Во текот на денешниот ден во јавноста се појавија обвинувања поврзани со начинот на кој Скала ги вреднува своите студенти. Дел од овие објави тврдат дека студентите добивале поени за оставање Google рецензии, без притоа да се објасни поширокиот контекст во кој постоела оваа активност.

Сакаме јасно да истакнеме дека станува збор за поени кои не се дел од формалното оценување, туку од поширок систем за придонес кон заедницата на Скала.

Бидејќи веруваме дека јавноста заслужува целосна и точна информација, во продолжение транспарентно го објаснуваме целиот систем на оценување на студентите на Скала и неговата намена.

Истовремено, забележуваме организирани повици за оставање негативни оценки од лица кои немаат лично искуство со нашите програми. Веруваме дека и позитивните и негативните рецензии имаат вредност само кога доаѓаат од луѓе кои навистина биле дел од нашата заедница.

Остануваме отворени за критика, сугестии и разговор со сите наши студенти и поранешни студенти.

ПОШИРОКО ОБРАЗЛОЖЕНИЕ:

Скала повеќе од една деценија користи сопствен систем за следење и вреднување на развојот на студентите. Неговата цел не е само да го оцени квалитетот на проектите, туку и да го препознае професионалниот развој, посветеноста и ангажманот на секој студент во текот на учебната година.

Скала применува систем на вреднување во кој развојот на студентот и резултатите од јавниот испит се оценуваат како две одделни компоненти. Секој ментор доделува поени и за работата на студентот во текот на семестарот и за неговиот завршен испитен проект. При пресметувањето на конечниот статус, семестарските резултати учествуваат со 40%, а јавниот испит со 60% од вкупната вредност.

Студентите се вреднуваат во шест категории:

• Концепт и креативна идеја на проектот
• Техничка изведба и квалитет на реализација
• Процес, ангажман и професионалност
• Аргументација и презентација на проектот
• Домашни задачи
• Присуство на часови

Секој ментор доделува поени според однапред дефинираните критериуми. Од сите доделени поени се пресметува просек, кој го определува конечниот статус на студентот:

• Elite: 100+ поени
• Alpha: 76-100 поени
• Beta: 56-75 поени
• Gamma: 0-55 поени

Овие статуси не претставуваат вреднување на личноста на студентот, туку служат како алатка за препознавање на неговиот напредок и подготвеност за следниот чекор во професионалниот развој.

Alpha / Студентите со Alpha статус:

1. Добиваат можност јавно да го претстават своето портфолио пред компании и организации од својата индустрија. Овој настан годинава ќе се одржи по 28-ми пат и претставува една од највредните можности за вмрежување и вработување.
2. Имаат право на учество во изложби, презентации и други јавни настани организирани од Скала.
3. Добиваат диплома и уверение за успешно завршена академија.

Beta / Студентите со Beta статус:

1. Нивните портфолија се споделуваат со партнерските компании и организации од мрежата на Скала со цел пракса, соработка или вработување.
2. Имаат право на учество во изложби, презентации и други јавни настани организирани од Скала.
3. Добиваат диплома и уверение за успешно завршена академија.

Gamma / Студентите со Gamma статус:

1. Имаат право на учество во изложби и други јавни настани организирани од Скала.
2. Добиваат уверение за посетувана академија.

Elite / Elite статусот е резервиран за студенти кои покрај високите академски резултати покажале исклучителна иницијативност, професионалност и придонес кон заедницата на Скала.

Ова е групата студенти од која најчесто произлегуваат подлабоки форми на соработка со нашата институција. Дел од овие студенти подоцна стануваат асистенти, соработници, ментори на кратки програми, а во одредени случаи и предавачи на академијата врз основа на нивните подоцнежни професионални резултати и експертиза. Овие студенти имаат можност да стекнат дополнителни поени преку својот ангажман во заедницата на Скала.

Како се добиваат дополнителни поени?

Покрај редовното вреднување (оценување), студентите можат да добијат неограничен број дополнителни поени преку активности кои придонесуваат за развојот на заедницата. На овој начин се поттикнуваат проактивноста, преземањето иницијатива, волонтерскиот ангажман и културата на меѓусебна поддршка и споделување во рамки на Скала.

