Проектите беа реализирани во рамки на предметот Дизајн на ентериер, под менторство на Илија Паунков. Студентите во текот на наставата работеа на ентериерно решение за стан, почнувајќи од мерење на реален простор и анализа, развивање концепт, до финална 3D визуелизација.

Како изгледа процесот на дизајн на ентериер?

Академијата за ентериер дизајн и дигитална 3D визуелизација е 10-месечна професионална програма за подготовка на идни ентериер дизајнери, дисциплина што често се поистоветува со внатрешно уредување, но за разлика од внатрешното уредување, ентериер дизајнот опфаќа поширок процес на концепт, просторна анализа и техничка разработка. Програмата комбинира практична работа, современи методологии и примена на 3D и AI алатки како SketchUp, 3ds Max и Rhino, со фокус на развој на портфолио и подготовка за кариера како ентериер дизајнер.

Александра Кузманоска

Се одлучив за ова идеја…
Поради тоа што ми даде можност преку иста зададена основа да развијам сопствено ентериерно решение. Иако сите работевме на ист проект, секој имаше слобода преку својот дизајнерски пристап да создаде простор што го одразува неговиот личен стил.

При процесот на креирање, се соочив со…
Најголем предизвик ми беше да создадам функционален и естетски усогласен ентериер во зададениот простор. Направив измени на дел од внатрешните ѕидови и заменив две класични врати со лизгачки за подобра организација на просторот, а дополнително работев на усогласување на сите елементи во едно целосно решение.

За соработката со менторот Илија Паунков…
Менторот Илија ни покажа исклучителна посветеност, професионалност и подготвеност да помогне во секоја фаза од изработката на проектот. Неговите насоки и конструктивни забелешки ми помогнаа полесно да ги развијам и реализирам моите идеи.

Како влијаеше овој проект врз твојот личен раст и развој…
Стекнав поголема самодоверба и го унапредив начинот на размислување како иден ентериер дизајнер. Овој проект ми покажа дека добрите резултати доаѓаат со истрајност и континуирана работа, а ова искуство е добра основа за мојата понатамошна професионална кариера.

Зошто ваквите проекти се важен дел од студирањето?

Работејќи на вакви задачи, студентите учат како самостојно да го реализираат целиот процес на проектирање на ентериер.

Од анализа на потребите и организација на функционалните зони, преку избор на материјали, мебел и осветлување, па сè до финална визуелизација на проектот, студентите поминуваат низ процес кој е многу близок до реалната професионална пракса. Токму затоа ваквите проекти се особено важни – тие ги подготвуваат студентите за работа во дизајнерско студио или архитектонско биро, како и за комуникација и соработка со клиенти при развој на ентериерни решенија.

Аплицирај тука!

Матеа Пејчиноска

Се одлучив за ова идеја…
Сакав да создадам простор кој ќе биде функционален, модерен и топол. Користев природни материјали и топли тонови за да создадам пријатна атмосфера, но и да му дадам современ и елегантен изглед на ентериерот. Целта ми беше станот да биде и визуелно привлечен и удобен за секојдневно живеење.

При процесот на креирање, се соочив со…
Најголем предизвик ми беше работата со нови програми и алатки. Но, со континуирана работа и поддршка од менторот, успеав да ги совладам сите пречки и да го завршам проектот.

За соработката со менторот Илија Паунков…
Соработката со менторот беше одлична. Секогаш добивав корисни насоки и поддршка кога ќе се соочев со технички предизвици, што многу ми го олесни процесот на работа.

Како влијаеше овој проект врз твојот личен раст и развој…
Овој проект ми даде поголема самодоверба, ми покажа дека можам успешно да го работам она што го сакам и да се движам кон остварување на мојот сон. Во текот на процесот стекнав многу нови знаења и практично искуство.

Следната приказна може да биде твојата

На Академијата за ентериер дизајн и дигитална 3D визуелизација ќе работиш на проекти што го симулираат реалниот процес на работа во професијата. Ќе научиш како да развиеш концепт, да го претвориш во 3D визуелизација и да изградиш портфолио што го прикажува твојот креативен пристап. Со поддршка од искусни ментори ќе работиш со професионални алатки и ќе стекнеш практично искуство уште за време на студирањето.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како студентите дизајнира станбен ентериер? appeared first on Skala School.

Проектите се реализирани под менторство на Ирина Тошева и Катерина Тошева, во рамки на предметите „Модна колекција“ и „Конструкција на облека“. Во текот на наставата, студентите го поминуваат целиот процес на развој на авторска модна колекција: од идеја и концепт, преку модна илустрација, технички цртеж, развој на крој и изработка на прототип, до финалната реализација на колекцијата.

Каде студентите ги претставуваат своите колекции?

По завршувањето на проектите, студентите од Академијата за моден дизајн своите колекции ги претставуваат на Skopje Fashion Weekend. На овој начин тие добиваат можност да го искусат процесот на професионална презентација пред публика, медиуми и претставници од модната индустрија.

Токму од оваа модна платформа, во изминатите десет години, својата професионална кариера ја започнаа голем број алумни на Скала, кои денес успешно работат како модни дизајнери и развиваат сопствени модни брендови и атељеа.

Гаврило Парталоски

,,Пет состојби на душата”

Инспирацијата за колекцијата ја пронајдов во идејата дека емоциите можат да се препознаат и преку погледот на човекот. Избрав пет различни емоции и ги претставив преку облека, користејќи бои, форми и текстури за да го пренесам нивниот карактер и внатрешна состојба.

Како влијаеше овој проект кон твојот личен раст и развој?
Првпат работев на машина за шиење. Со оглед на тоа што ова е мојот прв проект, задоволен сум од резултатот.

Какво беше твоето искуство од соработката со менторката Ирина Тошева?
Менторката создаде пријатна атмосфера во која учењето беше лесно и мотивирачко. Секогаш беше подготвена да одговори на прашања и да помогне кога беше потребно.

Како ќе го примениш знаењето од предметот „Модна колекција“ и колку е важно за твојата понатамошна работа?
Од предметот стекнав основни знаења за процесот на креирање и развивање на една колекција, од дефинирање на таргет група, материјали, како треба да изгледа едно портфолио до разбирање на модните сезони и поширокиот контекст на модата.

