Прочитајте за успесите на нашите студенти и ментори, како и случувањата коишто го одбележаа изминатиот период. Вклучивме и дел од многуте активности на нашите ментори и настани од неформален карактер.  

Всушност, прочитајте зошто сме лидери за квалитет во неформалното образование и активностите на најголемата дизајн-заедница!

НАШАТА ШКОЛА…

1 • Седма година по ред бевме дел од „Fashion Weekend Skopje“…

„Fashion Weekend Skopje“ од година на година ја негува и зајакнува соработката со „Скала“, изложувајќи го талентот на студенти од Академијата за моден дизајн. 

Оваа година, учество зедоа: Тиана Јовиќ, Михаела Штерјова, Орце Наумовски, Симона Николовска, Слоботка Трендова, Снежана Ефкоска, Велика Лешева и Маја Матлијоска, под менторство и експертиза на Александар Ношпал и Никола Булески, ќе ги претстават нивните визионерски колекции во концептуална ревија. 

Нивните извонредни креации коишто беа во центарот на вниманието се потврда дека модата и дизајнот во Македонија ги чека блескава иднина!

• 

• 

• 

• 

• 

• 

2 • Ја организиравме најголемата студентска изложба за дизајн…

Возбуда, позитивни импресии и креативен бум!

Се одржа завршната изложба на академиите за дизајн при „Скала“ -Школата за дизајн и уметност, генерација 2022/23. Изложбата којашто го носеше насловот „Глас на новата сцена“ се одржа на 13 октомври, а во рамките на истата, посетителите ја имаа можноста да погледнат повеќе од 800 дела на студентите од академиите за графички дизајн, визуелни уметности, моден дизајн, ентериер и продукт-дизајн, како и Академијата за UX/UI-дизајн.

Трите хали нa првиот кат во „Public Room“ беа преполни со посетители, а за позитивните импресии од настанот слушаме и денес!

• 

• 

• 

• 

3 • Официјално сме skala.school на инстаграм…

Кој нè следи на инстаграм, знае!

Од неодамна, официјално сме @skala.school, a промената на нашиот username ја прославивме со симболични подароци. За првите 10 следбеници кои споделија instagram story означувајќи нè како @skala.school, следуваа награди како: дела од наши студенти, ваучери за попуст на нашите едукативни програми и незаборавни искуства со тимот од „Скала“. 

Следете нè и бидете во тек со најновите содржини 😉

4 • Започнаа првите предавања на академиите за дизајн…

На 16 октомври започна новата учебна година! 

Првиот aкадемски час го следеа +100 студенти на aкадемиите за дизајн во „Скала“.
Студентите и менторите имаа можност да се запознаат меѓу себе и да си споделат импресии и искуства, како и да позборуваат за очекувањата за претстојната академска година. Им посакуваме среќна и успешна академска година на новите студенти. Трпеливо го следиме нивниот креативен раст и развој и едвај чекаме да ги видиме во полно светло на дизајн-сцената.

• 

• 

• 

• 

5 • Во просториите на „Скала“, се одржаа работилниците: „Со шиење до сопствен бизнис“ 

Скала во поддршка на жените-претприемачи! 

Нашите соработници од „Добредојде Македонија“, со поддршка од Амбасадата на Република Словенија, ја лансираа програмата „Со шиење до сопствен бизнис“ – бесплатна обука за жени и девојки од Скопје и околината.

Програмата вклучуваше бесплатна обука за кроење и шиење под менторство на Катерина Тошева, а истата се одржа во просториите на „Скала“ во период од 14 до 5 октомври. Ни претставуваше особено задоволство да бидеме дел од проект којшто овозможува поддршка на жените-претприемачи, преку обезбедување на современ простор и опрема за развој на нивните вештини.

6 • Зборуваме за примената на UX/UI-дизајнот на IT MEET UP Скопје  

Во организација на Град Скопје се одржа „Скопскиот ИТ-Фестивал“ под слоганот: Трансформација на технолошкиот пејсаж на Македонија. 

Во рамките на настанот, учестувавме на панел-дискусијата: „Македонски технолошки ИТ-пејсаж“ на којашто Дејан Милосавлески, како наш претставник и долгогодишен соработник, зборуваше на темата: „Примена на UX/UI-дизајнот“, можностите коишто ги нуди програмата на Академијата UX/UI-дизајн и најновите трендови во индустријата. 

Настанот се одржа во просториите на СУГС „Владо Тасевски“ – Скопје, а средношколците имаа можност да дознаат повеќе за теми како: „Вештачката интелигенција, подемот на гејминг-индустријата, информациските технологии и UX/UI- дизајнот“.

• 

• 

НАШИТЕ СТУДЕНТИ…

7 • Маја Матлијоска, пример за основач на успешен мал бизнис…  

Студентите го споделуваат своето знаење и искуство!

Неодамна се одржа семинарот: „Со мануелни вештини до сопствен бизнис“ во Струга на којшто учествуваа учениците од текстилната струка од СОУ „Нико Нестор“. 

Како позитивен пример за локален успешен мал бизнис во рамките на програмата, учествуваше Маја Матлијоска, алумни-студентка на Академијата за моден дизајн, со нејзиниот бренд Maja’s handmade world – рачна изработка на плетени модни додатоци и облека. Овој прекрасен спој на споделување на искуства со новата генерација го овозможи менторката Ирина Тошева која заедно со Маја, беа дел од севкупното искуство за време на семинарот. Се радуваме на ваквите соработки!

• 

• 

• 

8 • Елена Божиновска, со две награди…  

Позната по своите хуманитарни дела и иницијативи како во родниот град, така и во Европа!

Елена, овој месец блескаше на две сцени со иклучителни награди за својот придонес, таа е добитник на реномираната награда „Emerging Europe“ за младински инфлуенсер на годината во Централна и Источна Европа за нејзината работа и поттикнување на општествени и правни промени за младите. Втората награда којашто се најде во нејзините раце е „13 Ноември“ од Град Скопје за посебен придонес за правата на децата, младите од самохрани и еднородителски семејства и организирање на хуманитарни акции.
Неизмерно горди на нејзиниот придонес, ѝ посакуваме уште многу успеси во иднина!

• 

• 

9 • Аника Иловска ја престави колекцијата: „Капсула 03“

Нашата студентка Аника веќе е препознаена на модната сцена!

Овогодинешниот FWSK претставуваше спој на неколку генерации од нашата Школа, токму затоа од особено значење за нас, беше и ревијата на „Перениал“ со колекцијата „Капсула 03“ на Аника Иловска, студент и стипендист на Академијата за моден дизајн. 

Аника е препознаена по концептот на редизајнирање и враќање на машките сакоа коишто некогаш биле заборавени, креирајќи безвременски сетови коишто пленат со својот стил и елеганција.

Испраќаме искрени честитки и будно ги следиме нејзините следни капсули и уникатни парчиња!

• 

• 

10 • Крсто Глигорјадис и Милена Петковска, активни на уметничката сцена 

Нашите стипендисти и студенти Крсто Глигорјадис од Академијата за визуелни уметности и Милена Петковска од Академијата за UX/UI-дизајн активно се дел од уметничката сцена. 

Крсто Глигорјадис неодамна беше првиот впечаток на изложбата „Еволуирачки перспективи“, отворајќи ја истата со церемонијален акт на зборот ‘ЗАЕДНО’, додека пак, Милена Петковска своите дела ги изложуваше во рамки на групната изложба „Симбиоза“ во Мобилна/Монтажна галерија на Центарот за современи уметности – Скопје.

• 

• 

11 • Андреј Павлов, зад дизајнот за конкурсот „Скопје на новата генерација“, во организација на „Europe House“

„Europe House“-Скопје го прослави својот 4 роденден со архитектонски конкурс, a нашиот алумни-студент и ментор Андреј Павлов го дизајнираше бренд-идентитетот за истиот.

Ексклузивниот конкурс беше наменет за млади архитекти и урбани планери кои ќе ја замислат и променат урбаната средина во Скопје. Преку оваа иницијатива, се обидува да се решат проблемите со напуштените и отуѓени јавни површини коишто можат да се обноват за новата генерација!

• 

• 

• 

НАШИТЕ МЕНТОРИ…

12 • Премиера на комедијата „Te dua, жими мене“, снимена по сценарио на Никола Кузелов

На 22 септември, во кино-салите на „Синеплекс“ својата премиера ја имаше „Te dua, жими мене“, во режија на Марјан Гавриловски, а по сценарио на Никола Кузелов. 

Покрај пишувањето на сценариото, Кузелов се јавува и во една од главните улоги во филмот и тоа улогата на протагонистот Кокан. „Те дуа, жими мене“ зборува за суштината на меѓучовечките односи, филмот е социјална комедија којашто обработува плејада тематики, почнувајќи од лажна љубов преку пријателство, религија, феминизам, криминал, па сѐ до вистинска љубов.

• 

• 

13 • Гордана Вренцовска, со награда за сликарство за делото „Патот на мудроста“

Оваа година, наградата за сликарство заслужено се најде во рацете на Гордана Вренцовска, за делото „Патот на мудроста“, јасно согледување и афирмација за нејзините дела во ликовниот простор. 

На 1 ноември се одржа годишната изложба на Друштвото на ликовни уметници на Македонија (ДЛУМ), во објектот „Мала станица“ при Националната галерија во Скопје. На отворањето на изложбата беа доделени три награди од областа на сликарството, скулптурата, графиката и новите медиуми.

• 

• 

14 • Менторите на хуманитарната модна аукција: „Денови за донирање“

Нашите ментори и долгогодишни соработници Никола Булевски -Буле, Ирина Тошева, Тања Кокев, Симон Ендровски и Катерина Тошева, беа дел од модната аукција со донаторски цели којашто се одржа во скопското кафуле „Интермецо“.
Преку наддавањето за донираните парчиња на модните дизајнери на добротворната модна аукција, се собраа фантастични 211.800 ден. Настанот беше дел од кампањата „Денови за донирање“, во рамките на УСАИД проектот „Партнерства за донирање“.

• 

• 

• 

• 

15 • Втора изложба и продолжение на проектот „FLUX: Surfacing“ на Ана Трајковска 

Интерактивната изложба на графики и инсталација од Ана Трајковска и Ивана Самандова, во септември го имаше своето долгоочекувано продолжение!

На изложбата којашто се одржа во Културно-информативниот центар – Скопје, анонимно беа претставени изгравираните чувства, емоции, искуства и трауматични мемории на посетителите од првата изложба. Сите визуелни прикази, во рамките на FLUX: Surfacing – формираат една целина низ којашто разновидните отпечатоци се испреплетени едни меѓу други, создавајќи интимна атмосфера помеѓу сите посетители на изложбата.