• Волонтерски активности
• Учество во организација на изложби и настани
• Креативен и технички придонес во проекти
• Учество во студентската платформа „Скала Магазин“
• Авторски текстови, интервјуа и блог рубрики
• Промоција на студентски проекти и успеси
• Други активности од јавен интерес за студентската заедница 

Дополнително, една од клучните вредности на овој систем е што ги поттикнуваме студентите сами да ги пријавуваат своите лични успеси стекнати за време на студирањето, поврзани со нивната студиска програма, како што се реализирани проекти, професионални соработки, изложби, натпревари, освоени признанија и други достигнувања. И овие активности се вреднуваат со дополнителни поени, со цел да се поттикнат иницијативноста, професионалниот развој и амбицијата на студентите.

Во овој контекст постоела и можност студент доброволно да сподели свое искуство преку Google рецензија, како една од повеќето активности кои носеле ограничен број дополнителни поени.

Важно е да се нагласи дека овие поени не се дел од формалното академско оценување и не се услов за стекнување Alpha статус, дипломирање или успешно завршување на академијата.

Секој студент може да ги оствари сите академски привилегии исклучиво преку квалитетот на својата работа, проектите и резултатите постигнати во текот на наставата.

Сите правила се однапред комуницирани со студентите и се дел од системот со кој тие се запознаваат уште на почетокот на своето образование.

Нашиот став

Жалиме што наместо аргументирана дискусија, дел од јавниот простор повторно станува место за селективно пренесување информации, погрешни интерпретации и организирани повици за негативни оценки од лица кои немаат лично искуство со нашите програми.

Повеќе од 15 години Скала активно придонесува во развојот на креативните индустрии, дизајнот, маркетингот и дигиталните професии во Македонија.

Илјадници студенти поминале низ нашите програми, а стотици денес успешно работат во компаниите и индустриите за кои се образувале.

Ќе продолжиме да инвестираме во подобри програми, подобри можности за студентите и нови модели за нивен професионален развој, останувајќи доследни на вредностите на транспарентност, квалитет и континуирано подобрување.

The post Известување до јавноста appeared first on Skala School.

• 6 стипендии со 100% намалување на школарината
• 12 стипендии со 50% намалување на школарината
• 24 ваучери со попуст од 20% до 30%

Кандидатите можат да аплицираат во една од двете категории:

1. Кандидати без претходно искуство во областа (потреба од преквалификација)
2. Кандидати со претходно искуство во областа (потреба од доквалификација)

Сите пријавени кандидати ќе бидат повикани на кратко интервју со координатор и членови од наставниот кадар на Скала.

Прочитај како си поминаа нашите стипендисти и што сè споделија за нивното искуство во Скала [тука.]

Апликација!

Искористи ја шансата пред некој друг да го заземе твоето место.

Погледни ги сите академии и пронајди ја програмата што најмногу одговара на твоите интереси.

• Академија за графички дизајн, креативна примена на AI, и визуелни комуникации
• Академија за дигитален маркетинг, стратегија + AI
• Академија за ентериер дизајн и дигитална 3D визуелизација
• Академија за видео продукција, нови медиуми + AI
• Академија за фотографија и визуелно креирање
• Академија за моден дизајн

The post Апликација за 100% стипендија за Академија во Скала! appeared first on Skala School.

За да дознаеш што те очекува, разговаравме со минатогодишните стипендисти кои го споделија своето искуство од пријавувањето, интервјуто и студиите во Скала.

Со овој повик добиваш:

• 6 стипендии со 100% намалување на школарината
• 12 стипендии со 50% намалување на школарината
• 24 ваучери со попуст од 20% до 30%

Пријавувањето е отворено за две групи кандидати:

• Кандидати без претходно искуство: лица кои сакаат преквалификација и почеток од нула во нова професија.
• Кандидати со претходно искуство во областа: лица кои веќе работеле или учеле и сакаат доквалификација.