Матеа Стојановска

„Nocturna“

Мојата колекција е инспирирана од поговорката „Тивка вода брег рони“. Ја носи пораката дека во секое лошо може да се пронајде нешто добро. Преку внимателно избрани форми, материјали и детали сакав да покажам дека и најмалите промени можат да донесат сила, надеж и нов почеток.

Како влијаеше овој процес кон твојот личен раст и развој?
Овој процес ми покажа дека модниот дизајн не е само создавање убави модели, туку начин на раскажување приказни преку форма, материјали и детали. Ме научи да бидам поорганизирана, потрпелива и поистрајна.

Што би споделила за искуството со менторката Ирина Тошева?
Работата со менторката Ирина беше многу инспиративна. Со своите совети и насоки ми помогна да го развијам концептот и да добијам поголема самодоверба во моите идеи.

Како ќе го примениш знаењето од предметот „Модна колекција“ и колку е важно за твојата понатамошна работа?
Предметот ми помогна да разберам како се создава една комплетна модна колекција. Научив како да развијам концепт, да создадам кохезивна приказна и да обрнам внимание на секој детал. Ова знаење ќе ми биде многу важно во иднина, за да продолжам да се развивам како моден дизајнер.

Аплицирај тука!

Пеце Давитковски

,,Циклус“

Мојата колекција е збир од десет изгледи со кои сакав да ја претставам тагата како дел од еден бесконечен циклус на чувства и емоции што се случуваат кај човекот. Инспирација ми беше и циклусот на Месечината, како симбол на промените низ кои постојано поминуваме. Самиот термин “циклус” ми беше и симбол на колекцијата.

Како влијаеше овој процес кон твојот личен раст и развој?
Знаењето и искуството што го добив како производ на овој процес, ми донесе повеќе самодоверба и една поцврста основа на која понатаму треба да продолжам да градам.

Што би споделил за искуството со менторката Ирина Тошева?
Менторката Ирина беше доста посветена на пренесувањето на нејзиното знаење и често тоа го правеше на уникатни и доста практични начини.

Како ќе го примениш знаењето од предметот „Модна колекција“ и колку е важно за твојата понатамошна работа?
Моментално мојот фокус е повеќе на конструкцијата и моделирањето на облека, бидејќи тоа е и дел од работата што ја работам. Верувам дека сè што научив на предметот ќе дојде до израз понатаму, особено ако еден ден почнам да работам на нешто свое.

Порака до идните Скала студенти

Пеце Давитковски: Доколку веќе се одлучиле да се запишат, нека бидат истрајни, љубопитни и нека му веруваат на процесот. А ако сè уште се двоумат, би ги охрабрил да се запишат, бидејќи за една година можат многу да научат, и за областа и за себе. 

Матеа Стојановска: Да бидат љубопитни, да не се плашат да експериментираат и да поставуваат прашања. Секој проект е можност да научат нешто ново и да го пронајдат својот стил. 

Гаврило Парталоски: Да бидат трпеливи, да ги прифатат предизвиците со позитивен став и да веруваат во себе.

Од студентски проект до професионално портфолио

На Академијата за моден дизајн студентите создаваат авторски модни колекции, градат свое портфолио и стекнуваат практично искуство преку реални проекти и менторска поддршка.

Ако сакаш да научиш како се создава модна колекција, да изградиш свое портфолио и да стекнеш практично искуство преку реални проекти, сега е вистинскиот момент да го направиш следниот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како студентите од Скала создаваат свои модни колекции appeared first on Skala School.

Проектите се реализирани во рамки на предметот Филмска режија, под менторство на Дејан Џолев. За време на наставата студентите поминаа низ целиот процес на создавање филм – од развивање идејата, пишување сценарио, до снимање и монтажа, со цел во само една минута да раскажат приказна.

Од филмска режија до современо Video Storytelling

Следејќи ги светските трендови и сè поголемата потреба на пазарот за content creators, предметот од следната академска година ќе биде проширен со современи форми на Video storytelling. Покрај класичната филмска нарација, студентите ќе работат и на short-form и long-form видео содржини, YouTube формати, интервјуа, видео подкасти и бренд продукции, со фокус на знаења и вештини што директно одговараат на потребите на денешната индустрија.

Студентски проекти: Од првата идеја до финалниот филм

Дора Младеновска

„Желба“

Се одлучив за ова идеја…
Преку овој краткометражен филм сакам да ја подигнам свеста за зачувување на сè што ни е дадено, но и да ја истакнам важноста на вложување во младите. Тие се нашата иднина, а со поддршка, можности и верба во нивните способности, можат полесно да ги остварат своите соништа и да чекорат кон нови успеси и достигнувања.

При процесот на креирање, се соочив со…
Имаше многу препреки, но не дозволив да ме спречат во креирањето на филмот. Секој предизвик беше можност да пронајдам ново решение и да продолжам понатаму.

Како влијаеше овој проект кон твојот развој…
Ме научи никогаш да не се откажувам, бидејќи секогаш постои решение за остварување на целите.

Што учат студентите од вакви проекти?

Во текот на академијата, студентите не работат само вежби, туку развиваат проекти по модел на професионална продукција. Од идеја и сценарио, преку претпродукција и снимање, до монтажа и финална презентација – секој чекор го реализираат со менторска поддршка и користење на професионалното студио и опремата на Скала.

Ваквиот пристап ги подготвува за реалната работа на еден Video Content Creator, каде покрај техничките знаења, подеднакво важни се креативното размислување, организацијата на продукцијата, комуникацијата со клиент и способноста една идеја да се претвори во квалитетна видео содржина.

Марија Перчинковска

„Слеп поглед“

Се одлучив за ова идеја…
Првично, во мојот бележник за идеи недостасуваше приказна раскажана во само една минута. Често се водам од едно едноставно правило – ако поврзам три навидум случајни зборови, секогаш може да се појави нова идеја. Така настана и „Слеп поглед“, приказна за минатото, соочувањето и ослободувањето, инспирирана од зборовите сина, крпа и портрет.