• 

• 

16 • Никола Булевски- Буле, на Интернационалниот форум за одржлива мода

Во рамките на овогодинешната Текстилијада во Штип, се одржа Интернационалниот форум за одржлива мода, низ призмата на брендовите и текстилниот концепт.

Еден од панелистите на форумот беше и нашиот ментор Никола Булевски кој, при своето излагање за медиумите, напомена: „Со текстилни ресурси и мали серии на производи, ќе може македонскиот текстил да биде конкурентен на европскиот пазар.“

17 • Зоран Кардула, со изложба на 30 графики во Полска

Klubo Galeria Dobro, во соработка со македонската амбасада во Полска, ја организираат овогодинешната серија на изложби од извонредни македонски графичари.

Првата изложба за оваа година ги содржи делата на познатиот илустратор Зоки Кардула и неговата серија од тринаесет графики коишто го прикажуваат брутализмот во македонската архитектура. Изложбата ја отвори амбасадорот на Северна Македонија во Полска, г-дин Илија Псалтиров, а истата ќе биде поставена во Klubo Galeria Dobro до крајот на оваа година.

• 

• 

18 • Александар Ношпал, овојпат со костимографијата за премиерата на „Ало Ало“

Нашиот светски познат моден дизајнер неуморно е присутен и на македонската сцена!

Ношпал, овојпат во соработка со Ивана Каранфиловска, ja изработи костимографијата за духовита пародија „Ало Ало“, во режија на Синиша Евтимов, чијашто премиера се одигра на 20 октомври на сцената на Театар Комедија. 

• 

• 

• 

• 

19 • Слаѓана Вујошевиќ, во организација на „Скомрахи 2023“

Се одржа 31-то издание на меѓународни средби на студенти „Скомрахи“ на Факултетот за драмски уметности -Скопје!

Нашата менторка, Слаѓана Вујошевиќ, оваа година беше дел од организацијата на „Скомрахи“ во улога на програмски директор, придонесувајќи кон поразноликата програма и големиот број на филмови коишто беа прикажани и оваа година.

„Скомрахи“ се одржаа од 1 до 5 ноември, а во рамките на истите беа одиграни осум театарски претстави и беа прикажани 25 филмови на студенти од Романија, Србија, Полска, Хрватска, Косово, Албанија, Шпанија, Белгија, БиХ, Турција, Црна Гора, Чешка, Иран и Германија.

—

Раните уписи за академската 2024/25 се во тек!
Погледни академии! [тука]

The post Оваа есен, во „Скала“: интернационални награди, 6 изложби и еден куп настани appeared first on Skala School.

Прочитајте за активностите на нашите ментори, нашата школа, но и информации од
формален и неформален карактер.

Ова лето во нашата школа ќе биде запаметено по успесите на нашите студенти, ментори и случувања коишто ги одбележаа изминатите два-три месеци.

НАШАТА ШКОЛА…

1. Поврзувањето на компаниите и студентите продолжува!

Студентите од академиите за дизајн во „Скала“ ги претставија своите портфолија пред претставници на десетици компании од креативните индустрии. Настанот се одржа на крајот на јуни, додека денес, голем дел од нив веќе се вработија или пак, ја започнаа нивната пракса кај нашите соработници. 

Ова лето, како и на почетокот на септември, нашите студенти ќе бидат дел од Publicis, Fabricca, Koma Design Studio, Division, Relish, Altius, Rinocca, BH Architects, Bella, FWSK, Heppiness, Светот на Биби, Ателје Ирина Тошева и десетици други, како и новите пријатели како Retolinks, Collarete, модното ателје Антонија Ристовска, BlackBellо, моднaта конфекција Амор Компани и други.

2. Марви Маратонот ги собра сите млади филмаџии на едно место!

Се одржа третото издание на „Марви Филмски Маратон“ во МКЦ во Скопје, со повеќе од 16 активности, филмови, дружби и изложби во рамките на тридневната програма. Каде е Марви, таму е и нашиот Мартин Чичовски, алумни-студент на Академијата за визуелни уметности и член на тимот на „Скала“.

Ни претставуваше особена гордост што како школа бевме дел од овој фантастичен настан на којшто исто така, својата премиера ја доживеаја 10 краткометражни филмови од нашите студенти. 

3. „Скала“ е на ТикТок!

Време беше да се приклучиме кон новиот бран на креативни доживувања. Отсега ви споделуваме нови рубрики, видео-содржини и искуства на нашите студенти на вашата омилена социјална мрежа ТикТок. Заследете нѐ, погледнете што сме ви подготвиле, срцнете нè за поддршка и уживајте во новите содржини коишто следуваат.

Се гледаме на ТикТок другари!

4. Зошто сертификатите во креативните индустрии во суштина се неважни?

Наставната координаторка во Скала, Ангела Николовска, во интервју за Иновативност, ги истакнува суштинските промени во образованието денес, како и важноста на неформалното образование.

„Тоа што денес нѐ радува е дека студентите сѐ повеќе се интересираат за квалитетот на наставата и вложеното време во едукацијата, наспроти тоа дали академијата е акредитирана или сертифицирана. Акредитациите или сертификатите во суштина се неважни, додека во пракса се лага. Студентите сфатија дека дипломите не ги вработуваат и тоа е здраво, а посебно ова важи за креативните индустрии.“

Горди сме на нашата колешка, класна и срцето на нашата школа!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

5. Фото-едиторијал изработен со вештачка интелигенција!

Во рамките на програмата на Академијата за моден дизајн, во соработка со студентите од Академијата за визуелни уметности, студентите изработија фото-едиторијал со помош на вештачка интелигенција. Студентите имаа можност да се вклучат во процесот на подготовки и планирање, како и да ја почувствуваат атмосферата за време на фотографирање во студио. За севкупното искуство, разговаравме со дел од студентите како и фотографот на едиторијалот, Ана В’чкова. Прочитајте повеќе тука.

Низ нивните приказни и креативни решенија, ги водеше менторскиот тим составен од врвни експерти во своите области, како: Никола Булевски – Буле, Александар Ношпал, Ирина Тошева, Елена Вангеловска и Дејан Џолев, во соработка и поддршка со останатите ментори на Академијата. 

6. Нова сезона обуки! Уписите започнаа..

Нови можности за развој на вештини, надоградба и дружба со креативци. Оваа сезона на обуки ја најавивме заедно со нашите фантастични ментори кои се одлично друштво и вистинското охрабрување за нови почетоци. Фотографиите доловуваат само дел од атмосферата за време на нашата дружба, а сè останато останува да го почувствувате од октомври.

Уписите се во тек, а сите обуки имаат 20% до 20 септември!

ОБУКИ // ДИЗАЈН И СОФТВЕРСКИ АЛАТКИ:

⊹ Figma: UX/UI дизајн [НОВО: погледни повеќе тука]
⊹ ADOBE Photoshop: Обработка на фотографија [ЕКСТРА ЦЕНА: погледни повеќе тука]
⊹ ADOBE Illustrator: Графички дизајн [погледни повеќе тука]
⊹ ADOBE PremierePro: Видео монтажа [погледни повеќе тука]
⊹ ADOBE After Effects: Моушн дизајн и анимација [погледни повеќе тука]
⊹ WordPress/Elementor: Веб дизајн [погледни повеќе тука]

— —

ОБУКИ // УМЕТНОСТ:

⊹ Фотографија [НОВИ МОДУЛИ: погледни повеќе тука]
⊹ Филмски актер [погледни повеќе тука]
⊹ Техники на кроење и шиење [погледни повеќе тука]
⊹ Цртање и сликање [погледни повеќе тука]

7. Нова видео-рубрика „Студент VS ментор“

Што би го прашале вашиот ментор доколку ја имавте можноста? 

Погледнете кои прашања ги постави нашиот студент Немања Пејиќ од Академијата за графички дизајн во разговор со Гордана Вренцовска, ментор на предметот Методологија на дизајн: (линк тука). Ова е првата епизода од видео-рубриката „Студент VS ментор“, а наскоро следуваат нови разговори со ментори и студенти и од останатите академии за дизајн во Скала. Биди во тек со најновите содржини и дознај повеќе за менторите и програмите на нашите академии за дизајн!

НАШИТЕ МЕНТОРИ…

9. Работилници за боење на тестил со Ирина Тошева

Во рамките на проектот „Земјоделските остатоци како текстилна суровина и дизајн–материјал во општина Кочани“, нашата менторка Ирина Тошева ја реализираше работилницата „Вовед во природно боење“ којашто опфаќаше знаење, вештини и информации за одржлива мода и текстил. Учесниците беа вклучени во истражување и изработка на прототип за иновативни пристапи при користење на оризов отпад во дизајнот. За време на тридневната работилница, беа изработени автентични парчиња облека коишто ќе бидат дел од овогодинешниот Fashion Weekend-Skopje.

Со нетрпение ги очекуваме финалните модни парчиња!

9. Апостол Тноковски во популарниот француски магазин „The Edge “

Покрај рубриките за брендови како Versace, Schiaparelli и Prada, во францускиот магазин „The Edge“ ова лето го имаме и написот за Falcon Piano, дизајнирано од Апостол Тноковски за француската компанија AC.PARIS.

Falcon Pianо е целосно транспарентно дигитално пијано, направено од 100% чист мономер од акрилно стакло. Дизајнот црпи инспирација од древниот Египет со ултра модерно рационално движење. Преку својот футуристички и остар облик, дигиталното пијано Falcon открива класичен аспект којшто покажува совршена рамнотежа помеѓу органските линии и дисциплината којашто ја бара класичната музика.

10. Хиперпродуктивниот костимограф Александар Ношпал не спие мирно…

Балетот на Хрватскиот народен театар-Сплит ја изведе балетската премиера на претставата „Дора и Слава“, во кореографија на Мартин Шајкс, со музика на Дора Пејачевиќ, во којашто совршено се вклопија раскошните костими на Александар Ношпал. Инспирацијата за костимите, Ношпал ја пронаоѓа во делата на најпознатиот цветен сликар во хрватското сликарство, Слава Рашкај, а неговиот моден дизајн брилијантно се надоврува со приказна.

Честитки за прекрасните креации!

11. ,,Galeria Collarette” студио во Охрид!

Првото концепт студио за ирис фотографија во регионот ова лето со ново студио во најпосетувата туристишка дестинација. Нашите соработници од Galeria Collarette на 24 јуни го отворија нивното студио во Охрид, овозможувајќи им на големиот број на постетители оваа сезона да поседуваат уникатен подарок. Ви споделуваме дел од атмосферата во новите простории на прекрасната локација во центарот на градот.

Се радуваме на новите почетоци и посакуваме големи успеси!

