизајнирање дури и на најкомплексните парчиња плочест мебел.

САЕМ ДОМА, исто така, претставува одлична можност за вмрежување со професионалци од индустријата и создавање контакти кои можат да прераснат во успешни соработки.

Секој присутен си замина со повеќе од инспирација – со знаење, мотивација и нови идеи

Горди сме што бевме дел од оваа ренесанса на мебелската индустрија и со ентузијазам ја прошируваме нашата мрежа со водечки професионалци!

☆

Академија за ентериер и продукт дизајн

Закажи средба со нашиот тим.

☆

The post Студентите од Ентериер дизајн на „Саем Дома“ – Инспирација, иновација и нови можности! appeared first on Skala School.

Месец април во Скала броеше неколку настани и голем број на активности, еден од настаните кој се одржа е Вебинарот на тема: What it takes to be a product Owner?

Целта на овој вебинар беше посуштински да нурнеме во одговорностите на еден product owner, вештините кои се потребни да ги поседува и кои се првите чекори доколку некој сака да започне кариера како product owner.

Говорници на овој вебинар беа врвни експерти од индустријата со повеќе годишно работно искуство, наши соработници и драги пријатели:  Данче Масларова Стојановска, Lead Product Owner во RLDatix, ментор на Академија за product owner во СКАЛА, Марјан Николовски, oсновач и извршен директор на Emit Knowledge и Игор Добросављевиќ, Продукт Менаџер во Kin + Carta, ментор на Академија за product owner во СКАЛА.

За време на вебинарот успеавме да дадеме голем број на практични примери за како изгледа day to day работата на еден product owner, кои се предизвиците на таа позиција и дали техничкото образование и вештини се клучни при работата. Во продолжение ви ги издвојуваме дел од заклучоците ….

За улогата на еден product owner важно е…

Идентификување, дефинирање и приоретизирање на активностите во рамки на еден процес со цел испорачување на максимална вредност на клиентот. 

Да се зборува јазикот на клиентот и јазикот на тимот кој го развива/подобрува продуктот, грижејќи се дека вредноста што ја испорачува е оптимална за финансиските средства кои се инвестираат.

Интегритетот на личноста и способноста да се даде насока и план за реализација, што и како е потребно да се постигне.

Свесно да применуваме интеративен пристап кон работата и да бидеме подготвени за промени, тестирања и преземање на ризик.

Вештините кои треба да ги поседува еден product owner се…

Комуникациски вештини, потребна е јасна, точна и презицна комуникација.
Емоционална интелегенција и способност за работа со луѓе.
Креативно размислување и желба за континуирано учење.
Лидерски вештини, способност за стратешко размислување и solution mindset.
Свесност за ризик и преземање на одговорност. 

Литература препорачана од говорниците…

User story maping – Jeff Patton, предлог од Данче Масларова Стојановска
The design of everything – Don Norman, предлог Марјан Николовски

Погледнете го целосното видео од вебинарот кој ги вклучува сите дополнителни примери и совети од страна на говорницте како и информации за како да се подготвите за вашето прво интервју за позицијата Product Owner.

Во рамки на Академијата за Product Owner, практично ќе работиме на стекнување на сите претходно наведени вештини, преку работа на реални проекти ставајќи ве дирекно во улогата на product owner. Погледни ја програмата и резервијрај го твоето место во групата што започнува во октомври!

The post ВЕБИНАР: Што е Product owner во IT индустрија? appeared first on Skala School.

The post Македонската опера и балет, отворена за студентите на „Скала“ appeared first on Skala School.

Студентите од Академијата за ентериер и продукт-дизајн во првиот семестар се запознаваат со предмети коишто се основа за создавање на функционален и истраен продукт. Предметот како Технологија на материјали, под менторство на Илија Паунков, на којшто
се изучуваат типовите на материјали, нивната употреба и обработка, како и предметите
под менторство на Апостол Тноковски, на коишто студентите имаат можност да изучуваат
2Д-скицирање и дизајн-процес, се предмети без коишто ниту еден продукт или
ентериерно решение не би можело да стане реалност.

Теренските предавања се неизоставен дел од наставната програма, бидејќи токму на овие
предавања студентите можат да изградат јасна слика, запознавајќи се со сите процеси од
прва рака. Па така, „Zara Home“ го препозна потенцијалот на нашата програма и ги отвори
вратите на нивниот „дом”, зaпознавајќи ги студентите со сите креативни процеси од:
дизајн-концептите на нивните продавници, материјалите од коишто се изработени
продуктите, како и начинот и сегментите на производство на истите. Преку прецизно
одбирање на продукти и продлабочена презентација, тимот на „Zara“ успеа да го доближи
начинот на создавање на колекциите, како и важноста на еколошката одговорност којашто
стои зад нив.

Импресии од средбата ни сподели нашата студентка Виолета Велкоска:

Осознавме многу работи за специфичните карактеристики на материјалите и финкцијата на дизајнерскиот тим во процесите на изработка како и методот и психологијата при уредување на ентериерот. Ни беа претставени и визијата и плановите за развој на организацијата.

Секоја сезона Zara Home ги нуди најновите трендови во ентериерното уредување. Во нивните колекции може да најдете производи за уредување на спална, дневна, кујна и бања, како и специфични колекции за деца и широк избор на уникатни производи за вашиот дом кои ќе ви помогнат да создадете топол и модерен простор.

Влеговме во топол дом во којшто сè си има свое место и причина зошто е таму. 
Креативното размислување при создавање на колекција носи многу одговорности со себе,
од моментот на зошто го правиме, како го правиме и како ќе го пласираме на пазарот.
Студентите не само што имаа можност да ги воочат овие процеси во финално решение,
туку и се запознаа со главните вредности на „Zara Home“ кога станува збор за
производството, а тоа се одржливоста и рециклирањето на материјалите како користење
на природни материјали со иновативни методи на производство. Јутата и морските алги
доминираа како материјали во дизајните на корпите и декоративните простирки, додека
керамичките вази пленеа со уникатноста на изработката.

Ни се надоврза и Ангелина Акшиќ, како дел од тимот на „ZaraHome“:

На наше огромно задоволство, на нашата прва средба, се обидовме на студентите да им ја презентираме „Zara Home“. Се надевам дека успеавме на студентите да им ги пренесеме емоциите на создавање на успешна приказна и воедно да ги натераме уште повеќе да истражат за брендот, за дизајнерите-соработници, за различните концепти на продавници насекаде во светот и секако, преку материјалите да им го објасниме принципот на одржлив развој (Sustainability) којшто е од огромно значење за нашата компанија.

Се радуваме на вакви соработки коишто се доказ дека квалитетот на нашите програми е препознатлив, како и кадарот идни кретивци кои го создаваме, па затоа ни е особено драго и се надеваме на уште топли средби во иднина. 

_ _

Академијата за ентериер и продукт-дизајн е 10–месечна темелна програма којашто им овозможува на студентите да се стекнат со практични знаења и вештини преку нетрадиционални и флексибилни едукативни методи на настава. Студентите се стекнуваат со знаење и вештини коишто им овозможуваат да создадат решение почнувајќи од технички цртеж до изработка на дизајн на ентериер и финален продукт. Сите овие процеси се менаџирани од тим којшто го сочинуваат еминентни универзитетски професори и долгогодишни професионалци од креативните индустрии. 

The post „Скала“ во стратешко пријателство со „Zara Home“ appeared first on Skala School.