Стипендии се доделуваат за секоја од академиите на Скала:

• Академија за графички дизајн, креативна примена на AI, и визуелни комуникации
• Академија за дигитален маркетинг, стратегија + AI
• Академија за ентериер дизајн и дигитална 3D визуелизација
• Академија за видео продукција, нови медиуми + AI
• Академија за фотографија и визуелно креирање
• Академија за моден дизајн

Сите пријавени ќе поминат кратко интервју со тимот на Скала. Тоа е разговор преку кој подобро се запознаваме со твоите интереси, мотивација и насоката во која сакаш да се развиваш.

➜ ➜ Апликацијата е на крајот од текстот. 

Импресии на стипендистите од интервјуто

Разговаравме со Теа Олевска, стипендистка на Академијата за дигитален маркетинг, стратегија + AI, за нејзиното искуство.

„Интервјуто воопшто не беше класично. Атмосферата беше сосема опуштена и ми овозможи да се претставам, но и да согледам дали го направив вистинскиот избор за мене. Особено големо внимание беше посветено кон запознавање со маркетинг индустријата и дискусија за најновите трендови.“

Своите импресии ги сподели и Филип Трифуновски, стипендист на Академијата за видео продукција, нови медиуми + AI.

„На интервјуто си поминав супер, во позитивна атмосфера. Разговорот брзо се разви во малку стручен разговор за самата академија, па веднаш се разбравме.“

За своето искуство ни раскажа и Марија Јакимова, стипендистка на Академијата за ентериер дизајн и дигитална 3D визуелизација.

„Интервјуто помина прекрасно. Бев слушната и мотивирана!“

Со овој повик добиваш:

• 6 стипендии со 100% намалување на школарината
• 12 стипендии со 50% намалување на школарината
• 24 ваучери со попуст од 20% до 30%

Повикот е отворен за сите што сакаат да се образуваат и да изградат кариера во креативните индустрии, без разлика дали почнуваат од нула или веќе имаат искуство.

Аплицирај за стипендија до 1 јули!

Мотивацијата зад пријавувањето на кандидатите

Разговаравме со Анастасија Јаневска, стипендистка на Академијата за ентериер дизајн и дигитална 3D визуелизација, за тоа што ја мотивирало да аплицира за стипендија.

„Ме мотивираше желбата да вложам во себе и во своето образование. Ме привлече тоа што преку оваа можност можам да бидам дел од средина каде што се цени трудот, желбата за учење и личниот напредок.“

Својата мотивација ја сподели и Ана Младеновска, стипендистка на Академијата за моден дизајн.

„Можноста да се препознаат трудот и талентот што ги вложувам беше главната причина да се пријавам. Тоа ми даде дополнителна мотивација да направам чекор напред и да се посветам уште повеќе на она што го сакам.“

За студиите во Скала

Разговаравме со Јована Николовска, стипендистка на Академијата за ентериер дизајн и дигитална 3D визуелизација, за нејзиното искуство со студиите.

„Многу сум задоволна од студиите. Наставата е интересна, а особено ми се допаѓа што постојано работиме на проекти и задачи преку кои навистина се развиваме. Секој нов модул ми отвора нови перспективи и ми дава уште поголема мотивација да продолжам да се усовршувам.“

„Студиите во Скала се одвиваат на доста добро организиран начин. Академиите се во помали групи на студенти, што го прави подостапно и поефективно индивидуалното посветување на менторите со секој студент посебно, што според мене е многу важно.“

Додаде Пеце Давитковски, стипендист на Академијата за моден дизајн.

За тоа како изгледаат студиите од перспектива на фотограф, поразговаравме и со Ангелина Наумовска, стипендистка на Академијата за фотографија и визуелно креирање.

„Студиите во Скала ми поминуваат одлично. Работиме на различни проекти, учиме професионални техники за фотографирање и обработка, а менторите секогаш се подготвени да помогнат и да дадат корисен фидбек“

Добитници на стипендии од минатогодишниот повик:

• Ангелина Наумовска – Академија за фотографија и визуелно креирање

• Мартин Николовски – Академија за графички дизајн, креативна примена на AI, и визуелни комуникации

• Филип Трифуновски – Академија за видео продукција, нови медиуми + AI

• Јована Николовска – Академија за ентериер дизајн и дигитална 3D визуелизација

• Анастасија Јаневска – Академија за ентериер дизајн и дигитална 3D визуелизација

• Марија Јакимова – Академија за ентериер дизајн и дигитална 3D визуелизација

• Пеце Давитковски – Академија за моден дизајн

• Ана Младеновска – Академија за моден дизајн

• Јована Крстевска – Академија за дигитален маркетинг, стратегија + AI

• Теа Олевска – Академија за дигитален маркетинг, стратегија + AI

Сега е твојот ред. Аплицирај сега и стани дел од новата генерација стипендисти!