При процесот на креирање, се соочив со…
Најголем предизвик беше да создадеме осветлување што ќе ја пренесе атмосферата на приказната. Токму барањето на вистинското решение ми покажа дека филмскиот процес не е само финалниот резултат, туку и истражување, експериментирање и учење низ работата.

За соработката со менторот Дејан Џолев…
Мило ми е што менторот ги познава нашите способности и граници, бидејќи неговиот пристап не е само да нè насочува, туку и да нè поттикнува да одиме чекор подалеку. Секогаш нè охрабрува да излеземе од зоната на комфор, да бараме подобри решенија, да размислуваме подлабоко и преку процесот да научиме повеќе.

Аплицирај тука!

Елена Иванов

„Присутна“

Се одлучив за ова идеја…
Сакав да раскажам едноставна, но искрена приказна за тоа како малите секојдневни моменти може да нè вратат во сегашноста. Инспирацијата произлезе од моето лично искуство, но верувам дека чувството на отсутност од сопствениот живот е нешто со коешто многу луѓе би можеле да се поврзат.

При процесот на креирање, се соочив со…
Предизвик беше во само една минута да пренесам емоција и да раскажам приказна што ќе допре до гледачот. И секако, снимањето со животни бараше многу трпение, бидејќи нивното однесување не може целосно да се контролира.

Како влијаеше овој проект кон твојот развој…
Овој проект ми помогна да сфатам колку многу детали стојат зад еден добар филм и колку е важна секоја фаза од процесот – од идејата, преку претпродукцијата и снимањето, до монтажата. Освен што научив многу нови работи, ова искуство уште повеќе ја потврди мојата желба да продолжам да учам и да раскажувам нови визуелни приказни.

Следната приказна може да биде твојата

Од едноминутен филм до short-form содржини, YouTube формати и бренд продукции. На Академијата за Video Content Creation ќе работиш на реални проекти и ќе изградиш портфолио што ќе биде твојата прва професионална препорака. Покрај наставата, ќе имаш пристап до професионално филмско студио и комплетна фото и видео опрема, кои ќе можеш да ги користиш за снимање, експериментирање и реализација на сопствените проекти.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како се гради кариера како Video Content Creator? appeared first on Skala School.

Проектите се реализирани под менторство на Дејан Џолев, во рамки на предметот Студиска фотографија, кој ги опфаќа областите на продукт, портрет, модна, концепт и њуд фотографија. Сите фотографии се создадени за време на наставата, каде што студентите работеа на практични задачи: фотографирање продукти со изградба на сцена и употреба на реквизити, како и реализација на портрет фотографии според однапред дефинирани референци.

Како изгледаат часовите по студиска фотографија?

На часовите по Студиска фотографија, студентите работат во компетно опремени професионлани студиски услови и преку практични задачи се запознаваат со целиот процес на создавање фотографија, од поставување на сцената и осветлувањето до финалната обработка.

Марија Митреска

Се одлучив за ова идеја…
Го избрав брендот The Ordinary за мојата продукт фотографија, кој се одликува со ладна и клиничка естетика, лабораториски и чист изглед на производите. Целта ми беше преку композицијата, боите и реквизитите да ја пренесам естетиката и вредностите на брендот, а истовремено да внесам и дел од мојот стил, па се одлучив за потопли тонови.

При процесот на креирање, се соочив со…
Иако немав проблем со рефлексијата на стакленото шише, на моменти беше потешко да се добие соодветното осветлување, бидејќи користев природно светло, па фотографирав на повеќе места покрај прозорец, во различни периоди. Исто така, повеќе време посветив на композицијата и уредувањето, пробав различни предмети за да го добијам изгледот што го замислив.

Како влијаеше овој предмет кон твојот развој…
Научив колку е важно осветлувањето. Покрај тоа, научив дека успешната фотографија не бара само техничко знаење, туку и креативно размислување, трпение и добро планирање и истражување за самиот производ.

Што учат студентите од вакви проекти?

Работејќи на вакви задачи, студентите учат како самостојно да го планираат, организираат и реализираат целиот процес на фотографирање.

Од бриф, преку идеја и техничка разработка, па сè до финален продукт, студентите поминуваат низ процес кој е близок до реалната професионална пракса. Токму затоа ваквите проекти се особено важни, тие ги подготвуваат студентите за начинот на работа, комуникацијата и соработката помеѓу фотографот и клиентот.

Ангелина Наумовска

Се одлучив за ова идеја…
Сакав да ја истражам продукт фотографијата и со внимателно избрани елементи да создадам атмосфера што ќе ја нагласи намената и карактерот на производот.

При процесот на креирање, се соочив со…
Предизвици во осветлувањето, бидејќи се појавуваа тврди сенки кои не одговараа на визијата што сакав да ја постигнам. Со дополнително прилагодување на светлината и нејзината позиција, успеав да добијам помеки сенки и понежен изглед на фотографијата.

За соработката со менторот Дејан Џолев…
Менторот ми беше голема поддршка во текот на целата академија. Неговите совети секогаш ми помагаа да ги видам работите од поинаков агол и да ги подобрам фотографиите. Најмногу ми значеше што секоја сугестија и критика беше конкретна и веднаш можев да ја применам.

Аплицирај тука!

Викторија Андреевска

Се одлучив за ова идеја…
Сакав да создадам свежа и минималистичка продукт фотографија која преку светлината, композицијата и внимателно избраните елементи ќе пренесе чувство на свежина и природност. Амбиентот го креирав целосно самостојно, со цел секој детал да придонесе кон приказната што сакав да ја раскажам.

При процесот на креирање на продукт фотографијата, се соочив со…
Најголем предизвик беше правилното поставување на светлото и гобо ефектот за да добијам природен изглед на сончева светлина. Посветив внимание и на распоредот на елементите, рефлексиите на стаклото и балансот на композицијата, за фотографијата да изгледа чисто, хармонично и визуелно привлечно.