12. Новите академски подвизи на Кристина Крагујевска

Нашата менторка и коосновач на „Скала “, Кристина Крагујевска, ова лето ги заврши магистерските студии за Интелектуална сопственост на Универзитетот во Торино, како стипендист на  Светската организација за интелектуална сопственост. Нејзината специјализација во моментот е на тема: „Artificial Intellegence, Trade secrets and transparancy“, а наскоро продолжува и со своите докторски студии на Правниот факултет при Универзитет Торино во област Интелектуална сопственост во академија.

Посакуваме уште многу успеси и испраќаме искрени честитки!

13. Нови ментори во Скала, добредојдовте!

Тимот на ментори на „Скала“ во ново руво, три нови ментори ни се приклучуваат во тимот. Континуирано работиме на подобрувањето на нашите програми, квалитетот на наставата и внесуваме нова енергија и експертиза во нашата школа. Им посакуваме топло добредојде на Благој Ѓелевски, Андреј Стамевски и Слаѓана Војушевиќ. 

Оваа сезона на обуки во „Скала“, студентите ќе имаат можност да стекнат знаење од: 

Благој Ѓелевски, ментор на обуката за WordPress/Elemеntor, експерт во веб-дизајн и SEO, со повеќегодишно професионално искуство како веб-дизајнер за домашни и странски клиенти, како и основач на Агенцијата за дигитален маркетинг – Tivius

Андреј Стамевски, во рамките на обуката за најпопуларниот софтвер FIGMA, искусен графички дизајнер и консултант со интернационално работно искуство. 

Гласот на Биби ќе ја предводи програмата на обуката Филм и филмски актер. Познатата театарска, филмска и ТВ-актерка со интернационална кариера, Слаѓана Вујошевиќ, исто така ни се придружува кон тимот на ментори.

Среќно!

_____

Уписите за новата Академска 2023/24 година се во тек!

The post Ова лето ќе биде запаметено по… appeared first on Skala School.

Прочитајте за успесите на нашите студенти и случувања кои ги одбележаа во последно време. Прочитајте и за активностите на нашите ментори, но и информации од неформален карактер.

Пролет 2023та гушнати! ♡

НАШИТЕ СТУДЕНТИ…

1. Нашите студенти (алумни и тековни) беа учесници на Моден викенд Скопје

Десетици студенти од повеќе генерации и академии се „судрија“ на Моден викенд кој се одржа во просториите на East Gate Mall. 

Тековни студенти од Академијата за графички дизајн и алумни студенти од Академијата за визуелни уметности беа дел од тимот на FWSK, кадешто изработија документарно видео + фотографии од учесниците на Модниот викенд. А токму помеѓу учесниците, веќе истакнати модни дизајнерки, алумни студенти од Академијата за моден дизајн, но студенти и позади сцената како дел од организацијата на настанот.

ПРЕГОРДИ!

2. Се вработија 12 студенти во различни индустрии и компании

Освен што нѐ радуваат со своите знаења, влегуваат и во нови работни навики и креативни светови. Изминатиот месец 12 студенти од Академиите за дизајн се во активен работен однос.

6 студенти од Академијата за UX/UI+ дизајн се вработија во маркетинг агенцијата „Дивижн“, Јована се вработи во концепт студиото „Collarete“, Стефан е во „Fashionel“, Tea во модното студио „Stylitics“.

Честитки на сите! <3 Повеќе детали за овие вести – наскоро! 🙂

3. Стефан Трпески им правеше фотосесија на Funk Shui

Студентот на Академијата за визуелни уметности, Стефан Трпески е актуелен фотограф на домашната музичка и клупска сцена, а последно направи одлична фотосесија на нашиот познат алтернативен бенд, Funk Shui.

НАШАТА ШКОЛА…

4. Да почнеме од почетокот! Се преселивме во нов простор

Скала смени локација – на уште поубаво место, со едни кружни прозорци кои ни го шират видикот. Од Дебармаало, се преселивме во централниот дел од градот, а просториите дишат со уметност, дизајн и најважно: имаме меки перници, книги и многу повеќе простор.

Ви споделуваме неколку фотографии од нашиот cosy простор за деловна и опуштена дружба.

5. Доделени дипломите на студентите од UX/UI+ дизајн Академијата

Освен што направија прекрасни и креативни презентации коишто ги претставија пред менторите, студентите од Академијата од UX/UI+ дизајн ja заокружија својата академска година и им беа доделени дипломи и уверенија.

Веднаш по дипломирањето сите студенти станаа дел од иста маркетинг агенција! [За нивното вработување повеќе вести наскоро].

Нека ви е со среќа и со успех понатаму!

ПОГЛЕДНИ ПОВЕЌЕ ЗА СИТЕ 6 АКАДЕМИИ ЗА ДИЗАЈН [ТУКА]
Академија за графички дизајн
Академија за UX/UX+ дизајн
Академија за визуелни уметности
Академија за моден дизајн
Академија за ентериер и продукт дизајн
Академија за фотографија

6. Завршната изложба на студентите од курсевите по фотографија, цртање и сликање и кроење и шиење – „П(р)олет“

Паблик Рум беше преполн публика, блиски пријатели и љубители на дизајнот и уметностите. Ги поделивме сертификатите на повеќе од 90 студенти и уживавме во уметничкиот израз на нашите студенти.

Среде февруари, остваривме пролет!

7. Започнаа уписите за академската 2023/24!

Во оваа година предвидено е да се запишат 160 студенти во академската 2023/24 на нашите Академии за: Графички дизајн, UX/UI+ дизајн, Визуелни уметности, Моден дизајн и Ентериер и продукт дизајн.

Оваа година воведуваме и еден ексклузивитет и новина: Академија за фотографија! Единствена Академија од овој тип понуди со богата наставна програма.

★ РАН УПИС ДО 15 МАЈ: Заштеди до 500 евра и резервирај си место на време!

НАШИТЕ МЕНТОРИ…

8. Гоце Кралевски го продуцираше филмот „Преекспонирано“

Менторот на Академијата за Визуелни уметности, Гоце Кралевски е продуцент (и монтажер) на филмот „Преекспонирано“, во режија на Елеонора Венинова. Филмот имаше светска премиера во Египет на Cairo International Film Festival, беше дел од European Film Market како дел од Берлиналето, и потоа во Италија, во официјалната главна селекција на фестивалот „Кинест фест 2023“. Главните улоги ги толкуваат познатите домашни актери: Камка Тоциновска, Благој Веселинов, Сара Климоска и Марјан Наумов.

9. Антонио Станков влезе во фотографскиот бизнис – Го отвори „Collarete“

Нашиот драг асистент, омни-студент и фотограф, Антонио Станков го отвори своето концептуално студио за фотографија „Collarete“. Студиото е специјализирано за за ирис фотографија, каде луѓето можат да дојдат и да си го фотографираат својот ирис од окото, кој патем е еден од најкарактеристичните и уникатни делови од нашето тело. Првичната идеја потекнува од популарниот филм “I Origin”.

Уште не сме му отишле да ни го „фати окото“.

Честитки Тончи!

10. Зоран Кардула со изложба со силна порака за (женската) иднина

Менторот на Академијата за графички дизајн, Зоран Кардула имаше своја изложба во City Mall на денот на жената – 8ми март, со име „Иднина е женски род“ каде беа поставени десетици илустририрани лица на домашни жени активистки, борки за права, уметници.

Браво Зоки!

11. Андреј Павлов ја доби главната награда за „Swatch на кирилица“

Менторот на курсот за графичка илустрација и „ADOBE Illustrator“, Андреј Павлов, имаше победнички дизајн во рамки на платформата „Swatch на кирилица“. Часовникот кој ја претставува домашната ритмика на 7/8 такт и срце кое чука во тој ритам ги освои членовите од жири комисијата составена од Крсте Роџевски, Влатко Стефановски, Симон Трпчевски, Милчо Манчевски, Славимир Стојановиќ – Футро и Михаил Корубин.

Честитки Андреј!

12. Никола Булевски- Буле со иновативен пристап кон 3Д дизајн на облека

Нашиот ментор од Академијата за моден дизајн е неуморен кога станува збор за трендовите во модниот свет. Тој преку  платформата Skils4Future е промотор на  VSTITCHER 3D Design софтверот, алатка за поедноставување при креирање облека на дигитален начин.

13. Дејан Милосавлески го лансираше Vendor, платформа за е-commerce

Нашиот ментор на Академијата за UX/UI + дизајн, го лансираше таканаречениот дигитален „продавач“, односно Vendor, платформа основана за онлајн продажба и комуникација со стратешки партнери и компании.

14. Александар Ношпал работи на костимографија за премиера во парискиот „Гарние“ театар

Менторот на Академијата за Моден дизајн работи на многу светски, но и домашни оперски сцени со своите костими. Изминатиов месец ја подготвува целосната костимографија за балетска престава во престижниот „Гарние“ театар во Париз, а во меѓувреме е активен и на домашната сцена како главен костимограф на неколку настани.

15. Менторите на форум и театарска работилница во Трст, Италија

Менторите Никола Кузелов и Сандра Георгиева од Академијата за визуелни уметности беа дел од форумот „When East Meets West“, учествувајќи на интензивната театарска неколкудневна работилница во Трст, Италија. Tие го преставија својот филм „The certificate of life“ за кој добија поддршка од тамошната заедница.

16. Теа Беговска со три нови активности

Нашата менторка од Обуката за филмски актер почна со нова сезона на „Културо“ на Наша ТВ. Беше дел од Жирито на Интернационалниот театарски фестивал АРТ ТРЕМА во Рума, Србија и е активна асистентка по актерска игра на Универзитетот EUROPA PRIMA.

_____

Уписите за новата Академска 2023/24 година се во тек!

+ Побрзај со ран упис и добиј попуст до 500 евра!

Погледни што се случуваше вo 2022.

The post Оваа пролет во Скала: 12 вработувања, Филмски фестивали, Фанк шуи… appeared first on Skala School.

Летово никако да стивне. И во јули и август имавме многу интересни настани и активности кои ги одбележаа месециве.

Прочитајте за успесите на нашите студенти и случувања кои ги одбележаа јули и август. Прочитајте и за активностите на нашите ментори, но и информации од неформален карактер.

Ви благодариме јули и август! ♡

НАШИТЕ СТУДЕНТИ…

1. Мартин Чичoвски со премиера на сериски филм

„Генерација Бушави“ се одигра премиерно на платното во Кино Милениум! Играниот сериски филм е во режија на нашиот студент Мартин Чичовски од Академијата за визуелни уметности.

Серијата обработува повеќе теми, поврзани околу бурниот живот на младите и злоупотребата на моќ, секојдневието на еден тинејџер… Со уникатна структура, серијалот има шест епизоди, кои наскоро ќе имате можност да ги гледате и пред малите ТВ екрани.

Честитки Мартин!

2. Никола Панов имаше своја изложба на стрип

Студентот на Академијата по визуелни уметности, Никола Панов направи одличен стрип под насловот „Charlie Bang“ кој беше промовиран во Амок Радио бар, проследен со музичка позадина од двајца домашни артисти.