The post 100% стипендии за студирање во Скала – Повикот е отворен! appeared first on Skala School.

Особено важна тема за сите претприемачи, content creators, сопственици на брендови и услуги, инфлуенсери,  млади маркетери и дигитални креатори.

Ќе зборуваме на тема:
„Новата реалност за раст на младите бизниси: content creation и influencer marketing.“

Потребата претприемачите активно да ги позиционираат и развиваат своите брендови и услуги на социјалните медиуми денес е речиси неопходна, а со тоа расте и потребата од квалитетни content creators и нови форми на дигитална комуникација.

Токму затоа, создаваме простор каде овие две страни (сопственици на бизниси и content creators) ќе се сретнат, поврзат и добијат појасна слика за реалните можности за раст, соработка и развој.

Masterclass-от е наменет за сите што сакаат подобро да го разберат современиот пристап кон комуникацијата, од претприемачи, content creators, инфлуенсери и млади маркетери, до брендови кои сакаат стратешки да го развиваат своето присуство и бизнис.

Детали за настанот

Датум: 20 мај (среда)
Време: 19:00
Локација: Скала, Центар Скопје

➔ Задолжителна пријава поради ограничен број на посетители.
Пријавата е достапна подолу во текстот.

Говорници ::

➔ Мила Раковиќ

Тим лидер на дигиталниот сектор во една од најпрепознатливите маркетинг агенции „Пиксел“. Дигитален маркетер со богато портфолио во социјални медиуми, следење трендови и менаџирање тимови. Ментор на Академијата за дигитален маркетинг на Скала.

➔ Лазар Зафировски

Social Media Campaign Manager во Телеком. Со професионално портфолио градено како Content Manager и Social Media Specialist во маркетинг агенцијата „Publicis“, една од најистакнатите агенции во маркетинг индустријата. Својата кариера ја започна пред една деценија како фотограф во Fashionel/Elena Luka. Алумни и ментор во Скала. 

➔ Владимир Ристевски

Партнер и креативен директор во маркетинг агенцијата „Пиксел“, како и CEO на „Eventika“ – компанија за организација на настани. Со долгогодишно искуство во дигитален маркетинг и развој на стратегии. Ментор на Академијата за дигитален маркетинг на Скала.  

Модератор ::

➔ Дејан Џолев

Основач и CEO на школата за дизајн и технологија „Скала“ со 20+ години искуство во креативните индустрии. Воедно и ментор во областа на визуелните комуникации.

Пријави се тука:

Доколку си компанија или бренд во развој или контент креатор кој сака да изгради автентична содржина – се гледаме на настанот!
Влезот е бесплатен, но пријавата е задолжителна поради ограничени места.

The post MasterClass: Content Creation & Influencer Marketing: новата реалност за раст на младите бизниси appeared first on Skala School.

Во Скала, фокусот е на практичната примена на знаењето и подготовката за реалната работа во индустријата.

Скала те поврзува со индустријата!

По завршување на академијата, студентите ги презентираат своите портфолија пред компании од индустријата, по што дел од нив продолжуваат на пракса, добиваат проектен ангажман или понуда за вработување.

Но дали си подготвен/а за ваков тип на студирање?

Студентите на Скала се проактивни, учествуваат на хакатони, работат на реални проекти со вистински клиенти и градат портфолио уште за време на студирањето…

Во Скала наставата се одвива со физичко присуство, затоа што директната работа со ментори, тим и простор прави вистинска разлика за твојот развој.

Зошто сега е време?

1. Затоа што до 15 мај е активен попуст од 500 € за сите академии за учебната 2026/27 година.
2. Навреме си обезбедуваш место, бидејќи бројот на студенти е ограничен.
3. И добиваш можност за подолг период на плаќање, со повеќе и пониски рати.