Како влијаеше овој проект кон твојот развој…
Овој проект ми помогна подобро да разберам колку се важни подготовката, светлото и секој детал во продукт фотографијата. Научив дека добрата фотографија не зависи само од техниката, туку и од идејата, креативноста и внимателното градење на сцената.

Од студентски проект до професионално портфолио

Во рамки на Академијата за фотографија и визуелно креирање, студентите преку реални проекти создаваат портфолио, и се стекнуваат со практично искуство за професионална работа.

Ако сакаш да развиваш фотографски вештини, да создаваш свое портфолио и да работиш на практични задачи со менторска поддршка, сега е вистинскиот момент да го направиш следниот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како изгледа процесот на работа на студентите по студиска фотографија? appeared first on Skala School.

Студентите од Академијата за ентериер дизајн и дигитална 3D визуелизација изработија целосен проект за ентериер на стан, кој го презентираа пред своите ментори.

Што се учи во вториот семестар?

Во текот на вториот семестар, студентите учат како една идеја да ја претворат во функционално и визуелно разработено дизајнерско решение.

Програмата опфаќа:

• Дизајн процес
• Дизајн на ентериер
• Дигитално рендерирање (Rhinoceros 3D)
• Дизајн на плочест материјал (TrunCAD)
• AI и дигитална интелигенција
• Кариера и личен развој

Финалниот испит ги поврзува сите овие области, претворајќи ги во еден целосен проект.

Искуството од испитот на студентите

За искуството разговаравме со Александра Кузмановска, студентка на Академијата за ентериер дизајн и дигитална 3D визуелизација:

„На испитот ми беше преинтересно, имав супер фидбек од менторите и ми беше вистинско задоволство да ги видам проектите на сите мои колешки.“

И Анастасија Стојкова сподели:

„На испитот си поминав прекрасно! Премногу сум задоволна од коментарите на менторите и се надевам дека и во иднина ќе соработуваме со нив.“

Од менторската перспектива

Во текот на академијата студентите работат со активни професионалци од индустријата кои секојдневно го пренесуваат своето знаење и искуство.

Апостол Тноковски, ментор по Дизајн процес, ги сподели своите впечатоци од финалниот испит:

„Испитот помина феноменално, се забавувавме и имаше многу интересни идеи. На мојот предмет секој час се работат различни концепти кои студентите ги развиваат според различни принципи на инспирација. Сите студенти го изработија она што беше договорено.“

Тој додава дека академијата е одлична основа за сите што сакаат да се насочат кон продукт дизајнот.

„Секој што сака да се занимава со продукт дизајн, на академијата ќе ги совлада алатките што се користат во оваа област и ќе развие чувство за тоа што значи да се биде продукт дизајнер.“

Порака од студентите до идните Скалаџии

Александра има јасна порака до сите што размислуваат да се запишат:

„Ги охрабрувам сите да се запишат во Скала, бидејќи е едно прекрасно искуство пред сè. Можеш да научиш многу и е една нова врата што ти се отвора за во иднина да можеш да бидеш дизајнер.“

Анастасија додаде:

„Од моето искуство во Скала би препорачала на секој што има идеја и сака да вложува труд во себе да се запише и да го искуси ова, бидејќи има многу дружење, убави настани и позитивна атмосфера во која се учат многу нови работи.“

Аплицирај тука!

Како се формира конечната оцена?

Во Скала, конечниот резултат не зависи само од завршниот испит, туку го вреднува целиот процес на учење во рамки на семестрите и развојот на студентот. Секој ментор доделува поени и за работата во текот на семестарот и за јавниот испитен проект, при што семестарските резултати учествуваат со 40%, а јавниот испит со 60% од вкупната оценка.

Системот на вреднување ги опфаќа сите клучни аспекти на развојот на студентот: креативната идеја и концептот на проектот, техничката изведба и квалитетот на реализацијата, процесот на работа, ангажманот и професионалноста, способноста за аргументација и презентација на проектот, како и континуираниот ангажман преку домашните задачи и редовното присуство на наставата. На овој начин, студентите се поттикнуваат да развиваат не само технички вештини, туку и работни навики, одговорност, комуникациски способности и професионален однос кон сопствената работа.

Овој систем не ја оценува личноста на студентот, туку неговиот напредок, ангажман и подготвеност за следниот чекор во професионалниот развој.

Покрај редовното бодување, студентите можат да добијат и неограничен број дополнителни поени преку активности што придонесуваат за личен развој и развојот на заедницата.

Една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. Ова е уште една оригиналност на нашиот систем, која ги мотивира студентите да создаваат и надвор од академските задачи.

Дополнителни поени се добиваат и за волонтерски активности, учество во организација на изложби и настани, креативен и технички придонес во проекти, како и за други активности што придонесуваат за развојот на студентската заедница. 

Што следува по оценувањето?

Врз основа на вкупниот број освоени поени, студентите се стекнуваат со статусите Alpha, Beta и Gamma, како и со неформалниот Elite статус, кој претставува уште еден автентичен пристап кон вреднувањето и мотивацијата на студентите.

Овие статуси не претставуваат само признание за постигнатите резултати, туку служат и како основа за понатамошно вклучување на студентите во активностите на Скала. Во зависност од постигнатиот статус, студентите добиваат можности за јавна презентација на своето портфолио, учество на изложби, презентации и други настани, поврзување со компании и организации од индустријата, како и други форми на професионална афирмација, соработка и развој.

На овој начин, системот на вреднување не завршува со оценувањето само по себе, туку претставува почеток на следната фаза од развојот на студентите.

Elite статусот е дополнително признание, резервирано за студенти кои, покрај високите академски резултати, покажале исклучителна иницијативност, професионалност и придонес кон заедницата на Скала. Тој се формира врз основа на дополнителните поени стекнати преку активности надвор од редовните академски обврски и претставува основа за подлабока интеграција на студентите во работата на Скала, преку различни форми на соработка, асистентски ангажмани, менторство или други професионални можности.

Од студент до дизајнер

Финалниот испит е последната презентација на академијата, но за многумина е почеток на нова фаза во нивниот развој.

Тоа е моментот кога првите идеи стануваат реализирани простори, а учењето се претвора во сопствен дизајнерски израз.