Останаа само уште неколку примероци, побрзајте во Амок Радио бар, по цена од 250 ден.

3. Диме Данов во коавторство со фотографии на изложбатa „Скопски колажи“

Нашиот Диме Данов е неуморен кога е во прашање фотографирање. Како студент на Академијата за визуелни уметности, тој заедно со поетесата од Србија, Валентина Бакти беше дел од изложбата „Скопски колажи“ која се случи во кафе книжарницата „Буква“.

4. Стефан Танков во соработка со Деница Стојкоска направија постер-дизајн за книжевен фестивал

Студентот на Академијата по графички дизајн Стефан Танков заедно со Деница Стојкоска, алумни на Академијата за визуелни уметности го изработија постер-дизајн решението за Фестивалот за европска книжевност „Bookstar“, под слоганот „Brave new wor(l)ds“.

5. Антонио Станков со фотосесија за домашен бренд за костими за капење

Тончи ни е неуморен! Ова лето нашиот поранешен студент, асистент и вечен фотограф од Студио 1, фотографираше наша поп ѕвезда, пејачката Викторија Лоба за потребите на летната колекција на еден домашен бренд за модни додатоци.

НАШАТА ШКОЛА…

6. Започнаа уписите на нашите курсеви!

Оваа година имаме четиринаесет обуки од областа на уметноста, дизајнот и технологиите, а како новитет се курсот за HTML/CSS & JS и WORDPRESS DEVELOPMENT.

За свеж почеток на учебната година, прочитајте што изјавија Ангела Николовска, Наставниот координатор и Ана Голејшка Џикова, Раководителката на односи со јавност во Скала.

7. Студентите се претставија пред компаниите

ЈУЛИ: Поврзувањето на креативните индустрии со нашите студенти е најважниот приоритет, а тоа го докажавме со дводневниот настан „Студентите зборуваат“. Тие имаа шанса да го претстават својот труд пред професионалци од различни индустрии и да договорат летни пракси и можности за вработување.

АВГУСТ: Денес повеќе од 50 студенти ги привршуваат своите професионални пракси, а дел од нив веќе и се вработија во компаниите! Очекувајте наскоро повеќе пишуванки на оваа прекрасна тема.

Браво студенти!

8. Се случи и шестата „Скала“ изложба

Врнеше дожд дента, но тоа не ги поколеба сите вљубеници на уметноста да дојдат на VI-тата „Скала“ изложба, на темата „Слобода“. Освен делата од нашите студенти, и импресиите од атмосферата, присутните уживаа и во техно-диџејството на домашниот артист Мethamill – наш алумни студент од Академијата за графички дизајн.

9. Нашите Скалаџии Ана и Андреј заедно работеа на поетска книга

Нашите колеги соработуваат и надвор од работните профили 🙂

Раководителката на односи со јавност во нашата Школа, Ана Голејшка Џикова објави своја нова поетска книга „Слобода А“, во издание на ПНВ Публикации, а илустрациите во книгата и самата насловна ја изработи графичкиот дизајнер во Скала, Андреј Павлов.

Честитки, другари!

НАШИТЕ МЕНТОРИ…

10. Драги Неделчевски со нов есеј од низата „Белешки од една фотографска авантура“

Нашиот ментор на Академијата за визуелни уметности, Драги Неделчевски, месецов нè почести со прекрасен есеј во рубриката Менторски осврт. Во него ја разработи темата на немирот и напорот кога фотографијата станува неизоставен дел од тешките, но и убавите мигови на „Животот во кутија“

11. Зоран Кардула изложби инспирирани од серијалот „Star Wars“ и Македониумот

Менторот на Академијата за графички дизајн , Зоран Кардула во август направи ликовна изложба во Крушево во споменикот Македониум, инспирирана од култниот серијал „Star Wars“. Изложбата беше со многу голема посетеност, а имаше и огромен интерес за постерите и маички со негов дизајн, каде централно беше вклопен Македониумот.

12. Дeјан Џолев повторно пробуричка во дизајнерската кутија на Пандора

Нашиот уметнички координатор, основач на Школата и ментор на Академиите за дизајн Дејан Џолев, месецов објави „став“ на нашата студентска платформа „Скала магазин“, за новото постер решение за „Скопје џез фестивал“.

Всушност се работи за аналитички осврт на последните 20тина години од креативите на фестивалот. Целиот текст може да го прочитате тука.

_____

Погледни што се случуваше во месец мај и јуни.

Уписите за новата Академска 2022/23 година се во тек.

+ Уписите за 14 обуки од областа на дизајнот, уметностите и технологија се во тек!

The post РЕТРОСПЕКТОР: Активно и успешно лето за Скала и нашите студенти [јули + август] appeared first on Skala School.

Во месец мај и јуни… Ох колку многу нешта се случија!

Прочитајте за успесите на нашите студенти и случувања кои ги одбележаа овие два месеци. Прочитајте и за активностите на нашите ментори, но и информации од неформален карактер.

Ви благодариме месец мај и јуни! ♡

НАШИТЕ СТУДЕНТИ СЕ НЕУМОРНИ…

1. Гаја Смилевска изложи свои дела во МКЦ

Нашата студентка на Академијата за визуелни уметности имаше своја изложба и учество во проектот на МКЦ „Цртање на приказни“, заедно во друштво со едни од најпознатите домашни уметници – Матеј Богдановски, Владимир Лукаш, Ѓорѓе Јовановиќ…

Нејзините дела ги има и во дигиталната галерија овде.

2. Наши студенти учествуваа на Community Table на панел дискусиите на Fashion Weekend Skopje.

Мартин Николоски, заедно со Катерина Тошева и Никола Јовановски, алумни студенти на Академијата за графички дизајн и Академијата за моден дизајн, учестуваа на креативните разговори Creative Talks, но беа и дел од панел дискусиите на Fashion Weekend Skopje. Темата на Community Table беше околу придонесот на македонските дизајнери во општеството, но и во младинското претприемништво. Тема која заслужено ги отвори важните прашања околу состојбата во индустријата.

3. Михаела Панова со најдобар дизајн на костим за капење на кокурсот на SALT MILANO

Нашата студентка на Академијата по моден дизајн, победи на конкурсот на SALT MILANO, со најдобар дизајн на костим за капење. Нејзиниот минималистички пристап и претставување на костимот за капење одговараше најмногу на идејата која од ја бараа, а овој модел ќе биде дел од колекцијата на SALT MILANO за 2022.

Честитки, Михаела!

4. Наши студенти се претставија со свои колекции на Fashion Week

Сара Величковска, Катерина Тошева и Мирјана Јосифоска се алумни на Академијата по моден дизајн, и имаа свое претставување на колекциите на Fashion Week Skopje кој се одржа во Градски парк. Трите претставувања имаа различен стилски и наративен изглед, а публиката можеше да види многу уникатни парчиња од нивните колекции.

5. Имаме супер лого за 10 години постоење на „Скала“

Дејан Ичев, студентот на Академијата за графички дизајн ни направи најкул лого по повод деценија од постоењето на „Скала“.

6. Елена Божиновска, нашата Скалаџика беше учесник на Младинскиот форум за политики

Учеството на Елена на Младинскиот форум за политики е важен сегмент од слушање на гласот на младите, со клучни барања кои ќе ја подобрат положбата на младите и младинските политики.

7. Мартина Пенева, диџејува низ градот

Нашата студентка по Ентериер и продукт дизајн, освен што прави ултра кул ламби, активно диџејува, пуштајќи музика низ сите сетови во Скопскиот етер! Ако не сте биле досега на нејзин сет – не пропуштајте следна прилика.

8. Марјан Анѓеловски објави книга, а доби и европска награда за современа драма

Марјан е наш студент на Обуките по Филмска режија, којшто ја промовираше својата книга „Среќен мртовец“ во салонот КИЦ, книга полна сатира и драма. За драмата „Среќен Мртовец“ добитник е на награда на европско ниво за 2022 година според „Еуродрам“ – Европската мрежа за современа драма

9. Да, да, Росоман не е познат само по праски, туку и по уметност!

Томе Арсов, омнистудентот имаше своја изложба на фотографии во своето родно место Росоман, со голема посетеност и широки насмевки на присутните кои уживаа во кадрите кои ги „лови“ Томе.

НАШАТА ШКОЛА…

10. Бевме номинирани на EE Awards, и освоивме второ место со „Скала Магазин“

На Emerging Europe Awards бевме номинирани и освоивме второ место со „Скала Магазин“ за Youth Empowerment. Оваа награда го стави „Скала Магазин“ на европската мапа на платформи кои прават сигурни чекори во промоцијата на уметноста и поддршката на младите креативни гласови.

Па браво за нас!

11. Се случија Отворени денови „Дизајн, коктели, технологии и апетисани“, во два дена со многу шарени пијачки и дружба…

Менторите Зоран Кардула, Илија Паунков, Ирина Тошева, Дејан Милосавлески, Апостол Тноковски им пренесоа на присутните на Отворените денови низ разговор и претставување на својата работа дел од своите професионални искуства, но и дискусија за оние што сакаа да дознаат повеќе – за работата во индустријата, промените, но и можностите на пазарот.

12. Пуштивме чекор со [ЧЕКОР]– завршна студентска изложба и проекција на кратки филмски етиди и кратки филмови

Повеќе од 100 учесници во изминатите неколку месеци ги посетуваа обуките: фотографија, филмски актер, цртање и сликање, кроење и шиење, Adobe Photoshop и Аdobe Illustrator… Заедно пуштивме чекор и во преполната галерија во Паблик Рум, се случи завршната студентска изложба „Чекор“ како и проекција на кратки филмски етиди и кратки филмови, на задоволство на мноштвото присутни.

13. Го одржавме целодневниот настан „Добро утро креативци“

Целта на овој настан е на едно место да се соберат и претстават актуелните случувања во креативните индустрии, уметноста, дизајнот, културата и образованието. Програмата вклучуваше и саемски изложбен и продажен простор, музички перформанси, панел дискусии и секако – галериска изложба.

Добро утро креативци саем:

Место за чуда 🙂

Во рамки на саемското изложување, се претставија 13 физички и правни лица од креативните индустрии: Ана Јовановска [уметност, дизајн, книги], Данче Станковиќ [ѕидни мурали], Елена Ристовска [накит од сребро и месинг], Еснаф [производи од рачни изработки], Јулија Барбун [накит од епоксидна смола и живи цвекиња], Мирјана Јосифоска [нова модна колекција на шапки], Сказнувалка – Друштво за издавачка дејност [сликовници и книги за деца и млади], Книговез [рачни изработки од хартија и кожа], ХОПС – Опции за здрав живот Скопје [светлосни елементи, хартиени садови], Хеклана [плетена облека и накит], Џолев и уметностите [Школа за дизајн и уметност], 5 до 12 [производи од рачни изработки], Reд [облека и модни додатоци].