Академии во Скала за учебната 2026/27 година:

Графички дизајн, креативна примена на AI и визуелни комуникации [погледни повеќе]
Ентериер дизајн и дигитална 3D визуелизација [погледни повеќе]
Дигитален маркетинг, стратегија + AI [погледни повеќе]
Видео продукција, нови медиуми + AI [погледни повеќе]
Фотографија и визуелно креирање [погледни повеќе]
Моден дизајн [погледни повеќе]

Се плашиш да вложиш затоа што мислиш дека ќе те замени AI?

Доколку не ги следиш новите методи на работа, ако не учиш како се користат новите алатки, подоцна многу потешко ќе се интегрираш во која било професија.

Само размисли: како твоите баба и дедо денес користат компјутерска тастатура или смартфон? Дали сакаш истото чувство на заостанување да го доживееш и ти во својата кариера?

Во академиите во Скала, AI алатките се дел од наставата и секојдневната работа. Ги користиме како поддршка за идеја, анализа, визуелизација, продукција и комуникација, затоа што иднината не е без AI, туку со луѓе што знаат да работат со него. 

Дојди во Скала да поразговараме подетално на оваа тема. 

Ако сакаш да започнеш кариера уште за време на студирањето, аплицирај денес и обезбеди си попуст до 15 мај. 

The post Започнаа уписите во Скала за генерација 2026/27 appeared first on Skala School.

Пролет брзо ќе дојде! 🙂 Шанса да се посветиш на твоето омилено хоби, да запознаеш нови луѓе со интереси како твоите, да научиш нова вештина или пак да излезеш надвор од твојата комфор-зона и да пробаш нешто ново за првпат. Било која шанса да си ја дадеш, ние сме тука да бидеме дел од твоето искуство.

Аплицирај тука!

Новата сезона курсеви во „Скала“ [пријави се тука] ја предводат ментори кои не само што се експерти во својата област, туку и луѓе кои ја изградиле својата кариера со посветеност, љубопитност и искрена страст кон тоа што го работат.

КУРСЕВИ:

КУРС: ФОТОГРАФИЈА [погледни повеќе тука]
ментор: Дејан Џолев
почеток: 28 март

КУРС: КРОЕЊЕ И ШИЕЊЕ [погледни повеќе тука]
ментор: Андријана Павловски + Марија Трајковска
почеток: 28 март

КУРС: ЦРТАЊЕ И СЛИКАЊЕ [поглдени повеќе тука]
ментор: Ана В’чкова
почеток: 28 март

КУРС: ФИЛМСКИ АКТЕР [поглдни повеќе тука]
ментор: Дејан Џолев
почеток: 28 март

Аплицирај тука!

За мене, курсевите се место каде што луѓето доаѓаат со идеја, а си заминуваат со вештина и поголема сигурност во тоа што можат. Најубавиот дел е кога ќе видиш како некој од првиот час до крајот почнува да верува во својот процес – Андријана Павловски, менторка на обуката Техники на кроење и шиење.

Сите програми имаат 20% попуст за упис до 20 февруари! Пријави се веднаш тука.

The post Што ќе правиш оваа пролет? appeared first on Skala School.

Овој преглед е кратка хроника на една година во која образованието не остана само во училница, туку постојано беше во дијалог со индустријата, сцената и реалниот професионален контекст.

✶ ЈАНУАРИ

Годината започна со фокус и подготовка

Јануари го поминавме во поставување цели, планирање на активностите и усогласување на тимот и наставните процеси за годината што следува.

✶ Февруари

Испитни сесии и анализа на напредокот

Февруари беше посветен на студентите – испитни сесии од првиот семестар, презентации и индивидуални анализи, со фокус на процесот, развојот и следните чекори.

✶ Март

Присуство на саеми и отворање кон индустријата

Скала беше дел од неколку релевантни саеми и јавни настани, каде студентите и тимот директно комуницираа со индустријата и пошироката јавност.