Александра Кузмановска веќе има јасна визија за следниот чекор:

„По академијата планирам да работам како фриленсер, до изложбата и до презентацијата пред компании, а потоа да работам во некоја компанија или да си продолжам со фриленс.“

Ако и ти сакаш за една година да научиш како се развива целосен ентериер проект, од концепт, преку 3D визуелизација, до финална презентација, сега е вистинскиот момент да го направиш првиот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Првиот чекор кон кариера во ентериер дизајн appeared first on Skala School.

На Академиите за фотографија и Video Content Creation во Скала, финалниот испит претставува кулминација на целиот процес на учење, односно момент кога студентите ги презентираат проектите на кои работеа во текот на годината.

Иако проектите беа различни, заедничко за сите студенти беше тоа што испитот претставуваше можност да покажат како размислуваат, создаваат и комуницираат преку визуелни медиуми.

Финален испит на Академијата за Video Content Creation

Во рамки на финалниот испит студентите презентираа кратки играни филмови, музички видеа, видео контент (reels) за социјални медиуми.

Работата на повеќе различни формати им овозможи да експериментираат со различни пристапи и да развиваат сопствен визуелен стил.

„Презадоволна сум од трите проекти коишто ги претставив, беа авторски и се потрудив да оставам свој белег на нив“, вели Елена Иванов, студентка на Академијата за Video Content Creation.

Финалниот испит беше можност и менторите одблиску да го согледаат напредокот што студентите го направија во текот на академијата.

„Видов многу интересна комбинација на личен креативен печат кај секого, еден креативен раст од почетокот на академијата, заклучно со испитот“, сподели Огнен Антов, ментор по Креативна продукција.

Лазар Зафировски, ментор по предметот Креирање на видео содржини, додаде:

„Студентите беа навистина добро подготвени и сигурни во презентацијата на своите проекти. Особено ми се допадна што секој пристапи на свој начин и донесе различна идеја.“

Финален испит на Академијата за фотографија и визуелно креирање

Студентите презентираа проекти од повеќе области на фотографијата, меѓу кои студиска, модна, портрет, концепт, продукт и документарна фотографија, како и кратка видео содржина на одредена тема.

За Ангелина Наумовска, студентка на Академијата за фотографија и визуелно креирање, академијата била можност да истражува различни области на фотографијата и да открие во која насока сака понатаму да се развива.

„Би сакала повеќе да истражувам за продукт фотографија, но исто така да си останам на мојот фаворит, а тоа е модната фотографија.“

Марија Митреска веќе размислува како стекнатото знаење да го претвори во следен личен проект.

„Би сакала да продолжам со фотографија, да работам на свои идеи и да се пронајдам во насоката што најмногу ми одговара.“

Според Драги Неделчевски, ментор по Историја и теорија на фотографија и Документарна фотографија, студентите покажале сериозен напредок во текот на академијата.

„Испитот помина прекрасно! Иако студентите имаа кратко време, беа многу добро подготвени, елаборираа извонредно и сите покажаа голем напредок во работата.“

Како се формира конечната оцена?

Во Скала, конечниот резултат не зависи само од завршниот испит, туку го вреднува целиот процес на учење во рамки на семестрите и развојот на студентот. Секој ментор доделува поени и за работата во текот на семестарот и за јавниот испитен проект, при што семестарските резултати учествуваат со 40%, а јавниот испит со 60% од вкупната оценка.

Системот на вреднување ги опфаќа сите клучни аспекти на развојот на студентот: креативната идеја и концептот на проектот, техничката изведба и квалитетот на реализацијата, процесот на работа, ангажманот и професионалноста, способноста за аргументација и презентација на проектот, како и континуираниот ангажман преку домашните задачи и редовното присуство на наставата. На овој начин, студентите се поттикнуваат да развиваат не само технички вештини, туку и работни навики, одговорност, комуникациски способности и професионален однос кон сопствената работа.

Овој систем не ја оценува личноста на студентот, туку неговиот напредок, ангажман и подготвеност за следниот чекор во професионалниот развој.

Покрај редовното бодување, студентите можат да добијат и неограничен број дополнителни поени преку активности што придонесуваат за личен развој и развојот на заедницата.

Една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. Ова е уште една оригиналност на нашиот систем, која ги мотивира студентите да создаваат и надвор од академските задачи.

Дополнителни поени се добиваат и за волонтерски активности, учество во организација на изложби и настани, креативен и технички придонес во проекти, како и за други активности што придонесуваат за развојот на студентската заедница.

Аплицирај тука!

Што следува по оценувањето?

Врз основа на вкупниот број освоени поени, студентите се стекнуваат со статусите Alpha, Beta и Gamma, како и со неформалниот Elite статус, кој претставува уште еден автентичен пристап кон вреднувањето и мотивацијата на студентите.

Овие статуси не претставуваат само признание за постигнатите резултати, туку служат и како основа за понатамошно вклучување на студентите во активностите на Скала. Во зависност од постигнатиот статус, студентите добиваат можности за јавна презентација на своето портфолио, учество на изложби, презентации и други настани, поврзување со компании и организации од индустријата, како и други форми на професионална афирмација, соработка и развој.

На овој начин, системот на вреднување не завршува со оценувањето само по себе, туку претставува почеток на следната фаза од развојот на студентите.

Elite статусот е дополнително признание, резервирано за студенти кои, покрај високите академски резултати, покажале исклучителна иницијативност, професионалност и придонес кон заедницата на Скала. Тој се формира врз основа на дополнителните поени стекнати преку активности надвор од редовните академски обврски и претставува основа за подлабока интеграција на студентите во работата на Скала, преку различни форми на соработка, асистентски ангажмани, менторство или други професионални можности.

Следен чекор

Студентите ќе ги презентриаат своите портфолија пред компании од индустријата со цел вработување, проекти и пракси.
А ти, доколку размислуваш да се занимаваш со фотографија или Video Content Creation и да изградиш портфолио со кое ќе можеш да се претставиш пред индустријата, сега е вистинскиот момент да го направиш следниот чекор.