Добро утро креативци изложба:

Галериската групна изложба беше отворена во 20 часот на којашто беа претставени слики, скулптури, графики и фотографии. Огромен придонес и чест беше учеството на значајните македонски автори од ликовната сцена, многу од нив и наши професори, активни, но некои од нив и веќе во пензија: Јовица Мијалковиќ, Мирослав Масин, Жарко Башески, Сергеј Андреевски и Симон Шемов.

Добро утро креативци панел:

Сè што сакавме да дознаеме од позиција на уметник/дизајнер за NFT поразговаравме со Иван Ивановски, претприемач, сопственик на „Bike Computer“ и креативец и Андреј Димов, софтвер девелопер. Настанот го модерираше Дејан Џолев, филмски режисер, визуелен артист, основач на „Џолев и уметностите“ и уредник на „Скала магазин“.

Панел дискусијата беше на тема „NFT- Механизам за продажба на уметност или медиум?“ и успешно ги „собра“ актуелните и потенцијалните студенти, особено отворајќи прашања и дискусиите околу главната тема за „хаосот“ на креативниот пазар. Имаше интересни заклучоци и демистифицирање на NFT-то како средство за трговија и уметност.

Добро утро креативци музичка програма:

За дневната музичка програма се погрижија нашите драги пријатели и другари: Мирко Попов, Марко Вилиќ, Лука Кекиќ и Baltiq, кои го „раздвижија“ амбиентот, секој со свој посебен музички придонес.

За звукот во галеријата се погрижи Маестро Георги Трајков на класична гитара. А веднаш потоа на електрични гитарии рипнаа Lepi Xhoni [Љупа Ангелов] + Shema Crew [Андреј Павлов и Андреј Игњатовски]

★ ЗАШТЕДИ 300 ЕВРА СО РАН УПИС ДО 30ти ЈУЛИ! ★

НАШИТЕ МЕНТОРИ…

14. Ирина Тошева со нова колекција по повод 10 годишната работа

Нашата менторка на Академијата за моден дизајн, креираше нова колекција инспирирана од јуручката заедница во Македонија. Колекцијата е наречена OYA, а беше проектиран и документарен филм „Латици“ на оваа тема. Ирина со оваа колекција ја заокружи својата деценија работа во модната индустрија. Честитаме!

15. Теа Беговска имаше успешна премиера на сцената на Драмски театар

Нашата менторка на обуката за филмски актер, имаше успешна премиера со театарската претстава „Вернисаж“, дебитирајќи на сцената на Драмски театар.

16. Зоран Кардула изложи кул постери со ретро-тема

Менторот на Академијата по графички дизајн направи одлична изложба со постери инспирирани од музичката тема на „Новиот бран“. Постерите беа изложени во неформална атмосфера во Аудиокултура.

17. Дејан Џолев даде интервју за inovativnost.mk: НИЕ СМЕ СКАЛА – Школа за дизајн, уметност и технологија!

Џолев вели: „Среќни сме затоа што ја сведочиме среќата на студентите. Нивниот професионален развој. Радува фактот што наши студенти денес се активни учесници во креативната индустрија и заедница, а оние кои одлучија да го продолжат образованието, денес се на престижни светски универзитети.

Тимот. И не само активниот тим, туку сите кои имале придонес кон Школата изминатите 10 години. Ние не сме колеги, ние сме семејство! Нашата Школа не е зграда, Школата ни е дом.“

Да си прославиме и 100 години, нека ни се множат!

18. Крсто Златков беше жири на Бизнис Креативниот Куп годинава, но и панелист на конференцијата за фриленсери

Овој глобален настан е спроведуван во повеќе од 70 земји во светот, а Smart UP- Social Innovation Lab- Лабораторија за социјални иновации го прави достапен и за домашната креативна бизнис заедница, каде Крсто беше дел од жири – комисијата, на висина на задачата.

Се читаме следен месец! ♡

Погледни што се случуваше во месец март и април тука.

The post РEТРОСПЕКТОР: Мај + Јуни appeared first on Skala School.

 

Во месец март и април…

Прочитајте за успесите на нашите студенти на интернационални и домашни фестивали, вработувањата во креативните индустрии по завршување на Академиите за дизајн. Прочитајте и за активностите на нашите ментори, но и информации од неформален карактер.

Ти благодариме месец март и април! ♡

НАШИТЕ СТУДЕНТИ…

1. Студентките од академијата за ентериер и продукт дизајн на Скала

Пет студентки од Академијата за ентериер и продукт дизајн, под менторство на „Rinocca”, ги претставија во јавност своите дела изработени во текот на првиот семестар на студентската платформа „Скала Магазин“. Прочитајте ги „Скаличките“ со Марија, Сара, Мартина, Кристина и Елеонора.. ♡
 

На скалички со Марија Ифтимова
На скалички со Сара Илиевска
На скалички со Мартина Пенева
На скалички со Кристина Петровска
На скалички со Елеонора Митревска

2. Скала Магазин дел од Балканската платформа – Youth Newsroom

На почетокот од оваа година Скала Магазин стана дел од „Sphera“ – платформа за алтернативни медиуми во Европа, а од овој месец се приклучи и кон Балканската платформа на алтернативни медиуми „Youth Newsroom”, преку која ќе следат низа интересни активности. Со тоа Скала го проширува своето парнерство на соработки низ цела Европа.

3. Нов подкаст: „Парк шема“

Скала се зголемува со нови интересни содржини! Подкастот „Парк Шема“ на aлумни студентот Андреј Игњатовски, заедно со Петар Марковиќ стана дел од нашата студентска платформа, а првата, втората и третата епизода од втората сезона може да ја погледнете тука: https://skala.mk/category/video-audio/park-shema/

4. Мирјана Јосифовска учесник на „Skopje Fashion Festival”

Од 04 до 27 март се одржа првото издание на Skopje Fashion Festival во Skopje City Mall, каде зема учество и нашата алумни студентка – Мирјана Јосифовска. 

„На showroom-от организиран од фестивалот, кој траеше од 07-27 март ја изложив мојата колекција на шапки “The Seven”. Колекцијата се состои од 7 модели на шапки и баретки, од кои некои модели се достапни во повеќе бои, а другите се модели со две лица. Настанот беше одличен начин за дизјнерите од регионов да ги изложат своите парчиња, но иста така и да им овозможат на посетителите да ги пробаат и да ги купат изложените модели. Големо да за ваков вид на настани во иднина.“ – ни раскажа Мирјана.

Епа Мирјана, честитки и ти посакуваме многу успешни модни фестивали! 

5. Наши студенти на четврта Скала изложба

Нашите студенти Душко Ичев, студент на академијата за графички дизајн и Мануела Златкова и Ана Вчкова студентки на академијата за визуелни уметности, учествуваа на четвртата Скала изложба, која се одржа на 21 април во Јавна соба. 

НАШАТА ШКОЛА…

6. 10 години – Џолев и уметностите

Нашата Школа заокружи една деценија од првиот одржаниот час!

60+ ментори
30+ едукативни програми
2.500+ обучени лица
50+ настани со 50.000+ посетители [изложби, премиери, промоции, дискусии..
2 години Skala Magazine – дигитална платформа за дизајн и современа уметност, отворена за промоција на домашните млади креативци како и следење и поддржување на културните настани и сцена.
10 години Школа за дизајн и уметност!

Благодарни сме на вашата доверба! Благодарни сме и до целиот наставен и административен колегиум од учебната 2021/22 година, но и сите претходно изминати години! Продолжуваме да растеме заедно! ♡

7. Почеток на нова Академска програма за UX/UI+ дизајн 

Во месец март ги доделивме стипендиите за новата Академија за UX/UI+ дизајн чија настава започна на 8 април. Доделени беа вкупно шест стипендии, од кои дел од Институтот за дизајн и технологија – ИДТ Скопје и парнерските компании „Навигаторс“ и „Altius Solution”. Во наредните месеци, студентите ќе се стекнат со повеќе практични вештини и можности за кариера:UX/UI дизајн, front-end и WordPress девелопмент. Им посакуваме многу среќа и успех во наредните 9 месеци!

8. Успешно заврши Образованието е повеќе од 5.0

И оваа година, нашата Школа ги поддржа средношколците кои изминатата година ја завршиле со просек под 3.9. Беа доделени три целосни стипендии на три средношколци за бесплатно изучување на обука по избор од новата пролетна сезона.

9. Нова програма: Креативно пишување низ приказна и песна – „Писатели и пејачи“ 

Во нашата Школа се создава песна! Најмладите го започнаа своето креативно патување преку програмата насловена како  „Писатели и пејачи“, под менторство на поетесата Ана Гојлешка Џикова. Креативниот процес се состои од вклученост, едукација, забавно откривање на јазикот и целосна слобода на изразот на децата. 

НАШИТЕ МЕНТОРИ…

10. Гордана Вренцоска претседателка на жири

Менторката на Академијата за графички дизајн – Гордана Вренцоска е претседателка на жирито за четвртата Скала изложба со поддршка од Young Cities. Изложбата ја обработуваше темата „Поларизација“ и истата се одржa на 21 април во Јавна Соба.

11. Менторките од Ринока на насловна на Скала

Менторките од Академијата за ентериер и продукт дизајн – Катерина Трпковска и Деспина Здравкова, познати под името на брендот „Ринока“, беа дел од насловната на изминатиот ХХХ број на Скала Магазин. Нивното интервју со главниот уредник Дејан Џолев може да го прочитате тука.

12. Менторот Кардула со 2 нови изложби

Во изминатиот месец, постерите на менторот Зоран Кардула беа дел од групната поставката “Transformations!” на Галеријата Сакура во Париз. Потоа, тој се претстави и во Тирана со изложбата насловена како „The females and few males”. Му честитаме и посакуваме огромни успеси во иднина!

13. Никола Булески и Ирина Тошева со учество на настан УНДП

Менторите на Академијата за моден дизајн, Никола Булески и Ирина Тошева беа дел од настанот “Skills4Future week” каде што ги претставија своите мислења преку панел дискусија за темата: “Како дигиталните трансформации се голем предизвик за модната индустрија?“. Погледнете дел од атмосферата: https://www.facebook.com/skills4future.mk/posts/151589467329172 

14. Бане Наумовски со сопствена изложба 

Ликовниот уметник, Бане Наумовски  ја претстави својата изложбена поставка изминатиот месец во МКЦ, насловена како ,,ПУКНАТИНИ / ТРАНСФОРМАЦИИ”. Овој проект се занимава со „конкретноста на расцепнатото наспроти смиреноста на деловите од површините“.