✶ Aприл

Нови парнерства со компании

Април донесе отворање конкретни можности за студентите преку пракси, вработувања и работа на реални проекти. Дел од овие партнерства се остварија со популарни маркетинг агенции, видео продукции и дизајн студија, меѓу кои: Futura, Founder Games, Influencers Club, Glej TV, Metanoia…

✶ Мај

Соработка со Socialize – ментори на сцена, студенти позади сцена 🙂

Скала активно учествуваше и соработуваше во реализацијата на настанот Socialize, каде што студентите и менторите беа дел од пошироката креативна и бизнис заедница. Десетина ментори учествуваа како предавачи, гости и членови на жири-комисии, додека тековни и алумни студенти беа вклучени во организацијата, промоцијата и логистиката на настанот.

✶ Јуни

Најголемиот настан за креативните ентузијасти

По повод 13 години „Скала“, повеќе од 1000 посетители го посетија саемот за размена на креативни искуства и размисли „Добро утро, креативци“ – настан што на едно место ги поврза младите ентузијасти, и професионалците, преку предавања, работилници, забава и директна размена на искуства.

✶ Јули

Презентации пред компании

Студентите од Академијата за дигитален маркетинг ги презентираа своите портфолија пред најзначајните маркетинг компании, а настанот резултираше со вработувања и започнати пракси.

✶ Август

Едукативни поткасти со Џолев

Август го одбележа видео формат со Џолев – серија кратки едукативни поткасти „За дизајнерските работи“, во кои Дејан Џолев, основач и CEO на Скала, со повеќе од 20 години искуство, зборува за креативната индустрија и патот на развој на дизајнери и маркетери.

✶ Септември

Завршна студентска изложба

Септември кулминираше со „Скала по скала“ – завршна студентска изложба на Академиите за дизајн, каде беа претставени повеќе од 500 дела, концепти и процеси, создадени од над 150 студенти од генерацијата 2024/25 год.

✶ Октомври

Повторно презентации пред компании

Студентите од академиите за дизајн ги презентираа своите портфолија пред релевантни компании од креативните индустрии, како продолжение на процесот на професионално позиционирање. Поголем дел од студентите веќе посетуваат пракса или трајно се вработени.

+ Учество на моден викенд

Студентите од Академијата за моден дизајн, ги представија своите модни колекции во рамки на Моден викенд во Скопје, со што остварија јавна видливост и директен контакт со модната сцена. Дополнително, свои модни колекции презентираа и пет алумни студенти!

✶ Ноември

Нови современи услови за студирање

Скала започна со работа во нови простории! Современи, модерни простории и услови за студирање со физичко присуство во центарот на градот.

+ Започна новата учебна година

Во ноември официјално започна новата учебна година. 14 години во континуитет ги создаваме најквалитетните кадри во креативните индустрии.

✶ Декември

Дипломска забава

Декември го заокруживме со дипломската прослава на генерацијата 2024/25, со доделување дипломи на над 150 студенти од осум академии за дизајн, маркетинг и технологии, како и прогласување на најуспешните студенти на генерацијата.

Оваа година уште еднаш потврди дека пристапот на Скала. Континуирана работа, практични искуства и директна поврзаност со индустријата, создаваат реални резултати за студентите. 

Ако бараш средина каде образованието се гради низ процес и конкретни можности за развој, 2025 е јасен показател како тоа изгледа во пракса.

Те очекуваме во новата 2026 година. Ти посакуваме успех што и да одлучиш! <3

The post SKALA 2025: создававме, поврзувавме, вработувавме! appeared first on Skala School.

30 дена, 1 студио“ е проект кој произлегува од поп-културата, но завршува на територијата на авангардата. И токму во овој текст ќе се обидам да го објаснам тоа преминување, неговото првото „не“ упатено кон поп-културниот циклус што го обликува секојдневието на авторот, и да укажам каде овој проект добива свој значаен придонес во поширокиот културолошки контекст.

Овие фотографии не се полирани, тие се погрешно експонирани, со скршени композиции и залутани предмети во кадарот – суровост која го открива процесот што современата поп-естетика упорно го крие, додека академските окулари лесно го етикетираат како „техничка грешка“. Токму тука започнува авангардниот карактер на оваа фото-колекција, во рушењето на митологијата на правилното, очекуваното, совршеното.

Авторот, како автентичен претставник на дигиталните навики и визуелните трендови на социјалните мрежи, избира да создаде пред сè тактилно искуство – хартија, платно, мирис на печатено мастило и ритуалот на бавно листање страници наместо брзото и затупувачко скролање по екран.