„Скала не е само место каде што ќе научите нешто ново, туку ќе ви помогне да ја развиете својата креативност и да ја насочите кон кариера. Ви нуди и можност за стипендирање, искористете ја за да научите повеќе и уште повеќе да се подобрите себеси,“ – вели Огнен Антов.

Ангелина Наумовска е една од студентите што ја искористија оваа можност и своето Скала искуство го започна како стипендистка.

„Стипендијата е одлична можност и супер е да се искористи. И јас аплицирав, а и ти треба да го направиш тој чекор.“

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Контент креатори и фотографи со финални проекти appeared first on Skala School.

За финалниот испит на Академијата за моден дизајн, студентите имаа задача да изработат целосна модна колекција, која ќе биде претставена на Skopje Fashion Weekend. 

Што се учи во вториот семестар?

Во текот на вториот семестар, студентите ги продлабочуваат своите знаења и работат на развој на сопствен дизајнерски израз.

Програмата опфаќа:

• Моден дизајн
• Конструкција на облека со техники на кроење и шиење II
• Дигитална модна илустрација
• Моден бренд
• Модна фотографија
• Кариера и личен развој

Финалниот испит ги обединува сите овие области во еден проект.

Искуството од испитот на студентите

За искуството разговаравме со Ана Младеновска, студентка на Академијата за моден дизајн:

„Многу сум задоволна! Стекнатото знаење во текот на вториот семестар многу ни помогна во креирањето на колекцијата.“

Мелани Марјановиќ додаде:

„Целиот процес беше огромен предизвик, а финалниот резултат ги надмина моите очекувања.“

Од перспектива на менторите

Во текот на академијата студентите работат со активни професионалци од модната индустрија.

Катерина Тошева, ментор по предметот Конструкции со техники на кроење и шиење, сподели:

„Ги надминаа моите очекувања. На почетокот не беа подготвени за предметот и потешко го прифатија, но подоцна едвај чекаа да дојдат на час, а напредокот беше повеќе од очигледен.“

И Ирина Тошева, ментор по Модна колекција, ги сподели своите впечатоци:

„Во однос на минатиот семестар имаше навистина огромно подобрување кај студентите, беа многу посигурни во самите презентации, во излагањето на својата работа, се гледаше дека уживале во процесот на создавање и дека прогресот е навистина огромен.“

Од стипендија до финална колекција

За тоа како помина интервјуто за стипендии ни раскажа Мелани Марјановиќ.

„Не беше ништо страшно, беше сеопфатно, но мислам дека целиот тој процес е важен за да се долови суштината. Во Скала научив многу повеќе од тоа што очекував, добив силна основа и стипендијата многу ми помогна.“

Ана Младеновска додаде:

„Секој треба да си ја проба можноста за стипендија. Некој друг го препознава вашиот талент и потенцијал, а потоа низ студиите вие имате можност да покажете дека ги оправдувате тие очекувања.“

Ирина Тошева, ментор по Модна колекција смета дека ваквите можности се особено значајни за младите креативци:

„Сметам дека во денешно време секој кој сака да студира некаде, ја има можноста доколку навистина го има талентот и трудот, затоа секој треба да ја искористи оваа можност за стипендија во Скала.“

Аплицирај тука!

Како се формира конечната оцена?

Во Скала, конечниот резултат не зависи само од завршниот испит, туку го вреднува целиот процес на учење во рамки на семестрите и развојот на студентот. Секој ментор доделува поени и за работата во текот на семестарот и за јавниот испитен проект, при што семестарските резултати учествуваат со 40%, а јавниот испит со 60% од вкупната оценка.

Системот на вреднување ги опфаќа сите клучни аспекти на развојот на студентот: креативната идеја и концептот на проектот, техничката изведба и квалитетот на реализацијата, процесот на работа, ангажманот и професионалноста, способноста за аргументација и презентација на проектот, како и континуираниот ангажман преку домашните задачи и редовното присуство на наставата. На овој начин, студентите се поттикнуваат да развиваат не само технички вештини, туку и работни навики, одговорност, комуникациски способности и професионален однос кон сопствената работа.

Овој систем не ја оценува личноста на студентот, туку неговиот напредок, ангажман и подготвеност за следниот чекор во професионалниот развој.

Покрај редовното бодување, студентите можат да добијат и неограничен број дополнителни поени преку активности што придонесуваат за личен развој и развојот на заедницата.

Една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. Ова е уште една оригиналност на нашиот систем, која ги мотивира студентите да создаваат и надвор од академските задачи.

Дополнителни поени се добиваат и за волонтерски активности, учество во организација на изложби и настани, креативен и технички придонес во проекти, како и за други активности што придонесуваат за развојот на студентската заедница. 

Што следува по оценувањето?

Врз основа на вкупниот број освоени поени, студентите се стекнуваат со статусите Alpha, Beta и Gamma, како и со неформалниот Elite статус, кој претставува уште еден автентичен пристап кон вреднувањето и мотивацијата на студентите.

Овие статуси не претставуваат само признание за постигнатите резултати, туку служат и како основа за понатамошно вклучување на студентите во активностите на Скала. Во зависност од постигнатиот статус, студентите добиваат можности за јавна презентација на своето портфолио, учество на изложби, презентации и други настани, поврзување со компании и организации од индустријата, како и други форми на професионална афирмација, соработка и развој.

На овој начин, системот на вреднување не завршува со оценувањето само по себе, туку претставува почеток на следната фаза од развојот на студентите.

Elite статусот е дополнително признание, резервирано за студенти кои, покрај високите академски резултати, покажале исклучителна иницијативност, професионалност и придонес кон заедницата на Скала. Тој се формира врз основа на дополнителните поени стекнати преку активности надвор од редовните академски обврски и претставува основа за подлабока интеграција на студентите во работата на Скала, преку различни форми на соработка, асистентски ангажмани, менторство или други професионални можности.

Од студент до моден дизајнер

Финалниот испит е последната презентација на академијата, но за многумина е почеток на ново професионално поглавје.

Тоа е период кога идеите стануваат колекции, скиците стануваат готови модели, а знаењето стекнато во текот на студиите се претвора во реално портфолио.