15. „Актер – човек“ во режија на Теа Беговска | Даријан Петров дел од актерската екипа

Теа Беговска, менторка на обуката за филмски актер со две нови изведби на претставата „Актер – човек“ во МКЦ и на фестивалот “Keza festa” во Бања Лука за светскиот ден на театарот – 23 март. Во актерската екипа е и нашиот ментор на детските програми за драмски актер, Даријан Петров.

16. Петар Џон со анимации за „Омаж“

Менторот на Академијата за визуелни уметности, Петар Џон ги визуелизираше музичките дела на неодамна починатиот македонски композитор Томе Манчев. Делата беа претставени на настанот „По стапките на проф. д-р sci Томе Манчев“ одржан во Кинотека на 27 април. 

Се читаме следен месец! ♡

Погледни што се случуваше во месец јануари и февруари тука.
10 години Школа за дизајн и уметност “Џолев и уметностите”.

Уписите за новата генерација студенти на Академиите за дизајн: // графички дизајн // моден дизајн // дизајн на ентериер // визуелни уметности // и веб дизајн // се во тек! Погледни повеќе на овој линк.

The post РEТРОСПЕКТОР: Март + Април appeared first on Skala School.

Ти благодариме месец јануари и февруари! ♡

НАШИТЕ СТУДЕНТИ…

1. Аника Чорбеска на панел-дискусија во Будимпешта

Аника Чорбеска – алумни-студентката на Академијата за визуелни уметности, ја претставуваше нашата студентска платформа „Скала магазин“, на настанот организиран од European Lab, во Будимпешта. насловен како EUROPEAN LAB BUDAPEST // NEXT GENERATIONS: TAKEOVER! Taa беше дел и од панел-дискусијата на тема: „Формата на медиумите за идните генерации“.
 

 

 

2. Андреј Павлов – нов ментор на курсот „ADOBE Illustrator“

Алумни-студентот на Академијата за визуелни уметности, Андреј Павлов е новиот ментор на програмата „Курс: ADOBE Illustrator“, којшто започнува на 20 март. Андреј дипломирал на Машинскиот факултет при Универзитетот Кирил и Методиј Скопје во полето на индустриски дизајн, воедно има неколкугодишна континуирана работа како илустратор и визуелен уметник во областа на линиска уметност и дигитална илустрација.

3. Студентите од Академијата за ентериер и продукт-дизајн

Студентите на Академијата за ентериер и продукт-дизајн на предметот Прототип дизајн студио, под менторство на Катерина Трпковска и Деспина Здравкова, имаа задача да изработат table lamp и side table како проекти од првиот семестар. Во прилог, ви споделуваме неколку фотографии од првите изработки. 

НАШАТА ШКОЛА…

4. Уписите се во тек!

Во тек се уписите за новата XXI-сезона на 14 едукативни програми за возрасни и деца, во вид на обуки, курсеви и работилници од областа на дизајнот и уметностите, со физичка настава во нашите простории.

✎ ФОТОГРАФИЈА
✎ ТЕХНИКИ НА КРОЕЊЕ И ШИЕЊЕ
✎ ЦРТАЊЕ И СЛИКАЊЕ
✎ ФИЛМСКИ АКТЕР
✎ ADOBE PHOTOSHOP
✎ ADOBE ILLUSTRATOR
✎ ADOBE PREMIERE
✎ ADOBE AFTER EFFECTS
✎ ФИЛМСКА РЕЖИЈА
✎ UX/UI дизајн

KIDS-програми:
✎ Писатели и пејачи
✎ Цртање и сликање
✎ Драмски актер
✎ Имагинација

5. Завршен настан на студентите од курсевите: фотографија, филмски актер и цртање и сликање

Повеќе од 100 учесници, изминатите 4 месеци ги посетуваа обуките: фотографија, филмски актер, цртање и сликање, кроење и шиење, Adobe Photoshop и Аdobe Illustrator… Минатата сабота, заеднички ги претставија своите проекти на завршната јубилејна дваесетта изложба насловена како „Отисок 20“.

6. Испитна сесија на академиите за дизајн

Се одржаа испитните сесии на сите академии за дизајн [графички, моден, ентериер и продукт, визуелни уметности] каде што студентите ги претставија јавно своите дела и проекти од првиот семестар пред најдобриот менторски тим, составен од универзитетски професори и професионалци од дејностите: Александар Ношпал, Никола Булески – Буле, Зоран Кардула, Дејан Џолев, Влатко Ристов, Елена Вангеловска, Апостол Тноковски, Илија Паунков, Катерина Трпковска и Деспина Здравкова. 

7. „Скала магазин“ потпиша соработка со  „Arty Farty”

Нашата студентска платформа „Скала магазин“, на покана на Француската независна организација за млади и иновативна култура Arty Farty, се приклучува кон Sphera – платформа за алтернативни медиуми во Европа. По тој повод, бевме дел од првиот настан, организиран во рамките на оваа соработка – European Lab x Sphera, на 5 февруари во Будимпешта.

 

8. Образованието е повеќе од просек 5.0

Доделуваме целосни стипендии на средношколци и бруцоши од цела Македонија, кои изминатата учебна година ја завршиле со просек под 3,9.

Целта на овој проект е мотивирање на учениците да го продолжат личниот развој во областите на уметноста и дизајнот, како и подигање на свеста за индивидуалниот пристап и важноста на секој предмет од образованието за секој ученик, без разлика на нивниот просек.

9. Целосни и делумни стипендии на Академијата за UX/UI дизајн

Институтот за дизајн и технологија – ИДТ Скопје и Школата за дизајн и уметност „Џолев и уметностите“ започнуваат програма за стипендирање, каде што за првпат во процесот на стипендирање ќе се вклучaт и компаниите. Оваа пилот-програма започнува со Академијата за UX/UI plus, којашто е проширена и го опфаќа целокупниот развој и дизајн на софтверски решенија базирани на веб, покривајќи ги едни од најбараните работни позиции на денешницата: UX/UI-дизајнер, WordPress и Front – End-девелопер.

 

10. Ана Голејшка-Џикова е нова менторка на KIDS-програмите 

Новата програма во KIDS-обуките, „Писатели и пејачи“, ќе биде дополнета со новата менторка – Ана Голејшка-Џикова. Ана е поетеса, книжевна перформерка, фристајл- читачка. Авторка е на три детски сликовници и две збирки поезија. Креаторка на книжевно – уметничкиот настан „Астални проекции“ и дел од организаторите на „Скопски поетски фестивал“. Редовно оди по градинки и основни училишта каде што им чита на деца книги и поттикнува раскажување.

11. „Имагинација“ – нова програма за деца и возрасни, под менторство на Теа Беговска

Креативно-едукативна работилница за деца и родители „Имагинација“, која во својата програма обработува актерски вежби и игри преку коишто се гради подлабока релација помеѓу детето и родителот. Учесниците на оваа работилница ќе имаат можност да се запознаат со театарот и актерството, на секој час учејќи нов театарски термин кој практично ќе го применат заедно со родителот. 

12. Нов ментор на Академијата за UX/UI+

Дејан Милосавлевски е новото менторско засилување на Академијата за UX/UI+ дизајн. Тој е основач на Altius Solutions LLC, Full-service Marketing & Web & Mobile App Development Agency, основач и извршен директор на Vendor – прва автоматизирана платформа за е-трговија во Македонија, надворешен консултант за дигитален развој и дигитализација на компании на нордиски пазар, коосновач на Bizniskatalog.mk и Kupisajt.mk.

НАШИТЕ МЕНТОРИ…

13. Зоран Кардула е дизајнерот на новата колекција „Dreams” 

Менторот на академиите за графички дизајн и визуелни уметности, Зоран Кардула, го дизајнираше изгледот на рачно изработениот накит – прстени изработени во месинг и сребро од колекцијата, во соработка со Dobro Mi Stoi, а колекцијата е изложена во ДОЛАП.

14. Доротеј Нешовски со нова книга и изложба

Уметникот и ментор на академиите за дизајн, Доротеј Нешовски, ја промовираше својата втора визуелна книга „Секоја работа надвор од уметноста е губење време!“, којашто беше проследена со посебна изложба и инсталација. Изложбата се одвиваше во КСП ЈАДРО, каде што публиката имаше можност да ги види и искомуницира цртежите и уметничките изјави, инсталацијата и уметничката книга.

15. Ирина Тошева – костимографка на најновата претстава на МНТ

Нашата менторка на Академијата за моден дизајн, Ирина Тошева, ги изработи костимите за премиерната претстава „Горчливите солзи на Петра фон Кант“, на Македонскиот народен театар, којашто се случи минатиот месец.

Се читаме следен месец! ♡

The post РEТРОСПЕКТОР: Јануари + Февруари appeared first on Skala School.

Ти благодариме месец ноември и декември! ♡

НАШИТЕ СТУДЕНТИ…

1. Антонио Станков – фотоедиторијал за Преспав

Алумни-студентот и асистент на aкадемиите за дизајн при нашата школа, ја изработи маркетинг-кампањата за најновата сезона на македонската серија „Преспав“, во форма на фотоедиторијал на сите ликови од серијата.
 

 

 

2. Катерина Тошева – Brumell

Алумни-студентката на Aкадемијата за моден дизајн, Катерина Тошева, е дел од тимот на Brumell компанијата којашто стои зад првото сако во светот наменето за мотоциклисти. Овој автентичен дизајн се состои од надворешен дел како сако, а внатрешниот дел е заштитен и со перформанси на моторџиска јакна. Со овој проект, добија инвестиција од 100.000 евра од Акцелаторот – Х фактор, а неодамна беа и учесници на овогодинешниот EICMA Motorcycle Expo во Милано.

3. Гаја Смилевска, со втора награда за стрип

„Dear Father”, стрип-приказна, е делото со коешто нашата студентка на Академијата за визуелни уметности, Гаја Смилевска, ја освои втората награда на Short Comic Award 2021 – LIFT. Честитки Гаја, ти посакуваме уште многу вакви успеси!

НАШАТА ШКОЛА…

4. „Скала магазин“ – на саем!

Студентската платформа „Скала магазин“ беше дел од Саемот на проекти коишто направиле некаква социјална промена во текот на изминатата година. Тимот на Скала се претстави пред медиумите, приватниот и државниот сектор, дипломати и лидери во заедницата.

5. Скала Магазин – 50 автори на втората и третата групна изложбена поставка!

Под слоганот „Затоа што вашата уметност припаѓа во галерија, а не на инстаграм!“, „Скала магазин“ организираше уште две нови групни изложбени поставки: на 27 ноември, на тема „Будење“ и 25 декември, на тема „Соголување – гласно за работите за кои се шепоти“, вкупно 50 автори ги изложија своите дела во повеќе медиуми од визуелните уметности. За одличната атмосфера го имавме DJ-сетот на Мартина Пенева.