Со таа одлука самоуверено ги реафирмира традиционалните вредности на фотографијата, што од денешна перспектива претставува чин на културна бунтовност. Особено ако се земе предвид контекстот на локалната продукција: оваа монографија доаѓа од сцена која речиси и да нема авторски печатени изданија, па токму затоа таа станува ретко, значајно сведоштво. Таа не само што продира длабоко во неговата генерација, туку испраќа и провокација до постарите автори кои со децении присуство на сцената, не успеаа да „сошијат“ фотографии меѓу корици.

И најважно: оваа книга е временска капсула.

Еден месец во кој се архивира не само работата туку и лицата што денес ја дефинираат нашата поп-култура, заедницата околу нив, околностите во кои создаваат, и енергијата што го движи овој екосистем. Ова е документ за најактивните, најпопуларните, највлијателните лица и брендови од еден специфичен миг – снимен токму онака како што не се гледаат во јавноста. Моделите се овде поинакви од тоа што сме навикнати да го гледаме онлајн: не како дигитални производи на сопствениот бренд, туку како човечки, отворени, спонтани, емотивно и физички соголени. Тие тука не се “замрзнати” како инфлуенсерки, туку како личности во момент, и тоа ја прави оваа архива не само уметнички, туку и културолошки релевантна.

Поп-културата и авангардата ретко се среќаваат, но и двете се огледало на времето. Поп-културата е хоризонтална: масовна, пристапна, диктирана од трендови и од лицата што доминираат на социјалните мрежи. Авангардата е вертикална: бунтовна, недостапна, насочена кон создавање нови форми и кон пробивање на зоната на удобност. Но овде тие две линии се вкрстуваат: моден фотограф, вкоренет во поп-естетиката, создава дело кое радикално го отстранува сјајот и ја демистифицира  позадината на сцената, процесот, хаосот и забавата.

Кончено, како контра-архива на една млада поп-сцена, снимена без идеја за маркетинг, туку со идеја за вистина.

Како негов ментор и сведок, човек кој го градел и развивал почетокот и строго критикувал развојот, можам да кажам: ова не е само книга, ова е неговото прво вистинско авторско „присуство“. Неговата прва авангардна позиција. И можеби најважно, ова е документ што ќе го надживее својот момент. Ќе се чита како сведоштво на една генерација, еден град и една сцена што немаше свое визуелно наследство сè до овој чин.

…

Пред многу години, на една од првите средби со тогашниот средношколец Антонио, ми рече: „Еден ден сакам да фотографирам девојки за насловни страници.“ Денес, парадоксално, неговата прва книга нема ниту девојка, ниту лице на корицата – само типографија. И токму во таа одлука се чита целата траекторија на авторот Антонио. Па да ја отвориме!

Дејан Џолев.

—

Книгата на нашиот алумни студент Антонио Станков, може да ја купите на следниот линк: https://stankovantonio.com/

The post Рецензија: За Антонио Станков и петгодишната работа во „Студио 1“ appeared first on Skala School.

ЕПИЗОДА 4: Физичка или Он-лајн академија? Во оваа епизода зборуваме за една од најактуелните теми денес – физичко или онлајн образование, но и ќе поставиме едно многу подлабоко прашање: дали сме навистина подготвени за промена и за вложување во сопствениот развој.

ЕПИЗОДА 3: 5 критериуми за успешно интервју за работа во креативните индустрии. Во оваа епизода откриваме кои се 5-те клучни критериуми според кои компаниите од креативните индустрии одлучуваат дали ќе те вработат. Без разлика дали си графички дизајнер, фотограф, видеограф или дигитален маркетер, овие вредности се она што регрутерите и менаџерите навистина го бараат – многу повеќе од диплома или сертификат.

Аплицирај за стипендија во Скала!

Поразговаравме со Марија Николиќ од Куманово – стипендистка на Академијата за дигитален маркетинг. Таа својата креативност ја изразува на повеќе начини, од готвење до разни креативни активности во секојдневието. Ја прашавме како си помина на интервјуто за стипендии.