Многу од студентите веќе размислуваат за следните чекори во својата кариера.

„Првично би се фокусирала на изработката на колекцијата за Fashion Weekend, а потоа би сакала да стекнам практично искуство и да продолжам да се развивам професионално,“ – сподели Ана.

Ако и ти сакаш да ја развиеш својата креативност, да научиш како се создава модна колекција и да изградиш портфолио со кое ќе можеш да се претставиш пред индустријата, сега е вистинскиот момент да го направиш првиот чекор.

Во тек е конкурсот за стипендии во Скала:

• 6 стипендии со 100% покриена школарина 
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени.

Искористи ја можноста и аплицирај денес.

The post Како ги вреднуваме студентите на Академијата за моден дизајн appeared first on Skala School.

Токму затоа партнерствата што ги градиме во Скала не се само формални соработки, туку можности студентите да стекнат искуство во реална продукциска средина уште за време на студиите.

Dream Factory Macedonia е филмска и ТВ продукциска компанија која работи на играни, документарни и комерцијални проекти, а моментално го развива и играниот филм „СНЕШКО“ („Snowman“).

Студентите од Академиja за Video Content Creation ја посетија филмската екипа на снимањето и имаа можност да видат како изгледа работата зад камерите во реални продукциски услови.

Разговаравме со Огнен Антов, кој ни сподели повеќе за визијата на компанијата и важноста на практичното искуство за новата генерација професионалци.

На кој начин сметате дека оваа соработка може да придонесе за вашата компанија?

„Соработката ни овозможува пристап до свежи идеи, енергија и ново знаење од млади луѓе кои растат со дигиталните алатки и трендови, а ние им нудиме реално искуство во филмска продукција, маркетинг и знаење што не можат да го стекнат само преку теорија.“

Студентите ќе имаат можност да се развиваат во различни области од современата продукција, вклучувајќи дигитален маркетинг и социјални мрежи, графички дизајн и видео монтажа, продукција, PR и комуникации, како и во администрација и координација на проекти

„Нашиот тековен проект „СНЕШКО“ има силна дигитална и образовна компонента, која вклучува математички предизвици и соработки со училишта. Токму затоа особено ги охрабруваме студентите кои се заинтересирани за спојот на креативноста, технологијата и образованието да се вклучат во вакви проекти.“

Академиja за Video Content Creation

На Академиja за Video Content Creation во Скала студентите ги изучуваат сите клучни сегменти на современата продукција – од развој на креативна идеја и продукциско планирање, до снимање, монтажа, создавање содржини за дигитални платформи и примена на AI алатки во креативниот процес.

Преку партнерствата како ова со Dream Factory Macedonia, тие имаат можност стекнатото знаење да го применат во пракса, да учат од искусни професионалци и да се подготват за следниот чекор во кариерата.

Зошто сметате дека е важно партнерството помеѓу образованието и компаниите?

„Партнерството помеѓу образованието и бизнис секторот е важно бидејќи го поврзува теоретското знаење со реалните потреби на индустријата. Во филмската продукција, многу вештини како тимска работа, комуникација и работа под рокови најдобро се учат преку практично искуство.

За Dream Factory, ваквите соработки се можност да препознаеме млади таленти, да внесеме нови идеи во нашата работа, да придонесеме за развојот на следната генерација професионалци и за градење мост помеѓу академската средина и реалниот свет на работа.“

Наместо само да учат за продукција, студентите имаат можност да видат како изгледа организацијата на снимање, тимската комуникација и целиот процес зад една реална продукција.

Што им недостасува на младите кадри денес?

„Она што најчесто го забележуваме е недостиг на трпение и истрајност во процесот, како и желбата сè да биде брзо и веднаш видливо. Креативната индустрија, особено филмската продукција, бара време, повторувања и постепено градење на резултати, кои често се гледаат дури по месеци или години работа.

Но позитивно гледано, младите носат силна дигитална писменост, брзо учење нови алатки и свежа креативност, која станува уште повредна кога се надополнува со трпение и проактивност во процесот на работа.“

Започни ја својата кариера во креативната индустрија

Ако сакаш да бидеш дел од средина каде што се учи преку реални проекти, соработка со индустријата и практична работа, сега е вистинскиот момент да го направиш првиот чекор.

Во тек е конкурсот за стипендии во Скала:

• 6 стипендии со 100% покриена школарина
• 12 стипендии со 50% покриена школарина
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (преквалификација)
2. Кандидати со претходно искуство во областа (доквалификација)

Апликациите се отворени до 1 јули.

Искористи ја можноста и аплицирај денес.

The post Студентите стануваат дел од реална продукција appeared first on Skala School.

Во изминатите денови повторно добив голем број прашања поврзани со актуелните случувања. Ова е мојот личен став.

Ние не ја создадовме Скала за да ги убедиме сите дека е најдобра. Ја создадовме за луѓето кои веруваат во нашиот пристап кон образованието, дизајнот и кариерата.

Не трошиме време убедувајќи ги луѓето на кои не им се допаѓа тоа што го правиме. 

Целата наша енергија ја вложуваме во младите кои сакаат да учат, да создаваат и да изградат кариера.

Последните 15 години ги вложив во создавање место во кое и јас самиот би сакал да учам, благодарение на стотици вработени, ментори и соработници што беа дел од Скала низ годините.

И да, меѓу студентите секогаш ќе има и залутани, неподготвени да го прифатат нашиот пристап. Наместо да преземат одговорност за сопствениот неуспех, ќе се обидат да го претстават како нечија вина.

Но тоа никогаш не било причина да ги напуштиме вредностите во кои веруваме. А уште помалку поради луѓе кои немаат никакво лично искуство со Скала, како и во овој случај, каде што шират шпекулации, водени од мотиви кои не ми се познати и кои не би сакал да ги толкувам.

Скала е создадена за луѓе што критички размислуваат, знаат да аргументираат и имаат желба да учат.

Ние одговараме пред нив.

—

За сите добронамерни и аргументирани соговорници, на следниот линк е детално претставен системот на оценување во Скала.