6. Започна првата академија за Product Owners во склоп на ИДТ Скопје

Во рамките на нашиот Институт за дизајн и технологија – ИДТ Скопје, започна првата академска програма од областа на информатичките технологии. Прва група и прва генерација на Product Owners (PO) во Македонија. Пред нас се шест месеци полни со предизвици и работа, а ние со нетрпение ги очекуваме позитивните резултати на сите учесници како идни „продукт-оунери“.

Со лесно и успех на сите!

7. Secret Santa помеѓу студентите и менторите од академиите за дизајн

На 24 декември, се одржа „Secret Santa“ помеѓу студентите и менторите од академиите за дизајн. Полно подароци ја обиколија нашата новогодишна „жива“ елка којашто секоја година по завршување на празниците ја подаруваме и засадуваме во некој парк или училиште. 

 

8. Предавање: СЕБЕСПОЗНАВАЊЕ НИЗ ПОЕМО-ЦРТАЊЕ

Во организација на Школата „Џолев и уметностите, Институтот за дизајн и технологија – ИДТ Скопје и Скала магазин, се одржа првото предавање наменето за архитекти и дизајнери на тема „Себеспознавање низ поемо-цртање“ како педагошка метода на архитектонско и уметничко истражување. Предавањето беше одржано од страна на д-р Викторија Богданова – поетеса и архитектка, посветена на создавање и споделување на поемо-цртања (poem-drawings) како процесуални и аналитични инструменти во архитектонското и урбанистичкото истражување низ проектирање (research through design). 

9. Доделување на сертификати – „Курс за техники на кроење и шиење“

Обуките и курсевите од нашата есенска XX сезона по ред се во својата финална фаза. Нашите учеснички од „Курсот за техники на кроење и шиење”, под менторство на модната дизајнерка Маре Трајковска, ги претставија своите прототипи и ги добија своите сертификати за успешно реализирана програма.

 

10. Нова обука за Freelancing

Be Free. Be a Freelancer е нова специјално дизајнирана детална програма за FREELANCING, во соработка со Impact Foundation како дел од проектот RECONOMY, којашто е наменета за сите дизајнери и лица чија дејност користи дигитални технологии [графички дизајнери, визуелни артисти, веб-дизајнери, фотографи, видео-аниматори и монтажери, илустратори, продукт-дизајнери, модни дизајнери, product owners, дигитални маркетери и сл.]. Програмата е под менторство на Горјан Стојановски и ги покрива сите аспекти на FREELANCING-от со цел запознавање и подготовка за влез на најактуелниот глобален пазар на труд.

11. 50 награди во вредност од 2.500 евра за новата XXI сезона на обуки!

2022 ја започнуваме празнично со наградната игра „ГРЕПКА НА ЗНАЕЊЕ“ со којашто и официјално го најавуваме почетокот на новата XXI сезона по ред на 13 обуки и курсеви од областа на дизајнот, уметностите и новите трендови во дигитализацијата.

НАШИТЕ МЕНТОРИ…

12. Апостол Тноковски – Глобална недела на претприемништвото на Македонската асоцијација на издавачи

Институтот за дизајн и технологија – ИДТ Скопје, заедно со македонскиот продукт-дизајнер, Апостол Тноковски, во рамките на Глобалната недела на претприемништво – #GEW2021, одржаа презентација и официјално ја најавија заедничката соработка во градење успешен дизајн-продукт и препознатлив интернационален бренд.

13. Дејан Џолев – започна подкаст

Менторот на академиите за дизајн – Дејан Џолев, го започна подкастот насловен како „Будење“ – во поглед на интелектуално, емотивно и духовно будење каде што зборува на блиски и важни теми со добро познати гости. Во изминатите недели, премиерно ги погледнавме првите четири епизоди – со фотографот Драги Неделчевски, актерката Синоличка Трпкова, фронтменот на бендот Funk Shui Лука Ѓоргиевски и режисерката Тамара Котевска.

14. Зоран Кардула со најнов дизајн за SWATCH

Еден од најактивните дизајнери во последните години и ментор на академиите за дизајн по предметот Илустрација, Зоран Кардула, го издизајнира првиот македонски дизајниран Swatch кој е дел од платформата „СВОЧ НА КИРИЛИЦА“. Прочитајте повеќе на линкот.

17. Александар Ношпал, костимограф на новата претстава во турскиот театар и театар комедија

Менторот на Академијата за моден дизајн, Александар Ношпал, ги изработи костимите и дизајнот на сетот за театарската претстава „Кројач за дами“ којашто имаше премиера минатиот месец, но и костимите во претставата „Клетвата на Скотје!“ којашто премиерно се прикажа двапати во Театар Комедија, во месец декември, се дело на нашиот ментор.

18. Премиерат на „Малограѓанска свадба“ од Теа Беговска

Теа Беговска, менторка на обуката за филмски актер при нашата школа, ја режираше претставата „Малограѓанска свадба“, којашто премиерно беше прикажана на 16.12.2021 во тетовскиот театар, по текст на Бертолт Брехт.

19. RINOCCA – нови инструкторики на Академијата за ентериер и продукт-дизајн

Академијата за ентериер и продукт-дизајн доби засилување со нови менторства од Катерина Трпковска, креативен директор и основачка на брендот Rinocca, како и Деспина Здравкова, креативен инженер во Rinocca – Студио за дизајн и производство на висококвалитетни подни светилки, маси итн. 

Се читаме следен месец! ♡

The post РEТРОСПЕКТОР: Ноември + Декември appeared first on Skala School.

Во месец октомври…

Прочитајте за успесите на нашите студенти на интернационални и домашни фестивали, вработувањата во креативните индустрии по завршување на Академиите за дизајн. Прочитајте и за активностите на нашите ментори, но и информации од неформален карактер.

Ти благодариме месец октомври! ♡

НАШИТЕ СТУДЕНТИ…

1. Студентите од Академијата за моден дизајн учествуваа на Fashion Weekend Skopje 2021

Традиционално, секоја година, нашите студенти од Академијата за моден дизајн ги претставија своите модни колекции на Fashion Weekend Skopje, преку краткиот експериментален моден филм „Сепак се врти“. Своите колекции ги прикажаа: Теа Клинчарова, Верица Наковска, Предраг Трајковиќ, Марко Пешов, Андријана Јовановска-Павловски, Николина Ристовска, Сара Павловска и Елена Симјановска.

2. Алумни-студентките Мирјана и Катерина, дел од Fashion Weekend Skopje 2021

Алумни-студентката Мирјана Јосифовска, на FWSK учествуваше со новата колекција на шапки The Seven, а за настанот вели дека е одлична можност и организација за промоција и информирање за одржлива и рециклирана мода и дека смета дека е супер што ова случување било децентрализирано, односно промовирање на модата и надвор од Скопје.

Исто така, дел од FWSK беше и Катерина Димитровска, која ја претстави својата прва независна колекција EUNOIA, од својот бренд Luna Aditeya. 

„Мило ми е што имав шанса да сретнам толку прекрасни луѓе и да го претставам мојот бренд. Оваа колекција се состои од бели мултифункционални кошули, направени од рециклирани и материјали со природно потекло. Тие, со неколку модификации, може да се носат и во професионална и во релаксирана средина. Важниот момент на кошулите се копчињата, кои се направени со 3D печатење и рачна работа со епоксидна смола. Парчињата може да се нарачаат преку директна порака на нашиот Instagram/Facebook.” – ни опиша Катерина.

3. Прогласени најдобрите студенти за академската 2020/21

На голема одговорност и задоволство, ги објавуваме најдобрите студенти за учебната 2020/21 год. на академиите за дизајн. 

АКАДЕМИЈА ЗА ЕНТЕРИЕР И ПРОДУКТ-ДИЗАЈН: 
Христина Пешевска – најдобар студент
Тијана Тошиќ – студент со најголем потенцијал
Јанаки Златев – студент со најголем потенцијал 
Даниела Ајтова Шатановска – студент со најголем развој

АКАДЕМИЈА ЗА ГРАФИЧКИ ДИЗАЈН: 
Стефан Танков – најдобар студент
Андреј Игњатовски – студент со најголем потенцијал
Дино Никочевиќ – студент со најголем потенцијал
Мартин Николоски – студент со најголем развој
Оливер Алексов – студент со најголем развој
Aна Видеска – студент со најголем развој

АКАДЕМИЈА ЗА ВИЗУЕЛНИ УМЕТНОСТИ: 
Андреј Павлов – најдобар студент
Ива Јованова – студент со најголем потенцијал
Марко Вилиќ – студент со најголем развој
Аника Чорбеска – студент со најголем развој

АКАДЕМИЈА ЗА МОДЕН ДИЗАЈН: 
Теа Клинчарова-Стојевска – студент со најголем потенцијал
Андријана Павловски – студент со најголем потенцијал
Сара Павловска – студент со најголем развој
Николина Ристовска – студент со најголем развој

4. „Скала магазин“, со прва галериска изложба

Студентската платформа за дизајн и современа уметност „Скала магазин“, изминатиот месец ја реализираше првата групна галериска изложба во КСП Јадро – Центар. На темата, “Патерн: Визуелни размисли за стереотипите”, се претставија 13 млади автор(к)и, преку различни визуелни медиуми: слики, скулптури, графики, илустрации, фотографии.

5. Фотоедиторијалот на Антонио Станков  за „Herline“

Модниот фотограф Антонио Станков, кој воедно е алумни на Академијата за визуелни уметности, го изработи најновиот моден едиторијал за линијата „Herline” – нов домашен бренд за костими за капење и модерна спортска опрема.

НАШАТА ШКОЛА…

6. Прв учебен ден во нашата школа!

Насмевки, радости, трепети и воздишки ја исполнија нашата школа! На 15 октомври, се одржа првиот учебен ден за новата генерација студенти на академиите за дизајн, кои беа пречекани од класната раководителка Ангела Николовска, која им порача:

Нова генерацијо, ви посакувам среќен почеток, нѐ очекува година полна со нови знаења, предизвици и убави заеднички моменти! 

7. Најголемата студентска изложба за дизајн

Во петте хали на „Јавна соба“, се одржа најголемата студентска изложба за дизајн, насловена како „EGO DISCO“ [латински: Јас учам].

Седумдесетина студенти изложија преку 500 дела, меѓу кои: графички дизајн-решенија, фотографии, илустрации, прототипи, мебел, модни колекции, итн.

Им честитаме на сите студенти и им посакуваме продуктивна кариера, храброст и упорност во креирањето.

Повеќе за изложбата, може да погледнете тука. 