Марија Н.: „На интервјуто за стипендии си поминав многу пријатно, со многу нови и интересни сознанија за дигиталниот маркетинг и целата маркетинг мрежа која е неопходна во секоја компанија.“

Своето искуство ни го сподели и Маринела Блажеска, стипендистка на Академијата за фотографија, дипломиран економист во областа на е-бизнис, која има намера да започне кариера во креативните индустрии.

Маринела: „Интервјуто го доживеав како пријатно и инспиративно искуство. Имав можност искрено да ја споделам мојата приказна, страста кон фотографијата и визијата за мојот идeн развој. Се чувствував прифатено и мотивирано, а тоа дополнително ме охрабри дека сум на вистинскиот пат.“

Што вклучува повикот?

На овој повик, на располагање се:

• 12 стипендии со 50% намалување на школарината
• 12 ваучери со попуст од 15% до 25%

Повикот е отворен за сите ентузијасти што сакаат да се образуваат и изградат кариера во креативната индустрија, без разлика дали веќе имаат искуство или имаат желба за преквалификација.

Аплицирај за стипендија тука!

ЕПИЗОДА 2: 5 можности за кариера како графички дизајнер. Во оваа епизода зборуваме на темата: Каде работи графичкиот дизајнер? Односно – како изгледа индустријата одвнатре, каде е твоето место во неа и кои се можностите за развој.

ЕПИЗОДА 1: 6 тајни што никој не ти ги кажуваза да станеш графички дизајнер. Во првата епизода зборуваме за „што е дизајн?“ и што навистина треба да знаеш за да станеш графички дизајнер.

Аплицирај за стипендија во Скала!

Слично позитивно искуство имаше и Мелани Марјановиќ од Скопје – стипендистка на Академијата за моден дизајн.

Мелани: „Атмосферата беше преопуштена и спонтана. Разговорот течеше одлично и чувствував дека можам слободно да ги споделам своите идеи и визии.“

Своите впечатоци ги сподели и Марија Перчинковска, стипендистка на Академијата за видео продукција, анимација и нови дигитални медиуми:

Марија П.: „Средбата ги задоволи сите мои стандарди за тоа како треба да изгледа интервју од овој тип. Разговорот беше пријатен и се споделија важни информации. Најважно од сè, темите помогнаа да се расчисти сликата за мојот кариерен пат, по што бев подготвена за нова одлука.“

Инспирацијата, како што вели, ја наоѓа во напуштени простори и изгубени предмети, во маалските улици на Скопје низ кои шета со точак, во својот дневник што ѝ носи јасност и организираност.

Пријави се и започни кариера во креативните индустрии!

Што вклучува повикот?

На овој повик, на располагање се:

• 12 стипендии со 50% намалување на школарината
• 12 ваучери со попуст од 15% до 25%

Повикот е отворен за сите ентузијасти што сакаат да се образуваат и изградат кариера во креативната индустрија, без разлика дали веќе имаат искуство или имаат желба за преквалификација.

Аплицирај за стипендија тука!

The post Серија поткасти: За дизајнерските работи, со Дејан Џолев appeared first on Skala School.

Погледни зошто треба веднаш да се пријавиш! – или пријави се веднаш подолу во постот.

Започнуваме на 15 септември во 18:00–19:30, во Скала. Во пет дена (пон.-пет.) ќе ги поминеме темелите на визуелниот јазик, низ практични задачи и јасни примери.

Ментор на работилницата е Дејан Џолев, основач и CEO на Скала, со 20+ години искуство во креативните индустрии.

Работилницата е идеална за сите што се стремат да започнат кариера во креативните индустрии: графички дизајн, видеографија, моден дизајн, ентериер дизајн, фотографија, анимација и моушн дизајн, идеална е за маркетери и сите останати визуелни комуникациски медии и дејности.

Клучни детали

• Почеток: 15 септември

• Време: 18:00 – 19:30

• Локација: Скала

• Времетраење: 5 дена

• Местата се ограничени

Пријави се сега и резервирај место – научи да ги препознаваш и свесно да ги користиш елементите и принципите што го прават дизајнот јасен, читлив и убедлив.

ЗАДОЛЖИТЕЛНО ПОПОЛНИ ПРИЈАВА: 

The post Елементи и принципи – бесплатна петдневна работилница со Дејан Џолев appeared first on Skala School.