The post Ние не ја создадовме Скала за да ги убедиме сите дека е најдобра appeared first on Skala School.

Во текот на денешниот ден во јавноста се појавија обвинувања поврзани со начинот на кој Скала ги вреднува своите студенти. Дел од овие објави тврдат дека студентите добивале поени за оставање Google рецензии, без притоа да се објасни поширокиот контекст во кој постоела оваа активност.

Сакаме јасно да истакнеме дека станува збор за поени кои не се дел од формалното оценување, туку од поширок систем за придонес кон заедницата на Скала.

Бидејќи веруваме дека јавноста заслужува целосна и точна информација, во продолжение транспарентно го објаснуваме целиот систем на оценување на студентите на Скала и неговата намена.

Истовремено, забележуваме организирани повици за оставање негативни оценки од лица кои немаат лично искуство со нашите програми. Веруваме дека и позитивните и негативните рецензии имаат вредност само кога доаѓаат од луѓе кои навистина биле дел од нашата заедница.

Остануваме отворени за критика, сугестии и разговор со сите наши студенти и поранешни студенти.

ПОШИРОКО ОБРАЗЛОЖЕНИЕ:

Скала повеќе од една деценија користи сопствен систем за следење и вреднување на развојот на студентите. Неговата цел не е само да го оцени квалитетот на проектите, туку и да го препознае професионалниот развој, посветеноста и ангажманот на секој студент во текот на учебната година.

Скала применува систем на вреднување во кој развојот на студентот и резултатите од јавниот испит се оценуваат како две одделни компоненти. Секој ментор доделува поени и за работата на студентот во текот на семестарот и за неговиот завршен испитен проект. При пресметувањето на конечниот статус, семестарските резултати учествуваат со 40%, а јавниот испит со 60% од вкупната вредност.

Студентите се вреднуваат во шест категории:

• Концепт и креативна идеја на проектот
• Техничка изведба и квалитет на реализација
• Процес, ангажман и професионалност
• Аргументација и презентација на проектот
• Домашни задачи
• Присуство на часови

Секој ментор доделува поени според однапред дефинираните критериуми. Од сите доделени поени се пресметува просек, кој го определува конечниот статус на студентот:

• Elite: 100+ поени
• Alpha: 76-100 поени
• Beta: 56-75 поени
• Gamma: 0-55 поени

Овие статуси не претставуваат вреднување на личноста на студентот, туку служат како алатка за препознавање на неговиот напредок и подготвеност за следниот чекор во професионалниот развој.

Alpha / Студентите со Alpha статус:

1. Добиваат можност јавно да го претстават своето портфолио пред компании и организации од својата индустрија. Овој настан годинава ќе се одржи по 28-ми пат и претставува една од највредните можности за вмрежување и вработување.
2. Имаат право на учество во изложби, презентации и други јавни настани организирани од Скала.
3. Добиваат диплома и уверение за успешно завршена академија.

Beta / Студентите со Beta статус:

1. Нивните портфолија се споделуваат со партнерските компании и организации од мрежата на Скала со цел пракса, соработка или вработување.
2. Имаат право на учество во изложби, презентации и други јавни настани организирани од Скала.
3. Добиваат диплома и уверение за успешно завршена академија.

Gamma / Студентите со Gamma статус:

1. Имаат право на учество во изложби и други јавни настани организирани од Скала.
2. Добиваат уверение за посетувана академија.

Elite / Elite статусот е резервиран за студенти кои покрај високите академски резултати покажале исклучителна иницијативност, професионалност и придонес кон заедницата на Скала.

Ова е групата студенти од која најчесто произлегуваат подлабоки форми на соработка со нашата институција. Дел од овие студенти подоцна стануваат асистенти, соработници, ментори на кратки програми, а во одредени случаи и предавачи на академијата врз основа на нивните подоцнежни професионални резултати и експертиза. Овие студенти имаат можност да стекнат дополнителни поени преку својот ангажман во заедницата на Скала.

Како се добиваат дополнителни поени?

Покрај редовното вреднување (оценување), студентите можат да добијат неограничен број дополнителни поени преку активности кои придонесуваат за развојот на заедницата. На овој начин се поттикнуваат проактивноста, преземањето иницијатива, волонтерскиот ангажман и културата на меѓусебна поддршка и споделување во рамки на Скала.

• Волонтерски активности
• Учество во организација на изложби и настани
• Креативен и технички придонес во проекти
• Учество во студентската платформа „Скала Магазин“
• Авторски текстови, интервјуа и блог рубрики
• Промоција на студентски проекти и успеси
• Други активности од јавен интерес за студентската заедница 

Дополнително, една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. И овие активности се вреднуваат со дополнителни поени, со цел да се поттикнат иницијативноста, професионалниот развој и амбицијата на студентите.

Во овој контекст постоела и можност студент доброволно да сподели свое искуство преку Google рецензија, како една од повеќето активности кои носеле ограничен број дополнителни поени.

Важно е да се нагласи дека овие поени не се дел од формалното академско оценување и не се услов за стекнување Alpha статус, дипломирање или успешно завршување на академијата.

Секој студент може да ги оствари сите академски привилегии исклучиво преку квалитетот на својата работа, проектите и резултатите постигнати во текот на наставата.

Сите правила се однапред комуницирани со студентите и се дел од системот со кој тие се запознаваат уште на почетокот на своето образование.

Нашиот став

Жалиме што наместо аргументирана дискусија, дел од јавниот простор повторно станува место за селективно пренесување информации, погрешни интерпретации и организирани повици за негативни оценки од лица кои немаат лично искуство со нашите програми.

Повеќе од 15 години Скала активно придонесува во развојот на креативните индустрии, дизајнот, маркетингот и дигиталните професии во Македонија.

Илјадници студенти поминале низ нашите програми, а стотици денес успешно работат во компаниите и индустриите за кои се образувале.

Ќе продолжиме да инвестираме во подобри програми, подобри можности за студентите и нови модели за нивен професионален развој, останувајќи доследни на вредностите на транспарентност, квалитет и континуирано подобрување.

The post Известување до јавноста appeared first on Skala School.