НАШИТЕ МЕНТОРИ…

8. Александар Ношпал, костимограф на премиерата на НОБ

Македонската премиера на една од најстарите балетски претстави „Жизел“, беше збогатена со костимите и сценографијата на Александар Ношпал, ментор при Академијата за моден дизајн. Заокружувајќи со оваа, Ношпал има 72 успешно реализирани проекти во и надвор од Македонија, за познати театарски и балетски претстави како: Лебедово езеро и Оревокршачка, во Операта во Лајпциг; Атмосфери, во Балетот на Рајна во Дизелдорф; Калигула, во Сент Гален, Швајцарија; големиот број балетски претстави во ХНК — Сплит и ХНК — Риека, но дизајнирал и костими за балерините во најпознатиот руски театар „Бољшој“, во Москва. 

9. Доротеј Нешовски, со активна изложба

Менторот по предметот „Цртачки и сликарски техники“ се претстави со истражувачкиот ликовен проект „Сензорни хоризонти“, преку изложбата „Скршени реалности“. Оваа изложба е претставена преку серија на експериментални цртежи во концептуалните простории на личните и психолошки области. Делата може да се погледнат и заклучно со оваа недела, во просториите на КИНФ ОФ ПРИНТ, студио за дизајн и уметност.

10. Постерот на OFFest 2021 – изработка на Зоран Кардула

Јубилејното издание на ОFFest ќе се одржи од 9-13 ноември, а за овогодинешниот постер и целосниот визуелен идентитет на фестивалот се погрижи Зоран Кардула – ментор на академиите за графички дизајн и визуелни уметности по предметот „дигитална илустрација – ADOBE Illustrator“. 

Се читаме следен месец! ♡

The post РEТРОСПЕКТОР // ОКТОМВРИ: Стапнавме во школата, денес „газиме” во креативните индустрии appeared first on Skala School.

Прочитајте за успесите на нашите студенти на интернационални и домашни фестивали, вработувањата во креативните индустрии по завршување на Академиите за дизајн. Прочитајте и за активностите на нашите ментори, но и информации од неформален карактер.

Ти благодариме месец септември! ♡

НАШИТЕ СТУДЕНТИ…

1. Софија Христовска освои бројни фестивалски награди 

Алумни-студентката од обука по филмска режија, Софија Христовска, освои бројни награди на фестивалите меѓу кои:

• Life Screenings International One Minute Film Festival, Clermont, United States – official selection
• Vesuvius International Film Fest, Campania Italy – Award winner
• Auber International Film Festival, Paris, France – Award winner
• Cardora – Micro Movie Film Festival, Seer Green, United Kingdom – official selection

„Слепило“ (2021) е краток филм, базиран врз источните спиритуални филозофии, кратка приказна со осврт на егото, коешто се јавува како проблем и нѐ заслепува со текот на годините. 

2. Тројца наши студенти, дел од 16-те проекции на SKLAD

Студентите Марко Вилиќ со „Утопија“, Андреј Павлов со „Сизифово повторување“ и Милан Димитриев со „Сончев циклус“, заедно со нивниот ментор по предметот Motion design и анимација на Академијата за визуелни уметности – Петар Џон, се претставија со визуелен перформанс на Skopje Light Art District 2021!

Импресиите од СКЛАД може да ги погледнете на следниот линк.

3. Студентката Верица, дел од EXPO 30

Верица, по завршувањето на Академијата за моден дизајн, се вработи во модното студио на креаторката Јована Филиповиќ. Студиото беше дел од овогодинешниот  EXPO 30 – настан со најновата колекција насловена како Lucid Dreams in Torn Realities, посветен на македонската мода, во организација на Ботега Евенти.

4. Стефан Танков, со два нови проекти

Прв на листата е проектот „ReCulture“, којшто целосно ќе ги редизајнира културните институции од Западен Балкан. Меѓу осумте избрани млади дизајнери, беше и студентот на Академијата за графички дизајн, Стефан Танков. Учесниците, под менторство на искусни дизајнери, во наредните три години ќе работат на создавање на нови визуелни идентитети на четири културни центри низ Балканот.

Танков исто така, го изработи и визуелниот идентитет за седмото издание на „Букстар фестивал“, во организација на Антолог. Овогодинешното издание ќе се одвива под темата „Genresis“, односно, генеза на жанрови во литературата низ времето, којашто Стефан ја претставува преку една „визуелна поема“ во решението за постерот.

5. Успешно завршени пракси во компаниите

Месеците август и септември, беа месеци посветени на практична работа во компании. Знаењето коешто го добија студентите во текот на минатата академска година го применија и надополнија во најзначајните компании од нашата креативна индустрија! Изминатиот месец, претставивме многу мал дел од успешните приказни на нашите студенти. Прочитајте повеќе за Бојан Матејин, Никола Јовановски, Тијана Тошиќ, Христина Пешевска, студенти на Академиите за Графички дизајн, Визуелни уметности, Моден дизајн и Ентериер дизајн. 

6. Студентот Андреј Игњатовски со подкастот #ПаркШема

Нашиот студент од Академијата за графички дизајн – Андреј Игњатовски, заедно со неговиот пријател Петар Марковиќ, започнаа со реализација на подкастот Парк Шема. Ова е нивниот мал прозорец во нивните секојдневни муабети, за омилените бендови, албуми, песни, жанрови на музика и интересни приказни во индустријата.

7. „Скала магазин“, номинирана за награда за социјален импакт и претприемништво за 2020 година

Доказ дека нашите студенти работат и кога спијат (:D) е номинацијата на студентската платформа „Скала магазин“, за наградата Social Impact Award 2020, којашто промовира едукација, пракса, социјално претприемништво и социјални вредности помеѓу младите луѓе во Европа, Азија и Африка.

НАШАТА ШКОЛА…

8. Александар Ношпал, нов ментор на Академијата за моден дизајн

Oд оваа академска година започнуваме соработка со познатиот македонски дизајнер и костимограф, Александар Ношпал, кој е нов ментор на предметите „вовед во моден дизајн“ и „модна колекција“. Украдовме малку време од неговиот полн продуктивен распоред да поразговараме за тоа што ги очекува студентите оваа учебна година, на Академијата за моден дизајн. [Повеќе на следниот линк]

9. Успешно реализиран настан „Дизајн&Коктели“

Несомнено, еден од нашите омилени настани е токму „Дизајн & Коктели“, од едноставна причина – се дружиме, разговараме, учиме, дискутираме за дизајн и пиеме коктели! 🙂

Оваа година, се дружевме со менторите: Дејан Џолев (Академија за визуелни уметности), Влатко Ристов (Академија за графички дизајн), Апостол Тноковски (Академија за ентериер и продукт-дизајн), Никола Булески (Академија за моден дизајн), Зоран Кардула (Академиите за графички дизајн и визуелни уметности) и Никола Узуновски (Академија за ентериер и продукт-дизајн) кои, заедно со присутните учесници, водеа дискусија, разменија искуства и одговараа на прашања.

10. Честитки за нашиот дизајнер – доби две награди за дизајн на книга!

Нашиот колега, и алумни студент, Андреј Павлов, секогаш нѐ прави особено горди! Овојпат, доби две награди за оригинален дизајн на корица и/или внатрешно уредување: I место за „Жолтата куќа“ и III место за „Кафка на брегот“. Му посакуваме уште бројни успешно наградени дизајни!

11. Започнаа уписите за 10 обуки и 5 академии!

Време е за будење! Време е да направите нешто за вашата кариера. Есенското мени е подготвено за вашите сонови. Погледнете ја програмата на 10-те три-месечни обуки и 5-те едно-годишни академии одобласта на дизајнот и уметностите. Научете нови вештини, запознајте ги вашите нови соработници, започнете кариера веднаш! Ние сме школа за дизајн и уметност, подготвени за вашиот сон. [линк до Академии // линк до Обуки]

12.  Настан: Бионичка трансформација на прототипови и дизајн на производ

Секогаш имаме инспиративни гости/нки! Овојпат ИДТ, виртуелно ни ја донесе Татјана Николаева, која одржа предавање на темата „Бионичка трансформација на прототипи во дизајн-објект“. Предавањето опфати најразлични теми како: биониката како наука и пристап, карактеристики и употреба на биониката во различни области: наука, инженерство, дизајн, архитектура, медицина, хемија, суштината на методот и процесот на бионичка трансформација, дизајн на облека со употреба на бионичка трансформација, перспективи на креативниот и дизајнерскиот пристап на моделирање користејќи Бионика.

НАШИТЕ МЕНТОРИ…

13. Дејан Џолев, дел од жирито на Македонската асоцијација на издавачи

Особено ни е драго што оваа година, дел од тричленото жири за доделување на признанија за книжевни изданија, во организација на Македонска асоцијација на издавачи, беше и нашиот основач и ментор – Дејан Џолев, кој имаше за задача да даде аргументирано видување за ликовното обликување на книгите. 

14. Зоран Кардула, со награда за илустрирана книга за деца

Нашиот ментор на академиите за дизајн, Зоран Кардула, на овогодинешниот „Саем на книга“ го доби третото место за категоријата: оригинални изданија или адаптации, при коишто е видлива заслугата на издавачот за нивниот краен изглед и содржина за илустрираната книга за деца „Хор во задниот двор“, на авторот Владимир Мартиновски.

15. Изложба на менторот Дарко Аницин

Нашиот ментор по илустрација и ликовен уметник, Дарко Аницин, овој 1-ви септември го одбележа со својата самостојна интерактивна изложба „Виножито на радоста“, во Домот на култура „Кочо Рацин“. Целта на изложбата е вид на истражување, да ги осознае преку боите [G1] психолошките состојби на учесниците.

16. Теа Беговска успешно го реализираше првото издание на Strum und Drang Festival

Менторката на обуката за филмски актер, Теа Беговска, успешно го реализираше првото издание на онлајн интернационалниот алтернативен фестивал Театарски Eвропски Aлтернативи „Strum und Drang”. Фестивалот траеше 7 дена, беа прикажани 11 продукции, а програмата беше поделена на интернационална и студентска програма. Ѝ честитаме и ѝ посакуваме уште многу успешно реализирани фестивали <3!

17. Никола Булески, костимограф на новата претстава на МОБ

Менторот на Академијата за моден дизајн, Никола Булески, е костимографот на операта „Палјачи“ којашто ја отвори новата сезона на МОБ, на 30-ти септември. Булески изјави дека дел од костимите се преработени и од рециклирани материјали, со цел да се подигне еколошката свест и да се работи на одржливоста.

Може да создаваме заедно! Препознај што е најдобро за тебе и твојата кариера. Ние сме 9 години Школа за дизајн и уметност. Ние сме „Џолев и уметностите“.

Уписите за новата генерација студенти на Академиите за дизајн: // графички дизајн // моден дизајн // дизајн на ентериер // визуелни уметности // и веб дизајн // се во тек! Погледни повеќе на овој линк.

The post РEТРОСПЕКТОР: Во месец септември, интернационални награди, вработувања, коктели, и… appeared first on Skala School.